桂香燒味茶餐廳

营业中

休息中

有日突然想食叉雞飯於是行開荃灣街市個頭，就見到呢間野，有印象兩餸飯關注組有提過佢，見佢d兩餸飯都好似幾吸引，有牙帶（屋企老人家最鍾意食既一款魚，個名應該係咁gua)。佢左邊係賣兩餸飯右邊就燒味，淨係見到佢寫出黎兩餸飯價錢3x，以為燒味雙拼都差唔多價錢，誰不知收錢時,姐姐一句.........“廿蚊!”。嚇一嚇，嘩乜真係仲有咁平既飯，東張西望千祈唔黎訪問呀唔該。 味道黎講d雞係正常，叉燒就麻麻，廿蚊貨式算唔錯。

這餐廳在街市附近，桂香這名字，我記得以前在柴灣，是一間很出名燒腩仔的燒味，因為名字我決定進去吃。感覺是一間很街坊開了很久的店，但看開飯食評像新店沒有太多資料?見到牆上有寫上捐款，逢每月會派飯盒給長者的，感覺很窩心，但現在疫情問題，應該很困難吧我選了燒肉燒鴨飯$39 加可樂，姐姐服務好好，全店得我一個不可看小，燒肉皮很脆!重點是凍身都脆燒鴨皮香，肉濃，啖啖用很不錯，今日幸運來到，我會記住這店下次再來吃，因為燒肉真係好有水準

年廿八，同獨居兩老長者攪party準備迎接新一年，又再幫襯呢間愛心飯店，上次攪大合唱活動時訂過兩款三餸飯盒，大獲好評！年廿三攪團年飯活動訂咗腿蛋治同豬扒包各90份俾同事&義工，又係大件抵食熱辣辣！今次決定幫襯訂到會，睇吓係咪一樣咁好味又抵食？點知唔訂猶自可，一訂嚇親我，每盤嘅份量足足多咗二份一！用咗四千幾蚊訂咗廿幾盤，本打算招呼87位老友記，點知嚟到嘅份量足夠食飽130人老仲有剩！老闆娘好好人，話見係老人家，特登叫廚師炒多啲！個個老友記都食得好滿足！好開心！話夜晚都唔駛煮飯！真係好多謝愛心老闆同老闆娘！仲有不得不提嘅係，除咗新鮮熱辣又美味，盤盤滿到瀉咁滯之外，我叫老闆娘提供埋餐具俾我，佢唔單止立刻答應，又碟又叉又筷子，仲送埋廿個每個價值$6(連價錢牌都未搣)嘅夾麵包不銹鋼鉗！我真係覺得好唔好意思，本來想支持佢哋愛心飯店，點知變咗要佢哋做善事！送貨嗰位B哥又好人，準時嚟到有禮貌之餘，仲幫我逐盤搬上枱放好，即時回收埋所有保凍保溫發泡膠箱！咁好嘅服務質素同態度，你叫我之後唔繼續支持點得？所以，嚟緊大年初七，義工團拜，又要拜託佢哋幫手喇！順帶幫老闆同老闆娘提一提，為咗令所有人都有飽飯食，無論單

叉燒燒肉飯😘$20荃灣真係多嘢食😉一年後回來荃灣搵食🙈最難忘一定係此店燒味飯😂個位姨姨仍在🤣份量依舊重量級😘雖然比起一年前加咗兩蚊😉但實在好抵食😊桂香燒味茶餐廳 (荃灣)荃灣河背街62號地下

【一起支持愛心飯店！】今日機構一年一度大型活動，要訂65個飯盒俾同事&義工，統籌同事正懊惱物價騰貴，我即自動請纓幫手，幫襯同我細妹合作多年、經常派大大盒美味飯盒俾區內長者同有需要人士嘅愛心飯店～桂香燒腊餐廳！三餸飯盒實有五餸，拎上手已十分重手，未打開已香氣撲鼻，一打開即時O嘴，足足夠我食足三日！衷心多謝老闆&老闆娘落足重料，用心製作，準備送貨，個個同事&義工都食到讚不絕口，等陣活動一定Sure Win！現今嘅香港，家庭式經營嘅商店越嚟越少，不計成本嘅愛心飯店更值得我哋支持！如果大家下次經過或需要訂飯盒，不妨幫襯吓！願意同人分享愛嘅人，絕對值得讓人愛！支持小店！支持桂香！

今日行過又買一盒$18雙拼燒味飯😎👍其實附近都有好多$18燒味飯，不過呢間特別多料，而且味道又好，我最喜歡😘而且阿姐亦真係太客氣了😂仲同我講個盒閂唔到，不如俾條橡筋我箍實佢😉難怪我成日揾你既🙏