桃園制作粥麵餐廳 (慈雲山中心)

营业中

休息中

今日約咗朋友係慈雲山食嘢，搵到呢間桃園餐廳，撞岩午飯時間門口已經要排隊攞飛，不過都好快，等左10分鐘已經有位。叫左一個全日常餐 - 蕃茄濃湯豬潤通粉，豬潤都幾粉，好味，通粉軟硬度都好適中，不過可惜濃湯味就麻麻，原全冇蕃茄味🙄腸仔煎蛋厚多士 - 條腸仔炸到開晒花，硬同乾身，煎蛋冇特別，厚多士都幾香蒜味，幾脆口。

下晝同朋友睇完戲之後各自散，咁啱呢晚屋企無飯開👉🏻👈🏻 #小秘書 唯有食自己！嚟到「桃園制作」見到入面差唔多坐滿得七七八八，好在仲有個單人位預留比我，本來諗住簡簡單單食碗 #墨魚丸米線 就搭車走。不過見到餐牌呢晚有 #豉椒炒蜆 特價$38 咁抵，就一於豪吓佢🍻 起初仲擔心太大碟會食唔哂，不過原來份量唔係太多啫，而且啲蜆肉都好迷你吓🤤當中1/4係未開口嘅🤔 不過好在佢哋啲 #墨丸 都唔錯，湯底入面加咗啲 #芹菜 好香口，師傅仲細心到將啲 #墨丸 一開二... 唔通佢怕淥親我個嘴仔😅🤣食食吓突然聽到把女人聲大鬧，佢話同事匿埋偷懶，擺明車馬「捉蛇」🤪 而佢呢個氣勢無幾分鐘又嚟過，究竟佢有冇顧過食客嘅感受㗎？

呢間野首先唔講食物質素，佢嘅員工服務態度正到爆，企門口果位阿姐，成日叫飛叫到亂晒籠，明明我張飛先，佢就比左我之後嘅客入先，咩事🙄入到餐廳，叫侍應攞辣椒油，叫左兩次，等等，等等，最終差唔多食完都未攞黎😤放棄。呢間食物質素唔錯嘅，但今晚條煎魚就乾左小小，苦瓜炒牛肉唔夠味，想話攞碟辣椒油，等到食完都未黎🙄

每逢假日，我哋都通常出外午餐，桃園制作係其中一間我哋不時幫襯嘅餐廳，皆因佢嘅食物種類多，而且質素唔錯! 今日嚟食下午茶，我哋叫咗4個餐: 我幾鍾意食佢嘅公司三文治，因為料足，雞蛋餐肉蕃茄火腿生菜，加埋麵包烘底，真心好食!炸雞脾薯條隻雞脾較為細隻，兩啖就食哂，薯條都係麻麻。桃園嘅豬排整得唔錯，夠腍唔硬，又唔會太咸，係太薄同太細塊，有d唔夠喉!亞女最鍾意食佢個牛肉炒烏冬，不過我略嫌味道過濃，但整體係好味嘅!

員工亂分位 一早撳左飛 但有一班人就咁入去 佢就比位佢地 完全冇理過撳左飛嘅人 之後入到去 佢地上菜速度極慢 等左超過半粒鐘 諗住去吹單 舉手叫埋啲員工都唔理人 個個扮見唔到 服務質素差到一個點 已經起班員工面前叫佢地 佢哋都可以扮見唔到 轉身走人 真係攞錢買難受 唔會再想去食嘅一間鋪頭

星期六晚同二少跑完步喺慈雲山中心搵食，比桃園制作個餐牌吸引左入黎🤣因為有好多樣嘢揀除左一般茶記有嘅常餐小菜，仲有溫泉蛋飯呀烤魚等！最後我地嗌左小菜二人餐！☝🏻超抵食！138有兩個燉湯，一條蒸魚，一個小菜，仲有藜物飯！嗌二人餐比散叫小菜平左大概40蚊！☝🏻足料燉湯很不錯👍🏻有紅棗杞子蟲草瘦肉！☝🏻豉汁蒸倉魚！味到不錯！☝🏻XO醬翠玉瓜炒豬頸肉好可惜豬頸肉係偏凍...好明顯係炒定再兜熱但兜唔夠味道還是可以的！略咸左啲！整體: 中上

開張左一排宜家先有時間去食餐廳氣氛不錯我地一行8大1小，叫左咁多野食最令我驚喜係佢個雞煲唔太貴，味道足，比起出面打正旗號賣雞煲既店，佢算對得住價錢。另外要提提番茄湯雲耳野菌泡飯超級惹味，連我仔都追住黎食左兩碗！

估不到慈雲山中心都有好食的街坊餐廳，裝修還要很不錯呢!!有點暗但帶點cyber feel。牆上還有單車及黃色的lipton茶罐做裝飾，很美。食物種類也多，粉麵飯，三文治等等，還會定期推出一些時令餐單。皇牌公司三文治說皇牌真的沒錯，材料足：厚厚的雞蛋及午餐肉，還有火腿，芝士，生菜，蕃茄，脆脆的方包， 還要用木製盤上枱，夠專業!紅豆冰我很愛的紅豆冰，是椰汁，不是淡奶，很好呢!! 紅豆也夠多夠大。豉油皇炒麵配碗仔翅炒麵夠乾身，不油膩，鋪著少許的椰菜及白芝麻。碗仔翅夠熱，有很多冬菇及肉絲，配上紅醋來吃，夠地道。食后感: 坐得舒服，算是街坊價，食物質量在中上，上菜時間也夠快。

食物質素 7/10因為地方好近，地方又大，所以成日都同屋企人去尼度食早餐🥣五香肉丁流心蛋通粉尼度一碗麵可以配一個料，尼度特別在可以揀流心蛋，所以次次都會揀流心蛋！火喉控制得好好，一吉開個蛋黃真係流心嫁😋五香肉丁同通粉都比得好多，份量大，早餐黎左絕對夠曬！蒜蓉包（+$3）尼度加$3可以配多一份蒜蓉包，尼度既包絕對係厚切，牛油蒜蓉味香！環境衛生 8/10新裝修，環境光猛，地方大！服務質素 7/10服務員手腳快，執枱落單都好快！

今日又係阿媽唔煮飯， 落樓下食飯中伏系列。。。。我哋叫咗個鹹魚肉餅飯加白飯同湯，hkd84蚊一個瑤柱豬骨粥配炒麵hkd44蚊一個溫泉蛋焗蕃茄豬扒飯 hkd 54 加3蚊凍檸茶呢間桃園制作喺慈雲山都開咗一段時間，但係呢我都係第一次去一去到喺門口同個侍應講我哋三個人， 佢好惡咁講攞飛先啦。。。。🙄。。。。 佢叫人哋攞飛嗰個機喺個舖頭裏面。。。 喺門口係完全唔知道要攞飛先囉。。。 唔明佢做咩可以咁冇禮貌之後入到去坐低叫完嘢， 等咗好耐水都唔畀一杯。。。。 大約十分鐘就出咗個鹹魚肉餅。。。 個肉餅薄到好似紙咁樣。。。 味道係完全冇鹹魚味。。跟住就嚟咗粥同炒麵，呢兩樣嘢係正正常常嘅最中伏嘅係呢個溫泉蛋焗豬扒飯等咗35分鐘先嚟。。。。🙄🙄🙄豬扒又係好薄， 個飯仲要都幾咸下我覺得一哥焗豬扒飯仲好味過佢多多聲。。。仲要平過佢。。。。下次真係咪搞 。。。要等咁耐

一開始以為桃園制作係食台式料理，原來係港式茶餐廳 行過見舖面就唔係好吸引。。。但成日食大家樂、美心都真係食到悶悶地，所以決試下桃園制作店內裝修行懷舊路線，有電車、花紋磚地樓底極高，所以空間感好好，唔會壓迫值得一讚係，服務員落單都會同你對多之內容，十分清晰。上菜速度都算快。配上木枱櫈，感覺舒適。早餐都算多選擇，有粉麵、三文治、粥。。。豬扒有2件半 ，味道唔錯，乾身左少少。比較失望係流心蛋熟左d,唔流心既。會再黎，下次想試下d粥 得唔得。

#小秘書 真係年紀大喇👵🏻 已經去到無興趣出去同人迫嘅階段😉 不過平安夜又點可以 #宅在家 呢🥴 今晚約咗成班朋友喺屋企搞咗個 #平安飯聚🎉 我呢啲早收工嘅梗係負責去超市掃貨啦🛒 不過我兩個partners遲遲未到，我只係搵間餐廳坐吓等齊人👀桃園制作 個招牌好吸吸引，而且裝修得好特別，保留咗 #茶檔 嘅圓枱同裝飾，影相一流😉 咁啱呢排 #桃園制作 做緊10周年promotion，$10.80就有杯 #奶茶+#菠蘿油 🥯🍽 真係抵到呢！#桃園 杯 #奶茶 認真唔錯呀❤️ 好香滑又有茶味，反而主角 #菠蘿包 層皮就欠缺咗 #鬆脆口感，起碼我食晒成個包都無一片菠蘿碎跌落枱😅 不過以呢個超值街坊價嚟評分，的確係冇得彈嘅👍🏻

最近慈雲山中心開左好多新野，作為慈雲山居民當然要試一試。唔講唔知原來呢間店本身有好多分店，店舖裝飾幾特別，好有香港味道。食物選擇繁多，初初以為叫得桃園應該主打台灣菜，點知原來雲集各國美食，不過香港煮家飯餸比較多。我叫左一客豬排蛋蓋飯，賣相唔錯，豬排味道正常。蛋同想像中有少少出入，初初以為係日本蛋包飯個種滑蛋，原來係一塊普通煎熟左既蛋，不過蛋身較薄，加左蘑菇同洋蔥，感覺更香口。飯底鋪左一層蕃茄醬，味道勁似罐頭，唔係好夾。整體而言，價錢平民而合理，味道不過不失。不過可能岩岩開張，人手短缺，上菜有點慢，希望將來會有所改善。

個日岩岩瞓醒就想搵啲野食 就落左去桃園食飯 叫左份咖哩牛腩飯食 一入去坐左門口附近一張卡位 張枱未抹過 我即刻叫個Staff幫我抹 都接受到個飯到左之後 想拎匙羹食個時 裝銀器個兜兜入面無匙羹同紙巾 又係叫人即刻換比我 不過都係無紙巾 我就用私家貨首先 個咖哩好好食 辣度有啲唔夠 味道整體都比你地平時出街食嘅咖哩高質 牛腩食落去都正常 咖哩入味 薯仔我就欣賞佢無削走個皮 好有質感 幾特別 而個飯我就 可能係 人地收工關係 飯都放得好耐 所以好多飯都硬嘅 我見人地收工就無叫人換 唯有係咁 ps 落單時叫個staff幫我 多飯多汁 都無做到 非常唔夠食 呢個價錢 份量都咁少 可以改善下 整體黎講 都好食嘅 值得一試

一家三口食下午餐。行高多次都無時間試。就今日試試吧。裝飾都幾吸引我。小小舊式裝飾好似去番50年代茶餐廳。地方乾淨。我都要求給張bb登比我小孩子。員工都好快手給我。看看餐牌。點了黑鴨腿湯飯同鮮茄牛麵餐。價錢合理。都快手送上。鴨腿飯分開湯同飯上。望就已經想食。先飲啖湯。得湯味。完全飲唔出鴨湯味道，失望。只覺得係普通湯味道。再食啖鴨。鞋同有雪味。我只係飲湯同食飯鴨腿無食。到謝生番茄牛肉麵。望又係好味。但食落去無味。又係失望。反而佢餐上包同蛋都過得去。奶茶都可以。但下次可以唔再考慮。