桃園制作粥麵餐廳 (啟田商場) (已結業)

今日中午同屋企人去藍田啟田商場內嘅桃園製作食晏。點佐漁香肉鬆茄子飯.結果送到上來,個飯只有三塊茄子同一大量芡汁.但隔離檯相隔一分鐘都係同一個飯,就完全唔同。問職員點解咁少茄子同係米漁香茄子飯.佢話係,就走佐.再問另一位,佢拎走佐碟飯再拎翻黎,話你轉個飯啦,搵同事同你跟進,但所謂嘅同事由頭到埋單都無出現過。其實基本上,每日都會黎呢度食飯,你無漁香茄子可以話無,唔賣俾我,同埋態度可以好少少.

這間「桃園制作粥麵餐廳」真係愈來愈離譜，d小菜得個款，實質煮得只有快餐店的感覺，小菜一碟賣50多元，要埋白飯例湯再要加20元，在這個商場算是價錢偏高。這次我點3個小菜，有「蜜桃咕嚕肉」、「土魷馬蹄蒸肉餅」、「魚湯小雲耳蝦乾浸菜苗」。這個咕嚕肉不過不失，肉餅無口感，而蝦乾浸菜苗來到時，是找不到蝦乾，之後我再看看菜牌，菜牌寫明是有蝦乾的，跟住我就告知侍應生，侍應生的表情像不耐煩，好像覺得我是在搞事，之後侍應生拿了碟菜回廚房，唔夠5秒，廚房內有1名穿廚師制服的人伸個頭出來用奇異眼光望住我張枱，好像覺得麻煩度佢，而我點這個菜的原因就是見到菜牌的廚師精選寫到明配料有蝦乾，過了5分鐘後，這碟餸來到枱面，我當堂嚇一跳，發覺只是多了一炸迷你蝦米仔，隨後，我也不敢再要求什麼了，我怕會再受嚴重打擊，我覺得是貨不對板，今時今日嘅香港精神不是這樣，做食市更加不是這樣，我好想去消委會投訴，你們可看照片自行分析對與錯吧。

今日，因為要去啓田商場當值，又因為見佢比起其他鋪頭佢唔算多人，咁我就走左入去食晏...叫左個咖哩牛腩飯（$47, 凍檸+$3）飯有啲生米骨，薯仔比較硬，可以再煮耐啲不過，佢個咖哩汁都幾香，都有辣味凍檸茶都唔錯，茶味都重都唔算中伏既

「宅女」的下午茶，近近地去了附近商場的桃園制作，因為位置多，唔洗搭枱～下午茶時段有我最愛的炸雞腿～ 我對炸雞比是情有獨鍾的，啖啖肉，好味道。炸雞腿配碗仔翅 $27 唔係講笑，我食炸雞比既資歷無十年都有八年，呢度既炸雞比無炸粉之餘仲做到皮脆肉嫩，正！而碗仔翅十分足料，好多雞絲，而且濃度適中唔會太過「杰」身。性價比十分高，連埋飲品先$27，抵過大家樂丫。

慕名而來，位於蓝田啟田商埸三樓桃園製作。裝修優雅整潔及侍應裝束和apps落單均有水準，叫了一碟頗具特式的蝦醬蝦干蝦仁炒飯，等咗差不多20分鐘都未到搵侍應追單，最後飯就送到惜太油膩加上三蝦組合不倫不類，結果碟飯都冇食哂，試再叫杯港式香滑奶茶惜又太milky兼冇乜茶味 。需在三樓又吾平但眼見食客也不少，下次再來希望硬件好之外其它食物可Yummy yummy 啦！

 今日岩岩起身個時已經係中午了，唔想自己係屋企煮麵食（唯一識煮）咁頹，所以就出咗去行下，睇下有咩野食，行下行下就去到啓田，發現之前椰林閣個位變咗桃園依家先發現...都唔知佢係度幾耐了，見新鮮就入咗去食...發現入面嘅野食又唔係好貴喎！！都係三十幾四十，正常價錢。睇佢裝修仲以為幾貴下...點知係我可以接受到的價錢～^_^點咗一個台式肉燥豬扒飯，睇個名正正常常，應該唔會差得去邊大大塊豬扒，食撐了肉燥？？？？？-罒-👈👈見到我咩野表情嗎咁大盤點食啊！！！仲有....咁大碟飯真係o咗嘴囉....個餐都可以2個人食啊！食咁多野點少得野飲呢！！個餐包埋野飲，唔洗加$$$，我估呢個係人人注意嘅問題。咁多野都係$39，低到咁囉！！!👍最後都係食咗個碗仔翅。正正正！！！好耐冇食碗仔翅～一個桃園滿足晒我嘅願望！！

今天我和男友去這間餐廳吃晚餐，以為很多人吃應該很美味。怎料……十分難吃！我們叫了蜜桃咕嚕肉，小香菇馬蹄蓮藕煎肉餅。味道方面，蜜桃咕嚕肉竟然沒有蜜桃！！！咕嚕肉煎得太久，太燶，又只得很少肉，很難吃！煎肉餅方面，肉餅沒有太多肉，很多麵粉！口感又差，很難吃！飲品方面，我叫了熱柚子蜜，味道一般。我男友叫了茶走，味道都是一般。價錢方面，2人吃了$133，很昂貴，又難吃，不會再有下次！

 桃園制作係以茶餐廳經營嘅一間食肆，今年年頭喺藍田啟田商場開咗分店，住喺附近嘅又多咗一個方便嘅選擇。以茶餐廳嚟講，呢間店舖嘅環境算唔錯。裝修十分企理，座位充足，卡位比例高，而且座位寬闊，一路食一路篤機睇報紙都冇問題。間餐廳其中一個特點就係早午晚餐都有唔少選擇，所以屋企人點都會揀到自己想食嘅嘢，不過當然唔會樣樣食物都咁有水準，但始終都會有唔錯嘅出品。上湯蝦米肉碎銀針粉：浸住銀針粉嘅湯有頗濃嘅蝦米味，但係鋪面嘅餸除咗菜其他嘅就唔多夠。鳳爪排骨蒸飯／土魷肉餅蒸飯：用扁身瓦罉裝住，啲飯份量唔多，不過啲餸就好夠，食到底都幾多油。千祈唔好手快快將啲豉油倒晒落啲飯度，會好鹹。 家鄉鹹肉粽：個人鐘意綠豆多嘅粽，似乎隻粽嘅綠豆份量就滿足唔到我嘅要求，不過隻粽勝在好香粽葉味同烚得夠火候。足料魚腩粥：碗粥杰撻撻有啲似食緊ＢＢ嘅糊仔，用嚟放粥嘅鯇魚太細條同用嘅部份比較近魚尾，所以好多骨，嗰次碗粥仲好似冇落鹽咁淡。 番茄小雲耳野菌黃沙豬膶泡飯：個飯用珍珠米造，啲湯夠濃同熱，食得慢都唔覺得啲湯會變淡同凍，天時冷食食完仲覺得周身暖晒，唔錯。 咖喱牛坑腩飯：睇到佢真係用牛坑腩造，不過啲牛腩就唔多夠腍，個汁仲過濃

今晚唔想煮飯，醒起以前椰林閣個位開左間新店，一於去試下! 本來想試下佢哋嘅咖喱飯，不過原來要lunch先有，最後叫左個懷舊枝竹蘿蔔牛坑腩，枝竹都算腍，味道上可，蘿蔔不夠入味，而主角牛坑腩又ok喎，夠入味好腍，一d都唔鞋，用d汁嚟撈飯超正! 不過如果可以略為多番d汁就更好! 順帶一提，這裡免加一👍

桃園製作不是娛樂製作公司, 也不是結義聯盟.  是一間窩心的茶餐廳, 會有椅子給等候的客人, 也有空間給父母停放嬰兒車, 在香港真是少有, 許多老闆恨不得每吋空間也來賺錢.這間茶餐廳的食物也很搞笑, 很有創意.這次點了蝦蝦蝦, 葱花蛋白炒飯, 飯每顆也是圓圓的, 有點像珍珠米, 用了蝦子, 蝦乾, 蝦醬來炒,  很惹味, 但不會太咸, 飯也不會很油,  很乾身.  蝦乾味道鮮甜, 蝦味濃郁, 吃起來有嚼勁, 有點劃龍點晴. 吃完之後, 也想大叫三聲...哈哈哈!!!