桃園制作粥麵餐廳 (彩雲商場)

营业中

休息中

App叫咗两份早餐~雪菜肉絲湯米配腸仔多士~ 啲雪菜肉絲 少得可憐， 個湯滾水冇味送到黎已經凍哂， 腸仔唔知用咩牌子， 用平價到唔平價嘅食材 難食到不得了~雞扒午餐肉+鮮奶滑蛋配多士+配 雪菜肉絲米線 ~ 雞扒雖然有雪藏味 但還可接受，d 午餐肉 簡直唔知食緊d咩肉 落肚，求其喺超市買最平嘅午餐肉都冇佢咁劣質 ，滑蛋 炒到 熟到一個點， 另外淋左一大灘嘅汁係上面， 用左好多生粉傑撻撻，個汁怪怪哋~仲有嗰個加配既~雪菜肉絲米線 發脹咗 變咗撈米線 連鹽都冇落冇鹹味面頭 只有一舊肉 勁小雪菜 真係衰到 見到都唔想食~餐飲凍奶茶~ 好似飲緊奶水 加啲糖 完全冇茶味成份早餐都 食唔到入口， 真係越做越衰 賺錢都要賺到盡~ 用劣質平價食材， 冇良心食店！！！！

桃園制作終於走過了東洋山，在上面也絕對不容易走過，但有女朋友在一起，一齊也變得非常容易。從飛鵝山路沿途走過，先到了彩雲，決定在這裡吃晚飯了。屋村關係，沒太多選擇，最後，經過桃園制作的時候，看見很多人正在排隊，決定在這裡試一試龍與鳳。服務人員不算多，但一般服務還是能夠提供。餐具就差了一點點，有污積，估計是用得太久。由於在等候的時間已經揀好了吃什麼，於是我們一坐下就可以開始點餐了。最後點了1.原汁原味枝竹蘿蔔牛楠煲$792.跟白飯$03.熱奶茶$04.蕃茄濃湯鮮牛肉$465.熱杏仁霜$0合共：$125先來了那個蘿蔔牛楠，份量很多，牛楠十幾舊，而且還要是好味的，牛楠半筋半肉，配合牛楠汁，十分惹味，加了藜麥飯，感覺沒有多大罪惡感。然後我們點了一個常餐，那個蕃茄湯鮮牛肉，我就覺得一般了，吃下去有一點「叔」，我們吃了一半就沒吃下去了。最有驚喜反而是那個熱杏霜，一喝下去就知好野，甜甜地又糊糊地，充滿杏香，喝後仍然縈繞在我心中。餐廳接受多款付款工具，貼近潮流。日期：2021.12.12

點了外賣，等了一個多小時，餐廳不負責任隨便俾其他人拿走，之後唔理，成屋人肚餓等。完全不負責任。完全不跟進。淨係叫我地自己跟進。但係餐廳什麼都唔做。非常不知所謂。干萬不要去這裡。

我今晚叫了豬潤雞煲以及咕嚕肉,豬潤雞煲鹹到不得了,咕嚕肉太多肥豬肉,熱檸檬茶完全沒有檸檬,他們只會用沖劑給予我們,一個字真係極度難飲！下次真係唔會幫襯😡😡😡其實我已經幫襯超過三次外賣每次沖劑飲品的實在太難飲,都唔明白點解佢哋唔會改善,佢哋唔係當我哋食下是白痴呀,我幫襯下一次只是畀機會佢哋,機會佢唔珍惜我唔會再幫襯！今次埋單160蚊,畀我感覺又貴又唔好食,人哋外賣都有九折,佢完全沒有打折,真係畀佢激死,早知去幫襯ita momo外賣服務,你哋嗰邊大件夾抵食,質素都比佢更好,都唔明白點解佢哋可以生存！

買咗外賣，包裝差到無得再差……嘢飲都唔蓋好，搞到整曬出嚟味道就還好，味精都係有d多，食完好頸渴就算咁，都改變唔到佢包裝差搞到顧客咁麻煩嘅事實……嘢飲蓋到仲有d奇怪嘅原子筆跡

點了好立克，跟住去到攞餐個陣先同我講無好立克，但係有已經幫我整咗野飲，我以為又有返點知返到屋企一飲先知，原來係杏仁露……都唔問下人，就擅自幫人轉嘢點都應該問下顧客先吧……

剩係買左一個飯一杯野飲等五十幾分鐘，由4:42等到5:35，等左二十分鐘個陣去問又話個飯未執出尼要再等一陣，人地入面個d都食完又走自己仲企係度等，最後係攞到餐之前嘅兩分鍾個陣再問一次，終於係兩分鐘之後攞到，所以即係整完個飯之後冇諗住比尼？？？？？味道就冇問題，但係我覺得個水準唔會令我想等接近一個鍾(當然唔係個個都咁唔好彩)可能入面食會快d掛who know，總之唔建議買外賣，有興趣盡管大膽去入面食睇下會唔會快d(或者試下d員工可唔可靠)，不過我就冇興趣再試了

星期五晚上，我又因為晚餐沒有牛腩，所以需要在宵夜時間坐專綫小巴出九龍，在「彩雲邨」分店的茶餐廳「桃園制作粥麵餐廳」裡面，食一碗中式牛腩麵。不過「桃園制作粥麵餐廳」裡面的「牛腩麵」，原來也有分「湯麵」跟「撈麵」兩個不同的版本，就連「牛腩麵」配備的麵底，也有分「伊麵」跟一般「粗麵」兩款不同的麵供食客選擇。所以「彩雲邨」分店「桃園制作粥麵餐廳」的侍應，在我點餐的時候也有刻意的問我，想不想食有「伊麵」版本的「牛腩麵」，我反問有關不同麵底「牛腩麵」價錢的實際分野。當時「桃園制作粥麵餐廳」的侍應立刻回答我，選擇「伊麵」麵底版本的「牛腩麵」，只是需要另加港幣幾元左右而已，於是我決定選擇「伊麵」版本的「牛腩麵」。結果「桃園制作粥麵餐廳」廚房製作出來的「伊麵」版本「牛腩麵」，全名叫做「原汁原味柱候牛腩撈伊麵」，跟湯麵版本的「原汁原味柱候牛腩湯粉麵」食法完全是不一樣。因為「原汁原味柱候牛腩撈伊麵」是麵跟湯分開另上，而且餐廳安排在「原汁原味柱候牛腩撈伊麵」旁邊，還附送了一碗麵湯，當時我還懷疑餐廳廚房造錯了食品，直至後來我翻看照片才發現，真正攪錯的其實是我自己。因為「桃園制作粥麵餐廳」製作的「原汁原味柱候牛腩

去買個外賣等左二十五分不特止，叫兩個餐，其中一個仲要漏左個白飯冇俾到，打返落餐廳，職員就咁叫我返落去攞返！而加呢口D時勢，唔通我仲要蝕多個口罩落去拎返個白飯？！間鋪頭明明已經唔多客，叫外賣果陣加埋都唔夠十個客，都仲要又慢又漏野！冇下次了！

今日去完朋友仔新屋，就周圍搵行野食啦~ 由於唔系好想行太遠，所以兩個麻甩佬求其去左對面屋村商場搵間餐廳食就算~ 餐廳正值食飯時間，應該有D手忙腳亂，不過侍應都好有禮貌同抹好曬枱先叫我地坐，我地坐個個位冷氣唔系好夠，諗住應該都平平無奇。 點知. 有!驚!喜!我地冇叫餐牌上面既set，反而單點左兩個小菜：牛腩煲同埋茄子煲 加兩個白飯 。簡簡單單一餐算~首先登場既系牛腩煲，牛腩睇落好。點知好鬼冧，我冇諗到屋村餐廳可以做到呢個質素播！本來系蘿蔔做底，但系因為賣曬所以變左生菜~ 不過都OK啦~ 主角系牛嘛! 腐皮都好入味，剩系食呢個都夠食一碗飯啦! 但系第二個餸又未到，只好食住一半先第二個茄子煲終於到啦!超級無敵熱，有幾次都差D熱親 茄子都做得好好，出面有D餐廳將茄子做到好似生咁樣，超級硬，咁不如我生食好過。呢度既茄子就唔同啦~ 又系好冧身，而且D汁又好好食，又系好岩撈飯咁樣食落去真系唔得掂!  以價錢黎講都幾抵食嫁! 一個人先75蚊左右，想點先! 

間舖唔大，我舉起個menu冇waiter黎就算，我叫唔該都依然冇人應就離譜d掛？明明後面張臺有兩個員工坐係度，我知可能係你地嘅休息時間，但幫手叫同事過黎落單都得掛？服務態度唔一定要五星級，但依家係最基本落單服務都冇，咁你一於轉曬自助式啦！

一直對鏈鎖食肆有保留，傾向小店，今日就試咗呢間二缐鏈鎖，因為其選項及價錢都合理。一座下，水即上，台上餐牌比外面的多，除咗小菜，湯飯，亦有粥及麵，松子魚，水煮都有，真係估你唔到。最後點了牛腩麵，油菜及蕃茄蛋肉片豆腐湯加飯。等了合理時間後，先來菜及麵，柱頭牛腩味燶，好味。牛腩口感可以，份量都夠。上過了兩份菜後，我的湯飯就失聯了.....直至麵都差不多食完，菜食剩三條時，我已忍不住的同侍應說末煮就取消。實在接受不到同桌食飯，友人食完自己都未開始，跟獨食有何分別。正講緊碗湯就到！雖然係一大碗，但都唔需要咁耐。湯質素好，豆腐滑，肉片有肉味，加上蔥花，飲落有層次，至於碗飯，藜麥比較小。整體而言味道，份量都好過期望，只是上菜速度需要特別留意。

同小朋友玩完坪石遊樂場，都已經十二點了，要找個地方吃午餐，一係去坪石邨，一係去彩雲邨，兩者之間選了較近的彩雲邨商場。本應對屋邨的餐廳沒什麼大期望，求其入了一間叫桃園制作粥麵餐廳，貪它的食物種類多，價錢又合理，最後點了一個魚香茄子魚塊飯和椒鹽豬扒飯。論賣相，兩者的presentation 都靚、吸引，既然賣相好，味道又如何？答案都是正斗的，魚香茄子魚塊飯魚香味濃，魚塊件件鮮嫩，至於椒鹽豬扒飯，豬扒炸得香透，椒鹽味突然，兩個選擇都很好味，值得一推。

今日又好晏先食早餐，呢到早餐至早上11點半架！呢個早餐都只係$32💰💰叫左個豬排粉麵、仲有一杯熱檸水😌豬排煎得好香，配上炒麵，再加上我十分肚餓😂😂😂我食得好乾淨😆😆😆飲埋杯野岩岩好！😎

晨咁早去到彩雲，諗住搵嘢食。去到桃園餐廳，朋友就話試一試，兩個人分別點咗兩個粥，一隻粽，一個腸粉。 粽同腸粉都正常質素，但係個粥就出現極大問題。粥口感如水一般，更如流質食物。但係當中所謂嘅流心皮蛋，硬如石頭，口感獨特，未必能正常進食。價錢方面屬合理水平， 故反之質素未如理想， 未能與價錢睇齊。 此乃失望之舉， 如此連鎖的餐廳食物質素竟有如此參差， 未能接受。 當時已向職員反映， 但未獲接納。如此質素實在不能接受，有緣者也應重新考慮。共勉之。