梅姐香辣小館 (已結業)

每次都係嗌麻辣涼拌麵，多青瓜，加豬耳。記得食前要底面徹底撈勻，重要食到咁上下將底到嘅麵撈返上嚟食，咁就好夠味啦梅姐堅持親自調製每碗涼麵。一路由小小檔口食到擴充店面。推介小食有麻辣鵪鶉蛋，萵筍，鮮竹筍，麵筋。。。

上外賣網搵食，見到佢，外賣網評分唔太高，於是上黎Open Rice 睇吓，見到大部分都係正面評價，於是就信咗，結果當然係中伏啦🥲本身訂外賣自取，較咗半個鐘後，唔知咩原因，落咗order 先見到佢跳返去即時拎，即刻打去餐廳，截住個order，諗住叫佢遲啲先做一打去，好快聽電話，我話我落咗個自取，個網出問題比錯時間咁咁咁，叫佢唔好整住唔知係咪佢當我想取消order佢一句話，我整好咗啦，放陣啦我心諗，有冇咁快呀？我落order 到你聽電話最多咪2分鐘部外賣機通常都勁hang 機，接到單都一分鐘後啦😩最後當然焗住放咗半個鐘先拎到返到去一食，已經係叫紅薯粉，但都腍哂其實正常紅薯粉唔吸湯係放得，唔知佢點解會腍唔知係咪佢用嗰隻紅薯粉唔靚，所以先腍到咁叫咗酸辣粉，得酸無辣，同埋勁多油，唔知點解🥲有少少豆卜雲耳花生，但一啲都唔吸引😢另外有三個串串揀咗燒賣（因為食評推）、鵪鶉蛋、魷魚燒賣個醬真係幾好食，但除咗個醬，其他嘢都無特別拎外賣嘅時候感覺間舖比較污糟唔衞生，好在唔係堂食😩反正無下次😢

大埔唔多有辣粉食，特別揾黎食配餸叫左猪耳，牛柏葉，份量都幾多😂價錢同份量都岩比例仲有少量木耳，豆卜跟埋湯底飲落都好味唔會太鹹，起碼食完唔會想飲水🤣會再來食，下次試串串

今次黎到大埔既梅姐！！之前聽過朋友話好食！今次終於特登入去試下，叫左佢既麻辣粉，但係轉左做公仔面真係幾好食！我覺得有d似d香草味既湯底！個湯底仲有得揀要酸辣定麻辣！所以鍾意食酸辣同麻辣都有得選擇！

未寫過食評 但呢間真係好好食 忍唔住要寫返幾句元旦日收工好掛住佢嘅燒賣 所以去咗食 呢次係食重慶小麵大辣 燒賣萵荀豬大腸大辣（大辣嘅麻辣汁冇蒜 食過中辣係有蒜 但我諗唔食蒜嘅朋友嗌走蒜都得）呢間燒賣應該係用金龍 好少見燒賣有得配麻辣汁 鐘意燒賣同食麻辣會覺得好正 萵荀好新鮮同好脆口 所以每次都會叫❤ 有食過佢嘅酸辣粉同重慶小麵 個人比較鐘意重慶小麵多啲 湯底冇咁油 味道都幾濃 而且麵都幾好咬口店舖唔算好大 但乾淨同埋坐得舒服 店員姐姐們都好親切 見都有唔少街坊買外賣 去開嗰頭可以去試吓

梅姐小食由以前細細間做外賣搬去大舖都一段時間都係第一次食叫了涼粉 大麻辣涼粉質感好好下次可以再辣啲再叫左碗米線 小辣味道都係不差 小麻小辣 很香另外叫了 串串小食 海帶金錢肚麵根腸仔麵根索晒啲辣～～～正到暈

食過幾次，質素穩定。每次必食多酸酸辣粉，係我中意食嘅味道，如果有啲酸豆角仲更完美啦仲有涼拌都好食，只係五係好夠咸同酸，每次都係自己再加少少豉油同醋仲有，值得一讚嘅係地方乾淨，鋪頭嘅人都幾好。

👍🏻魚肉燒賣 $11/8粒有魚味，不過蒸得淋左少少唔夠彈牙加分位係個辣油混左辣椒同蒜頭，食落勁惹味🤪👍🏻可以揀辣度，揀左中辣，唔算好辣😜不過辣度同油度成正比🤭味道：8/10性價比：7/10-📍#梅姐香辣小食大埔寶鄉街63號地舖

之前梅姐未搬來這邊，已經經常提及到要試一次梅姐，但搬來這邊很久都未試這天終於的起心肝外賣試試，由於現在疫情下，內裏都只有幾名等外賣的人士，因此幾名阿姐都很有心機的教導我如何落單。重慶小麵，麵條非常軟林，好像那些台式麵線那種質地，因此浸在湯內，那我去買回到家都已經浸得軟林林，完全沒有嚼勁，但是湯底都算是挺為香辣，辣之中還有少許麻香。其他配料例如雞絲或是豬耳，到時得相當之博，的確刀工十足，因此亦都令到食客感覺口感一般。另外的麻辣串串，大腸及齋麵筋，看似沒有什麼汁醬，但原來已經撈入了一些麻香以及辣味，因此吃起上來麻辣味道相當強勁。

梅姐由喺廣福道細細間舖，開到嚟地舖可以堂食，我都有一直支持，雖然開咗地舖之後，請咗人返嚟做，味道無之前咁好食，但有時諗起都會去食下！黑糖冰粉裏面有啲透明嘅好似啫喱咁既冰粉，加上紅棗桂圓黑糖同芝麻，成個feel根本就係養生，食酸辣粉覺得太辣嘅話可以食兩啖冰粉舒緩下個人覺得甜度啱啱好，天氣熱嘅時候食真係好舒服！酸辣粉裏面加咗魚蛋、牛丸、花生、芫荽、豬皮、雲耳，以前我叫酸辣粉一定會加燒賣同豬大腸，梅姐既辣係我既最愛！夠麻又夠辣！！紅薯粉夠煙韌，唔會煮得太淋身，食過咁多間酸辣粉我最滿意梅姐，而且叫咗一碗黑糖冰粉加一份酸辣粉，一個人食唔晒嘅份量都係唔洗$50，簡直抵食到爆！！！如果行開大埔又想食酸辣粉可以試吓呢間

大埔隱世川菜雖然位置相對隔涉，但味道絕對不錯！之前開喺麥當勞隔離，依家鋪位變咗賣手卷，佢就搬咗鋪過嚟賣嘅都係川菜，相當抵食叫咗個普通嘅燒賣 估唔到配搭麻辣汁會咁惹味！相當難忘！除此之外叫咗個玫塊黑糖冰粉絕對係呢度嘅名物！配料有紅棗、杞子、提子乾、花生碎、芝麻都畀得相當足料之前曾經去過成都同重慶，都食過呢隻四川冰粉，解辣開胃，返嚟香港想食返，都一定偎嚟呢間佢黑糖味落得足，而冰粉感覺清涼，配搭花生、杞子、提子乾口感新鮮、清爽，加上提子乾嘅甜味，絕對係香港難得一見嘅甜品如果平時諗唔到食咩糖水好都可以嚟呢度試下呢個冰粉！值得推薦！

本人喜歡吃川菜, 也吃得辣, 見到大埔開了間吃辣的, 當然要試一下！晚上7時多, 人不是大多, 入去便有位.我也是坐下才看點餐紙的, 最後都是吃酸辣粉, 起碼都有信心些. 似快餐店的叫餐： 先要填好落單紙, 然後出去收銀前台付款, 取回收據. 及後叫号自取食物. 我點的是大辣大酸的酸辣紅薯粉$26, 配兩餸. 其實從4種食物中選2種, 我真是不知點選好, 因為全都不太吸引, 勉強點了鱼蛋及木耳, 配上大辣及多酸. 紅薯粉非常腍及漲大, 辣是夠的, 就不太酸. 兩餸少得可憐, 沒有配菜（但我明明沒點“走蔬菜、走花生、 走芽菜、 走芫茜”的）. 味道一般,食完超級口渴！

天氣開始轉熱，基本上冇冷氣既地方，你唔會想食熱野，有見及此，所以同朋友周圍搵野食。咁有間食開唔錯既冷面鋪，所以帶左佢去試下，之前食開都係冇位坐，但間鋪搬左間再大D既位，又可以入去坐，又可以吹冷氣，岩哂我呢D唔鐘意熱既人。講番D野食先，呢間主打川味，姐係麻同辣啦，小弟只能食少麻少辣，其實你有咩要求，老闆都滿足到你，講緊麻辣程度，哈哈。涼面又大碗又多配料，價錢實惠講緊都係2X蚊，最緊要好食同埋佢係凍架!!!!!!個FD就叫左涼粉，口感軟綿綿，都唔錯，最後叫左個拼盤，份量十足，小弟同朋友都食唔哂。

大埔食宵夜的地方都幾多，有串燒、小菜打冷、小食等，如果想食香辣重慶小食，必選位於寶鄉街的梅姐（已由廣福道搬入大鋪了）中意香辣/麻辣人士應該會食過翻尋味入到鋪前已聞到陣陣麻辣香味。搬左大鋪，終於可以有得堂食！先到收銀台填紙揀食乜。🌟必食串串系列1. 串串金牌套餐（$60），六選一可選香辣/麻辣，幾個辣度今次揀左香辣（海帶、蓮藕、豬耳、雞腎）香辣汁真係好香，食得出個辣醬係佢地自己調 所以撈少少已經好入味 2. 酸辣紅薯粉$26 包兩餸揀左豆卜、豬皮薯粉較腍，個人中意硬身，有咬口D3. 手工豌豆涼粉有d似涼拌粉皮，香辣汁撈起來都幾夾！但個粉就削D , 唔夠粉皮咁煙韌！