影片
港铁炮台山站 B 出口, 步行约5分钟
继续阅读
营业时间
今日营业
10:30 - 19:30
星期一至日
10:30 - 19:30
以上资料只供参考，请与餐厅确认详情
相关文章
每次經過都聞到香噴噴，每日新鮮出爐麻糬波波，外觀粒粒都漲卜卜，大大個，好吸引🤩第一次食買咗紫菜肉鬆，一袋6粒$35口感非常好，頂層脆口，底層煙靭，中間有唔少嘅紫菜肉鬆饀，個人覺得肉鬆味道略甜。麻糬食到黑芝麻香味，唔錯。留咗兩個放室溫待翌日做早餐，食之前放入焗爐微微加熱，口感和新鮮出爐時咁好食😋會再回購，下次想試其他味道
继续阅读
🇭🇰梅窩麻糬王·呢間我已經買過好多次啦 食過咁多間都係最鍾意佢個質地 而且因為佢而家開咗好多間分店 好輕鬆經過就可以買到😈·原味$25/6個 l 朱古力味$35/6個不過可能因為佢依家去流無咁快 佢即買凍咗冇咁好食 一定要返屋企焗返熱先會出面脆 入邊煙靭😍今次試咗佢朱古力味 朱古力味超濃 而且入面仲有啲朱古力粒 焗完之後微微溶化 好好食🍫原味就同之前一樣都係好香芝麻味同蛋味 超香🥚🤤·#rbyeat#rbybakery #rby北角 #rby炮台山 #rby灣仔 #rby筲箕灣 ·📍北角電氣道302號地舖📍灣仔灣仔道110號地舖📍筲箕灣東大街76A號地下B1號舖📍長沙灣元州街334號南廬大廈地下5號舖📍荔枝角青山道489-491號香港工業中心A座地下A5C號舖
继续阅读
近期周街開咗好多間賣麻糬波波嘅店舖🤓，呢間梅窩麻糬王就係其中一間，而且開咗好多間分店，呢日經過油麻地好景，竟然都開咗間，仲要唔使排隊🤪，咁梗係要買番兩袋啦，麻糬有原味、朱古力味、紫菜肉鬆味同雙重芝士味，除左原味$25/6粒，其他都係$35/6粒😆❣️朱古力味麻糬波波$35/6粒呢間麻糬波波嘅特色就係比起其他店舖做得更加煙煙韌韌，特別推介朱古力味，味道濃郁，好似食咗成排朱古力咁🍫❣️雙重芝士味麻糬波波$35/6粒芝士味香濃🧀，如果再焗返嚟食會更加好味，凍食芝士味冇咁出🤓🏦是次消費總額 $70👅好味度：8.5（10分滿分）呢間麻糬王十分推介，首推朱古力味麻糬波波，其次芝士同紫菜肉鬆都好味，好景呢間梅窩麻糬王反而比較少人排隊，所以經過成日都會買到，有時新鮮出爐熱辣辣，$35仲可以揀2隻口味，推介👍🏻
继续阅读
作為麻糬控，真係會好想試哂唔同店鋪嘅麻糬波波！呢間梅窩麻糬王近年好出名，仲越開越多間分店，今次嚟到北角呢間分店，離遠行緊去都聞到香噴噴嘅味道，忍唔住買返包試下～雙重芝士麻糬(6粒)💰HK$35口感煙煙韌韌，芝士味濃郁，一咬開就發現中間充滿住芝士，好味又邪惡，令人忍唔住想一次過食哂6粒～下次經過會再試埋其他口味，款款好特別好吸引～
继续阅读
唔知有冇人同我一樣，由細到大都好鍾意食麻糬波波😍煙煙韌韌，而且有好多唔同嘅味道選擇，的確係好多小朋友嘅至愛☺️梅窩麻糬王最出名嘅一定係佢煙靭嘅質地，的確佢比起坊間普通麵包店嘅麻糬波波係真係唔錯！仲有好多味道選擇添😋我自己就最鍾意佢嘅朱古力味，濃郁得來又不失煙人嘅口感。另外原味嘅麻糬波波都唔錯㗎 ！當然最有驚喜嘅就係佢嘅芝士味，我一直都覺得香濃嘅芝士味配埋煙煙韌韌嘅麻糬波波口感真係好夾，經過嘅朋友仔不妨可以買一包試吓😋
继续阅读