梅花邨小館

营业中

休息中

我公司係北角，有時候會突然想食大碟飯，充下機。呢度通常唔洗排隊，做開熟客生意。最喜歡係呢度個滷味飯，真係十個正！！！ 多料，又可以快快填飽個肚仲叫左個魚蛋粉，一般啦，d粉好快就sok曬湯，魚蛋唔夠彈牙。

與好友到郊外遊玩了一整天後，是必須補充能量的！之前在長沙灣已經留意到梅花邨，不過未有機會一試。今次友人提議試試北角店！一行5人來到，座無虛席，幸好有訂座。一坐下已經急不及待要點菜！* 鹵水鵝片 *鹵水汁香，鵝片又入味又焾，好味！有豆腐墊底，加上鹵水汁，一流！* 煎蠔餅 *略嫌有點“削”身，顯得過份油膩。* 椒鹽九肚魚 *炸皮厚度剛好，椒鹽香口，九肚魚滑身，口感很好。* 黃金糖醋麵 *外脆內軟，撒上砂糖(很多！)，還有鎮江醋，美食啊！* 潮州炸蝦丸 *蝦丸外那些脆脆配上酸甜醬，令人愛不惜手。不過蝦丸本身並無特別。* 金銀蛋浸菜 *正正常常本想點個反沙芋，碰巧那天沒有，有點失望。。。唯有留待下次。

係北角搵舊朋友食午餐，好想食潮州野，另一間潮州酒家又要排隊，可憐既打工仔别無選擇，就求其行入一間食個飯算，點知...五香滷味飯 真係食到你lm啊 50幾蚊個滷味飯，你俾兩塊滷肉，一細塊豬耳，半隻蛋，兩塊紅腸我就算？！ 連汁都唔多滴？！問下係咪得咁少餸仲要黑面鬧返個客 今時今日咁既服務態度...本來話要一碗，點知就黎左一窩，點食得晒？！話想轉返就話 頭先係話得窩上？！都算啦，呢窩蠔仔泡飯真經典！老娘我d蠔呢？！肉碎都有既，味道就有少少似普通既肉碎粥囉... 蠔味？食唔係好到炒河 有返d野睇啦！起碼樣子對版。但鍋氣唔多夠，食落似濕河p.s. 服務認真差，唔好話差，直頭服務都冇，OP冇得唔俾星咋，唔係？！實負星佢！叫既又唔係黎既，夾硬屈，俾錢先知窩無蠔既蠔仔粥貴過碗上既四倍

老公兄弟姊妹為他慶祝生日，他選了這間梅花邨打冷。我們訂了八位，人未到齊是不能入座的。幸好我們都非常準時，等了5分鐘就人齊。店舖細細間，座位比較迫，而且好似壞了冷氣，非常之熱。滷水鵝鵝肉好冧滑，鹵水味道不錯。方魚炒芥蘭，方魚又香又脆，很好味。紫菜𧐢仔肉碎粥份量好多，一煱就夠8個人食。炸蝦丸，外型有D似芋蝦，都幾彈牙。大腸、墨魚雙拼，大腸無味好淋身、墨魚無染色仲幾彈牙。沙爹牛河，沙爹味濃，牛肉一般，炒得好香。價錢算平，味道也可以，街坊鄰居必食之選。👍👍👍

是日心血來潮 去左食梅花村叫左3樣食物 質素一般。第一道菜係滷水鵝片飯，鵝肉夠淋 頭腐好食 滷水汁惹味 幾好食既！第二道菜係滷水鵝麵，湯底唔錯菜亦新鮮 唯獨鵝肉皮厚 好肥無咩肉 好一般。第三道菜係該店的滷水併盤-細，價錢貴唔抵食完全無鵝肉，頗貴的價錢一般的食物亦不算特岀！該餐廳最差的是服務態度，店員好惡，一入到餐廳，大部分枱也是留座，我們一坐下就俾店員用好惡的態度話我們必須要坐埋一邊。。。真係當食客唔係人，呼呼渴渴。。。唉！ 該店食物好食 但都唔洗這樣的態度丫，我們一邊責怪大企業趕絕小店，但又有沒有人可以講下小店怎樣的服務態度呢？ 如果我們只埋怨大企業價錢貴市民無得揀的同時而小店的服務態度又很差，受苦的仍然是我們的小市民！ 希望未來會有改善。

父親節，訂了一張四人枱。去到時明明還有一張4-6人枱，上面還插了一張紙仔寫著本人名字及聯絡電話。明顯是留給我的。此時侍應居然聲大夾惡迫我們去大枱搭枱。爭論期間，又有一張四人枱賣單，侍應還是堅持要我們搭枱。本來重要節日真的不希望搭枱，但礙於兩老在場，不便爭吵也只好就坐。其後只見那兩張枱，分別就坐了一個四人家庭，以及兩對情侶。。。試問一間正常餐廳又怎會如此安排？告誡大家，節日千萬別在這訂枱，不然只會為你換來一肚子的氣

北角區有很多童年回憶, 每隔一段時間都會來走走, 看看這裡的變遷。“梅花邨” 座落在北角區幾十年, 除了潮州滷水鵝、豆腐、蛋、潮州粥、夠鑊氣的碟頭飯/小菜… 今天本想到來回味這裡的魚蛋粉, 可惜要失望了!室內裝潢十年如一, 這裡的雲石枱椅年紀可能比我還要大, 但坐著看著, 環境依舊整潔衛生。平日下午茶時段, 人流不多, 不用搭枱。這天點了一碗魚片河、一碗雙丸(魚蛋墨魚丸河), 河粉很滑 , 但湯底有點咸, 魚蛋魚片彈牙但有味精, 墨魚丸則略嫌不夠彈牙。

梅花邨小館 我細細個就聽過呢個名係區內薄有名氣既潮州菜小館是晚媽媽心血來潮想食潮州菜諗起呢間梅花邨小館好啦就一家人過黎食啦等左十分鐘左右就入得蠔仔粥米粒粒分明 泡飯咁樣主角蠔仔下得慷慨紫菜冬菇提昇到鮮味入口好舒服連我呢個唔係好鍾意食粥既人都食左唔少鹵水拼盤(大) $98好豐富呀 有海蜇 鵝腸 五花腩 墨魚 豬大腸 紅腸 豆腐 鹵蛋 鹵得好入味 不過加大份量都仲係略嫌偏少鹵水鵝片($100)肉好嫰 一樣鹵得好入味完全停唔到口啫啫通菜煲 ($75)份量比想像中少夠火喉 上枱一陣都仲好青綠色脆皮黃金豆腐($55)即叫即炸熱辣辣 無誇張架真係辣親個咀 個皮好薄身 脆到不得了 有少少胡椒既鹹香裏面滑到一個點 完全入口即溶 直頭唔洗點4個人5個餸 埋單$428唔洗加一又好食 抵到爛啦

由細食到大既梅花邨今晚同屋企人 見耐無食梅花邨 就入左去去潮州野 呢間小店由細食到大水準一直都保持得好好佢滷水同小菜都好出名好好食所以我地每次都會試新野入到去就即刻俾左D鹹酸菜同茶我地個鹹酸菜有小小甜味 唔會淨係得個鹹字呢兩樣都係要收錢的 食唔食都要俾 好似飲茶甘甘之後我地就叫左三樣野1. 鵝片2.咸菜豬肚湯3.鼓油皇炒河 一碟鵝片有十舊鵝左右 其實都幾貴不過個鵝片好嫩口 而且個滷水汁真係無得輸墊底既豆腐都好入味 好好食而咸菜豬肚湯係每次食梅花邨必叫既菜式非常夠胡椒味 好夠辣 可惜豬肚唔夠多 但係非常大盆 成個洗面盆甘多不過以宜家物價不斷漲升 又加租既情況 都算係甘個炒河份量唔細 好夠味 兩個人食三樣野真係好飽 埋單大概二百五蚊左右間中食下都唔錯

自從發現左呢間潮州菜館，已經食咗兩次啦。見每枱都叫一碟［沙嗲牛肉炒河］就知必食！上次食左［滷水拼盤］今次再食埋［潮州蠔餅］［招牌肉碎粥］全部都好足料，好有潮州風味！煙煙韌韌，每口都蠔味十足，蠔餅邊邊位的鴨蛋香什濃郁，好有潮州風味！！勁多料的，真係未見過一碗粥落咁多料，有蠔仔、肉碎、瑤柱、柴魚，料仲多過粥，好有鮮甜味，$52一大碗認真值得的！每次都必食的，河粉完全比沙嗲覆蓋，又不會太濃味，河粉不會一舊舊，牛肉份量都好多。見枱枱都會叫一份，就知有幾好食啦~

風聞北角呢間潮州菜館「梅花邨小館」評價不錯，又近地鐵站（B4出口即見），下午又冇落場時間，就搵左個星期六下午放工去試。佢主打係滷水同小菜，最招牌菜式反而係唔多似潮州菜的沙嗲牛河（$52）。分量唔少的牛河幾乎完全被沙嗲汁覆蓋，一睇就知非常濃郁，除左沙嗲醬，仲混入左花生碎，又香又有咬口，但唔會好鹹。河粉唔會黐埋一舊舊，亦唔會碎晒，牛肉都係一般的腍，加幾條菜都唔錯，可以中和下濃味。滷水鵝片（$95）都好高質素，滷水汁算清爽，冇死鹹，鵝片不油不膩，都幾腍，墊底的豆腐吸滿滷水汁，好食。魚香炒桂花魚肚（$72）有蛋塊、魚肚、芽菜等等，口感又爽又脆又腍幾豐富，只係調味重手左少少，有點鹹。仲有好多菜式想試，下次搵多幾個fd子一齊食先。

這個名字可説在北角區有段很長的歷史、最少超過三十幾個年頭。滷水拼盤及滷水鵝都算是一時名震江湖。 直到現在依然保持水準。只是墊底的豆腐越來越多而鵝片則越來越少。沒法子物價越來越高。這裏算很好了價格加了很多次依然覺得抵食。今天不是滷水天、想吃的只是簡單的榨菜炒三鮮、鹹菜豬肚湯及清清地的炒過通菜加個浸大蜆。味道好味如舊。就是那個浸大蜆加了腐竹想其感覺澎湃點碟頭看落多一點㸃而被我扣了點點分數。榨菜芽菜通菜所有都加入高湯炒怎會不好吃呢？

接完女人，就腳去左間係北角既潮州飯店，食完只能大叫:兩個人食唔晒咁多正野，下次要叫多啲人!先黎一碗蠔仔粥!粥水好鮮甜，我係咁飲個粥水多過粥本身，蠔仔好多而且新鮮。然後啫啫雞堡上場，雞肉無煮過龍岩岩好，食落易咬似魚肉。最後食埋個芥蘭炒蝦仁，我就略嫌唔夠蒜蓉，芥蘭味道比較淡，反而蝦仁味道有驚喜。

前排去北角同媽媽食飯，但又諗唔到食乜嘢好媽媽二話不說就推薦左呢一間佢自己成日去食嘅"食堂"。本身以為佢同其他潮州菜館冇乜分別，但食完之後覺得真係正。蠔仔粥蠔仔好肥美，漲卜卜。菜一d都唔硬又甜，蝦都新鮮，普通一道住家菜都好味。招牌滷鴨皮薄肉入味第一次食反沙芋，估唔到芋頭都可以炸到咁好食，外皮既糖小小硬脆，內就軟糯依次之後，呢到應該都會成為我最愛食堂之一

消夜，總想起潮州菜。今次我找到了北角一條隱世食街，以后肯定更精彩。菜絲冬菇丝肉碎粥（$42），非常多菜，健康之选。鸡蛋蠔煎（$68），蠔仔非常之多，其實是炸，非常香口。蠔煎絕不油膩，抵讚！下次可以來這店再試試滷水，坐地鐵轉車，又有一個好去處。順帶一提，在北角站B4出口對面，非常就腳。