梨滿園韓國料理 (已結業)

限聚令一放寬，就急不及待出街食好西，今日又出左mk haha😆今次就同男友出，今晚係佢搵食。佢話港女最愛韓食😎👻本身諗住食燒肉，但最後order左芝士炸雞🍗一份韓式芝士紫菜蛋捲🥘🧀🧈🌮同埋叫左個海鮮魷魚牛肉鍋 驚食唔晒 就叫左呢3樣野食另外叫左兩杯drink店員反應算快 一舉手🙋🏻就嚟幫我地落order食飯方面： 熱辣嘅芝士拉絲雞🍗 份量都算多 食左都唔會有漏嘅感覺 唔錯 😉紫菜蛋捲有意外驚喜 未食以為好似日式玉子燒 放左入口係另一種味道 配埋蜜糖芥茉同茄汁 so yummy而個海鮮魷魚魷魚牛肉鍋 🦑真係估佢唔到咁大鍋 相信係有食唔哂嘅預感🐥🤣 下次再食要有好少少預算 牛肉同魷魚店員會即時幫我哋上菜嘅時候剪碎

一見到炸雞放題即刻心動 因為成日食炸雞通常都只係嗌一兩種味 冇咩可能一次過試得晒所有味 因為根本食唔晒 所以呢啲炸雞放題就啱哂一開頭會比哂5種味試下先外皮好脆 啲肉都好juicy 比較推薦既係韓國傳統嘅甜辣味同薑蔥味完全係韓國既味道 好香而芝士味有啲失望 因為只係芝士粉 而且啲芝士粉都好少同灑得唔均勻 有啲炸雞完全冇味

梨滿園位於旺角通菜街威達大廈，大廈內餐廳林立，等電梯時或需要較長時間輪候。餐廳有120分鐘炸雞放題，以及韓式料理單點選擇，是夜選擇了韓式料理單點。侍應們服務非常貼心，會主動介紹每一種醬油醬料的配合肉食，為食客提供最佳的味道。餐廳自家制作的前菜小食等均可以添加，比較特別的是醃薯仔的做法，外貌極似醃蘿蔔，但口感味道完全不同，值得一試。是夜燒烤主角一牛一豬，再加點一客海鮮煎餅，大滿足。經過一輪燒烤後，店員亦會主動更換新燒鍋，服務值得一讚。

今日朋友話想食韓國嘢，於是約埋三五知己一齊去位於威達商業大廈一樓嘅梨滿園韓國料理去食韓國菜囉。見間餐廳好似新推出咗一啲放題，於是想挑戰一下。入到去都見到坐咗唔少人，三個店員要招呼全場嘅客人都真係有啲辛苦。宜家餐廳有90分鐘任食炸雞同120分鐘任食，包括韓國壽司、拉絲芝士紫菜捲蛋同埋韓式拉絲芝士雞。90分鐘任食炸雞仲有薑蔥味、甜辣味芝士味、蜜糖味、秘製醬油味。叫咗蜂蜜紅棗茶飲，因為我唔係幾飲得酒。先來上枱嘅係韓式拉絲芝士雞，放左滿滿嘅邪惡芝士。韓式芝士炸雞一上枱就係有齊五隻口味，個人比較鍾意薑蔥味同甜辣味。韓式壽司都同出面嘅韓式餐廳質素差唔多，總係要有啲飯落肚先夠飽。韓式拉絲芝士紫菜捲蛋，我個人今日就係最鍾意呢碟餸，唔知點解莫名地食到有章魚燒嘅感覺，不過係幾惹味，上枱都係熱辣辣嘅。原本呢個好食到我哋想再encore，但係因為時間所限結果都係冇嚟到。餐廳都預留咗足夠嘅時間畀我哋一行人慢慢吹水傾計，冷氣太凍。

好多人嚟呢間都係揀炸雞任食。今日就偏偏唔食炸雞金色茶壺好有韓國 feel前菜係餐廳自家製，無其他餐廳咁咸，空口食剛好。點咗燒牛仔骨。但唔會好多骨。有成8-10 塊。味道帶甜專屬醃醬同韓式沙律係包係菜入面食，味道好豐富五花腩好大份呀。有成3條咁多。餐廳比較繁忙，所以我哋都係自己剪剪剪好了。黑碟嘅鹽就係配呢個五花腩肉。白碟係配之前個牛的。另外仲點咗海鮮煎餅，材料豐富，啲八爪魚好彈牙。個餅比較厚身，但都好脆。帶俾我唔同體驗嘅煎餅。店家都好有禮貌，只係比較忙。大家耐心等多陣就好了

禮拜一係何等嘅淹悶！週末週日玩樂過後，又係要開始返工嘅禮拜一！好彩，收工有個朋友仔一齊去一間好好食又好抵食嘅韓燒，共度週一嘅晚上。我哋勁好彩，因為早少少黎攞位；遲少少都要等呀，全場爆滿，勁熱鬧！打開Menu，美食盡在不言中。我即刻點咗一份無骨背肩肉同一份烤牛肋骨肉。呢間餐廳出名多選擇得黎，價錢亦都相當貼地親民！阿frd鍾意食飯有啖湯水，我哋嗌咗一客高麗人參雞湯，正氣之選！飲落去嘅第一個感覺係好thick好濃郁，仲好滋補添呀！我哋驚死唔夠飽，仲嗌多個粉打打底。炒牛肉粉絲！牛肉新鮮嫩滑！熱辣辣唧韓國粉絲，索哂牛肉味，而且好彈牙，口感一流！食飯點少得飲品，一杯凍檸茶，一杯凍奶茶，夏天消消暑，涼住冷氣食韓燒！我哋叫到成枱野食，慢慢燒，慢慢食，好野！開始燒韓牛lu，睇到燒牛肉滲出黎嘅油份，就知道牛肉好好食，我自己就最鍾意包生菜一齊食，好味到不得了！正呀！

今日專程來食燒肉的，另外再加兩款韓國料理，食一餐正宗的韓國餐。主餐未到，韓式小食先到，泡菜、蘿蔔、土豆絲等等。先嚐韓式味道兩款烤肉分別是:無骨背肩肉烤牛肋骨肉。 首先，店員分別提供兩款醬油，分別兩隻肉都用不同的醬料，已經令我覺得店家對韓國原味道好講究。烤牛肋骨肉本身是有味，但仍有一連串的步驟帶出最佳呆味道，1)先燒好，2)用生菜包，3)加上小小辣的菜沙律，4)再加上豆板醬。這樣一來，除左牛肉的美味，還有生菜中和肉的油，辣的菜沙律令味道更豐富。 無骨背肩肉則不一樣，因為本身冇味，沾帶海鹽的醬油，少少的咸味帶出了牛肉的美味。相當滿足到我日今日想食韓國烤肉的慾望。 另外，韓國料理，我叫了韓式参雞湯。我覺得這是食韓國餐必點的。参雞湯好濃郁，除了見到了原隻雞件，湯底都一樣好濃，有好多雞既精華係裡面。雖是夏天，但我覺得食雞湯可補一補，而且真係幾好味，比中式湯濃得多。 韓色炒粉絲炒粉絲幾乎是必叫的美食。粉絲是用了扁身的粉絲，食上黎就更加是有口感，比較闊一點。加上牛肉，雜菜等配料，其實相當美味。與燒烤一齊食，完全係韓式晚餐。

最近食左好多餐牡丹樓炸雞，同朋友講起佢地話識食炸雞梗係食韓式炸雞，就黎這裡食炸雞放題前菜有泡菜同芽菜，另外係薯仔條，開胃又有韓國特色雖然係炸雞放題，但仲可以食拉絲芝士雞，紫菜捲蛋同韓式壽司，一次過識勻唔同嘅韓式美食滋味芝士拉絲可以拉到超長超壯觀。芝士香濃配嫩滑多汁雞肉非常夾，而且鐵板上，底層芝士烘得焦香，又多一種口感同味道主角炸雞，有五種味，每種都外脆內嫩，滑溜多汁仲派發手套，用手食夠滋味類似加州卷嘅壽司呢個捲蛋入面嘅蛋係超滑炒蛋，夾住紫菜同芝士加上千島醬汁，好似章魚燒小丸子嘅風味，好令人懷念在日本的時光仲有小食，健脾開胃的蘿蔔粒，爽脆炸雞仲有得encore，90分鐘可以食2轉呢，五種味道試勻都夠時間

今日同3位老友記去旺角食炸雞。但依間炸雞既地點唔係甘易搵。唔係威達大廈上去，而係係Deli2果度坐LIFT上去。因為旺角既夏天真係太熱啦，個個嚟到都已經流哂大流。好彩依間韓國餐廳，佢哋既冷氣好夠勁，我哋一行人入到去，好快已經涼哂。我哋決定左食炸雞同同芝士雞。好快職員已經上定前菜。係等主菜既時候就係靠食前菜同吹水。經過朋友間既一段時間既噓寒問暖之後，主菜漸漸地來到我哋既台上。韓式拉絲芝士雞一上到嚟，熱辣辣，好濃芝士味。依個幾好食，但要快食，否則芝士係冷凍既環境下，好快凝固，就無甘好食既啦。XDXD。韓國壽司就不過不失啦，入邊有紅蘿蔔，青瓜同牛肉，飯粒算完整，唔鬆散。拉絲芝士紫菜卷蛋就幾有意外驚喜。蛋卷外熟內嫩，蛋醬同芝士融為一體，配合埋塊紫菜，真係幾好食。同朋友又聯誼左一大輪後，我哋既5味炸雞終於終於終於都隆重哋登場啦。5款炸雞主角站在同一隻碟上。醬汁味道會混合。但其實甘上菜會方便左。因為佢係同一款炸雞，但淋上5種唔同既醬汁而有5重口味。炸雞既算係炸得幾嫩滑，同果5種汁亦都幾夾。

前菜野食未到前會有4款前菜食住先，店員話泡菜係自家製，前菜食落好新鮮，好開胃。芝士拉絲紫菜卷蛋送到上黎熱辣辣，熱食好好食，一層厚厚嘅卷蛋包住芝士同紫菜，仲係面芥末同茄汁，超級好食。韓國壽司壽司好爽口，入面放有肉同啲瓜同蛋，點芥辣同豉油，好味道。拉絲芝士雞芝士就係個精髓同重點，好足料好多芝士，呢隻芝士仲會拉出條條長絲，簡直流晒口水，呢隻芝士仲唔會好流。五款味炸雞出面好難可以一次過食到五種味嘅炸雞，黎呢到就可以喇，全部炸都皮脆肉嫩滑兼入味。價錢大份夾抵食，店員話宜家做優惠，$118加多$20可任食埋芝士炸雞，任食4樣野真係抵到爛，汽水啤酒仲買一送一添。

難得放大假，決定瘋狂約好友相聚，而今晚好友就提議食《梨滿園韓國料理》餐廳位置非常方便，位於出名多野食既女人街，坐lift上一層就到。一來到餐廳門口，就聞到陣陣超香的烤肉味，真係聞到我流晒口水！打開menu，見到有好多食物可以揀，有韓國傳統小食如水冷麵，炒年糕，部隊鍋，石頭鍋飯，韓國壽司，炸雞等，當然不少得烤肉啦！上菜前，餐廳先送上一碟碟既韓式前菜，味道酸酸甜甜的，非常開胃！之後就到重頭戲烤肉了，服務員一開始會送上生菜同特別醬料，並介紹不同的配搭，非常細心。而今次我同好友兩個食肉獸就叫左烤肉什錦拼盤同精選豬肉拼盤。烤肉什錦拼盤有雞牛豬共三款。由於太肚餓了，所以一開始就燒最易熟的牛肉，反一兩下就吃得！首先我沒有加任何醬料，牛肉已經非常多汁入味，餐廳把肉實在醃得太好了！之後我又嘗試把肉包生菜食，感覺很爽口，而且中和了肉的油益味，感覺較健康，別有一番風味。至於精選豬肉拼盤，有五花腩片豬柳同豬頸肉，一開始看到五花腩上的腩肉，很怕有肥膏，但原來完全相反，薄薄一片但味道絕不肥膩，而且平常較少機會吃，簡直係我整碟拼盤內的最愛！吃完烤肉後，我同好友都覺得不太夠喉，於是再叫了芝士雞，岩哂我地兩個芝士控！芝

究竟係邊個食神創辦左醬油蟹呢個食法 我本來覺得蒸蟹先可以食到佢嘅原味 我錯了 醬油蟹係最終極層次😂 直接食得出呢個蟹既鮮甜味 creamy 既蟹膏 🔥 撈落啲飯到 加少少紫菜 真心好食到反白眼！ 係連蟹腳嗰啲都食到肉 就咁簡單用醬油葉 已經好入味 發現一碗飯其實係唔夠囉🌝🥺 燒肉拼盤呢度有新鮮豬腩肉 牛肉 豬頸肉 我嘅最愛都係豬腩肉 唔使加任何野葉 就咁食佢燒完嘅肥油 好香 牛肉好遠霖 可能因為葉左 豬頸肉肥瘦相間 好彈牙😍😍😍 冷麵好耐冇食冷麵 食咁多熱氣野 感覺食啲凍野好似可以解到熱😂 有一個姐姐係半個韓國人佢教我地整出嚟食飯係要加啲芥末同醋落去 真係第一次聽🌝 食出嚟嘅口感係出奇地唔錯 冷麵入面有雪梨白蘿蔔青瓜等等配菜 所以識落有少少酸酸甜甜加芥末辣辣😂係幾特別👍🏻

最近好想食炸雞，見到呢間有得食唔同味道嘅炸雞，有得任食，仲有韓國啤酒、汽水買一送一，行到間嘢出面都聞到好香嘅燒烤味，侍應都好好，會詳細講下有咩選擇，上菜都會介紹下係咩嚟。啲餐前小碟有自己整嘅泡菜、豆芽、薯仔條、蘿蔔條，都幾開胃嘅，炸雞分別有五隻味（芝士、薑蔥、甜辣、蜜糖、秘製醬油味），味道嚟講都幾多選擇，第一轉會上晒咁多隻味俾你試一次，然後就可以揀自己比較鍾意食嘅味道而叫啦，我就鍾意蜜糖同薑蔥，朋友就鍾意甜辣同芝士，佢啲炸雞嘅皮唔會好厚粉，炸得幾好，食落唔會覺得好硬。另外都叫咗份拉絲芝士紫菜卷蛋，份卷蛋熱辣辣地放上枱面，好厚嘅蛋卷，芝士好有拉絲感，可以拉到隻手最高都未斷到，啱晒芝士控嘅人，份芝士雞都係咁樣，真係做到真正嘅拉絲芝士，哈哈

早兩日突然之間好想食韓國嘢 聽朋友講呢度有任食炸雞嘅套餐所以就即刻嚟咗食啦！炸雞總共有五種味道，有甜辣味，薑蔥味，芝士味，蜜糖味同埋秘製醬油味。我覺得值得一讚嘅係呢一間嘅餐廳嘅炸雞唔會話炸到好厚粉同好熱氣 而且係好juicy既雞 個人最鍾意甜辣味 係有種酸甜嘅感覺好開胃，而且佢會俾埋手套你食所以唔會食到好論盡。之後因為我哋都超鍾意食芝士所以叫埋佢另外一個套餐係有包埋韓國壽司，芝士蛋卷同埋拉絲芝士雞。啲芝士真係超邪惡但係份量超足，熱辣辣咁上係超級好味 建議一定要趁熱即刻食晒，因為如果芝士凍咗嘅話會黐實晒就冇咁好食啦 而呢個拉絲芝士雞 係冇炸到嘅所以完全唔怕會熱氣至於芝士蛋卷同埋韓國壽司兩個都係水準之上。而呢間餐廳佢會送埋一啲韓國嘅配菜俾你有泡菜有蘿蔔去俾你清一清你嘅味蕾 我覺得係幾細心嘅 而且侍應嘅服務都好好會隨時了解我哋嘅需要所以都幾值得推介朋友一齊去食

同朋友行開旺角買野。見到梨滿園，朋友想食韓燒，我想食炸雞🤣 梨滿園真係剛剛好滿足嗮我2個麻煩友🤣入去發現餐廳有一個新放題😍任食炸雞雞蛋卷，都好吸引，不過朋友又想食韓燒，唯有下次再試任食炸雞😍😍烤牛助骨肉 牛肉好嫩，好入味，食落仲好多汁😍 質素完全唔差😍 燒出黎牛肉仲好香🤩紅椒醬淹五花腩片:睇樣以為會好辣，雖然係紅椒，但燒出黎唔會太辣，因為有淹過，所以都好juice 芝士雞:😍好濃芝士味。完全係我最愛，食落淡淡肉😍 分開好大🤣，2個人 完全食唔嗮😭員工介紹用烤肉生菜配豆瓣醬，蘿蔔絲一齊食，個味道完全升華😍，就算唔配其他醬，燒出黎都好好味😍