梨滿園韓國料理 (已結業)

之前有留意哩間梨滿園，因為有炸雞同韓燒，可以一齊食，唔使分開去2間，想食韓燒又得或者想食炸雞都得😍一舉兩得岩嗮我同朋友！另外如果唔想食韓燒既朋友仔，餐廳有一個新放題😍任食炸雞雞蛋卷😍都好吸引烤牛助骨肉 牛肉好嫩，好入味，而且哩個牛肉質素都唔差，而且燒出黎好juice 😍哩個肉可以再安call😍紅椒醬淹五花腩片:雖然係紅椒，但唔會辣，因為有淹過，所以都好juice ，而且肥瘦一半一半😍剛剛好芝士雞:話明2食，🤣我同朋友一定要叫個炸雞食，因為係無骨，所以食落去淡淡肉😍好濃芝士味店員服務非常之好，而且好有禮貌，員工介紹用烤肉生菜配豆瓣醬，蘿蔔絲一齊食，個味道完全升華😍

前幾日有朋友即興約食飯近近地去左韓國野兩個女仔食左份芝士雞 芝士蛋捲 紫菜包飯 同炸雞🍗 係兩個唔同嘅套餐嚟因為個日勁肚餓 基本上我食晒成碟炸雞 因為5種味都好好食我怕重口味 佢唔咸 又多口味選擇我食左4舊 食完再食佢個蘿蔔粒粒 岩岩好 仲有我中意食個個芝士雞 個cheese拉絲好好玩😂 同埋雞夠入味 平時好少見餐廳做足醃製 但佢哋醃製得好好食而且啲雞都好滑 同埋佢哋芝士係落得超足料超多！啱晒最鍾意食芝士嘅我：）如果怕只係食炸雞會太熱氣就可以好似我哋咁叫埋另外一個餐咁就會有埋韓國壽司同埋芝士蛋捲份量都好足 所以兩個人食啱啱好下次一定會同朋友再黎食！

早幾日同朋友去咗旺角，突然好想食韓國嘢，說即刻上網搵下附近有咩韓國餐廳。點知搵咗呢間梨滿園，見到又有單點又有韓燒又有任食炸雞好似幾吸引咁，價錢仲要唔貴喎去到門口望咗陣個Menu，最後同朋友決定都係食單點因為任食炸雞太熱氣而個單點Menu都有好多選擇，有飯有麵有鍋物有選擇困難症嘅小弟同朋友諗咗好耐食d咩好，因為好多都好吸引d前菜好好食，好開胃！特別係個蘿蔔，好正！泡菜唔會話好辣，但係好夠味呢個壽司好足料仲要大大舊d餡料仲要好新鮮，仲食得出有牛肉味，唔錯！小弟未食過其他餐廳嘅韓式餃子所以冇得做對比，但係呢個餃子係即叫即煎，上到枱仲係熱辣辣。外皮煎得好脆，裏面仲要塞滿晒餡料配埋佢嘅醬汁真係好好食呢碗炸醬麵係超級大碗！相信如果得小弟自己嚟食嘅話淨係食呢碗麵都已經飽到想嘔麵質好彈牙，唔會煮得太淋！食韓國炸醬麵最怕就係面頭啲汁好杰搞到好難撈得勻.....反而佢呢個嘅醬汁唔會煮得太杰，好易就可以撈好個麵

今日同朋友去完旺角行街突然好想食炸雞 醒起呢間餐廳有炸雞放題食就決定去試下💗環境都幾舒服 叫完野食好快比左四款小菜我地 酸蘿蔔絲好開胃😌😌好快店員就比韓式拉絲芝士雞比我地 鐵板上熱辣辣~d芝士真係拉絲😻雞既調味都剛剛好 好邪惡🤤拉絲芝士紫菜卷蛋 估唔到份量都幾多！入面芝士好似爆汁咁漏出黎 趁熱好快KO左佢😆而韓國壽司同想像中既味道一樣 好既係d飯唔會好爛 呢樣抵讚👍🏽最後黎個重頭戲 5款韓式炸雞🍗分別係薑葱、醬油、甜辣、芝士、蜜糖味係即炸即上碟 五款雞都有少少辣味最鐘意係蜜糖味 隻汁唔會過甜 同炸雞味道好夾😳朋友鐘意甜辣 佢話同係韓國食既味道一樣🤣其他就冇乜特別~鐘意邊隻味可以再添💗不過我地食一輪就飽到上心口 好重口味🤣好彩有酸蘿蔔粒比我地中和返😆呢個價錢食到咁豐富 性價比好高有機會會再來試下其他野食👍🏽

今日同朋友想食炸雞 知道呢間餐廳有炸雞放題就入去食環境好大唔會坐到好迫咁 四款小菜味道不錯 泡菜唔會得個酸味食食下好快個芝士拉絲炸雞就黎左 要趁熱食食如果唔條芝士會痴底的芝士控表示超級滿足😆d雞又嫩拉埋絲真係好MATCH好正然後就黎左又係有芝士既紫菜卷蛋入面既配料好平均 唔會因為芝士蓋過曬蛋既味道然後紫菜包飯切成八舊唔係好大份覺得份量岩岩好如果太多飯會食唔落最後五款炸雞五種味薑葱、醬油、甜辣、芝士、蜜糖味本人最愛甜辣味 因為甜同辣好均勻唔會得個甜/辣味醬油味都不錯 因為隻醬係秘制既 呢度先試到既味道☺️最後我地冇再叫多輪炸雞因為兩個女仔黎講都真係食到超飽了🤣咁平試到咁多款真心大滿足💗💗💗

在旺角吃一頓韓國晚餐，走到通菜街的Deli2一樓，到梨滿園韓國料理。這家有好吸引的任食套餐，例如炸雞、芝士套餐等等，非常適合大胃王。點菜後，侍應先送上四道前菜，都是餐廳自家秘製，酸、辣、清淡俱備。第一客是海藻湯，滿滿的海帶，加上鮮甜入味的雞肉，和清香的蜆肉，整碗湯十分豐富。辣汁炒五花腩肉跟生菜，是另一客經典韓食。由於個人口味關係，這改了做少辣，但不改其美味，加上同樣帶辣的沙律菜，和濃烈的豆瓣醬，有種置身韓國的感覺呢！飲品也是韓國風味，帶果肉的雪梨汁，甜甜的味道有助中和辣味。

朋友想食韓燒，早排跟家人食過依間都覺得唔錯，而且地點易找，旺角又係中間點，食夜左都方便回家。現時做緊優惠，任食炸雞放題都好抵，不過朋友堅持要食燒韓國牛。點餐後，侍應附上了麵醬、生菜、泡菜及辣沙律菜。烤牛肋骨肉 $135一放落燒板，不斷有肉汁流出，很香!!大概7成熟，蘸一蘸醬油，果然嫩滑多汁，第二件試下用生菜包，先沾一沾麵醬再加些泡菜芽菜，牛味濃郁!而且經生菜包住，減卻油膩感。烤牛舌 $88薄切，燒一燒就熟了，不要以為薄切就冇肉汁，同樣都是非常juicy，表皮脆，內裡彈牙。水冷麵 $70隨麵附上麻油及醋，發覺加醋相當好食!麵幼而爽，清涼感十足，食完熱辣辣既燒肉，配上一口冷麵，很爽!!!藍妹 $25燒肉配啤酒。

最近好想食韓國料理，聽聞呢間唔錯，我決定去試下啦！😋芝士雞好似係招牌菜，我叫咗一份，真係唔錯！好多芝士！雞肉好嫩滑好入味！😝😝韓國料理一定唔少得炒年糕啦，炒年糕都好正！味道唔錯，如果年糕可以在多d就正啦！😍😍

今日放工同兩個朋友去旺角飯聚，三個女仔最愛韓式料理，就食呢間梨滿園～😚🍗炸雞（芝士味/蜂蜜醬）呢個炸雞好大份，我地三個女仔都食唔晒，仲可以揀兩隻味！我地就揀左芝士味同蜂蜜醬味。🍯個芝士味原來唔係醬而係芝士粉黎，同某連鎖炸雞店一樣🤭我地一致自得蜂蜜醬好味啲，冇咁乾身食落口仲甜甜辣辣好有層次。啲炸雞有少少辣，好上癮🤤炸粉上得唔厚，夠香脆，肉質鮮嫩又唔油膩。仲會比一碟醃蘿蔔粒黎解膩，好細心🥰🦑韓式牛肉八爪魚鍋主角終於到啦😋個鍋超級大個，有我2個人頭咁大😨入面有超多料，牛肉、八爪魚、豆腐、娃娃菜、韓式年糕、節瓜、紅蘿蔔同香蔥等等（不能盡錄🤣）個湯係有少少辣嘅牛肉湯底，好正！咁大鍋我地每人食幾碗都食唔晒😭❤️下次可以多啲人黎食！總括而言呢間韓式餐廳真係大份夾抵食，好適合多人飯聚同re-u!❣️

#旺角 #梨滿園今日為咗慶祝家姐揾到佢嘅第一份full time, grad job，我哋三姐妹黎咗旺角梨滿園食餐勁嘅🤗 本身想食百零蚊任食炸雞嘅餐，因為真係好抵食，但黎到見到餐牌有咁多嘢食，我哋就決定食好啲😝🍳 芝士紫菜蛋卷 （$88）餐牌上嘅芝士蛋糕嘅相唔係幾靚，但超鍾意食蛋嘅我哋三姐妹當然都要叫吓😆 哇！一上枱就覺得冇叫錯，真係超級大份！而且個卷入面層次分明，入面勁多芝士，之後有層紫菜，再有蛋卷☺️ 十級好食，會為咗個蛋卷再黎☺️🐙 韓式牛肉八爪魚鍋 （$268）勁！大！鍋！入面牛肉同八爪魚嘅份量同超多！三個女仔完全食唔曬🥺 鍋入面仲有娃娃菜、翠肉瓜、紅蘿蔔、韓式年糕、豆腐⋯⋯仲有個辛辣麵，超足料同飽肚，幾個女仔黎可以食呢個，食到飽都係一人幾十蚊😆 味道方面我都好推薦，少少辣，惹味之餘又食到每樣嘢食本身嘅味道，讚👍🏻

今晚媽媽唔煮飯，唯有同細妹一齊食晚飯，見到一間喺女人街樓上嘅韓式餐廳好似平平地，一於上去試吓。上到去見到餐廳都有幾枱客人食緊，又唔算冷清喎。落完單會送上前菜，每人兩小碟，我就揀咗泡菜同白蘿蔔絲。主菜叫咗一份燘牛肋骨，呢味餸係我食韓國餐廳最鍾意食嘅其中一味。燘得好腍、好入味，而且每一舊都好厚好大塊，正啊！仲叫咗一個八爪魚鍋，勁大個啊，裡面有好多唔同嘅材料，泡菜、節瓜、蘿蔔、豆腐、豆芽、八爪魚，仲有年糕。食到最尾仲可以加一個韓國公仔麵，吸收咗泡菜湯嘅公仔麵真係完美嘅句號啊！

好耐無去韓國餐廳食炸雞啦，今次好難得同同事V夾岩時間一齊放工落旺角搵食。唔講真係唔知，其實女人街左右兩旁都好多餐廳，當中有唔少正野食啦。呢次由同事V帶左我上去一間樓上嘅韓國餐廳，呢間鋪除左炸雞之外，仲有韓國燒烤同埋好多菜式。先黎啲小碟食下先，係呢幾樣野入面我個人就鍾意食蘿蔔同泡菜，都唔錯嘅。食炸雞當然唔少得嘅係冰凍啤酒，飲啤酒最緊要夠凍，呢支野夠哂凍呀! 而我地今次叫任食炸雞，係炸雞未黎之前，就黎個紫菜包飯食下先，真係幾足料下。炸雞黎啦，有五隻味嘅，分別係薑蔥味，甜辣味，芝士味，蜜糖味，秘製醬油味等。呢種炸雞佢最正嘅地方係啲肉嘅肉汁仲可以保留到，而且醬油就岩岩好，唔會好似成隻炸雞浸落啲汁度咁。芝士蛋卷都唔錯，啲芝士令到成個蛋卷生色不少。另外芝士雞嘅芝士落得好多下，將佢地撈幾下，啲芝士包住啲雞黎食真係好享受。呢間餐廳可以用抵食黎形容，同埋炸雞配啤酒真係無得輸。

呢間韓國嘢充滿懷舊風味，餐廳服務好好，而且座位坐得舒服。我叫咗烤牛肋骨，呢個真係必食！超好味！牛肋骨醃製得好好味，夠入味，食落去肉質又夠林，牛味又夠香，唔使再調味都好好食。店員話用生菜包再加醬汁及配菜一齊食，真係估唔到味道更加昇華。同一般韓式燒肉唔同，特別好食！韓式壽司味道都唔錯，一客有10件，叫咗豬肉餡。餡料有青瓜、紅蘿蔔、蛋及豬肉等。咬落爽爽地。叫咗炸雞，炸雞好香口，有多款味道選擇。揀咗甜辣味及蜜糖味，兩款都好食，個人比較鍾意食蜜糖味。再加個泡菜煎餅食到飽飽。

韓國料理有炸雞、有烤肉、有韓式料理。今日嚟到旺角試咗任食炸雞。炸雞有好多款式：有芝士炸雞、甜辣醬炸雞、蜜糖炸雞、薑蔥炸雞及秘製醬油味炸雞。一次過可以試唔同款味道嘅炸雞。炸雞味道非常香脆，新鮮炸起，熱辣辣香口。呢度啲雞最好就係唔係太大件，細細件可以食好多，又唔會覺得太油膩食唔落。加埋凍飲汽水等，簡直可以食好多，好正！啲雞除咗新鮮炸起，雞肉都好滑。另外叫咗泡菜煎餅夠大個，厚厚地，有泡菜味，個邊脆脆地，幾香口。

韓國菜我的最愛之一 諗起都想飛返轉韓國呢間餐廳私心推介，又平又抵食啊！晚餐套餐價最平五十幾都有交易有前菜有湯有白飯，平民價錢👍兩個人叫兩個晚餐再加一個小食都好夠飽而且好滿足·1. 燜牛肋骨 $78牛肋骨燜得好冧好入味，配白飯食一流！啖啖肉，每一啖都係滿滿的蛋白質😆2. 人參雞湯 $88上枱賣相好醜🙈 裡面都有成半隻雞架雖然人參味唔太濃，但都可以補一補3. 紫菜蛋卷 $44完全不能理解香港普遍韓國餐廳煎個蛋卷點解可以收成百幾蚊一份咁癲👿呢度44蚊雖然蛋黎講都唔算平，但已經叫良心價啦4. 前菜小碟 免費有泡菜，蘿蔔，南瓜，薯仔絲，豆芽，四季豆每次上黎食嘅小菜都有部分會唔同消費: hkd 231/2人