棋哥燒鵝餐室

营业中

休息中

平時午市經過常見到大排長龍，這天放工要到嘉年華大廈取東西，就順道先到這裡點個外賣，到樓上取完東西再落來取。有多款燒味都很想試，但又怕吃不下這麼多，就試試燒味雙拼飯$53，選了叉燒及豉油雞，加例湯$3，再加了個菠蘿包作飯後甜點😋叉燒不肥但肉很嫩，味道及質感都是我所喜愛的，原先還怕太多，最後忍不住吃清光。豉油雞肉質鮮嫩，味道剛好，不會過鹹。菠蘿包質感鬆軟得來很實在，不會有吃下去一陣風的感覺。甜度亦適中。三文治🥪的蛋很足料可以再試的食店

想吃燒鵝🦆燒味，第一時間就想起食 #棋哥，好鐘意佢的柴燻味好香好食，另外叉燒乳豬都吸引👍 我最愛燒味是叉燒，其次是乳豬，燒鵝是間燒味鋪出名好食才會試的。之前食過棋哥其他分店，試完就會令人想再Encore😋今日來左近鵝頸橋間分店，😷疫症期間有人流管制，坐得鬆動較舒適😝 另外，可留意餐廳掛牆有一幅寫得好型的字畫，好詩意又好應景🤣今次選了燒鵝拼乳豬，要瘦的，來的真較瘦又香又脆，食到唔停得口，想再叫一碟🤣🤭另外加$8有一大碗老火靚湯，今日靚湯是青紅蘿蔔瘦肉湯，好清甜😌抵飲👍#相約鵝橋下食燒鵝 🦆#MagicCherry攻美食 😋

鵝，又係鵝？ 係呀，上星期先食過，唔係專登㗎，話說本來想番啅上次間上海生煎王，点知行到去嚇然見到已經執笠，情急之下唯有轉場嚟棋哥!介紹番，燒味二人套餐認真抵食，棋哥燒鵝例牌一碟，可選下脏不用加錢，再加燒腩仔一碟，油菜一碟，白飯一雙，例湯/冷熱飲品兩位，都唔駛二百五! 碟頭之大睇相便知貨真價實! 燒鵝肉香撲鼻，皮脆肉嫩，仲有燒鵝脾嘆真係值回票價! 唯一要扣小小分就是那碟燒腩仔的皮不夠脆!順帶一提，燒味店的老火例湯一向都好正，是必点之選!

wonder why this place is still operating? I have personally reported to local food hygienic departments for the problems of this shxtty restaurant but no one actually care? shxxt food, shxt service and will kill you for sure after your visit. you would be lucky if you are still alive after dining in this shxt hole. good luck.

叫 delivery app送餐，點知$60一個單點 燒鵝燒腩仔雙拼飯D飯乾淨淨，D燒腩仔肥過肥猪肉！ 以後都唔敢叫佢啲外賣！ 可能諗住係送餐，D客唔會發現， 發現到都太遲了， 不會退貨

棋哥未試過，今日一行人試下。一入去，阿姐就問"係咪團購"，我們話唔係。跟住安排我們坐入面，甫坐下，另一位阿姐又問相同問題。我們都哭笑不得😂。即刻查一查，原來真係有做團購，不過折扣唔吸引我們呢😂結果,大家都選了全日餐。餐原本跟叉燒湯意粉，要燒鹅可加十元。棋哥叉燒湯意粉湯底正常，但有味精，重口味，個人喜歡清湯多點。叉燒外表吸引，外脆內軟，肥瘦均勻，外皮帶點燶， 中上水準。棋哥燒鵝 湯意粉我們有幾個人都 轉咗燒鹅， 有人仲好好好彩，有燒鵝脾。火腿多士炒蛋炒蛋太生了 ，有蛋汁 ，我不喜歡。生蛋當炒得滑，no way. 熱飲正常，熱奶茶滑溜茶味平衡。

來到棋哥燒鵝餐室就一定要點個燒鵝腿飯，大大份噶燒鵝腿真系好香啊，啖啖肉噶感覺真系超級滿足，燒鵝噶皮燒得好靚，顏色好好體，而且好入味，而鵝肉都好和味，嫩滑，飯又夠大碟，真系性價比超高，基本上次次都可以清盤，真系好好味！

經UberEats叫咗份外賣～燒鵝撈麵盛惠$66，一打開盒覺得幾企理，又好似都有幾多燒鵝喎，點知竟然有肉食嘅燒鵝只得2舊，其他全部都係皮包骨，有冇差到咁呀？！唔會有下次！！

有睇開我食評第一次，我都唔係比咁好。我唔係講笑我次次黎都要食髀飯。啲飯都過$100碟，講真都屬於VIP。唔好對付大陸佬或者cheap cheap下午茶餐咁樣對付我。今次服務水平好咗d但今日隻髀Shark左啲，唔緊要啦，人一定有高位肥瘦，鵝都唔例外。但見着髀瘦，師傅應該斬高少少。唔緊要啦都係我要求高，不過講真個燒鵝很有鵝肉香味，呢樣野係令到棋哥短時期發展得咁快最主要原因，我哋都會繼續支持放心，冇乜特別講完🙇🏻‍♂️

朋友約我食午餐，嚷著要去吃燒味飯。我說近兩日都食了叉雞飯，在其堅持之下，帶他到最近聞名不如見面的棋哥燒鵝餐室。可能他見到是燒鵝專門店，結果他叫了燒鵝飯和熱檸水 (？！)，錯晒。近來在棋哥燒鵝餐室，最紅是叉雞飯配凍檸茶，還要大聲叫。店員幫我落單時，聽到我叫叉雞飯，配凍檸茶，都忍不住笑了一下。叉雞飯，叉雞各五件：叉燒，好瘦，無肥，唔硬，可以；切雞，雞脾，有點肥，一般，合格；白飯，少豉油，有點雞油，飯量略少。凍檸茶走甜，都係好甜。

Lovely little family run business and the goose is top quality. Visited as part of a foodie tour and this was one of the highlights.Place was full of locals and the menu offered more than just duck. We went for the “soup of the day”, definitely not for the squeamish. The soup looked like the used dish water, bit grey and not that appealing but it tasted ok. I ask myself if I’d of enjoyed it more if I hadn’t of know what was in it.......the chickens toe that floated to the top was a bit of a give

喺銅鑼灣某個app做緊推廣，新用戶登記，再輸入優惠碼便可免費換領美食。今次送招牌叉燒燒鵝飯 ＋ 奶茶。初時入去同侍應講用這app換都驚人地黑面，好彩冇。野食很快就準備好，冇因為免費而唔足料，叉燒很juicy，半肥瘦的，燒鵝真係用燒鵝髀斬出嚟，啖啖肉。有鹹酸菜伴碟，如果俾多d我就好啦。唯一唔滿意的地方就是地下太滑，一唔小心會好易pk。

我明白一隻鵝一定會有肉有骨，但你都要明白個客行入泥比七十幾蚊食個燒鵝飯，最終係食到燒鵝骨同皮飯，得果幾mm肉，你叫人情何以堪。亦因為呢個部位既問題，永遠都係最鹹既。一碟既冇肉得骨同皮而且超鹹既燒鵝，有幾次直頭一口都冇食過埋單走人。我建議將隻鵝以部位分10級制，由頭至尾以及比都唔同價錢，以免消費者誤會。可能有人中意食皮骨，不過相信大部分人都想食塊肉。可否還消費者一個選擇權？佢地已經履行左比錢既義務。

燒鵝叉燒飯燒鵝鵝皮香脆，有荔枝柴淡淡既香氣瘦鵝肉唔結實、𡁻唔到肉香，肉質偏梅，相信所選用既鵝隻唔係新鮮或者經過精挑細選既一啖咬落去，鵝皮既油份逼左出黎，頭一兩舊會覺得幾正，但食得多會太漏，要點酸梅醬解膩。叉燒肉質軟淋，保留到少許肉汁order左瘦叉都唔會過柴、鞋身。可惜味道普通，唔太入味鹹酸菜口感頗為爽脆。醃得啱啱好，唔會過鹹或過酸，味道清爽，可中和燒味既油膩感白飯上台時微暖，煮得過淋，欠缺飯香整體而言，份量大方，燒味比得都多。以碟頭飯黎講，其賣相算吸引，油亮亮的燒味味道中上，招牌燒鵝未算驚為天人。因為其名氣而太大期望既話，老實講會失望。但若然拋開名氣同期望，平心而論，絶對比普通燒味舖做得出色

我公司喺天后，所以都經常去棋哥食晝。今日咁啱喺灣仔開完會，見到有分店，就食個下午茶啦。入到門口，店員玩緊手機，冇理我，OK啦，下午茶冇咩人，正常嘅。叫咗個燒鵝瀨粉，想食鵝胸但落單啊姐又依依暗暗... 話我麻煩。離遠一手飛張單過嚟，差啲撞到我杯熱水... 我想要辣椒油，足足叫咗三次先到... 同一間燒味餐廳，服務態度完全唔一樣，何解？搞到我以後唔知應唔應該幫襯天后店。