棋子燒鵝 (加拿分道)

营业中

休息中

🍽 餐廳：棋子燒鵝 (加拿分道) (尖沙咀)好食外脆內軟叉燒燒味飯😋🔅今日晏晝食乜好？相信係打工仔每日返工既問題。筆者最近見同事叫棋子燒鵝外賣，原來呢間燒味好好食！同事好好分享左舊叉燒比我試。🐷叉燒外脆內軟，唔會鞋十十，亦好juicy,睇到都流口水，而且叉燒份量都唔少🤤燒鵝都好出色，佢比左燒鵝肶我同事🤤就咁睇飯既份量唔太多，大食既可能試下加大個飯。🔅打工仔尖沙咀返工想叫外賣，不妨試下呢間。📍尖沙咀加拿分道40號地舖

是日放lunch 去棋子食燒鵝飯， 一入去到已經感受到完完全全港式西既服務態度。 一個人去一定你搭枱。 坐落左menu 都唔洗俾。 位與位既距離太近太逼。 唯獨是燒鵝飯味道ok! 但份量唔會多其他方法都零分😡

燒鵝係好食，但叫燒鵝飯，變做燒鵝燒鴨雙拼，出街食雞鴨鵝飯預左多骨少肉，上碟一睇個皮唔同顏色一深一淺，都冇問題，但夾燒鴨比人就唔岩，不管遊客區定做本地人生意，咁做都係唔岩，有待改善

一向好鍾意食燒鵝，傳說中棋子燒鵝的鵝肉煙燻風味獨特，今日終於有機會來試吓😋 不過餐廳就環境一般，好似一間普通茶餐廳🥢棋子燒鵝飯 $65阿姐話燒鵝經由荔枝柴去燒，果然香味特別濃郁，外皮香脆，肉質相當嫩滑😋而且份量也很多 值得一試👍🏻

今日經過這餐廳，發覺掛在櫥窗的燒鵝很美，今晚就吃燒鵝飯吧。店子的裝修，簡潔企理，乾淨而明亮。燒鵝髀飯$118這燒鵝髀真好吃！燒鵝的皮10分脆香，燒得微微焦，皮下沒有太多脂肪，鵝肉肉質嫩滑又軟身，－點也不韌，又有鵝味，加埋酸梅醬，和燒汁白飯，不錯吧。老火湯也真材實材，十分夠火喉，就是蓮藕煲豬骨，味道鮮美不油膩吃過燒鵝，飲下檸蜜，檸檬有三片，沒有切得太薄，味道酸酸甜甜，10分滋潤。

話說一直都好中意食燒味，見尖沙咀開咗棋哥就試下…點知🥲今日去食果陣見到咁啱做緊下午茶優惠，尖沙咀嚟講$45都真係幾抵既～見到同事果碗都好似幾好，所以就叫棋子燒鵝 $45燒鵝望去就好多，其實燒鵝味都做得幾出色，奈何我成碗裏面大部份都係骨同皮，我唔介意佢價錢會貴少少，但係唔好俾呢啲咁嘅質素！食完都唔覺特飽就叫多碗食叉燒煎蛋飯 $45呢個叉燒唔夠蜜汁，偏乾，但點都好食過燒鵝！建議如果想飽肚又冇乜要求可以揀呢款！點知食個下午茶都$90蚊都仲未飽🥲仲要今日已經唔係勁肚餓食！可能我食量較大😕

2022年8月23日 (星期二) 11:30am 34°C 店內裝潢現代時尚，但是餐桌與餐桌之間的距離近，變得焗促擠迫。 環境光亮整潔，餐具乾淨。 年老男侍應態度友善，主動安排 4 人餐桌，說希望讓我和家人坐得舒服，亦肯答應將叉燒意粉轉為餐肉雞蛋意粉。 人數：2 人 HK$96 不用等位 餐肉雞蛋意粉 - 餐肉軟腍，太陽蛋橙黃，顏色鮮艷，煎得恰如其分，沒有絲毫燶，意粉麵條質感少軟，完全不硬。 叉燒意粉 - 叉燒新鮮，肉質軟綿，不會煙靱，不會乾硬，每塊算厚一切，味道佳。【推介之選】❤❤❤ 香滑炒蛋、火腿 - 炒蛋金黃滑溜，蛋味香濃，份量多，值得一讚！火腿味道正常，不會太鹹。【推介之選】❤❤❤ 牛油厚多士 - 方包厚切，牛油塗抹量適中。 熱奶茶 - 香濃提神《 餐 牌 》