棠棠居海鮮菜館

营业中

休息中

老友呀肥相約食飯，他住深水埗，索性問，你住那裏附近有乜好介紹，肥二話不說就推此店，他說很多優惠特價小菜都幾抵說，於是立即在OpenRice 訂坐。涼拌花甲$48~人未到齊，點這個最好，和啤酒很夾檔，可惜當晚朋友們不好酒，另外的要揸車，下次吧！黑白胡椒蝦~此乃是優惠孖寶$368,還有另一條藍瓜子魚，店員還會用網在現場比條海鮮給你過目，感覺雖然優惠價也做足功夫咁囉⋯⋯但可惜忘了拍照。魚當晚蒸得有少少過火，可能繁忙時段吧！但胡椒蝦很惹味吸引，一讚！黑椒薯角牛仔粒$93~優惠折實價為$93,合理水準收貨。金沙鮮魷$93~粉槳略嫌厚。豉油皇炒麵$108~每次吃中菜，大家都好似是例牌菜式必點項目。薯片雞$168~原本冇點這隻雞的，因為餐牌必須預訂，但後來見每枱的指定動作，又見隔離枱端上枱時又幾吸引，於是一問店員，大家決定一試，雞很入味喎，但又唔明點解叫做薯片雞呢! 下次真要問問食店⋯⋯柚子蝦球$100~還有一碟柚子蝦球，又是做$100的優惠價，酸酸甜甜，粉漿夠薄，蝦夠爽彈，夏天很啱胃口，清新可人，所以大家很快KO了，快到沒有拍照。最後食店送上的綠豆沙，甜度適中，作為免費的，質素相當不錯。平均每人$

難得約左2個fd出黎食野 一定要預先做下功課📖搵下邊度有好嘢食啦見到一個幾特別叫薯片雞 名字就被吸引下去，唔知係唔係真係咁脆😆一於去試下（‼️溫馨提示，要預先預訂，仲會平d）睇個餐牌有多款前菜小食❤️黑松露蝦多士：表皮炸得又香又脆 黑松露份量夠多，食落好香黑松露味❤️鎮江水晶餚肉：望落層次分明，晶瑩剔透，食落瘦肉香酥，肥肉不膩，再配上鎮江香醋，入口層次更加豐富❤️仲有個椒鹽多春魚🐟：外皮酥脆，內裡魚肉鮮嫩，食落魚卵爆開非常香口，口感飽滿❤️（68折）五柳酸甜脆蝦球🦐：酸甜適中的醬汁包裹著Q彈大粒蝦仁，食落非常開胃❤️即烤三黃薯片雞🐔（預訂價）$168 ，皮薄香脆，肉質鮮嫩，食落有油脂香同雞味，皮片油真係做到咁薄咁脆口，食落0負擔❤️ 碧翠炒新鮮魷（西蘭花）炒新鮮魷非常爽口，不會炒得過火，配上蝦醬更加惹味❤️黑松露醬牛崧炒飯：炒得粒粒分明，色澤金黃，黑松露味道濃郁，牛肉粒鬆香額外有紅豆沙糖水送，唔會太甜，有陳皮香，非常好食

今日就同朋友去棠棠居海鮮菜館食飯餐廳環境舒適，好岩一班人聚餐，仲有唔少生猛海鮮選擇蒜蓉銀絲蒸七吋蟶子王面頭怖滿蒜蓉，蟶子肉質飽滿，肥美鮮甜，粉絲索滿精華，香口惹味黑白胡椒焗大海蝦蝦外層焗到微脆，胡椒既香氣同辣味滲入蝦肉中，好夠穫氣，咬落彈牙多汁蜜味欖角三度排鹹香欖角同微甜蜜汁裹滿排骨外層，酥爛入味，咸香開胃酥炸台山蠔外皮炸到金黃酥脆，咬開蠔肉鮮嫩多汁涼瓜黃豆排骨煲涼瓜甘甜，同黃豆完美融合，湯頭清甜，排骨軟糯

陪個friend 去長沙灣政府合署交文件，佢話要多謝我幫手請我食龍蝦，帶左我黎附近食中菜嘅棠棠居海鮮菜館，環境好舒服，座位好闊落，由佢發板啦！ 🥰餐廳有好多優惠套餐，佢揀左晚市組合B，有龍蝦伊面，加個小菜，先700幾，都幾抵食！店員上菜時，陣陣芝士香味飄過嚟，我已經知道今晚有好野食。呢碟「西澳洲龍蝦配芝士咸牛油焗伊麵底」，一上枱就好有氣勢，成隻龍蝦剖開鋪晒芝士，真係未食已經加分。龍蝦係用西澳洲嘅，肉質好實淨，唔會一夾就散晒嗰種。咬落去彈牙又鮮甜，完全唔腥。芝士焗到微焦，咸牛油滲晒入去，香到不得了。最驚喜係下面嗰層伊麵，吸晒啲醬汁，唔會淋晒，仲有啲焦香，好有層次。成碟嘢食落去，係芝士嘅濃、牛油嘅香、龍蝦嘅鮮，再加埋伊麵嘅滑，幾種味道夾得好好，唔會搶戲，反而互相襯托。正👍🏻小菜我哋揀左「雙菇燒汁牛柳粒」， 啲牛柳粒好嫩滑，咬落去啖啖肉汁，炒得好有鑊氣。燒汁帶少少甜味，又有啲鹹香，配埋啲菇，芹菜，甜椒一齊食，每一口都好惹味。另外再加左碟「椒鹽多春魚」，啱啱炸起上枱，外皮金黃香脆，條條飽滿，有好多爽脆魚籽，鹹香濃郁，帶少少海水味又唔腥，連骨都炸得酥脆，可以成條食晒，唔使挑骨，好爽。部長仲送咗綠

棠棠居是長沙灣有名的中菜館，今晚同屋企人出街食飯，叫左幾道小菜，都真的好味道和值得推薦！首推 「黑松露蝦多士」，絕對是誠意之作！多士炸得金黃鬆脆，毫不油膩。蝦膠彈牙，加上大量的黑松露！香氣已先聲奪人，入口的層次感十足，好滿足，非一般的蝦多士。「鎮江水晶餚肉」，肉凍晶瑩剔透，瘦肉與啫喱比例剛好。入口爽滑又冰涼，鎮江醋甜醇香，加上鹹香得宜，是一道經典的冷盤。「即烤三黃薯片雞」，堂食價要$238，預訂只需要$168，抵食！即叫即烤，雞皮脆到好似薯片咁，雞肉又保持到好嫰滑多汁，絕對係招牌菜式！「鮮菠蘿咕嚕上肉」， 選用上肉（應是梅頭或肉眼部位），非普通腩肉，外層炸漿腕薄，肉質鬆化軟嫩。新鮮菠蘿，清甜多汁，非罐頭貨可以相比。酸甜汁調校得好夠平衡，醒神開胃！「棠棠居小炒皇」，夠鑊氣、配料足，誠意滿分！韭菜花翠綠爽嫩，加入鮮魷、蝦乾、腰果、銀魚仔等食材，爆炒得乾身又香口。「海味什菜煲」，湯底鮮甜暖胃，有蝦乾、大地魚等海味的精華，各種時蔬吸收了高湯的精華，夏日開胃，健康又美味。特別一提，棠棠居的白飯會配上自家制的醬油和豬油，別有一番風味！飯後、仲有是日糖水送！

跟住Foodie去食三黃薯片雞冇留意到要前一日預訂😮‍💨當日去到現場乜雞都冇咁滯食唔到招牌 就焗住食其他呢個小炒王真係嘆為觀止真係好好好好難食！🤮以為小炒王實冇死一上到嚟 好似尋日食剩嘅廚餘咁又有啲似阿媽尋日煮一堆餸 但食淨咗今日諗住清埋佢 所以亂咁煮埋一兜嘅餸咁冇賣相 冇質素 重油重鹽蜜椒薯仔牛柳 喺一堆洋蔥入邊搵牛柳質素差過$35三餸飯三餸飯平 中伏完 都因為價錢而屈服但呢碟嘢我哋真係屈服唔到🫠呢個金沙魷魚就正正常常份量就少咗啲 不過都接受到整體而言 又是中伏的一天😵😵

今早8点半左右排隊攞籌同老人家飲早茶，到8点55分左右派枱，我大概排第八/九位，我同派枱姐姐講有老人家行動不便，希望要近門口D位，旦他說沒有，旦排在我後面D熟客就有，我問可解佢地有，佢話熟客坐開，D熟客可以一個人排隊，到差不多派枱時五個人可以掐隊攞枱，我不是第一次見到，我同派才枱姐姐講，佢話見唔到，咁D新客排隊來為什麼，重要好冇禮貌，對D熟客就好好。新客想試，請小心有不公平對代

食物方面：四個人叫左6樣點心，味道都係中上水平😋假日黎講每人唔洗$100，價錢合理👍🏻煎釀虎皮尖椒⭐️⭐️⭐️⭐️⭐️推介! 上菜時熱辣辣🤩 炸粉薄魚肉厚，青椒唔會太大舊影響口感同味道😍 三樣嘢夾埋好balance👍🏻黑金流沙包⭐️⭐️⭐️⭐️⭐️推介！ 佢既流沙係一粒粒脆脆既口感，並唔係平時出去食入面液態嗰種，非常驚喜🤩 鹹鹹甜甜，真係有種鹹蛋黃起沙既feel😍 食完真係胃口大開🤣叉燒蒸腸粉 ⭐️⭐️⭐️⭐️皮薄餡靚👍🏻 叉燒有少少韌同甜，不過都十分推介🤩水晶蝦餃王 豉汁蒸鳳爪 鳳爪排骨蒸飯 ⭐️⭐️⭐️合格水準👍🏻蝦餃皮非常薄，每隻蝦餃入面都有三隻蝦，味道就無其他咁驚艷，不過都唔錯👍🏻環境方面：冷氣略嫌不足，比較焗。比出面茶樓乾淨少少，坐得舒服d。

員工服務非常快手，冇甩拖，有求必應若在12:30pm 前埋單，仲有早市點心優惠，茶錢每位$10-14，冇用餐限時，相约朋友慢嘆吓點心，傾吓計，又多一個不錯的選擇點心質素整體不錯，料足涵靚，即叫即蒸熱，辣辣上枱，鮮而美味，仲係size加量版，價錢合理，非常抵食咖哩蒸土魷蠔皇叉燒包豉椒蒸鳳爪巧手潮州蒸粉果水晶蝦餃王---水晶蝦餃皇------蟹籽燒賣皇------咖喱蒸土魷------韭黃原隻蝦腸------蝦春卷---

人多 话派票排队。有的人拿红包给阿姐 即可比位 2位都做4位台 问阿姐话点解4人位没叫的 态度很恶劣话 要吃就等 不服气就不要等 个服务态度超级差 不给红包就等。超级离谱 太差了 服务超级差 员工当老板

應該系換左廚師~差差差~蘿蔔膏痴嚦嚦，帶子菜苗餃无味不但祇仲蒸唔熟，鮮蝦腐皮卷系好硬唔脆，價錢貴左，d野少左，菜單唔吸引，又難食，食左四五年，以後唔會再去，真系好失望，

同同事中午嚟食飯，一行八人，叫咗好多點心。水晶蝦餃王、蟹籽鮮肉燒賣、南翔小籠包、蠔皇蝦籽扣柚皮、高湯灼菜遠、椒鹽魷魚鬚；柚皮唔係好多地方都食到，都做得唔錯。粉麵就嗌咗瑤柱福建炒飯、鹹魚雞粒炒飯；炒飯嘅份量都幾多，夠三至四人share食另外都叫咗甜品—椰汁桂花糕、金絲雞蛋散同紅豆杏仁豆腐；甜品類都有驚喜，每樣都做得唔錯，蛋散炸得好香脆、椰汁桂花糕甜到啱啱好、杏仁豆腐好清甜。而且餐廳環境都幾乾淨，上菜速度都夠快，中午嚟食到OK！

昨天去了吃飯， 職員態度服務非常差點完菜到黎時間超級耐， 職員愛理不理時而不見對每個客人都黑面 想叫加水又冇人加各個個扮睇你唔到。收銀態度惡劣。 食物質素有差 真係請都唔會再去

對這間餐廳的態度及食物質素十分不滿，要寫200字的食評才能評分，雖然非常浪費時間，但我也決定要對這間餐廳表達強烈的不滿。首先，態度惡劣 十問九唔應，侍應扮睇你唔到，落單後一小時多未上菜，同佢講完又黑面，買單收銀又黑面。同佢講，我等咗個幾鐘啲菜都未嚟啊。佢又刻着面臨走仲要啤住我究竟呢啲係乜嘢態度?菜黎到是凍的,點了個豆腐魚腩煲味道豆腐又差又凍喂啲魚又硬，我懷疑係廚房擺咗好耐先有人拎出嚟喂中。上一次食都冇咁差質素每況愈下

職員態度惡劣，食物一般，價錢中上，用膳時間有限制。叫了食物後要等很久，要問職員才加水及check單 。若用膳時間到，職員立刻收去你枱面的所有東西，包括你在飲茶的水杯，令顧客十分不滿，但要照付加一服務費！