森堡美食

营业中

休息中

尋日同個同學去呢度解決個午餐，本來想食焗飯，但唔知點解都係唔想食。我都係試下佢地既粉麵。而家呢個時候都應該好多學校要返學，但間舖又唔係太多人。麻辣雞扒、薯仔米線我飲個湯，無乜辣味，但都有小心麻味。雞扒係同麵分開上，幾好食，因為雞扒係炸過。抵讚既係所有雞扒、雞翼米線都會同米線分開上。薯仔，好爽口而且又夠粉。不過我覺得佢地既焗飯會好食。凍奶茶—般港式味道。呢間舖係細，但勝在員工有禮貌。而且又幾抵食，令我想起以前中學時代成日去呢度食既回憶。

尋日同同學去呢度食午餐，可能時間尚早所以唔算多人。坐左陣終於知道想食咩，佢地都好快手幫我地落單。黑椒汁雞扒薯仔焗飯雖然材料好簡單，但簡單之餘又好食。雞扒好juicy，不過鹹左小小。薯仔好香口，可能預先炸過。個焗飯底係蛋炒飯，但我找唔到太多蛋絲，可能佢地係一次過炒飯，而且分得唔夠均勻。凍珍珠奶茶茶味幾夠，但珍珠就麻麻地啦。今餐真係好好食，雖然環境麻麻地，但係天水圍特別係新北江都算唔錯架啦。