森堡美食

营业中

休息中

住天水圍街坊一定熟知森堡呢個餐廳，佢哋嘅焗飯好出名，配料選擇繁多，可以揀飯、意粉、鑼絲粉、波菜麵等。連醬汁都有多種選擇，印尼加多加多汁、黑椒汁、白汁、葡汁等等。對於素食嘅人士來講都好方便，因為佢有素麥樂雞、素熏蹄、素羊肉等選擇。焗飯每次都熱辣辣上碟，配菜好食，份量仲好大份，係街坊必食抵食之選👍🏻除咗焗飯，都食過佢嘅素炒烏冬。料多、烏冬夠彈牙。其他小炒都好好食，唯一係店內環境比較迫，坐得唔太舒服。

我揀左蘑菇豬頸肉黑椒汁～～蘑菇係罐頭蘑菇，我真係太鍾意嗰種味道，其實我上次都叫過一次，但係唔記得咗佢係罐頭🤭🤭🤭豬頸肉普普通通冇乜特別～面頭有好多芝士，呢樣野係較為吸引成個飯就普普通通，不過小店都值得支持下既！！！我朋友就食素，叫左素蝦卷茄汁烏冬，勁多汁。好岩啲用汁送飯既人。都係典型茶餐廳茄汁啦🙂🙂基本上吸引之處係可以有好多選擇，實有啲岩你食既，同埋有得揀係開心既～食緊嗰時都見到耐唔耐有街坊嚟外賣，睇嚟都幾受街坊歡迎喎😄😄😄

今日去遠少少入天水圍食先🙈成日聽人講新北江 今次一於係個到食野👀店舖冇好靚既裝修 就係一間好普通既小店坐位唔係闊落但都坐得舒服既小小既店舖但選擇都多架喎👀經朋友介紹我就試左佢地既焗飯🍲佢地有啲固定配撘好既焗飯亦都有自由配撘既焗飯可以自己揀配料 揀醬汁 仲可以揀炒飯 白飯或者意粉選擇都好多架 最緊要係自己想食咩就食咩嘛😂我地五個人 叫左兩個焗飯 兩個小菜飯一個吉列魚柳西蘭花配洋蔥汁焗飯一個雞扒蘑菇配白汁焗飯仲有一個清湯腩同西蘭花炒雞柳吉列魚柳好脆好香口但又唔會食到一口油西蘭花都唔會太硬咬唔到洋蔥汁好夠味但又唔會太咸👍🏻👍🏻雞扒肉質未去到好嫩但絕對唔會係鞋口架白汁我試過都唔錯架🥰焗飯絕對值得一試🙆🏻‍♀️🙆🏻‍♀️🙆🏻‍♀️另外個兩個小菜我就冇試喇 但成餐飯朋友都話好好食 所有野食都真係唔錯 唯獨係個白飯差左小小不過我都唔知點為之好食既白飯 每個人口味都唔同嘛 但呢個就唔太岩我唔味喇🙈

小編其實有一間餐廳係經常去食，係位於天水圍既餐廳🤩，而今日小編就走到過去食午餐，呢一次就為大家介紹呢間係新北江商場✨。新北江商場餐廳比較多，而且亦都有唔同既選擇🧐，而小編就最鍾意食呢一間叫做「森堡美食」，因為餐廳既焗餐或者湯麵餐可以有好多配搭🤯，小編依家就為大家講吓小編最鍾意嘅配搭係乜🤭。✦✦✦✦✦✦✦✦✦✦✦✦✦✦🎈自選特式焗餐 $45呢個焗餐入面無論係主菜、配菜、醬汁同埋麵類都可以任意配搭✍，而小編比較喜歡就係白汁豬頸肉西蘭花焗烏冬🍴。係出面既餐廳比較少有呢種咁多款去配搭😳，完全可以根據自己鍾意既口味去揀出自己獨有既焗飯或麵餐👏。而係份量方面，作為晚餐啱啱好食得哂，而且醬汁係非常之多💦，唔單只係表面有白汁，入面都充滿醬汁，啖啖都係豐富美味既白汁伴隨👅，仲要有焗香咗既芝士係表面🧀，多一份口感同香味配搭，所以就算小編住得有幾遠都會間唔中走過嚟食呢間既焗餐😋。✦✦✦✦✦✦✦✦✦✦✦✦✦✦住係天水圍既朋友一定會去過新北江商場食飯👀，而唔知道大家又鍾唔鍾意食呢一間餐廳呢?小編個人認為性價比高✨，而且又多配搭。另外，仲有各款既台式嘢飲可以嗌🥤，今次小編就想飲珍珠奶茶，味道唔會太甜😳，中規中矩，

自選特式焗餐每次食我都會揀自選焗餐! 因為有好多款配料🍳🧀🥓🥩🍗可以自己配搭☺️☺️主茶同配茶加埋都有超過40款😋😋配汁都有10種比你揀🤤🤤不過小編今次你外賣🙊叫咗白汁豬扒🥩煙肉🥓烏冬,豬扒又唔鞋仲有埋切件👍🏻👍🏻👍🏻白汁面有少少芝士🧀🧀真係好好味! 份量黎講好似比以前細份左, 小編食完會唔夠飽🙊🙊

每次經過森堡，雖然間舖頭望落去up up dup dup咁 又暗但差唔多次次都係坐滿客人舖頭面積唔大，去得食嘅都預左要搭枱坐但不得不提，佢地既焗飯的確出色上次食過西西里焗飯，茄汁芝士味一啲都唔會膩夠惹味又開胃可以成碟飯都食得哂今次就叫左上次想試埋既勁辣牛魔王勁辣牛魔王（牛扒+牛腩）焗烏冬賣相可能唔算吸引但內涵真係無得彈！十分惹味揀左烏冬、無飯咁飽肚但係啲汁包住烏冬吸哂啲味牛扒就係黑椒汁牛腩就係咖喱汁兩隻味加埋 少少辣辣地不過唔會辣到食唔落口，反而加埋兩隻汁好好味個面有層焗芝士，幾香口唔會焗到過左火 完全無𤓓味可以再食焗芝士海鮮大會就揀左配飯，海鮮原來係吉烈魚柳仲有啲蟹柳、墨魚圈個汁係白汁芝士味nice nice!唔會太膩、個汁又唔會一pat pat咁我個人都幾鐘意有好多台式飲品，我就揀左芒果西米椰汁上次飲就夠味又夠凍不過今次太水 太淡 有啲啲失望下次都係揀番啲凍蜂蜜綠茶好似穩陣啲不過黎得食、要有少少耐性因為樓面得一個姐姐落單收錢同執枱

細細個已經聽過森堡呢個名，但一次都無入過去食，今次就一於試下。我叫左個牛魔王焗飯，有牛肉用牛腩，咖喱汁加黑椒汁。份量好多，牛腩都好淋，加埋啲咖喱汁食一流！呢到焗飯真係名不虛傳！下次會再黎試下其他焗飯

由細個到大都好鍾意食森堡既焗飯真係有我小學食到而家雖然我食啲嘢好頹…咁多年都係食同一樣野😂可以話我係專一哈哈麥樂雞薯仔西蘭花焗咖喱飯❤️如果有埋外送就更+好🥰

有時肚餓就會想食焗飯，而每次都會揀喺天水圍新北江商場既森堡！雖然樓面唔係好大，但係碟焗飯就蘊藏着無比既味道！！！我自己最愛既係揀鴛鴦汁，配上有四條既芝士腸，再加埋好美味既韓式烤肉！真係無得輸！

好耐冇食過了，細個成日帶細佬來食，今日頹食就諗住去回顧下，哈哈，順便睇下仲好唔好食好開心既係餐單冇咩點變，但系通賬下，價錢就真係加左啦～叫左個炸魚柳配芝士腸，白汁，米線～等左一陣就到。多年後一試覺得冇咁好味了，可能係細個好少出去食就覺得焗飯正之外仲有兩個餸，仲咁多汁揀，好開心，但今次去食冇再咁覺得滿足之外，亦覺得佢焗得好燶，而且偏鹹，不過分量來講，米線都幾多，好夠飽最開心滿意嘅係佢芝士粉依然係任落唔嬲！

中學嗰陣已經成日呢森堡食飯， 又平又多選擇，仲要大大份! 今日晚餐黎回味一下。😂😂 成日都心掛掛。。🙊次次黎都會揀自選焗餐! 佢另外都有特定嘅一啲焗餐， 但我睇住自選特色焗餐， 咁多款配料自己揀，好吸引。。🙊我食左甘多次，揀到最岩自己口味ge!一定要推介 印尼加多加多汁 ! 甜甜地，好似有少少椰汁，感覺幾特別，仲好重花生味 (仲有花生粒!) 。再加埋表面嗰層芝士一齊焗。。。正丫😍份量都幾夠，配料份量都算多。我叫咗豬扒同西蘭花，豬扒切埋件拎去焗! 太細心la。。重點係。。價錢 平 ! 50蚊有找!

自從「金銀滿屋」結業後，天水圍便沒有素食店了🙈，如果在天水圍這兒，出現素羊肉、素黃金蝦卷、素火腿、素麥樂雞、素漢寶這些東西的話，會係邊度搵到呢？可能性1🤔：天水圍素友的家中🏠…..正確可能性2🤔：天盛街巿售賣素食材料的天喜素食…..正確咁如果找到這些食材的地方，係可以立即幫我地將這些素料立即烹調♨️成食品的，又會係邊度呢？原來係新北江商場內，有一間「森堡美食」係有提供素食選擇的🎉🎉，而且佢地的素食選擇一D都唔hea，絕對不是羅滿齋炒麵、紅燒豆腐飯，而是在焗飯、湯麵這兩類選擇中，都提供了剛才在第一段中提及的素羊肉等各款選擇👍。而在小菜和炒粉麵方面，也有「涼瓜/西芹炒素肉」、「什菇炒花枝片」、「粉絲雜菜煲」、「日式素肉炒烏冬」，選擇都是挺多元化的。當晚，我們選擇了焗飯(素黃金蝦卷、素漢寶、西蘭花；焗飯餐任選一款主菜及一款配菜，多選一款主款加9元)和日式素肉炒烏冬，前者熱騰騰、配汁味濃，後者夠鑊氣，兩款食品的食材數量都很充足😋。如素友來到天水圍，這店會是值得考慮的一個選擇。

之前同同事lunch time已經食過幾次 但之前年少無知 一直都係叫佢d午餐！直到上次見到隔離枱個焗飯 我決意下次食一定要叫焗飯！今日收工就同男朋友去試下佢既自選焗飯 今日仲要有下午茶添 真係好抵雲雲眾多既選擇裡面 我揀左懶健康既椰菜同唔健康既豬扒加埋南瓜汁同螺絲粉～ 而男朋友就揀左鴨胸西蘭花黑椒汁長通粉 平時見人地個個都飲佢既珍奶 今日我都叫埋一份珍奶無特別 但佢既凍朱古力真係好好味😍*記得唔好少甜少冰少奶鴨胸西蘭花長通粉 佢個黑椒汁好辣 但真係好好味～ 不過呢碟既份量比較少！抵讚既係西蘭花唔係當配菜咁整 係真係一味菜咁整呢個唔錯 好少焗野有蔬菜類野又唔係當配菜咁求其整👍🏻椰菜豬扒螺絲粉 佢既料真係好多 同埋一路食一路拉絲 雖然佢既南瓜汁同普通既白汁差不多～ 不過整體黎講都好好味 我呢碟既份量好多！同埋佢既豬扒唔會好肥膩總括黎講 我覺得佢食物既份量都好夠 佢唔係淨係啲澱粉質多 佢係連啲送都好多！！平時啲下午茶 豬扒頂多比3舊你 但佢呢碟有成6.7舊！而且佢都有好多搭配 佢仲有素食選擇提供 呢樣都好貼心 而且佢既價錢都唔貴 lunch 40幾蚊食到呢個焗飯 真係非常之抵👍🏻

佢既焗飯面都好正已經食過5次或以上配搭夠多黑椒汁系我首選可選多款面 米線 菠菜面 長通粉 炒飯底等等西蘭花雞扒配米粉 米粉就算焗完都唔會林 仲系有咬口既米線 面頭加埋芝士去焗一流👍🏿份量夠多汁都好充足🥰性價比高 又抵食 系好多天水圍人既牛餐晚餐讀選擇👍🏿

好耐無食過，今日中午叫外賣！返到屋企一打開盒焗飯，成陣𤓓味！燶到咁你都夠膽比人食？成舊炭咁我想問整個嗰你自己會唔會食？明知焗燶咗你都照比人食，分明想無下次啫！