森川弁当 (已結業)

今日經過觀塘，見到一間平時冇見過既店鋪。就係觀塘既怡生工業大廈入面，諗住晏就肚餓，就入去行下。見呢間新開冇耐既便當鋪，咁就行左入去睇一睇。老闆好親切咁介紹入面d野食，由於佢地貨太好賣。我去到只係剩返凍既便當。咁我就揀左一的森川夏の壽司弁当，試一試一試完就後，味道好好。由其係個雞肉，皆因個雞肉，老闆係話用慢煮既方式煮成，非常滑，而烏冬配上特制既醬汁，食落口完全有一個新既享受。咁本人仲多揀左一個吉列豬扒卷，一咬，啖啖都係豐富既食物，材料，非常新鮮，好味。加多罐好有回憶既波子汽水先百二蚊到，抵此鋪頭值一試，真心推介👍🏻👍🏻👍🏻

之前係街拎左張傳單，見到係觀塘開左新分店，今日冇飯帶，所以就試下打電話去叫外賣自取服務，因佢要滿$200先可以送到上公司，打左去CS佢幫我留定個便當🍱，lunch 時就可以去觀塘分店比$領取便當，服務質素都好高，十分滿意😌 我搭正一點就衝左落街去拎便當、去到時都有幾位客人排隊等候拎便當🍱，我就揀左森川夏之壽司便當（$68），仲附送迷你棒棒糖做飯後甜品，拎完就火速番到公司開餐啦！😋 一打開個便當既壽司飯仲係暖暖的，佢地堅持住每日新鮮製作，各種飯團🍙個味道整得都唔錯，不過係有d飯團整得比較鬆散，另外仲配埋胡麻汁撈雞肉烏冬，味道唔錯！以後lunch 又多個選擇😌

係觀塘寫字樓+工廠區內唔多起眼嘅地方入面開左一間旗號係精緻日式便當~森川弁当~之前見佢有派傳單見好多地方都有分店,其他同事都討論過好似幾靚咁,一直都好想試,終於今日可以試下.佢地係外賣店黎需要到門市購買或可先電話預定再約時間自取,亦有外送服務(但有最低浪費$250另加送遞費).今次我就先電話預定再去自取,去到舖頭D架都吉左7成好多便當都賣晒咁,好似幾好生意,好彩有預留定先,唔係真係咩都無,哈哈!本身我比教鍾意LUNCH TIME食下素食,見佢有素嘅話就唔例外當然試下.十二彩野菜懷石弁当,入面有蒟蒻,高野豆腐,甘荀,南瓜,秋葵,白蘿蔔,茄子,車厘茄,珍珠筍,蓮藕,冬菇,前菜同金平牛蒡+蘿蔔嘅飯團個飯團味道唔錯,牛蒡好有咬口幾脆,高野豆腐口感特別唔係普通豆腐,會索晒高湯汁,一咬落去會有汁滲出,好似海綿咁.秋葵係成盒便當最好味嘅伴埋芝麻醬，正呀!茄子亦都OK,但其他就好一般。如果$68一盒其實難免比人感覺有些少進取,精緻度亦尚可,味道亦同樣尚可。或者肉類嘅便當可能會好食d最後，如果價格可以平返些少可能會好D,始終嚟個價錢係觀塘區都有好多選擇。