森日式外賣專門店

营业中

休息中

位置雖然唔係大街大行，舖頭size亦唔算十分之大，大約有20個座位左右，但正因為呢啲條件，反而先可以安安靜靜咁享受一個午餐，好好咁同朋友傾下偈。而食物嘅性價比都十分之高，就算食物係即叫即做/準備都好，食物基本上3分鐘之內就到！就算唔係好貴嘅餐廳，食材亦好新鮮好好味，服務亦10分周到！環境亦乾乾淨淨，基本上你直接可以望到廚房，所以你更加放心食材同廚師手腳一定會乾淨Highly recommended!!!!

今日去街行過，平時唔多覺原來轉彎有間餐廳，咁就入去試吓啦！叫咗個吉列豬扒飯定食！好好味喎估佢唔到可以再試！不過真係太大兜啊一個人係食唔晒～佢個沙律都好好味！下次要試吓其他嘢

行過見到新開未食過，本身鐘意食日本野就試下叫咗咖哩豬扒飯，炙燒海鮮丼，叉燒烏冬同蟹柳烏冬咖哩完全唔辣仲好好味，個炸豬扒拎到返屋企仲脆，食落亦唔會好“孩”😋炙燒海鮮飯都好好食，魚油落哂d飯到👍🏼 左口魚群邊好滑好香兩個烏冬雖然平，但都好夠飽袋起既時間炙燒海鮮丼一袋，咖哩豬扒飯一袋，兩個烏冬一袋，分開咗袋個海鮮丼返到屋企先冇變全熟👏🏼👏🏼本身以為會細份唔夠飽，點知食完已經好飽性價比極高👍🏼👍🏼 一定會再去買黎食😋😋

呢間森日式外賣專門店以前係小西灣營業，只做外賣，好好生意架，外面成日排長龍。原來依家搬左黎北角新都城，仲有埋堂食！好耐無食，好懷念！而且有新menu，個火炙魚生飯$78，啲魚生好鮮甜&口感好好👍🏻連啲飯都粒粒分明、有飯香👍🏻燒魚飯我就之前成日食，都係咁肥美同香！另外，燒魚係午市套餐，有得平啲追加野食野飲，我追加左湯同刺身。個味增湯都好好飲！飲得出唔係即沖，係有自己加料整同煲。至於刺身都唔洗講係好食既，價錢仲好抵！老闆同員工都好服務👍🏻，見到有個客人要求老闆響廚房出黎堂食位幫佢開罐裝野飲（可能有特殊需要？），老闆都好好態度。高質良心小店，支持！😋