椰子日記 (已結業)

係人來人往既彌敦道，竟然開左間只賣椰子甜品同飲品既小店，當然試一試啦！叫左杯鮮榨椰汁 $29果種fresh, 濃淡適中！好耐無試過咁好飲既椰汁喇！令我諗起以前細個係車仔檔飲椰汁，而唔知點解賣椰汁🥥既都總有賣埋檸檬汁🍋唔知有無人同我有同樣既回憶呢？******************************而個椰子凍甜品，um，如果再熱少少就好喇～ 不過都ok ke~ 個椰子仲可用黎燉野添！******************************🥥椰子日記 (油麻地)油麻地彌敦道518-520號彌敦行地下B號舖

椰子日記在油麻地都有時經過，今日食完晚餐想再吃甜品就想起這間店，只這裡的座位有二個位同二個企位比較迫，最後我地二個企係度食，選擇都不少有飲品，甜品，網紅碗都幾特別，最後我地今次試了黃金海岸椰子碗和雜果芋圓椰子凍共九十四元，食物好快來到，椰子碗都不少椰肉，食完要再叫收銀整出來，椰子凍有點燶味而椰子味不濃，不太甜，生果色差不多但其實都有四款生果，芋圓沒有口感味道淡，講真有失望。另外椰子碗幾靚，下面是芒果沙冰，不太甜有芒果香，上面生果都可以，熱情果好酸混沙冰食就剛好，如果有椰肉整好放在底應該會更好，現在只是用一隻椰子碗裝的飲品，一試就夠。

有一日，家姐話想食椰子，我以為佢想食椰子雞，點知就俾佢捉左我過來油麻地食椰子日記😅😅😅😅一去到睇到門面，椰子飲品店？再望下餐牌，咦，有甜品嘅？家姐話仲有位坐咖。。可以堂食，我一睇。得2個位。😂😂😂😂😂店仔雖然細細，但睇得出個個人都好有heart，而且味道仲幾好。👍🏻👍🏻 坦白講，我不太好椰子，因為會令我諗起枷椰子（唔好笑囉 。其實😜😜😜)。3個人叫左個芋圓椰凍，我覺得幾好食，好多水果，而且都幾新鮮，不過唔知點解食完覺得好口渴，好在叫左杯椰飲，幾好飲，我覺得仲好食過個椰凍。唔錯。👍🏻👍🏻👍🏻 差唔多食完，哥哥話可以幫我地起左啲椰子肉，好好呀。。。。雖然新鮮椰我麻麻地，但我家姐係咁話好食。😂😂✌🏻✌🏻

納入狠狠懲罰系列原因 - 小連儂牆、有派水、寫香港人加油煲底見香港餐廳有好多店都有五花百門既野食，但如果做得好既，好似外國咁專做一樣都好夠，油麻地就開左間專食椰子既小店，店舖只賣有椰子既產品夠專。店面有箱水派俾遊行人士，仲寫左香港人加油，入面有張好靚既卡仔畫左椰子之外仲有幫香港人加油，牆上面都有幅小連儂，新開比較少人寫，大家可以繼續加落去。店仔細細有兩個位可以企下，外面就係接待既入面整好就可以拎出黎食，不過空間真係有少少窄只係岩岩好坐低到黎食。《甜蜜桃膠椰凍》($55)：原個椰子都真係幾大個，上面舖滿左滋陰既桃膠再配上黑糖漿，上層有椰汁下層就係椰凍，椰凍椰味香又滑又彈，食完仲可以叫店員刮埋椰子肉食架《椰香雪絨白桃烏龍》($32)：平時奶蓋都係用芝士整，呢度就用上椰汁，飲落會有淡淡椰香，白桃烏龍茶味夠，兩椰溝埋味道有清香又有少少咸甜味岩岩好。店名：椰子日記地址：油麻地彌敦道518-520號彌敦行地下B舖餐牌

清甜椰子🥥盅.原先波波係諗住黎買個個巴西莓碗,點知原來個個係沙冰黎既😂店員好好咁提提我地外賣就買沙冰以外既野食就比較好☺️好貼心❤️最後叫左呢個招牌雙層椰凍😋一層透明既椰汁清甜加埋底個層係椰汁奶凍好香奶味又岩岩好🥰仲好味過去越南蜆港遊客勁推個間😝個間一個字係「淡」😂不過呢間店入面只得兩個位冇得坐就差少少🙈基本上都只可以外賣或者一路行一路食🤣🤣下次一定要黎再食個個巴西莓碗先得！！！

呢間椰子日記🥥我見之前都好多人食啊，最近我都終於食咗喇😋.叫咗個雜果芋圓椰凍，個樣好靚呀，啲芋圓原來係佢哋自己手做㗎🤗，都好煙韌，入面有菠蘿🍍，芒果🥭同埋火龍果三種水果，而底下就係椰子果凍，呢味道比較fresh🤗.另外仲食咗甜蜜桃膠椰凍，呢個雖然個樣冇咁靚，但係我覺得呢個仲好食⭐️，入面有桃膠，椰奶同埋椰子果凍，仲加咗啲黑糖醬🤤，好味呀，椰子果凍嘅椰子味好香，真係幾好食.食完椰凍，我哋仲叫咗兩杯野飲🥤🥤，分別係椰香雪絨四季春☕️同埋椰香雪絨白桃烏龍🍑，呢個奶蓋係椰子味㗎，口感好rich好creamy好condense好細滑🤤，總之就係好味啦，茶都好香，呢個椰香雪絨係必試呀👍🏻👍🏻

見到新店開張梗係要試吓啦.見到一個椰凍索價55蚊有啲心痛,不過都堅持要試一試支持一下小店叫左個桃膠椰凍,拎返到屋企一打開就知堅有料到,物超所值.果椰子好大個,兩個人share啱啱好, 啲桃膠多到呢,完全唔會另人失望.好過出面啲有名氣的甜品舖多多聲.仲唔洗排隊.不過小店得2個座位,只好打包返屋企。椰凍又香又滑,味道剛剛好,桃膠超極多仲有好多其他生果選擇,全部都好吸引.今日試左一款先，一定要再反轉頭再試其他甜品

椰子蘊含豐富營養價值，而且又好味，深受不少人的喜愛，早幾日朋友就帶了我來這間日椰子日記食甜品，以椰子做主要食材的甜品店好少見，有甜品又有飲品，選擇很多。我們要了雜果芋圓椰凍，色彩繽紛讓人心情很好，有各款生果如火龍果、芒果、菠蘿，芋圓煙毅Q彈，底層是椰凍，椰味十足，滑嘟嘟，口感像布丁。芒果西米椰凍，芒果肉好滿，適合喜歡芒果的朋友，芒果肉上撒上椰子香，增添香味，底層也是椰凍，配芒果吃甚為爽滑。臨走前，額外叫了椰香雪絨白桃烏龍帶走，幼滑的奶蓋緊隨著白桃味的烏龍茶，微甜又清新，三兩下手就飲完了。另外，甜品店的地方不大，只容納兩至三人，所以建議外賣取走再慢慢食。

店名已經充分表達了小店提供什麼飲品和食物😜～ 小店較細, 所以多數做外賣生意。 ✥巴西莓碗✥是健康清新好選擇, 賣相吸引人, 打卡一流!以半個椰子殼裝住, 底部是以士多啤梨🍓、藍莓打成的沙冰, 上面有士多啤梨、藍莓、椰子脆片🥥、椰絲。粉紅色沙冰充滿少女心的 💕!味道酸酸甜甜, 好fresh, 食完整個也不會感到太飽膩。堂食的話, 食完仲可以叫staff幫你刮椰子肉出來, 椰子片清甜爽脆, 唔好浪費食物嘛～飲品方面, 我推薦鮮榨椰奶配上燕麥及薏米。飲品以椰子水、椰奶和牛奶製成, 有甜甜的椰奶味, 甜到適中, 還有很多燕麥和薏米, 很有咬口, 口感豐富。椰奶和配料味道很夾呢！

For all coconut lovers, this is your place! Coconut Diary - as the name suggests, this little store is filled with everything coconut 🥥! What you can expect here is all sorts coconut related desserts, drinks, pudding ... if you’re a die-hard coconut fans, look no further!Mixed Berries Coconut Bowl (HK$56)This insta-worthy coconut bowl filled with a blended mixture of mixed berries and topped with fresh blueberries, strawberries and sun-dried coconut chips. The tarty berries flavours is refres

椰子日記 油麻地 黃店💛 呢排人氣好高嘅椰子日記，招牌買用椰子整成嘅果凍，仲要獲得米豬連，啲Staff仲好有禮貌，會主動幫你刮啲椰子出嚟。不過味道方面就冇預期咁好。雜果芋圓椰凍 $44顧名思義就係椰凍上面加咗雜果同埋芋圓。不過芋圓就得一粒，加四粒番薯圓，仲要好細粒，味道亦都好淡，勝在算有啲煙韌。雜果方面，分別有菠蘿、芒果、火龍果，不過都唔算甜，亦都冇冇同椰子特別夾。至於椰凍，質感同椰汁糕有啲似，嫌佢椰子味唔夠濃。相反刮出嚟嘅椰子肉就幾清甜。整體來講有少少失望，一定滿足唔到椰子控，當普通一個甜品食下都OK嘅。味道:3/5性價比:2.7/5

呢間之前食糖水都食過幾次好足料，介紹下先🌟-巴西莓碗 $56健康之選！個底係鮮果打成嘅沙冰🍓面頭有好多士多啤梨同埋藍莓，夠足料🌟果味濃郁沙冰食落好smooth，打到好碎好似食緊yogort咁🙈-甜蜜桃膠椰凍 $52呢個我每次去食都會嗌，因為本身自己好鍾意食桃膠😆而且桃膠對健康好好架，好味有益🌟面頭勁多桃膠，個底係完全用椰子汁整成嘅果凍，佢係冇落過其他嘢架，所以食落係好香嘅椰汁味🥥真材實料🙌🏻

11.11走在旺角街頭，睇完醫生，去支持下大家。行到餓餓地，想搵野食，就見到椰子日記。.一嚟就比佢個啲椰子碗吸引左。.佢個concept似acai bowl，係我最鐘意食嘅野，於是就試要試佢。叫左「巴西莓碗」.店員好好人，態度好好，會提醒我係沙冰底。之後就聽住佢係廚房努力炮製我碗野。因為要Blend，所以都耐耐地。.賣相幾靚，個椰子碗好多椰肉。有士多啤梨、藍莓、椰子片，好重口感，好豐富。味道都ok，不過沙冰底會好快淡左啲。但成碗野都開心。.$56尼講，算ok，但同預期有啲落差，可以多啲生果blend，或者加乳酪，另外希望巴西莓個名改改佢，因為無巴西莓係入面😂。

彌敦道兩邊大街，商店林立。這天和閨蜜閒聊走過期間，忽然被對面街招牌吸引。所說的就是這一間「椰子日記」，難得的以椰子為主題的甜品店。地方淺窄，甜品店顯然以外食生意為主。但一旁還是設有2張座椅供堂食。這裡的最大特點是每個甜品都有原個椰子殼，賣相亮麗吸睛。椰凍在底部，質感Q彈，入口有著濃郁椰香。桃膠口感爽脆，眼看雜質全被挑去，再混入黑糖和牛奶，整碗甜度剛好，不至於過甜。美中不足的是椰凍呈常溫，若要冰一點會更好。同樣是用了椰子殻作碗，以草莓和藍莓為主調，上面灑上椰絲。雪芭質感的沙冰非常重莓果味，粉紅色的賣相很少女。酸甜味道配上涼快冰感，炎夏進食會很愉快。椰奶入口質感絲滑，椰子香十足，想起小時候愛喝的那罐椰汁飲品。不過「椰子日記」的這杯感覺天然得多，甜度也適中。藍水晶是由蝶豆花調成，成份天然，有少許像波子汽水的味道。

椰椰椰之椰子愛好者的小天堂～～～餐廳名稱：椰子日記 (油麻地)餐廳地址：油麻地彌敦道518-520號彌敦行地下B號舖～～～今天約了朋友去油麻地廟街算下命 結果我們兩個都路癡 走錯了方向 誤打誤撞之下看到了這家朋友之前看到報道就很想吃的椰子飲品甜品專門店 😆然後我們便把去廟街的事情忘記了 馬上進了店裡面吃東西～～～我們首先叫了一碗雜果芋圓椰凍 和網上好多人都大讚的巴西莓碗 😄😄在等待期間 店員看到店外有個老伯伯不舒服 馬上搬了椅子出去給老人家坐 好有愛心❤讓我們覺得進來吃東西的選擇是沒錯的 善良的店是應該得到支持的～～～雜果芋圓椰凍來了之後 我們都好興奮 因為真的好漂亮 芋圓好彈牙 水果也夠新鮮 椰凍質感在燉奶和大菜糕的中間 很特別 是沒有吃過的質感～～～而另外的巴西莓碗也很不錯 有草莓 藍莓作配料 底下的沙冰香香甜甜的又帶一點點椰子香味 吃著不太甜 感覺很健康 不錯～～～由於東西都很不錯 店員又nice又善良（門口還放了水 給有需要的人）以表支持 我們走的時候又買了兩杯飲料 一杯是椰香雪絨白桃烏龍 另一杯就是鮮榨椰奶加芋泥青稞雙拼～～～椰香雪絨白桃烏龍的奶蓋是用椰奶做的 比平時的鮮奶奶