椰林閣餐廳 (已結業)

之前幫襯過佢一次，都係食晚飯。今次都係去食晚飯。三人行。一睇個餐牌，全部餐都加咗成十幾紋。上次去食都冇咁貴。就算係其他集團餐廳最多都係加一兩紋左右。呢間嘢加價加到離晒譜。加價唔係問題，弊在d飯冇加到呢，勁少。我哋睇完個餐牌一次又一次，上次食果d五十幾紋飯餐冇晒。我d friend之前已經腳軟，冇氣再行去第二度食。在冇可耐何之下。我哋order個成$60嘅炒飯，$62焗雞排飯，$72龍蝦汁三文魚焗意粉。一食就知仲招喇。d焗飯，焗意粉唔夠熱又少。焗雞排飯，塊雞排嚟㗎？咁細gei.我以為食緊一條條雞絲。龍蝦汁三文魚焗意粉，完全食唔到有龍蝦汁味？個炒飯乾噌噌勁難食。咁貴嘅價錢食d咁嘅嘢，直頭係折磨又蹧側緊自己。d侍應又要三吹四請，先肯落order和埋單。服務態度衰到冇人有。一定冇下次再嚟。望佢遲早摺埋收檔。

除夕夜計畫到apm倒數，7點去商場搵嘢食既時候就已經滿曬坐，唯有去附近覓食好彩椰林閣仲有位，然後2017最後一餐就獻左比佢了我地兩個人去食，叫左個二人套餐 （$258）首先送上既係餐湯、餐包餐湯質數平平，羅宋湯唔夠酸、辣餐包同樣普普通通，唔夠軟同埋香口頭盤有雜菜鮮果凱撒沙拉 同埋 焗紐西蘭半殼青口雜菜鮮果凱撒沙拉份量好大，係主菜既size沙拉醬落得有點多，食落有d膩，建議可以叫少醬焗紐西蘭半殼青口有4隻，普通size係白汁芝士蘑菇topping，芝士焗得啱啱好，脆脆地，加埋蒜蓉味真係好香配上薯蓉，其實有點heavy主菜叫左兩款，分別係黑椒牛柳伴芝士焗元貝 同埋 千島醬三文魚鮮蝦薄餅 （9寸）黑椒牛柳伴芝士焗元貝 牛柳好大舊，係一隻手掌既size啊：）叫左7成，火候控制適宜，外層焦得黎個芯夠嫩；牛肉味幾濃，讚！千島醬三文魚鮮蝦薄餅 （9寸）麵包底發酵時間足夠，所以個底幾軟熟，好有咬口：）最欣賞佢呢點Toppings 份量唔多同埋唔balance，佢d洋蔥份量多得有點可怕同埋仲係好生：“）整體黎講，椰林閣份量頗大，多人黎食會比較合適：）

如果話芝士係一種惡魔嘅食物，芝士焗飯應該係更加邪惡就好似呢個芝士焗咖哩牛腩飯，芝士加上咖哩，雙重加重口味，更加多重享受～今天同朋友下午茶原來大家都喜芝士焗的邪惡食品哈哈志同道合！咁就....芝士焗咖哩牛腩飯 見到以為下午茶呢個價錢$40會得好少，份量係好足夠嘅～芝士汁好夠多亦好香口，融合咖哩汁嘅濃郁會變得好惹味～牛腩是牛肋條整的炆得都幾淋，可能事先有很多香料調味再加咖哩汁所以食到有好濃香料味～朋友讃口不絕不過飯大家都感覺少了些下午茶呢度都幾多選擇，張menu 設計得幾靚，呢樣係抵讚嘅～叫左杯奶奶茶夠茶味！總括黎講係幾濃同值得推介嘅～

第一次寫食評，唔係因為有幾好食，而係因為服務態度之差前所未見，開口埋口就粗口問候人地啊媽，經理大曬？雖然唔係鬧我，我坐隔離聽到都想頂翻佢轉頭。到我落單個侍應又黑口黑面，仲要廣東話都要重複幾十次。終結 唔會再食

睇完魔術表演之後，同朋友去搵地方食嘢，之後行吓行吓見到間椰林閣，就入咗去食飯啦。首先嚟咗個羅宋湯，羅宋湯有啲酸，不過我鍾意啲酸啲嘅嘢，所以我覺得OK。叫咗個西冷牛扒六成熟，不過切開之後發覺起碼八成熟，意大利粉味道有啲重。可能因為我哋好夜先去，仲要就收工添，所以佢哋好快就等我哋食完未，有啲趕客囉。😓😓😓😓

由於個人鐘意舊式西餐廳既餐湯、餐包，所以今日揀左依度食晏😁今次依然係紅湯，味道ok,材料又足，又唔太辣！餐包暖暖地，如果熱d更加好😄佢提供既牛油唔夠香😝我鐘意食d重牛油味既😆主菜揀左牛扒配薯條，牛扒比想像中細左少少。味道方面，調味岩岩好，黑椒汁簡單又配, 不過熟左少少，我依d 懶人真係唔鐘意嘴嚼😆可能需要同佢講7成熟🤣🤣🤣薯條夠熱，不過咸左少少，所以要點多d茄汁中和返🤣🤣餐飲叫左華田😁不過不失～

今日黎開觀塘做野，APM午飯時間鬼咁多人，就行去附近搵下有咩食，見到椰林閣招牌，見好耐都無食過，就一於再試下啦。Lunch set 都係五十蚊左右，有多款選擇，驚太飽仲可以配薯菜或沙律，套餐包湯同餐飲，都算ok抵食。叫左鮮茄焗豬扒飯，上檯時熱辣辣，茄汁味夠香濃，配埋大大塊豬扒，份量十足，面頭芝士唔算多，唔會影響到茄汁味，食完真係好滿足。雖則呢度環境一般，但五十蚊有湯有飯有野飲，仲有人招呼，都算抵食既。

今日去椰林閣食下午茶，揀選卡邦尼野菌意粉。餐廳的空調欠佳，好似無冷氣一樣，現在正值炎夏，熱得我好難受，不少客人都拿餐牌搧風。不但環境欠佳，食物飲品也不時落錯單，等了良久，意粉才上枱，本以為是經過精心炮製，怎料，一望賣相就知中伏。外表白雪雪，野菌少得可憐，全是洋蔥和青椒，醬汁無味稀如水，意粉烚得太耐冧哂。整個意粉淡而無味，極為難食。食物質素與等待時間完全不成正比。明明是一間西餐廳，但環境和食物的質數都相當低，令人不滿。

之前有去過去三，四次食飯，今次忍唔住，要比少少批評，唔係約左人都唔會去，成班員工係度玩，嘻嘻哈哈，尤其個經理仲要主動撩員工，完全不似經理，舉手舉到軟，冇人睇到，仲要我大叫唔該，叫完又你推我撞先肯黎，咩服務態度，四，五個員工企埋一齊笑，成間茶餐廳甘，諗住一次半次算啦，下次唔會再去，連咖啡甘機本都可以冇😡😡完全不可接受，食品一般，早段時間出品時間長，餐湯唔熱，唯一好就是埋單滙豐卡有折扣，其他都不可以接受

下午茶時段完結之前 (約17:45)，行過觀塘椰林閣，由於都好一陣子無幫襯過，恰巧個肚又餓餓地，所以便上了去用餐。由於仲係下午茶時段，所以仲有下午茶menu。由於我真係想當正餐食，所以便選了飯類。又由於好一陣子無食過咖哩，所以便點了椰林閣咖哩雞扒飯。既然落得公司名，估計係下午茶時段的皇牌產品。結果亦無令我失望，咖哩有咖哩味，用來撈飯堅定，雞扒是乾身的，不過不失。跟餐飲了熱檸茶，檸檬味略淡。順帶一提，椰林閣重新裝修了，除了卡位外，還有圓枱，方便一小班人食圍飯。侍應班底也轉了，服務質素好像跌了watt，坐低一段時間都無人來serve，未知是否因為下午茶時段性價比高，全場接近爆滿，令侍應們忙不過來。總體而言，食物質素尚可，性價比高，但服務水平就要多加努力才行。

童年回憶，但味道不能回味。a餐，牛仔柳，叫左多飯，但係反而少左，得1舊飯。仲有海南雞飯，算有人性，比隻脾，但係d肉好un。d汁ok ga，有風味，但大佬我唔係食汁。野飲總算keep到，當然啦，全部捷榮咖啡。風景撘夠，今日的裕民坊。希噓的感覺。總結，多飯冇多到，a牛肉冇花園餐廳好吃，如冇必要，唔會突別去食，但好過成日食mx，大家樂，三哥等等。經過會再去，椰林閣，加油👍🏼💪💪

好耐冇黎過椰林閣食，今日同朋友行街經過，就黎食下下午茶，下午茶時段比午餐價錢真係平好多，而且下午茶餐嘅選擇都幾多。黎到剛剛好係兩點開始下午茶，人客比較多，冇哂卡位坐，而且要同其他人搭檯，不過都明白，繁忙時段都冇辦法。坐低之後就問侍應攞下午茶嘅餐牌睇，有茶點、炒粉麵飯、焗類、湯麵類、意粉同飯類，都好多種類選擇。最後我叫左迷你野菌芝士焗長通粉，朋友叫左黑椒汁牛仔柳意粉，套餐連熱飲，我地都飲熱檸檬茶。朋友嘅意粉都上得幾快，黑椒牛仔柳睇落都唔錯，仲有d紅蘿蔔配菜，朋友話味道可以，不過可能係下午茶餐，所以份量真係唔多。至於我嘅迷你野菌芝士焗長通粉，份量真係幾迷你，而且碟邊嘅通粉焗到乾左，不過味道都唔錯，芝士味幾濃幾香。總括來講，餐廳嘅食物價錢都可以接受。

餐湯、餐包係我至愛之一，有時林食咩都幾煩，今日我就同同事講不如食椰林閣啦，有我至愛😋不負我所望，餐包仲暖，茶上牛油，牛油立即溶化。好香，包又軟，一點都唔乾😋餐湯我通常點紅湯，因為白湯多cream會好容易膩😜紅湯少少辣，接受到，仲可以幫忙打開胃口，不過略「鹽」少左d湯渣，因為我鐘意食😝主菜揀左黑椒汁燒豬扒，一上枱已經聞到豬扒勁香。咬落口，黑椒味勁濃，仲辣左少少，不過真係好好味！港式煎豬扒，薄薄地，又唔硬，又香，又有豬扒味。個意粉軟硬度適中，如果可以加多d 牛油同茄汁就更美味😁另外，佑唔到佢會俾2塊豬扒呢😁😁不過我都全部 KO 晒😋飲品叫左熱檸茶，不過就好濃同澀，依方面遜色左少少......

上菜已經慢到死態度仲要好鬼惡劣，叫鐵板餐上左個扒都未上湯，問個侍應個餐包咩佢叫我同佢講有咩再拎給我我鬼知你個餐有咩咩問下佢仲惡過我人，好似問下都係錯咁，以後都唔會再去

上星期去左牛頭角辦事，順便去椰林閣嘆下茶餐，我叫左份多士配沙律，多士幾脆口，裡面有花生醬，所以特別有口感；沙律甜左少少，但有D生果，幾開胃，夏天食就特別適合，價錢合理，可以一試。