楊記麻辣魚館

营业中

休息中

今次帶大家食元朗好食嘅酸菜魚，佢嘅午餐平平哋$60就可以食到！酸菜魚魚肉鮮嫩有咬口，每次其他酸菜魚咁，魚肉一咬就散,呢度每次都咁新鮮好食。酸菜酸度啱啱好，酸菜都好好食，撈埋啲汁送飯一流，白飯又煮得好香，如果堂食仲可以添返！唔食得辣嘅朋友都可以試試，大概係五少辣嘅程度，喺元朗呢間真係必試嘅川菜！

假日前放工後特意入了元朗食晚飯酸菜魚 + 菜花兩個人食已經好足夠份量好足👍👍❤️酸菜魚（例）❤️魚片不算特別爽滑有少少細骨，食時要小心但份量好足，湯底酸辣味獨特如果內配薯粉，應該會加分不少❤️菜花❤️每次去必食！又香又辣鑊氣係呢道菜的精髓今次就係煮耐左少少淋咗少少，影響口感

今日入元朗和友人再去食依度, 叫左個細酸菜魚, 干鍋土豆片, 大盆福花, 包心菜和炒水晶粉, 佢裝修完之後我第一次來, 轉晒好闊落的卡位👍, 環境座位比以前圓枱舒服好多😍, 等左一陣酸菜魚先到, 雖然叫左細, 但魚片份量都好多👍👍, 係酸菜同湯咸左少少, 魚片係真係無骨但無以前敢彈敢爽脆, 但無腥味, 再來干鍋土豆片, 有火爐熱住更加香更加好吃🥰, 再來大盆福花同包心菜都好好味, 不過忘了影相😅😅水晶粉加左好多菜炒都好好食😋😋, 不過我全部叫左少油, 所以食落感覺好d❤️, 但元朗味道確實比旺角好, 有機會試埋佐敦分店🥢

話說今日放飯想食下d平時少食既餐廳試試，呢間麻辣魚館我都經常行過無試過，最近佢又擴充埋格黎鋪大左睇落幾好坐，就諗住試試。午餐時間有午市套餐，平均45-55左右，主要都係辣，本身想食宮寶雞丁但唔知點解最後點左個口水雞，惡夢就黎了。口水雞飯話說呢個飯我等左最少20分鐘，遲過我黎既客人點既即炒小菜都到左我碟雞都未到，好在吹單d阿姐都真係幫手睇，同埋d阿姐感覺唔多熟手係咁落錯單，最後碟雞黎到，雞肉有翼位同胸位，好凍唔滑有d雪味，仲話係走地雞，雞皮好白，皮下脂好奇怪好似薯蓉咁傑左，我試下挑走1舊油轉頭真係熔左，有d懷疑係雪雞未解凍夠，所以咁遲先上到菜，辣汁味道還可。食完埋單行左10分鐘街開始覺得個肚好唔舒服又暈，跟著去廁所又痾又嘔，返到公司坐左2個鐘先舒服d，有懷疑d食物有問題，下次唔敢食了。

三個人叫咗條麻辣烤魚,烤魚係江團魚,仲可以揀兩款配料。湯底超正!魚肉好嫩滑多肉!寬苕粉索唒湯底嘅精華好好食!另外叫多個花椒雞,辣椒好多之外雞肉都好多,超級惹味鑊氣好夠👍🏻超推介

講起元朗酸菜魚，一定要食楊記細份bb辣味道keep住夠香辣麻，但裝修後配菜份量好似少左必點炒菜花 川味腸仔 睇海報以為細細碟點知勁大碟$1**但真係食唔到，又干又硬個，好重煙燻味 唔岩香港人口味炒茶樹菇比較干，麻麻配黑糖醬 好好味

今日3-25日同大少去食呢間 佢本身好鍾意食辣 所以我帶佢去試吓 今次叫例牌酸菜魚、口水雞、炒菜 我哋7:15入座 5太多人 20分鐘後所有食物到齊 𠆤菜心貴了點 、$68！其他價錢公道嘅

朋友就快移民，指明要食酸菜魚，經朋友介紹下去左元朗食，到步餐館環境唔錯，乾淨。👍👍我地叫左4個小菜，酸菜魚🐟係指定叫，好味，唔太鹹，魚夠滑，無骨，我地仲加埋粗薯粉，薯粉夠曬入味。羊肉串睇落乾身，但食落juice。椰菜花🥦好食，夠鑊氣炒得好香。鐵板田雞真正鐵板上，好香口，配菜青椒都好好味。另外我地叫左半打炸饅頭，黎到熱辣辣，好軟熟，我地休賽一再食，饅頭凍左味道都唔差，仲好軟，加埋煉奶食一流❤️❤️

今日3月8日約個老友聚舊 去元朗呢間水煮魚再食 已經食過2、3次 今日PM7:00 入去 好彩有位 我哋叫了酸菜魚、炒菜心、麻辣白肉 十分鐘後所有食物上枱了 魚 好食 不過不夠熱，其他2款食物出色 真係好扺食 埋單$400有找 飲了一支青島、一可樂

午飯時間，去元朗搵食，心郁郁想食酸菜魚，聽聞呢間店嘅酸菜魚味道唔錯，就決定去試吓。叫左個酸菜魚午餐，魚片好滑，都好大塊，好入味，完全冇魚骨，但如果再多少少魚片就會更好；酸菜偏辣，但唔係好酸。總括嚟講，好抵食，凍飲加$5，埋單都只係$60，好抵食。另外，店內新裝修，整左卡位，比之前坐得舒服得多。

佢係一間街坊式嘅川菜小店，唔稱得上好出色，但份量同性價比方面肯定數一數二👍🏻呢盤屬小 size 但仍然好足料嘅酸菜魚，用嘅係生魚，雖唔及其他魚嫰滑，但勝在好大塊而且「啖啖肉」，酸辣平均，辣味嘅後勁相當出色，好惹味😌 (溫馨提示：提防小骨)最令我食唔停嘅係嗰碟辣子雞，雞肉嫰滑，大部分雞骨都炸得香脆，相當滋味☺️而且好像吃極都吃不完似的😂而店員放低乾煸四季豆時，我呆左，點解咁大碟？😂四季豆乾身爽口，肉碎炒得好香，佳作👍🏻最後當然來個桂花冰粉解解辣潤一潤😌下次要帶朋友來吃水煮魚☺️

楊記麻辣魚館喺香港已經有眾多分店，而且每間亦都好爆場，難得朋友今日想食辣嘢，一於試一試呢間野！果然大家都食到舔舔脷，重點係價錢亦唔貴，服務熱情😇推薦：⭐️水煮魚（$188 S): 因為同行人士都係好辣者，我哋挑戰大辣 ，辣味相當滿足，而魚既份量亦唔細，而且從相片中可以睇到廚師用3種以上辣椒調出香味，令到口感更加豐富，香味濃郁，底層亦都用芽菜墊底，食到最後芽菜吸飽味道，極力推薦大家食 ！⭐️香辣小龍蝦（$188 S）：店家會附送埋手套，所以怕污糟嘅朋友唔使驚。講返味道相當不錯，同大陸嘅小龍蝦有得揮！反而值得一讚魔芋相當入味，最後大家都搶着食！⭐️干鍋田雞 （$108）：廚房已經炒到相當香，上菜時亦都會配有蠟燭保持溫度，田雞滑嫩可口，十分野味！⭐️小炒牛肉（$88）：唔鍾意芫荽嘅朋友可能就唔好嗌呢味送！但係如果係芫荽朋友，你一定會極愛！ 牛肉滑亂可口配上芫荽一次過食，口感豐富！餐廳相當貼地，可以揀出面大排檔或者店內嘆冷氣，環境乾淨，員工熱情！推薦鍾意食辣嘅朋友過嚟挑戰吓！味道：🌼🌼🌼🌼🌼服務：🌼🌼🌼🌼環境：🌼🌼🌼抵食：🌼🌼🌼🌼🌼

元朗裡面的一間川菜小店 店內侍應大部分操普通話的 成日都見好多食客 今日又想食酸菜魚 就入去試下呢間環境比較舊式 座位緊密 一張圓枱要同兩三堆其他人一齊坐侍應好忙 態度不太好 🔸酸菜魚飯 （$55） 凍檸茶 （加$5）一碗酸菜魚 淋上花椒油好香 但口感比較油 魚有d碎骨魚大塊但唔算滑 個湯底撇起油 撈飯食 味道不錯的凍檸茶茶底唔夠濃 偏淡 🔸水煮牛肉飯 （$55）凍檸茶 （加$5）一碗水煮牛肉 辣椒🌶️份量多 但碗餸滿滿油 牛肉厚夠淋 味道一般

琴日朋友生日派對盡興完起身好想食啲刺激嘅美食就帶媽媽試左呢間川菜對上一次食既大辣記得比今次係辣好多😔水煮田雞味道不錯但大辣就唔夠辣⋯同上次比差好遠⋯上次夠辣好食好多⋯可能太忙太多單睇唔清係大辣吧《水煮田雞》好大份量～食極都仲有～有爽脆嘅娃娃菜做底田雞火喉剛剛好～肉質又滑又甜～但可惜冇薯粉做底～下次食要加薯粉《干鍋魚雜》上枱香氣撲鼻～魚雜鍋夾雜着各樣嘅配菜色彩繽紛最鍾意食佢旁邊嘅小米椒同醃蘿蔔魚春略嫌有腥味如果拉拉油嘅話應該會好好多魚肚值得一讚因為係超級厚身食落去漿住個口好正如果可以再重口味小小就好喇

今日去左元朗行街，行到咁上下肚餓，之後朋友推介之下去左麻辣魚館食！！鋪頭出面都有d人等位，因為客人都多，叫野食落單叫左都15分鐘冇人理直行直過，不過都算，可能唔夠人做野。野食黎到味道好ok!咁既價錢食到呢個質素算好好！會再返轉頭食！