楊記麻辣魚館 (新填地街)

营业中

休息中

買咗兩個外賣返屋企發現，杯凍檸茶入邊冇檸檬、凍奶茶飲飲下酸酸地原來入邊有檸檬即係兩杯嘢搞錯咗、跟住拎落去換、浪費本人時間，搞到我返咗屋企仲要出返嚟，店員知道自己搞錯咗仲要冇道歉，態度差！🌚🌚面

今晚想過來食川菜, 叫左串燒羊肉🐑, 大盆🥬花菜, 乾鍋魚🐟雜, 鐵板水晶粉, 水煮🐟生魚, 叫左一枝天地一號蘋果🍎醋, 另外友人話想食桂花冰粉, 等左一陣送來天地一號, 雪得好冰凍👍😅飲落又唔係好凍, 少少酸酸地幾舒服, 之後🐏送來串燒羊肉, 第一次食, 食落好新鮮好好味, 又唔會好重羊的蘇味😄唔錯, 如果飲啤酒, 應該會幾夾😁, 之後再送來大盆花菜, 每次必点😋😋花菜即係椰菜花, 不過佢依度係用福建椰菜花, 比普通椰菜花更甜, 雖然佢落左少少肉, 但食落又唔會好油👍, 再來鐵板水晶粉, 加左d椰菜炒, 食落好爽口, 不過我個人就覺得油左少少😅😅, 之後再送來水煮生魚, 佢入面有d芽菜椰菜少少薯粉, 但魚片都有dd骨, 再之後送來乾鍋魚雜, 依個就唔係太好, 太多配菜, 魚雜數得出, 而且好碎, 夾起上來都不容易, 全部都係要BB辣, 水晶粉就唔辣, 查實整體唔差, 可能客人不多, 味道比之前好, 但與其他分店比較, 還是佐敦最好, 其次元朗了😁最後友人話想食碗桂花冰粉, 依個我也第一次, 好冰凍, 少少食到桂花的清甜味, 食落幾舒服🤩唔錯

差差差 叫咗碟雞腎，店員擺低我冇為意撩咗佢幾下見到成碟都冇雞腎就問店員解成碟菜都冇雞腎嘅姐姐就係小炒肉喎唔係雞嚟㗎喎 之後個店員就越行越遠 呢個時候放低碟菜嗰個店員話你冇雞見唔到雞腎你唔講嘅 唔係人哋比咩？你食咩㗎嘛？自己叫咗啲咩都唔知？離晒譜。 我話我唔知你係咩樣喎，咁你唔識問嘅咩？ 之後就冇人理我 我再問咁依家點 呢個姐就話你咪食我心諗如果唔係我再問佢點 我都唔係我係照食定換過比我 你可以問我可唔可以照食但你啲態度好少少 我都冇嘢 咩叫你唔識問 比咩你食咩 離哂譜 香港有呢啲姐 咪服務太態唔

鄰居好鍾意食酸菜魚，又突然約食飯唔知去邊度好。醒起公司附近有一間酸菜魚就嚟試吓。兩個人唔嗌得多嘢，淨係嗌咗個細份嘅酸菜魚再加個炒回鍋肉。個酸菜魚唔算好辣酸道亦都適中，但係鄰居就覺得油左d。好可惜太少芽菜水晶粉墊底，如果有埋墊底連啲湯汁嚟食就原味。d魚肉都幾嫩滑。反而我就覺得個回鍋肉先至由，自己腸胃差食有少少都會唔舒服。但係太耐冇食回鍋肉實在太惹味同埋個侍應好好，知我哋想食菜就叫我哋唔好炒尖椒改轉炒椰菜。實在太耐冇食回鍋肉，鹹鹹地送飯一流，差啲想嗌多一碗飯食。如果下次多啲人可以試多幾款就好啦。

味道幾好！～～～我哋只係叫咗個百幾蚊既小菜外賣，大嘥鬼，諗住自己食好多，返咗去打開發現原來係60$午市套餐，但係都好飽！好夠食！—————————————-美食攻略：下次都係食午市就可以，因為小菜同午市一樣多～好抵食！支持小店！——————————————姐姐好好人！態度好好，會幫你點齊外賣。雖然有少少唔小心，外賣少咗個飯。但係態度最重要！要比個like!———————-最後最後！雖然幫同事買外賣既我比同事不停問候～但我都十分耐性，決定打完200字留言！支持小店！

今日突然好想食辣嘢，想起附近有間楊記麻辣魚館，好似好耐無食過，一於去食個酸菜魚午市套餐。我記得第一次食楊記麻辣魚館係响佐敦店，朋友話抵食又好食，跟佢食過後，真心覺得以呢個價錢嚟講係唔錯又抵食。旺角店裝修格局比較似茶餐廳，而且地方比較乾淨，座位都比較闊落舒適。午餐牌同佐敦店差唔多，不論食物選擇定係午市套餐價錢，都係$50至$60已經食到。酸菜魚套餐 $58.- (配熱飲加$2.-)酸菜份量多魚片都唔少，魚肉嫩滑，魚味偏淡但勝在新鮮，配菜有娃娃菜及大豆芽，同樣份量都唔少，加上白飯任添，真係好抵食。用飯撈埋微辣帶鮮香嘅魚湯，變成湯飯一齊食，味道一流。加兩蚊嘅熱飲就唔好太大期望，熱奶茶味道偏淡。

水煮生魚香辣五花肉鐵板水晶粉酸辣土豆絲之前叫外賣試過d出品，認真唔掂，可以話又柴，又無汁水，份量又小。今次俾多次機會佢，專登嚟門面食，睇下同外賣有冇分別。個水煮魚有d失望🤦🏻‍♂️🤦🏻‍♂️，完全無水煮魚feel，似喺酸菜魚再淋d熟油上去，同埋用生魚肉無咁滑身，有d鞋口。見好多客都叫烤魚😂😂睇嚟呢道水煮魚應該麻麻。香辣五花肉雖然比起之前叫外賣份量多咗，但一樣又乾，又柴，又無汁水，直頭喺可以𠝹損口果種。鐵板水晶粉反而有驚喜，有鑊氣味，配料又足，份量又足，😂😂雖然感覺好似韓國粉絲，但我覺得呢道水鐵板水晶粉好食d。

同唔食辣嘅人一齊食飯真係痛苦bb辣根本就冇味道🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠我咁講絕對唔係因為呢間餐廳啲嘢唔好食雖然嗌咗BB辣嘅烤魚…冇乜味道～～～但係朋友食得多幾開心佢覺得幾好食🤣🤣🤣楊記係絕對值得推介嘅👍因為之前我都嚟食過中辣嘅烤魚真心唔錯㗎～～份量又夠足大家都知啦…..而家出邊好多烤魚檔條魚都好細條兩個人嗌一份烤魚都食唔飽🥺楊記就唔同啦味道好份量足！！！

本身就係一個辣妹🌶🌶🌶嘅我喺香港不斷尋找四川嘅美食 呢一間位於旺角朗豪坊附近嘅四川店真係令我值得非常驚喜 暫時已經係我心目中嘅No.1川菜首選💯呢間麻辣烤魚真係暫時我食過最豐盛最多配料嘅一間 本身裏便已經附帶有千張豆皮芽菜豆腐魔芋 另外佢仲有五至六款配料俾你自選再加入去 我就揀咗最吸湯汁味嘅萵筍同埋苕粉 烤魚本身已經炸得非常脆口但係魚肉亦都可以保持非常嫩滑 而且份量超級大 我哋五個人食最後條魚都仲食淨少少 另外小炒牛肉對於芫荽愛好者真係唔可以錯過 牛肉本身走過油所以口感有昇華 不過對於芫荽好反感嘅我🤢都俾佢外表吸引咗嘗試左兩舊牛肉的確係幾好味牛肉 川北涼粉今次變咗粗條 問返侍應姐姐佢話因為廚房師傅唔見咗個刨涼粉儀器 所以今次暫時係用手切先 因為之前我食過一次係長條型比較幼身啲嘅 所以我自己個人就比較鍾意幼身嗰款嘅口感 但係味道依然不變嘅係一款好好嘅開胃菜酸酸辣辣的😍另外叫咗個干鍋肥腸 肥腸因為有熱鍋上變得更加香口脆口 配埋啤酒真係一流🍻🍺👍🏻💡溫馨提示呢間嘅辣到相當足夠所以建議唔係太食得辣嘅人最好叫少少辣就已經夠啦👻👻

難得用餐時間不用留在公司 埋頭苦幹工作 是日午餐決定出去食 酸菜魚套餐 $50其實這個酸菜魚已經是第二次食上次是路過買了外賣回公司吃食 不會太酸 算是小辣 配白飯吃非常開胃 水煮魚套餐 $50水煮魚的魚肉比較滑身 辣油亦不會po在整碗魚上面 口感一點都不油膩 裏面還有娃娃菜和豆芽 有點水煮香這個價錢算是挺大碗的 2款套餐如果味道再香濃一點 應該更加惹味 整個環境飄著濃濃的花椒辣椒香味 星期日午市時間坐滿了人店員態度一般  差一點還要搭枱 另外加的兩杯飲品 其中一杯漏單 半小時後問一問才出現 幸好我不趕時間

這家水煮魚午市套餐特別抵食，午餐套由由 $40 起，白飯任裝熱飲加多 $2。食過幾次每次我都會選擇食水煮魚，香辣惹味特別天氣涼涼地越食越起勁，水煮魚片份量算多，肉身鮮甜少骨，配菜中的娃娃菜浸了湯汁非常惹味，略嫌寬粉較每碗只有二條，如果可以另加寬粉就更好。坐位都算舒服，店員阿姐服務就差不多喇！

不能接受的川菜館。味道不正宗 。 點了水煮鱼但湯底是酸菜魚湯， 在面上加些辣椒欺騙人當水煮鱼，最慘是真係難食（雖然魚質是不錯 用的是生魚） 。 侍應姐姐服務態度差，一直擺出不想做的款，還會跟客人頂嘴而且冇尾音個種；叫她們追菜，聽了後直接走開，之後沒有follow up。 另外餐廳時間管理差，有一半客都在追菜，而外賣客在外面都有一值追，廚房根本應付不了。我點了兩個菜一個已經等了15分鐘而另一個則要25分鐘。 不推薦試這家。

比起香港大多数所谓川菜，这里算是比较正宗了。四川腊肉烟熏味很正，凉拌菜也是比较正宗的四川味道。美中不足第一是田鸡肉太老了，不知道是不是先油炸的关系。第二个最为关键，就是鱼太淡了，仿佛没放盐。不知道是忘记放了还是刻意为之。点了个藤椒鱼，吃起来感觉除了麻辣和辣椒香味，没有咸味。我还专门喝了一口汤，也是没有咸味的。这点真的希望改进一下，来这吃饭的基本都是想感受一下重口味，如果太淡了，整体感觉会大打折扣，希望能改善。总体依旧好评，下次还会来试一下其他的菜。

今日十一國慶，熱情洋溢，熱辣辣川菜符合心情。楊記本身元朗好似都有間，新開在朗豪坊附近。要試一試味道。午餐套餐平，抵食喔。另外都有例牌或者散叫。之前以為系碟頭飯，50元午餐套餐。但原來都可以同朋友一起share。小抄牛肉，好多芫茜。中意芫茜有福利喇。牛肉嫩，夠新鮮。宮保雞丁主要調味，酸酸甜甜，花生碎脆，雞丁有味道。和味應該是糊辣荔枝（酸甜）味，辣椒節炸香，突出糊辣味。呢兩個都系送飯系列，白飯一碗，凍檸茶一杯。足夠午餐。