楊記麻辣魚館

营业中

休息中

睇門口介紹幾正，而且d靚女係門口接待笑笑口咁睇落就開心～之前都有叫哩間過外賣唔錯，今次啱好同朋友小聚就係度食啦～🐟酸菜魚主角當然係哩個啦，魚片基本無骨，入口方便又唔腥😋加上酸菜撈住個白飯簡直一流👍🏻冇霖到好大一盤，魚都俾得好足，下面仲有粗粗既薯粉😋🐸乾鍋田雞乾鍋爆炒嘅田雞真係冇得頂，上離之後仲會加熱令到更加入味，所以要記得翻翻佢，如果唔係吃到後面有d辣🤣🍳鐵板水晶粉水晶粉煙韌得嚟夠彈牙，加埋雞蛋同椰菜絲色彩豐富，裡面仲有酸豆角，偶然咬到增加下口感，小辣都唔會太辣，啱好比小朋友吃正😉🍹酸梅湯/凍奶茶雖然凍奶茶都唔輸屑，不過酸梅湯簡直絕配，解辣一流，特別乾鍋田雞吃到後面好需要🤣兩條友都吃唔嗮，份量真系足，最後打包咗個粉走做宵夜，可能叫咗個白飯送酸菜魚，個白飯都好大碗🤣建議收工早d到，我6點去到仲可以有位揀，到7點就開始full full地啦🤭臨走影咗下個門面，睇翻張相個靚女仲同我比✌🏻，真系翻到屋企都忍吾住笑一下🤣

今日同太太同囡囡一齊去咗呢間餐廳食飯，值得推一下！😋 🍲 **酸菜魚** ($198) 魚肉鮮嫩，酸菜夠酸爽，湯底濃郁得嚟又唔會太油膩，啖啖都係滿足感！ 🍖 **糖醋排骨** ($98) 排骨外脆內軟，糖醋汁酸甜適中，食落好開胃，囡囡都食到停唔到口！ 🥦 **大盤花菜** ($78) 花菜炒得剛剛好，爽脆得嚟又入味，仲有啲蒜香味，好適合配飯！ 🍚 **楊州炒飯** ($78) 炒飯粒粒分明，材料豐富，有蝦仁、叉燒、蛋，食落好有鑊氣！ 🍯 **甜品：炸饅頭伴煉奶** ($48) 外脆內軟嘅饅頭點埋煉奶，簡直係完美嘅結尾！ 總括嚟講，呢間餐廳性價比高，份量足，味道正，絕對會再encore！👍

超級好吃。水煮魚，香菜炒牛肉，烤魚等等食物都超級入味好吃。麻辣口味，很下飯。姐姐們服務態度也超級好，很親切。很推薦，菜式很地道，價錢和食物的素質可以對得上。一切都很不錯

成個間餐廳不知所謂,首先招呼冇乜, 求奇整壺茶加兩隻碗同筷子過嚟就要收茶位費,叫咗個酸菜魚同酸辣土豆絲,簡直可以用狗都唔食嚟形容‧土豆絲:份量正常，一開始問佢有冇得揀辣度，我哋揀中辣，佢話本身唔揀已經係中辣，結果兜野基本上係冇辣味,得少少酸味，但都仲叫放得落口⋯⋯酸菜魚:呢個最離譜，叫咗個大份量，盛為3xx,好後悔冇叫細嘅……..學食神話齋，失敗中嘅失敗，魚肉完全冇魚味，仲要食到一浸雪藏味，肉質極鞋，好似食緊白烚魚仲要烚過龍咁，仲要一半魚肉都係有骨嘅，咁都夠膽死拎畀客死，除咗侮辱客人我都諗唔到點解。呢餐飯真係嬲到，食咗一啖相都冇影，前世未食過屎嘅一定要入去體驗吓

嗌咗水煮牛肉外賣，啲牛肉一夾就碎，完全冇牛肉嘅纖維感，似魚柳feel…… 牛肉內裏還是紅色，沒熟…..但願食物是健康的。都算貴午餐，希望可以提升食物品質。推薦比牙口不好的人 btw 之前去過店入面食用，店員將人地浸過嘅餐具直接跟乾淨嘅餐具擺一齊，我咁耐都冇見到過啲餐廳喺客人面前咁明目張膽唔講衛生。不過出去食邊度都係污糟，但係有啲接受唔到，可能係個人問題小店都有幾多人食可能佢特色，但衛生同埋食物質感方面真係有待提升，希望生意興隆啦

成日會搵川菜食，今次搵到依間，又係以前係葵興個邊食過，嚟到荃灣見到有分店，所以又嚟試吓係米一樣味。鋪頭冇葵興個邊大，但坐位都算闊落，坐得舒服既。個干鍋肥腸好食，肥腸有先過油，之後再炒做干鍋，所以唔會食到成口油👍🏻啤酒鴨正常，夠香，肉質唔係淋個款，但又未到香口膠既程度，食得落既。花菜可以濃味返少少，同有啲油。

老實講我第一次食依間嘢，食物又OK Wo 周圍見到好多分店，但因為之前有朋友食過話一般般，所以每次經過都吾揀佢入去😂😂今日約左人Lunch心血來潮想食啲重口味見到依間多人，所以決定Try 一Try啦叫左lunch set酸菜魚 跟飯同飲品..多魚，多料，吾腥，味道又吾錯最重要一條骨都食唔到性價比高既然後係水煮牛跟飯同飲品我都覺可以wo.. 老實講味道係吾錯既!!足料吾古寒🤣🤣Lunch好多人.. 啲姐姐的確好忙所以吾好諗住有service ,求其有人落單就Ok了!!建議佢可以考慮用QR Code 落單😙因為坐上層有時想叫個人幫手寫嘢都有點困難!!

尼間阿姐全部都係大陸人，服務勁差，，，檯未收就叫我坐，我要佢啲收檯先，佢啲就多多聲，抹又未抹乾淨，就佢抹多次仲瞪眼睇返我，之後更加搞笑，叫抹多次檯嘅阿姐將個菜求其甩係檯上，好有怨氣咁。唔會再去幫襯，無謂受氣

虽然去过几次，野食都几好，但服务态度极差，上菜仲要大大力劈过来，等位又话上台系下台的朋友，打尖，问服务人员，又话冇计，佢地系朋友，非常无语😓，这次后，唔会再光顾😡😡😡😡😡

網上群組見到有人推薦呢間餐廳，川菜午餐$55左右再有交易，好抵食呢！舖頭有分上下兩層， 感覺坐上面會少人啲，舒服啲嘅😛😛特式酸菜魚飯魚嘅份量好多，滿滿的一碗。魚肉非常嫩滑，滑溜滑溜，睇魚皮應該係黑魚嚟。酸菜份量都足夠，唔會過酸或過軟，係我最鐘意嘅口感。湯底微酸微辣濃郁，忍唔住配飯一齊食，非常正。😁🌟🌟水煮牛肉飯牛肉似係平時乾炒牛河嘅牛肉， 應該走過油， 好嫩好滑。水煮魚比酸菜魚辣，叫咗小辣， 正常應該大部分人都食到嘅🤤😋😋🌟$55 呢個價錢真係好抵， 一般茶餐廳都要呢個價， 川菜就算午餐通常都會貴啲👍🏻👍🏻

同家姐姐夫食Lunch，佢地話想食酸菜魚，介紹左係佢地屋企附近食我地大約1點去到，都已經坐滿人呢間鋪有上下層，上層位置比較多我地叫左三個套餐，酸菜魚飯、四川回鍋飯肉同酸角豆肉沫飯熱飲加$2、凍飲加$5，我地叫左兩杯凍飲同一杯熱飲，個人建議食辣野梗係飲凍飲啦!可能都多人，所以都要十幾二十分鐘先到齊平時我好少Lunch食飯，但配佢地的酸角豆肉沫，好開胃酸菜魚D魚無泥味，肉質彈牙，不過我家姐食到小小骨四川回鍋肉的肉應該叫腩肉先岩，好野味三款餸都好送飯好開胃，佢地配的白飯都好大碗，但我居然食得哂最後埋單$160度，已經算經濟實惠啦!睇怕夜晚我唔可以食咁多飯啦😂

服務：簡直無法形容由於之前幫襯過佐敦分店嘅麻辣魚館,諗住今次行到荃灣都揀返（楊記麻辣魚館），企喺門口要等位跟住入去又要搭枱，大佬我係食晚餐而唔係快餐，服務差到離曬譜，仲要收埋個茶位費（連水都無斟比你），入咗去之後你都廢事理你，仲要好快催你埋單趕你走（出邊有人等緊），咁嘅服務都有，就係真係差到不得了未試過，唔會再幫襯呢間麻辣魚館楊記。味道：難食到嘔呢間量少且又難食，水煮魚唔夠辣，但完全可以食出係唔新鮮，果然夜晚身體就話返比我知需要開大解決今次既所有問題！

本身想食隔離XX公主，上次食過都幾好。點知朋友去錯左依間仲坐底埋開埋位。無計啦，當試下新野。鋪面上下兩層，環境一般，d 枱枱櫈櫈地板都痴立立，感覺清潔一般般。點左以下幾樣：麻辣烤魚 - 魚食得出幾新鮮幾滑，但唔太入味，仲幾多配料粉皮 - 成世人食過最難食既， 一夾就散皮蛋 - 好奇怪既做法， 又係一夾就散辣子雞 - 味ok,但d 雞碎到乜咁，每粒都五毫子銀仔既size, 好刀功呀黑白鏝頭，白色係蒸，啡色係炸。我無食到，朋友話食落個質感好怪。茶樹菇炒牛肉 - 一上台成個碟底都係油，以為自己叫左油浸茶樹菇因為有小朋友既關係，叫左個唔辣既楊洲炒飯。我無食到，但睇賣相就一般般。最神奇係晚市要收茶位，但無上過任何茶或者水。全部侍應都係講普通話，感覺好似返左大陸食烤魚咁，但香港既價錢。間野都幾旺，但個人唔識欣賞，應該係最後亦係唯一一次！

突然間想食酸菜魚 知道開咗好耐但一直未食過就試吓呢間啦環境就嘛嘛 好嘈雜叫左個細酸菜魚 唔記得咗叫辣度 佢就比左中辣但唔算話好辣 多酸菜但冇咩酸味淨係食到好咸 鯇魚片好多 仲有寛粉係底2人食真係好飽另外仲叫左個四川涼粉呢個反而仲辣 幾好食 涼粉好爽滑呢度試左一次就夠唔洗再嚟食 服務都一般

今天試了荃灣楊記麻辣魚館，點了水煮魚套餐，價錢55凍飲加$5。餸菜不夠熱，魚片份量少也不是新鮮魚片，最大問題是還未熟透，連魚皮也咬不開，每片魚都有長長的魚骨，這個價錢質素實在太差，不會再來這間，我也不會推介這間給大家！