楓林小館

营业中

休息中

先幾日話同阿媽去食楓林小館，佢已經話佢要食乳鴿，佢話佢幾十年前喺大圍食過，想試下佢有冇變到，不過佢唔講我都冇留意原來佢係大圍搬過銅鑼灣😂 今日叫咗阿媽指定食嘅乳鴿，仲叫咗煎藕餅，脆米海鮮湯泡飯，蝦餃，海蜇，芝麻卷。乳鴿係好食嘅，我麻麻地食乳鴿都覺得ok，唔係好重羶味。而煎藕餅好食喎，裡面好多蓮藕粒，重點係冇芹菜，正👍🏻至於海蜇，中咗伏，佢加咗醋，唔ok😭 個海鮮泡飯個湯都幾甜，都好多料，幾好。到甜品芝麻卷，熱辣辣食幾好食，芝麻味都幾出，大家一致覺得好食。而且侍應姐姐幾好人，仲送咗綠豆沙，阿媽仲話碗綠豆沙煲得幾好。最後，我都冇留意經openrice 訂位有8折，埋單見到打咗8折我終極幫呢度加分😂

原先我叫<<燒汁爆牛仔柳>>($158)係冇特別嘅expectation嘅😂點知竟然有萵笋片喺底喎! Surprised!!!!!勁好食!! 又爽又入味😭我一個人食晒🤫牛柳都係好腍好入味~掛汁添㗎😌好飽但食淨咗幾塊...唔想浪費...打包俾幾個一齊開會嘅朋友仔食~就算變咗微溫大家都話好食🤗可想而知熱辣辣嘅時候佢係幾咁好食🤤

夜晚9點幾行開銅鑼灣有點肚餓，咁啱見到楓林小館，唸住上去食小小野。過了晚飯時間的楓林小館人唔算多，我自己一個人上來食，呢間餐廳的裝潢好有中國特色，服務也很好，一開始就問我飲咩茶，我選了香片，來左碟花生，但其實可以唔要的，只之後點了一碟泡椒鳳爪，一碗黑松露滑雞石鍋飯。泡椒鳳爪真係好入味，辣辣地真係好過癮，而黑松露滑雞石鍋飯係超熱辣辣，剛剛上鍋咁，好大陣黑松露味，好香，石鍋飯好正宗，仲有好多飯焦，好正。慢慢時，慢慢飲茶，呢間收11點，環境又舒適舒服，見到好多生意人係度傾生意傾計，係食物偏貴，適合傾生意人士。

老爸以前經常帶我去沙田食乳鴿，乳鴿細細隻，揸得香口，小朋友一定鍾意，而家輪到我帶返自己小朋友經常搵食，估唔到佢同我一樣咁鍾意食乳鴿，今次特登帶埋老爸一齊去食好野，就係楓林小館，我特登話佢知呢間係大圍經典懷舊彩，佢聽完之後更加想一試。餐廳位置響謝斐道，有啲車路行去海旁一條街，都算易搵，一去到老爸就話餐廳嘅環境不錯，似高級餐廳，可以枱之間好寬闊，留客人一點私人空間。問老爸想食乜嘢，既然黎到就要一試佢嘅紅燒乳鴿，其他就食點心同叫碗粉麵。招牌紅燒乳鴿果然名不虛傳，即點即炸，因為炸乳鴿唔可以查頂唔，一炸定就會縮水鞋口，顏色暗沉，一睇就知呢度嘅炸乳鴿係招牌菜，令立立，遠遠都聞到香味，而且一食落去好crispy!試吓佢嘅點心出品先，原來都好有驚喜，叉燒包包皮一啲都唔笠口，叉燒包十分鬆軟，叉燒餡加上醬汁簡直係Perfect！老爸好鍾意食山竹牛肉，佢話呢度嘅山竹牛肉係咁多間酒樓最好食，呢度係用新鮮牛肉，大大粒粉嫩色，加上芫荽蔥，未食我都流口水！最後再點多碗辣肉操稻庭烏冬，估唔到辣辣地又好惹味，仲要加上心心蘿蔔，真係好有心思呀！楓林小館嘅廚房果然好得，好多大師傅都有大圍店請返過嚟銅鑼灣新店幫手，所以可以食

港島人有時怕在新界區尋找美食，山長水遠，一天要吃幾餐才滿足，早早已聽過楓林小館的名氣，曾在大圍經營超過60年，以紅燒乳鴿、椒鹽蝦等多道招牌菜而聞名，原來早幾個月前，創辦人的第二代已在銅鑼灣將經典美食帶到港島，身處港島人真的有口福！餐廳位置在於銅鑼灣謝斐道，地點非常便利，而且門外招牌也很易找，拱門非常有特式，餐廳內部裝修也非常別致。中午時分設有點心、小菜，我們一場來到當然要點招牌紅燒乳鴿，餐廳選用中山石岐的乳鴿用滷水膽先浸泡乳鴿、吊起風乾2個鐘，落單時先即炸。從廚房到上枱，乳鴿仍然非常熱辣辣，皮脆內嫩，果然是即叫即炸，特別香口。椒鹽炸豆腐也是我最喜愛的，先上粉，再炸成金黃色後上椒鹽，又是惹味佐酒小食之一。看到有招牌特推的香辣臊子稻庭烏冬，現正做推廣價，要點一份來試試，稻庭烏冬是較扁身的麵條，有點像上海麵，但是比較滑口，微辣的肉碎零舍醒胃，湯底非常濃郁，很不錯！特別一提的是這裏的服務很貼心，店員非常有禮貌，而且服務員也是非常有經驗，有問必答，亦很清楚菜式的做法，應該很多是老臣子呢，最後還送我綠豆沙糖水，雖然是贈送，但煲得非常濃郁，完全不是水流流那種，果然真材實料！

星期天同屋企人去飲茶 之前睇過其他人嘅食評感覺不錯 就一於去試試啦!入到去裝修環境相當不錯，餐具非常精美，睇一睇點心紙 ，都好多款式揀，因為我哋兩個人不算太肚餓 所以我們叫了幾款點心：虎皮釀尖椒($49)本身怕尖椒辣，幸好不辣，魚肉也不腥鳳爪排骨飯($58)份量大，熱辣辣，侍應還細心提醒我們先焗一焗會更香鮮竹牛肉球($32)比起其他酒樓的牛肉球大粒得多，呈粉紅色，新鮮!侍應到最後還送了每人一碗芋頭西米露糖水呢 吃得我屋企人好開心！

難得今日放假，就同屋企人過黎銅鑼灣飲個靚茶，係橫街發現到呢間楓林小館，難得呢個鐘數唔使等位，加上裝潢古色古香，就決定入去一試！難得重要有優惠，2-4位入去已經可以以半價優惠食一籠點心，感覺上好抵！每次去酒樓，都會用心望下碗碗碟碟的風格，品嚐藝術！xo醬炒腸粉$49食膩左普通傳統腸粉，偶爾食下xo醬炒腸粉都會特別覺得惹味！呢個炒腸粉我會比8分，炒得唔會過油，面層又加入大量芽菜，豐富口感，不過剩餘個兩分略嫌xo醬味道未夠太出，不過無食得咁鹹既朋友應該會中意呢道！懷舊馬拉糕$36呢個馬拉糕我會比滿分💯熱辣辣，完全係鬆化，帶點點黑糖味，唔會過甜，一定要試！蝦仁燒賣王 $49 足料大粒蝦仁燒賣，蝦仁爽口，上面有蟹籽粒，加上入面放滿冬菇粒，夠曬入味！最後，仲送甜品：馬蹄露，窩心又滿足！

楓林小館聽說很出名的，係銅記重開慕名而來裝修以古典風格為主 一入去就置身其中入面既掛畫相當吸精餐具都好有心思好靚！餐牌XO醬炒腸粉我從來唔食xo醬既，呢道菜令我愛上咗！辣度點到即止，每條腸粉都充滿xo醬 加上芽菜椒絲 美味可口！燒賣皇食得出同外面啲酒樓不同，足料得黎新鮮！唔需要點豉油已經好掂馬蹄章魚蒸手剁肉餅又係無得輸之作，口感味道無得彈 肉餅首先無冷藏肉味，章魚唔會好硬！懷舊馬拉糕入口感覺蓬鬆柔軟，而且香甜恰到好處不油不膩！餐廳仲非常好人送甜品！總結，老字號係唔同啲！值得一試呀

多年之前同友人在大圍食過一次，後來知道結業都感到可惜，香港又少一間老店，不過最後都無係結業前再趁墟喇。估唔到之後又係銅鑼灣重開，今日出開黎港島又再回味一下。在openrice book位後，還有職員電話cfm booking，到餐廳後負責帶位既職員都好親切，先加一分。坐低後開茶，侍應見我地諗左一陣都未有定案，主動上前推介菜式，但沒有過份熱情，讚。侍應推介我地先叫隻招牌乳鴿再慢慢睇。餐牌比起舊店，精簡了不少，但選擇仍然不少。最後再叫左個黃金蝦炒飯同埋燒汁牛柳。點好菜後有空留意下餐廳既裝修。新店當然比舊店乾淨企理好多，仍然保留古色古香味道，枱櫈安排得幾闊落，每枱食客之間保留足夠空間，坐得幾舒服。乳鴿擺盤幾靚，一開左四方便進食，傍邊仲有幾塊蝦片伴碟。店家仲貼心準備左膠手套同濕紙巾。乳鴿新鮮整起熱辣辣，都幾好肉，皮脆香口，但肉質就略為乾身左啲。本身已經好夠味，基本上唔使點側邊既鹽。黃金蝦炒飯炒得夠乾身，粒粒分明，每粒飯都呈金黃色好靚，啖啖充滿住咸蛋黃香味。蝦仁下得算慷慨，火喉剛好，粒粒爽口。炒飯伴以大量菜粒 ，增加口感之餘亦減低油膩感，唔會食兩啖就膩左，不過份量不少，最後都係食唔晒打包走左。最

與家人經過鵝頸橋，見到餐牌價錢合理就上去試試。餐廳裝修富有中國色彩，很有心思，地方乾淨企理。之後上網看看才知道原來楓林小館是曾在大圍經營的老誌號🤗XO醬炒腸粉 ($49)一上菜已聞到XO醬香味，肚餓的我急不及待試一試。腸粉很滑，加入XO醬炒得十分惹味，配以芽菜，吃落一點也不覺油膩。鮮蝦炸雲吞($38)平時酒樓比較少見，當然要試一試。貌相吸引，炸得很脆，蝦亦很新鮮🍤其實侍應已主動送我們芋頭西米露糖水，但嗜甜的我們忍不住再追加一個紅棗圓肉燉桃膠($45)，啖啖滿是桃膠，很滿足🤤每樣食物也是熱烘烘，即叫即製，配以精緻餐具🍽，吃得特別開心。侍應服務態度值得一讚，很有禮貌及經常面帶笑容

姐姐話現在老師傅越來越少，食到經典粵菜啲機會唔係咁容易，所以知道大圍的楓林小館重開不知幾開心，因為佢好鍾意食燒乳鴿，今日帶埋我一齊去！佢又話不時有人以平價燒乳鴿作賣點，唔知點解總係覺得差少少，不及老子號講明用18-29日的石岐乳鴿最好。我們一人一隻，每人有四件，鐘意乳鴿仔皮薄，咬開有點爽，滷水味道好濃，鴿肉嫩滑，備用膠手套。用手食仲更加滋味。兩個人可以揀一客點心半價，唔想太多用，揀了上素蒸粉果，食嗰陣都唔記得佢無肉，因為味道一樣好。最後一客海鮮蝦湯泡脆米，脆卜卜的炸米配合鮮甜又清嘅湯，非常好，非常夾。最後仲送綠豆沙糖水，夠火喉，正好平衡大餐的飽感，完美。

雖然現代飲食潮流盛行抽離傳統、講求時代元素，但經典懷舊菜式一樣可以歷久常新不沉悶！ 例如曾在大圍經營超過半世紀的楓林小館，本已在三年前結業，卻又在銅鑼灣復活起來，繼續供應名鎮多年的菜式，例如紅燒石歧乳鴨、椒鹽大蝦、荔芋香酥鴨等，全部是香惹鑊氣菜；同時加入廣東點心及四川口味的新菜，慕求新舊客人皆滿意。周末正是親親家人的時候，我帶著父親及家人到楓林懷舊，舖位入口在地下，飯店其實在一樓，需要走上長樓梯，幸好長者勿慌，因為可從旁邊的住宅大樓入口往電梯，按一樓便到。支客早以通知服務員，我們到達層樓之時，殷勤接待，全無走後門的感覺。飯店裝潢傳統，有理由相信，刻意保持大圍原貌。家人非常欣賞這幅乾隆的字畫，實在寫得好看，可見全盛時期清朝皇帝的修為。中午吃飯，點心、小菜及主食各一些。招牌紅燒乳鴿 $78*2送到面前，香氣撲鼻，滷水、肉香、加上色澤、完全香惹的誘惑。據說選材18-20日的中山石岐乳鴿，先以花椒、八角、香草製成滷水膽，浸泡乳鴿30分鐘，再以麥芽糖、浙醋同酒為乳鴿上色，再吊起風乾2個鐘，客人落單時方才逐隻吊炸，傳統做法不偷工，回味消失中的味道！一分為四，每隻乳鴿的火喉皆控制得剛好，碰上手，熱

從前在大圍的老店，原來在灣仔重生了，媽媽說她一早知道，我是昨天才發現。一點都不便宜，當年的價格我就忘記了。味道，不錯。服務，很好。因為是平日的關係，用網上預訂有折扣。八折。買單嗰陣唔記得咗，提一提佢哋就即刻改返張單。要注意。燒乳鴿，先叫咗一隻，味道唔錯嘅，未至於驚為天人，$78一隻，依家好多餐廳都要呢個價錢。三個人一隻唔夠喉，後尾再加左一隻。炆伊面，非常好食。伊面唔會林啤啤，充滿細細粒嘅花膠，味道濃郁。蝦餃，牛肉，馬拉糕，通通都好吃。

星期六，接完女朋友放學，當然去拍拖食午飯。朋友介紹一間，位於銅鑼灣的粵式酒樓。由銅鑼灣站行去，需時十分鐘。門口的位置，不明顯。由門口行上一層，仔細打量環境，餐廳裝潢精緻，很有格調。當日的午市，客人不多，由待應招呼坐下後，便看一下餐牌，很快便決定了，選了兩款點心，一款小食，一款菜，及兩款主食。點心先上，燒賣外表精緻，入口味道上佳，比其他大集團酒樓美味。炸春卷，真正皮簿餡靚。XO醬炒腸粉，味道濃郁，鑊氣充足，帶點微辣，很開胃。緊接是鮮百合淮山炒爽菜，淮山爽脆，配合其他爽口的蔬菜，味道不差，但外貌就。。。。主食，分別是店家推薦的香辣臊子稻庭烏冬，全碗通紅，入口香辣，同行朋友只能淺嚐，我則食很非常滋味。另一款是海鮮蝦湯泡脆米，很多蝦肉，湯亦很鮮，但略微偏喊，灑上脆米一起食剛好。埋單488元，一行三人，都捧著大肚回家去。楓林小館 (銅鑼灣)人均消費160元銅鑼灣謝菲道379-389號特麗樓1樓及地下5號舖簡單的飲食隨筆，有興趣請follow～緣食魔宮。抵玩指數最高為三星，所有不用自掏錢包者， 將不給予任何指數。

今日放假同老老去飲茶☕️，因為剛好係銅記鵝頸橋附近，發現有間裝修有特色的中菜廳，決定入去一試。一座低當然要點一壺普洱嘆下，普洱果然夠正氣，香醇陳年，不錯☕️茶介都係一人12 元🎉😍叫左個特惠點心，只需19.9 元就食到楓林蝦🦐餃王(3件):三隻，外型工整，有明顯蝦餃摺紋。通透的蝦餃皮，賣相美觀，蝦膠爽口、味道鮮甜，爽彈無比，熱辣辣蒸起，即叫即蒸👍🏽店員推介食XO醬炒腸粉：看似簡單的食材，但好考功夫，首先，腸粉嫩滑無比，啖啖充滿米香，加入XO醬，用爐快炒起，配香蔥和芽菜，又吾會太乾，香噴噴，平民食材也能登大雅之堂🎊夠鑊氣🎈鮮果咕嚕蝦球： 吾講一望以為係咕嚕肉，色澤光鮮，配上三色椒加菠蘿🍍，酸酸甜甜，好開胃，蝦球肉質扎實，彈牙，食吾停口。總結： 水滾茶靚，點心美味，平凡食材都炒得夠鑊氣，欣賞❤️