極之拉麵

营业中

休息中

極之拉麵Kyuku Ram隱身於長沙灣元州街。雖然店面不太起眼，但在社交平台上看到店主對湯底的堅持，讓我決定前來一試。他們的招牌菜「終極之廣島牡蠣濃湯拉麵」確實令人驚艷！🍜濃郁的海鮮湯底完美詮釋了拉麵的靈魂。為了追求完美，店主甚至願意休業一天重新熬製未達標準的湯底，這份執著令人欽佩。👏極上黑松露鯛魚白湯拉麵同樣出色，濃郁鮮甜的湯底配上嫩滑叉燒，溏心蛋更是流心誘人。黑松露的馥郁香氣與海鮮的鮮甜完美融合，麵條口感滑嫩，可選擇添加辛辣提味。激安1元優惠：每碗拉麵只需加1元即可搭配一款小食。我們選了迷你紫薯（2粒）和迷你抹茶泡芙（2粒）。必試小食：北海道芝士年糕，外皮金黃酥脆，內裡煙韌有嚼勁。另外，🍗唐揚炸雞也非常美味，外酥內嫩，讓人回味無窮。罐裝飲品：凍日本蘋果汁，凍日本提子梳打店面雖小但溫馨，暖色調燈光配上木質傢俱營造日式氛圍，餐桌上擺放著各式動漫模型。用心的食材配搭與用料實在，是一間絕對值得支持的小店❤️

湯底唔符合要求就倒掉，情願休息都唔開門？今時今日難得有此力臻完美的拉麵店，必須去支持一下。✨終極廣島蠔濃湯拉麵✨$138好友係蠔精，只要有蠔食，一隻都唔會放過🤣食物一上枱，佢雙眼發光🤩。內含三大隻日本廣島蠔，加上數隻醬漬牡蠣，蠔味十足😍。還加了一份鯛魚片，超級滑嫩💖湯底非常濃稠，一啖入口，鮮味大爆發‼️蠔味濃郁，入口純粹，且餘韻鮮甜，好食到不得資了❤️❤️細問店員，先知原來佢哋用大量日本產蠔熬湯，搭配自家製日本牡蠣醬煮足九個小時，如此誠心熬製的一碗拉麵，難怪質素如此之高。✨終極之多重貝汁湯拉麵✨ $138非常足料，有大量的花甲，牡蠣及大大粒北海道元貝。當中我最喜歡就係鮑魚，彈牙爽口。最正的是湯底，以多種貝類，搭配醬油熬製而成。湯透非常清澈，微濃而又無比鮮甜，喜歡爽口湯頭的朋友不要錯過。兩款拉麵都搭配數塊慢煮叉燒，呈鮮粉紅色，非常滑嫩。糖心蛋原隻呈上，輕輕手以筷子劃開，流心蛋汁迅速流出，超正。麵條煮熟的程度剛好，幼身但爽口彈牙。✨芝士年糕✨ $26熱辣辣，一啖咬開，芝士能夠拉絲。煙煙韌韌，烤得恰到好處，將為小食，一流👍🏻如此用心的店舖，是食客戶的福音，必須多多支持想睇更多介紹，馬上Follow

聽講師傅如果發現湯底唔啱會重做⁉️對食物有要求的店絕對吸引我去幫襯！呢間對湯底極為執着呢拉麵店主打🐟鯛魚湯同🦪廣島蠔湯底（限量20碗），由於店面面積唔大，晚飯時間都需要排隊，但無阻我哋食拉麵嘅決心：🤎G4終極多重貝汁湯拉麵 $139湯底由大量貝類、海鮮熬製，入口主要飲得出嘅貝類🐚香氣，「鮮」味十足，「鹹」味適中，並唔會有「苦、澀、腥」味，質地上偏向清湯，如果喜歡海鮮嘅鮮甜味應該會鍾意。配料勁豐富：有齊鮑魚、鮮蠔、帶子、蜆肉及叉燒.....鮑魚鮮味彈牙，廣島蠔質地柔軟，並不會太熟而變硬，大大塊慢煮豚肉保持粉嫩顏色，入口柔軟細膩，糖心蛋煮得啱啱好，橙黃色蛋芯保持流心，所有配料同個湯底都幾match!拉麵份量超多，細食嘅我都食唔晒，麵底軟硬適中，食完呢碗麵好滿足！🤍B3 極之真鯛魚白湯拉麵 $98🐟鎮店之寶🍜呢個真係超好食，兩個湯底都各有千秋，呢個白魚湯質地比較濃厚，仲可以加辣醬，果然加咗微辣更好食，入口非常濃郁白魚湯風味，湯底內嘅鯛魚無骨啖啖肉，肉質鮮嫩無咩腥味，令我哋一啖接一啖，好快就食晒成碗麵啦！🥟炸雞皮餃子 $28超邪惡嘅雞皮餃子，餃子外皮表面香脆，擺落口餃子皮就煙煙韌靭，驚喜之處入面

呢間拉麵店雖然唔喺當眼位置，但仍然有好客人。餐廳自家製作湯底，留意到餐廳有幾次都因為唔滿意湯頭質素而休業一日，可想言之佢哋對湯嘅要求係幾高！🍽️終極之多重貝汁湯拉麵 $138湯底係由大量貝類、鮑魚及牡蠣長時間熬出黎嘅濃貝汁，極鮮甜！店員建議飲咗湯先食配料。配料方面有北海道元貝、溏心蛋、半殼醬漬鮑魚、醬漬牡蠣、慢煮叉燒、花甲，勁足料！😍牡蠣份量超多，醬汁鮑魚爽口彈牙，用料新鮮。慢煮叉燒好軟滑，厚度適中。貪心嘅我仲加多咗一份醬漬鮑魚(+$22)同迷你魷魚鬚($1)！😝魷魚鬚好鮮甜，唔錯！青瓜漬好爽口開胃。溏心蛋好完美，食完好滿足~🩷🍽️極之真牡蠣醬油拉麵 $99餐廳用咗大量牡蠣同9個鐘先熬煮到呢碗湯出嚟，當然要試下！香味濃郁嘅牡蠣結合醬油鮮味十足！呢個價錢仲有埋醬漬鮑魚真心抵！拉麵好有勁道，偏硬身有口感，好有喺日本食嘅感覺！豚角煮入口即溶，味道不錯。🍽️替玉 $12加替玉時可以撳一下跟餐嚟嘅鐘仔，店員就會送個替玉過嚟。替肉份量都幾多，夠唒大食嘅朋友食！😂🍽️北海道芝士年糕 $26年糕外脆內軟，加埋軟綿綿嘅芝士內餡好邪惡。芝士味好濃郁。🍹凍日本提子梳打 $9呢個梳打真係好好飲，提子味好重，唔會過甜而

呢間喺長沙灣嘅拉麵店舖頭位置隱蔽，但原來係臥虎藏龍😍 入到去有好多動漫公仔作擺設，主打嘅係蠔湯同鯛魚湯底嘅拉麵，以海鮮去熬湯底，全日免加一，夜晚7點已經滿座👀..➊ 🦪 終極之廣島牡蠣濃湯拉麵 $138哩款係餐廳嘅招牌，係用蠔熬製嘅湯底，超級足料，有三大隻廣島蠔同埋10幾隻細嘅蠔，啲蠔唔會有浸腥味，店員話先飲一淡湯底再食一啖麵，結果真係好有驚喜，個湯底嘅蠔味超級濃郁🤤 啲叉燒唔會太肥，仲有成隻糖心蛋，拉麵軟硬適中，同埋份量都比平時出面食到嘅多三份一倒，單單呢碗麵已經夠曬飽🤫 +$22 醬漬鮑魚 ，最正係佢個「激安1元優惠」，我加咗個迷你魷魚鬚同埋迷你紫薯😝..➋ 🐟 極之黑松露鯛白湯拉麵 $98鯛魚湯同樣出色，有唔同辣度選擇 🌶️ 今次揀咗微辣，湯底清甜帶有微辣，鯛魚鮮味更加出，再撈勻黑松露味道層次更高😋鯛魚片份量十足而且滑身🤩..呢餐晚餐體驗滿分 💯湯底同食材都好驚喜，性價比都好高，推介大家一定要試吓🥳..#lamlamfoodie

🌟 網上見到「極之拉麵」超多好評，呢間小店喺長沙灣，地方唔大，裝修幾有日式風格，擺放咗好多 🇯🇵 日本海報同模型，氣氛幾足。🍜 終極之廣島牡蠣濃湯拉麵 $138個名聽落好勁，但實際飲落湯底偏向周打魚湯 🥣，Creamy 度夠，唔會太鹹太油，味道幾好，可惜蠔味 🦪 唔夠出，要飲到尾先感覺到少少蠔香。如果佢唔係標榜蠔湯，我應該會比更高分。麵質比較普通 🍜，唔夠彈牙，需要改善。廣島蠔有三隻比較大，其他都係迷你版 🦪🦪🦪，煮得太過腍，一夾就散，完全無口感，幸好仲有蠔味。慢煮叉燒有三大片 🥩，肉味 OK，但真係太鹹 🧂。反而糖心蛋 🥚 做得唔錯，醬漬味適中，成功做到流心。🐟 基礎真鯛魚白湯拉麵 $78湯底魚湯味香濃 🍲，可以選擇辣度，我揀咗少辣 🌶️，但發現辣味稍微掩蓋咗魚湯嘅鮮甜味，個人唔太鍾意。鯛魚片好滑 🐟，算薄，但無乜魚味。呢款拉麵嘅麵質同叉燒同上面嗰碗一樣，叉燒依然偏鹹 🥩🧂，糖心蛋依然合格 🥚✨。💰 以長沙灣呢個地段，價錢算適中，但覺得佢食材應該可以用上高質少少嘅食材。「終極之廣島牡蠣濃湯拉麵」個名有啲誇張 📢，食落有啲落差，期待太高就會失望 😕。不過整體水準都算唔錯 ✅，試下都無損失

慕名而來到這間位於長沙灣的拉麵店，on the way 搭地鐵已經研究緊究竟食乜好，佢每一款拉麵都係啲特別款，款款都有海鮮元素，鯛魚呀、三文魚、蜆類貝類咁，真心真係款款都好想試，不過如果第一次嚟，就唔使再諗啦，一定係終極之廣島牡蠣濃湯拉麵個名話”終極”，一開始都冇特別留意呢兩隻字，不過試咗頭啖湯之後，就真係知道有幾Ultimate~ 嗰種牡蠣味之濃郁，就好似你口入邊全部都係蠔，但只不過唔係食，而係飲之後將個focus放喺果三粒肥美飽滿的廣島蠔，大粒到其實同隔離個溫泉蛋差唔多size，我食第一啖嗰陣係匿埋隻眼嚟感受個蠔味，之後再發現除咗呢三粒廣島蠔，下面仲有啲體型較細小嘅牡蠣，整呢個拉麵嗰本重到呢，真係第一次見有蠔麵選用多過一款嘅蠔，以達到嗰種終極蠔味拉麵仲標配溫泉蛋和慢煮叉燒，有機會真係好想試埋其他口味嘅拉麵～

在長沙灣的極之拉麵，我體驗了令人難以忘懷的晚餐。這裡的拉麵以其獨特的湯底和新鮮的食材而聞名。我這次點了終極之廣島牡蠣濃湯拉麵和基礎真鯛白湯拉麵，兩款拉麵各具特色，各有千秋。終極之廣島牡蠣濃湯拉麵當我第一口品嚐終極之廣島牡蠣濃湯拉麵時，真是驚艷不已！湯底濃郁而鮮美，散發著海鮮的香氣。裡面有三粒新鮮的日本廣島蠔，口感滑嫩，彷彿能感受到海洋的味道。溏心蛋的蛋黃流心與湯底的濃郁相得益彰，每一口都是滿滿的幸福感。此外，醬瀆牡蠣的獨特風味為拉麵增添了更多層次，與慢煮叉燒的口感完美結合。叉燒的肉質柔軟，味道醇厚，讓人難以抗拒。整碗拉麵的味道層次分明，讓我忍不住想再來一碗。基礎真鯛白湯拉麵接下來的基礎真鯛白湯拉麵同樣不容錯過。湯底清新，帶有淡淡的魚香，讓人感受到海鮮的純粹。裡面有兩塊慢煮叉燒和鯛魚片，叉燒的嫩滑和鯛魚的鮮甜相得益彰，讓整碗拉麵的口感更加豐富。總結極之拉麵的晚餐體驗讓我十分滿意，無論是湯底的濃郁程度還是食材的鮮美，都讓我感受到拉麵的魅力。如果你在長沙灣尋找一個能品嚐正宗拉麵的地方，極之拉麵絕對值得一試！

•終極之廣島牡蠣濃湯拉麵 $128 (⭐️7/10)最近發現拉麵關注組，有人post呢間隱世小店，作為拉麵控當然要試吓佢🤭～每碗有好多粒廣島牡蠣🦪，味道鮮濃郁✨，湯底係泡沫系幾creamy🫧，少掛湯。碗邊仲掛咗3塊薄叉燒🐷肉質幾腍，糖心蛋very ok😋✌🏻•極之黑松露鯛白湯拉麵 $88 (⭐️6/10)湯底飲落帶有濃濃嘅黑松露味，又creamy。鯛魚片份量都幾多吓😛•芝士年糕 $26 (⭐️6/10)年糕好煙韌軟腍，包住少量芝士🧀，唔會食到好漏。📍極之拉麵 長沙灣元州街399號喜漾地下2號舖

Weekday Dinner 座位不多的拉麵小店，到處也可以看到動漫海報與模型，帶點日式的可愛。🦪 終極廣島蠔濃湯拉麵 $138湯底以大量廣島蠔熬製九個小時，啖啖濃郁鮮美，喜歡蠔的人不要錯過😍😍配料豐富，有三隻飽滿的日本廣島蠔、醬漬牡蠣、慢煮叉燒及出色的溏心蛋，是令人滿足的選擇👍🏻👍🏻另外以$1加配了爽口的迷你魷魚鬚（2件）😆🐟 極之黑松露鯛白湯拉麵 $98極之黑松露鯛白湯拉麵同樣不錯，奶白色的鮮味海鮮湯底，配搭增量的滑身鯛魚片、慢煮叉燒、輕輕劃開流心蛋汁就迅速流出的溏心蛋及爽口彈牙的拉麵。黑松露醬增加了特別的香氣，令味道更豐富👏🏻🧀 芝士年糕 $26煙煙韌韌，中間有軟心芝士，是不錯的小食。🐥 唐揚炸雞（4件） $29金黃色的唐揚炸雞很香口。

今日嚟到長沙灣呢間人氣爆燈嘅「極之拉麵」，試吓佢哋嘅皇牌蠔湯拉麵同埋小食，睇吓係咪真係咁「極之」！😎北海道芝士年糕🍡🧀：外脆內軟，芝香四溢首先出場嘅係北海道芝士年糕。一咬落去，外皮炸得香脆，裡面嘅年糕煙韌軟糯，仲有濃郁嘅芝士香味滲透出嚟，真係好正！🤤 不過略嫌份量有啲少，食完仲想encore！ 炸雞皮餃子🥟🐔：皮薄餡靚，惹味之選跟住就係炸雞皮餃子。呢個小食真係幾有驚喜！雞皮炸得金黃酥脆，一啲都唔油膩，裡面嘅餡料調味恰到好處，鹹香惹味，好有層次感。👍 鍾意食雞皮嘅朋友仔千祈唔好錯過！終極之廣島牡蠣濃湯拉麵🍜🦪：蠔味十足，鮮甜濃郁主角終於登場喇！呢碗「終極之廣島牡蠣濃湯拉麵」真係名副其實！湯底用大量廣島蠔熬製，蠔味真係超！級！濃！郁！😍 鮮甜嘅湯底配上彈牙嘅拉麵，真係好滿足！🦪 三粒 plump plump 嘅廣島蠔、溏心蛋同埋醬漬牡蠣，令成碗拉麵更加豐富，口感一流！不過要留意返，湯底可能有少量蠔殼碎，食嘅時候要小心啲。 極之真牡蠣醬油拉麵🍜🦪：層次豐富，鮮味突出另一碗「極之真牡蠣醬油拉麵」亦都唔輸蝕！雖然都係蠔湯底，但同「終極之」相比，呢碗嘅味道層次更豐富，醬油嘅香味更加突出，同蠔

I see people talk a lot about this place on social media…yes, social media , I still use it🤪to get infos about restaurants heheBut yeah…people talk a lot about this place, especially their oyster ramen and now I get it why. The size of the oysters are humongous and the oyster soup is pretty thick too but to be fair, do I think it’s good quality and value? Yes but I still think Next Shikaku is the best oyster ramen I had so far in town, cos I like the fishiness in their broth and oysters.

呢個開左無耐嘅拉麵店位置隱蔽，主打蠔湯同鯛魚湯拉麵湯底花費數小時熬煮而成，十分濃郁❗️而且仲可以叫佢地嘅極之拉麵！可以有更多嘅生蠔、魚片同叉燒🤤🤤**終極之廣島牡蠣濃湯拉麵＄138入面有3隻日本廣島蠔、溏心蛋、醬漬牡蠣同3片慢煮叉燒（2 成個湯底用左大量蠔去熬煮出濃湯，一上就聞到超香嘅蠔味❗️湯底仲結合左醬油，令佢有更多層次感 牡蠣鮮香濃郁無油膩感，廣島蠔鮮甜飽滿，慢煮叉燒亦柔軟而有彈性🤤🤤**極之真鯛白湯拉麵＄98入面有溏心蛋、慢煮叉燒、增量鯛魚片同炸魚皮揀左微辛香味道，湯底會更好入口~呢個湯底用大量鯛魚熬煮而成，有濃稠嘅濃魚香味，鯛魚片食落細滑鮮甜，湯底濃稠帶有鮮香，入口細滑！🫶🏻

天氣凍最爽一定係啪碗熱辣辣嘅拉麵主打蠔湯😌暖胃得嚟又夠補終極之廣島牡蠣濃湯拉麵限量供應🙂‍↕️大大隻蠔勁飽滿，夾起啲麵發現仲有啲蠔仔喺入邊。加埋濃濃嘅蠔湯底，成碗勁重蠔味。暖到🙂‍↕️加咗叉燒～ 肉質軟淋極之黑松露鯛白湯拉麵鮮甜嘅鯛白湯～ 湯底濃郁之餘鯛魚片份量都多，拉麵本身已經有溏心蛋、慢煮叉燒。加埋黑松露就更加香同惹味。加 $1 有小食～ 超抵有魷魚鬚 / 甜薯/ 泡芙揀我仲加咗燒芝士年糕～ 香口得嚟軟綿綿煙煙韌韌冬天最啱食呢啲甜甜地小食～

說真的，作為一名拉麵愛好者，無論點，我都會搵到 d 角度去欣賞一碗拉麵🍜。我今次食嘅係：基礎 真牡蠣🦪醬油拉麵🍜，另加左一份"鯛魚"。我搵到嘅角度真係非常有限。碗麵呢。。。首先碗麵一上，我一般嘅習慣都係會第一時間聞一啖香味先，點知，係冇乜香味，接近冇味，好明顯冇從油方面著手，完全唔香 。湯呢，唔難飲嘅，但只係一般你會响d普普通通嘅拉麵店食到嘅味道。豚骨一般，醬油味係有，魚介味食吓食吓都係有d，但魚介味道應該主係想來自d鰹魚粉，沉晒落底，食到一半打後先 feel 到。呢個湯比到我嘅感覺係，一d誠意都冇。麵同豬叉燒，算係最唔錯。牡蠣方面，因為今次我點嘅係基礎版，唔係終極版，所以麵只係跟左d蠔仔，即係大家食蠔餅，或台灣人叫蚵仔煎嘅蠔粒。以前有食過蠔餅，入面d蠔粒細還細，但蠔味還是好鮮。呢碗麵入面d蠔粒，可能因為唔當造呱，近乎冇味，淡，又粉。。。我另外叫左份"鯛魚"，感覺似咩呢？酸菜魚入面d魚，仲有d花椒嘅味道。我明白廿幾蚊份唔會比好靚料，不過冇諗過會入去間日式餐廳，食出大陸嘅風味姐。強烈地不推薦，冇下次。