極之雞煲烤魚涮涮鍋 (已結業)

原來葵芳除咗葵涌廣場仲有好嘢食，今日去到葵芳匯食雞煲😍餐廳非常乾淨，位置亦都舒服闊落，食物選擇眾多，有兩至三個冰櫃都可以揀食物！除咗雞煲之外，亦可以另選其他湯底，下次都會想試吓椰子雞👍🏻首先我哋雞煲揀咗小辣，建議食得辣嘅朋友仔可以直接揀大辣🤣首先我覺得最特別嘅係佢嘅響鈴係即炸！非常高質！如果有甜辣醬點住食仲好！🤤除咗呢樣之外，餐廳仲提供多樣小食，例如有炸饅頭同炸雞翼，亦有番薯糖水，選擇非常多！個人覺得有小朋友都啱食❤️打邊爐方面，我哋揀咗最貴嘅餐，牛肉非常有驚喜，肉質偏淋，打邊爐一流！餐廳亦有提供多樣海鮮，例如蜆同鯇魚腩😋丸類方面亦好特別，例如有麻辣牛丸🤩當然滷水大腸係最吸引，同埋鵝腸！兩樣腸都有少少肥膏，好正啊！出邊有啲餐廳洗晒所有肥膏，一啲味都冇🥹今日又飲飽食醉，果然都係打邊爐啱口味！

#搞串個pantry難得weekend🎊，就去食啲重口味啲嘅lunch啦😎！葵廣大家就蒲得多，知多嘢食。但係大家又知唔知後面嘅#葵芳薈 都有好多好嘢食呢💕！今次就同大家去食一間lunch都有得打邊爐雞煲🔥，同埋烤魚🐟嘅餐廳啦！我哋就嗌咗🟤一人一鍋定量雞煲套餐D($98)、🟠一人一烤魚餐(黃立䱽)($98)。🐓一人一鍋定量雞煲套餐D套餐包括雞煲🐔、牛三角肩胛🐮一碟、綜合菜盤🥗、白飯🍚、冷泡茶🧋。成個set嘅份量真係勁多！食完超級滿足😍！雞煲嘅雞肉用咗無骨雞腿肉，食落啖啖肉超級正🤤。食完啲雞之後就會用返啲雞煲醬打邊爐🔥，牛肩胛肉食落口非常濃嘅牛味🐮，口感剛好！而個綜合菜盤🌱，除咗有菜之外仲有啲丸類，質素都唔差🤩。🐟一人一烤魚餐(黃立䱽)呢個烤魚餐有三款嘅魚可以揀，包括1️⃣海鱸魚、2️⃣黃花魚、3️⃣黃立䱽。而個湯底方面可以揀酸菜🥬、麻辣🌶️、濃雞湯🐔。今次就揀咗黃立䱽、酸菜湯底。湯底勁正，酸味足夠，辣度適中，飲落口仲有啲清甜😝，唔會太過肥膩。魚方面🐟，係成條黃立䱽咁上，望落非常澎湃，食落口魚肉肉質鮮甜🤤，無泥味。而底部就有啲菜、豆卜等等🥳。

行街經過葵芳匯無意見到個lunch有烤魚被吸引，就同朋友們上去試試🐟一人一烤魚 ($98)揀咗酸菜口味嘅海鱸魚，整條魚身烤得金香肉質豐厚鮮嫩，連湯底都好好飲～配料有豬皮、芽菜、娃娃菜，豆卜、海帶、木耳等⋯真材實料配埋飯完美🐔一人一雞煲 ($98): 呢份套餐有菜盤包丸類、豆卜、牛三角肩胛及雞煲。惹味十足雞件都多肉嫩滑，食到最後個汁加入薯粉十分夾，仲可以慢慢打邊爐。午市仲有免+1真係好抵🫘紅豆薏米茨實🍑蜜桃烏龍茶總結來講，午市這兩款一人套餐相當豐盛，真材實料，真係好滿足，並且有放題供應食足2小時

今次第一次同老公去葵芳搵食，見到在葵坊𣿬2樓202號舖有間極之雞煲、烤魚、火煱、放題專門店，於是走入去食午餐。餐廳裝修新淨雅緻，座位舒適，冷氣也很充足，食火煱、雞煲絕對唔會熱。午市有一人一煱套餐，價錢由$78至$98，而且午市不設加一，所以非常抵食。套餐有雞煲和烤魚，雞煲套餐有A、B、C、D四款選擇，烤魚套餐有三款魚選擇，亦有酸菜味、麻辣味、濃雞湯味三款湯底選擇，辣度可揀大辣、中辣、小辣、不辣，另配有米飯，但可加$6改其他麵食，仲有包一款飲品，有非常適合火煱的清熱飲品如羅漢果金銀花茶、紅豆薏米茨實茶、冬瓜荷葉茶、大麥茶等。一人一雞煲定量套餐$88雞煲：一人雞煲的份量都幾多，雞件肉質嫩滑又非常惹味。食完雞煲，跟住用雞煲的湯汁來淥牛和菜，十分正。牛板腱：脂肪較少，不會膩，肉質軟嫩中帶有彈性，肉味濃郁。綜合菜盆：魚丸和貢丸都爽口彈牙，油麥菜翠嫩。韓國麵+$6飲品：酸梅湯一人一烤魚$98麻辣湯底海鱸魚: 烤魚大大盤，烤過的海鱸魚很香口，啖啖肉少骨，肉質細緻幼滑，湯底麻中帶辣，辣中帶香，但不會蓋過魚肉的鮮甜味。出前一丁+$6飲品：紅豆薏米茨實茶

今日約咗舊同事去食呢間雞鍋火鍋佢有分3個套餐，叫左中價位既 （7點前入座$238/位）比起最平個餐會多左牛板腱而牛板腱真係好好食，唔會切到好薄一片，有口感得黎好濃牛味！而出面仼拎既包括前菜，一啲火鍋配料，生果，甜品唔少得有飲品櫃，有好多款冷泡茶！有啲真係無嘜見過，好似冬瓜荷葉茶咁，仲有啤酒添！而配料有好多款丸，有啲特別既台式丸都有！值得讚特別出色既包括佢個自家製韮菜餃！好足料，皮又唔厚！大愛！另外驚喜既仲有佢個湯，藥膳煲雞而且呢度仲有串串，雖然選擇唔係話好多，不過呢都幾好食架而overall 呢個價錢都唔錯架，食足2個鐘，而服務都幾好，好主動收野

難得去葵芳唔係掃小食，正正式式係間餐廳度食野，仲要係雞煲邊爐2個鐘任食，有3個選擇，我揀左個中間既~因為閒日，8pm離座$248+1 /人，仲有個自助區，雖然雞煲係重點，但對於打邊爐都唔馬虎，一樣有齊多款醬汁可以自己調配，邊爐料亦有2個大櫃！👧🏻雞煲可以揀辣/唔辣，醬汁勁度濃郁，超正！雞件亦係多肉，打足2個鐘邊爐都可以keep到個醬汁味，食菜更加不得了，完全吸汁，yummy！完全可以唔洗加其他豉油既然好好食！👧🏻飲品區有多款養生茶類，絕對係必揀！因為當中有大麥茶、冬瓜荷葉茶、紅豆薏米茶、羅漢果金銀花茶，配埋重口味既雞煲，就可以清爽下，當然都有其他汽水，同樣都好爽！👧🏻小食/熟食區有d炸餃子、蝦片、手拍青瓜等，其中有個滋補藥膳雞湯，唔夠飽仲有炒飯食。👧🏻甜品區有生果-哈蜜瓜、幾款口味既啫哩，仲有款好靚仔既一口朱古力蛋糕，亦有暖粒粒既蕃薯糖水，而雪糕是每人一杯的形式，口味都好選擇，有海鹽、芒果、士多啤梨等等~

今日中午點咗兩個午餐，都係海鱸魚，一個配酸菜，一個麻辣。用電磁爐滾住食，味道剛剛好，配白飯一流。條魚炸過，仍然嫩滑。坐位闊落，價錢中等。下次去試雞煲加牛肉，有肥牛或肩井

平日晚市直接Walk-in估唔到有驚喜。雞煲調味唔錯，仲可以添加，係份量少啲，可能預我哋之後打邊爐～今次㨂咗少辣，好入味。打邊爐用QR code點肉類，質素就一般，呢個價錢唔好諗住有咩頂級牛肉，脆鮠魚片都有啲腥。自助飲品區同食品區都夠多選擇，有熟食，有茶葉蛋！ 火鍋料區有好多丸同麵類😂 仲3個雪櫃俾我哋任攞嘢飲，仲有啤酒！係拎嘢食嘅位置窄啲，如果滿座應該會幾迫。反而枱與枱之間都有足夠距離，傾偈唔怕隔離聽到，係驚啲人攞嘢食會撞埋嚟多啲。而家仲有折，平日晚市呢個價錢已經好好。

冬至嗰日去食，佢話特別日子，另外每人要加$20叫咗最貴嘅$298餐，隨餐附送蝦串燒，但又唔係俾足人頭咁多串，唔夠分😑蝦又無味！雞煲叫咗小辣味道還可以，出面既熟食好少選擇，雞腳又冇乜肉！打邊爐配料用最cheap既丸，腸仔蟹柳等等，蔬菜料長期冇人Refill，所謂餐嘅任飲任食用QR code落單，串燒嘅選擇得五款，落單一次每款限兩串！得好細串，全部火鍋肉類都係用最cheap嘅肉，哩個價錢完全唔值！湯底叫咗養顏鍋同蕃茄鍋，養顏喎好似清湯咁，蕃茄湯要自己加蕃茄先得，但係出邊拎過一次蕃茄之後就冇再見過蕃茄除咗雞煲同野飲係正常，雪糕都只係可以攞得一杯，如果要再拎每杯加$10，唔知以為係貴價雪糕，拎嘢食嘅地下又要癡笠笠！真係食得好唔高興，大家千奇唔好去！間野不知所謂！本人好少寫食評，相信間野好快笠！

冬至晚餐烤魚要加88蚊不過非常好味兩大一長者我們選了C餐，全晚少過十台客值得推薦是C餐牛三角，入口鮮甜不過肉類種類非常少，及串燒種類非常少所謂嘅串燒其實係用油炸，又柴又鞋又乾，如果你主要是食牛A餐和B餐的牛不建議選，當晚只有三個員工，每次落單之後都要催單，不過員工態度尚算良好不過有件事好好笑，話說出面有沙白蜆可以任拎，我哋去到嗰陣見到有一盤，夾完之後諗住叫職員Refill，有個後生似係老闆仔嘅職員走埋嚟，佢話呢盤沙白蜆，係尋日用水養到而家，而家得返呢一盤你哋快啲食埋嗰幾粒佢，我哋今日唔會有沙白蜆補充，之後佢送左三隻所謂串燒蝦比我哋，其實係白灼，之後隔左好耐都唔出肉，就連出邊嘅鵝腸到我哋走嘅時候都係冇Refill每次落單隔咗五分鐘都要催單先至會有肉比你，脆肉鯇魚片一碟只有四薄片刀功非常好🙈地方環境乾淨企理，冇呢度嘅負評講得咁差，可能因為冬至太少人，不過同價位我寧願出去搵間好啲，因為種類非常少之又小

餐廳主打雞煲+火鍋+串燒，提供三款套餐，今次揀咗牛板腱（$248，另加一，120分鐘，7：00前離座）。雞煲可任食，或另加錢轉烤魚（無任食，一次性）。雞煲要咗小辣，味道不錯，出去自助火鍋區拎埋啲豬皮、牛柏葉、水魷，撈埋落去一齊煮兩煮，唔錯。食完雞煲，轉湯底打邊爐（滋補藥膳湯鍋）。牛肉、豬肉、脆肉鲩骨腩、脆肉鲩魚片、串燒，自助 scan QR code 落單，其他一般火鍋料出去自助區拎。牛板腱不過不失，係有少少肥；豬腩片一般可以不吃；脆肉鲩尚算爽脆可以一試；其他自助火鍋料正常。串燒都有不少種類，雞皮串、雞腎串、雞肉串、牛肉串、豬腩片串、蝦串、腸仔串，雞皮/雞腎/蝦比較OK（每次落單最多6串）。熟食區就可以不用理會，都係啲十分普通嘅前菜小食，好似花生、青瓜、蘿蔔......。總括來說，雖然食物質素真係比較一般，但又雞煲又火鍋又串燒，都未嘗可以一試。

極之垃圾，垃圾同垃圾，重要事情講三次，所有食材一睇都知唔新鮮，行過食品區仲有一浸腥臭味，小弟第一次開Account打第一篇文，就係希望唔想有人同我一樣中哂伏！！！

今日晏晝上咗嚟食雞煲，其實之前嗰間，我都係常客，所以知道要食啲咩，就係食佢最平嗰餐就得啦，因為你呢度真係食雞，火鍋就其次，每一個餐都係任食雞，所以揀最平嗰個就得叫咗中辣雞煲，對比舊舖，冇咁辣，食得冇咁過癮，所以加雞嘅時候就叫咗大辣，咁先好食食完雞，就可以轉打邊爐，再揀湯底，同以前唔同以前就咁加雞湯落去打邊爐，而家就可以轉佢啲特色湯底打邊爐今次揀咗胡椒豬肚湯，湯底唔錯，充滿胡椒味，亦都有好多豬肚同酸菜喺入邊，用嚟打邊爐唔錯，不過配料就唔好咁大期望，可能我哋叫咗最平嗰餐，啲牛係比較瘦，所以都比較un ，出去拎嘅就以蔬菜比較好質素，其餘嗰啲就唔好抱咁大期望串燒雞腎同蝦係比較好，最搞笑係燒豬腩片，好似燒煙肉咁，但係呢個價錢任食，係冇得投訴嘅

我地一共兩人食，一開始入去見到入面得一臺客已經發覺唔對路，然之後就開始食，拎嘢飲嘅時候地下痴笠笠，冇人抹，跟住落單嗰陣冇人理我地完全自己做自己嘢，係度發夢，跟住諗住食牛，點知得頭兩碟係好野，之後嗰啲完全係冇解凍過嘅牛出黎俾我食，落單嗰陣諗住睇下仲有啲咩食啦，點知成個menu夾埋串燒得12樣嘢揀，另外串燒極油，如果你係想食健康啲呢間嘢完全係唔推薦，架上面啲嘢食全部都好似擺左好耐咁樣，睇見都完全冇胃口食，加上職員態度極差，成間嘢咁樣就真係等執笠。

今次係第一次黎食雞煲，我們今日比較早食飯。（下午4點45分）所以成間鋪就得我們一枱，好似包場咁。坐位方面都好闊落，坐得幾舒服。店內有自助吧供客人攞飲品、前菜、火鍋材料、雪糕，種類都算多，而且擺放整潔。前菜我只試了拍青瓜和涼拌海帶，味道偏淡。飲品我試了桃味冷泡茶，沒有加糖，很清新的微甜。雞煲我們點了小辣，辣度於我來就剛好，而且味濃不會覺得太甜。之前去食雞煲，好多都會醬料太甜。我們食完仲要再加雞食，真是第一次，去其他店都未試過。火鍋湯底選了蒜味雞湯，吃起感覺像黃油煮雞的味道。串燒不算很出色，可以不試。火鍋配料就選了牛板腱的set 。整體都算不過不失，可以再來。