極尚章魚燒

营业中

休息中

講真，個醬其實冇乜特別，正常味但係咬落去質感完全唔係果回事，錯哂！章魚應有既咬口冇，食落仲要係爽脆？？一開頭以為自己咬到唔知乜野就由佢，點知第二粒都係咁既質地，真係有啲奇怪只好打開哂咁多粒「章魚燒」睇，入面既並唔係章魚，竟然係水魷！！雖然每粒都係脆入面都包住兩小粒既水魷但係明明冇章魚成份仲要係賣緊水魷就真係唔好叫章魚燒認真講，30幾蚊賣水魷真係有啲過分點解咁耐都冇人講過？建議：20蚊賣番做「水魷燒」，一定有人食！

每次嚟到葵廣掃街第一件事一定買呢間小丸子，佢係葵廣一樓電梯旁邊位置超容易搵就喺一樓芝士麵斜對面，呢間每一粒小丸子裏面嘅八爪魚大大舊，超多醬汁！熱辣辣超級惹味，必食推介黑松露小丸子～六粒$35超級滿足！

星期6 本身番完 77 身心俱疲🥲🥴😵😵當然黎葵廣 治癒下 生理 （餓）同心靈喇星期6 比起平時仲更加多人咁所以就要諗下由邊食起， 咁上次網上見有片係講1/F 都有間章魚燒 ， 又有爆蔥， 食落皮係我鐘意夠哂脆 ， 內面又淋 ， 至緊要肯多燒汁俾我， 好有誠意 ， 會多啲幫襯

諗起都一段時間冇食章魚燒，黎開葵廣都係買比較出名既2間，次次都等好耐。 之後突然醒起早排有間新進駐葵廣既章魚燒店， 就決定去試下新野。 可能先前係傳媒效應， 依家已經冇網上睇咁多人， 變左可以唔洗等咁耐， 可以節省番啲時間。 不過都要睇下個質素有冇對比既🙂‍↕️價錢方面其實有部分會比另外兩間抵啲， 不過黎開試新野 ， 緊係都想試試新野。所以就簡左「鮮三文魚他他章魚燒」「鮮三文魚他他章魚燒」（$43/6粒） 。 價錢一般偏貴，不過勝在夠足料！ 唔係得幾粒三文魚。 仲有啲醬超多， 望落去勁大份勁足料 章魚燒粉底較厚，同埋偏軟身， 但本人就中意軟身小小既，加埋啲醬食落勁好味，唔算太漏😛😋😋。 章魚相對都大粒。 味道黎講算係值番個價

個人覺得香港嘅章魚燒好食過日本，呢間嘅章魚燒係我私心推介嘅一間。首先佢味道多選擇，不過我都係鍾情於蜜糖芥末味。今次嗌咗六粒嘅原味章魚燒拼蜜糖芥末章魚燒，可揀八粒或者六粒，特登揀六粒食完細細份濃郁之後都仲有胃口可以喺葵廣繼續掃街🤭鍾意呢間章魚燒嘅原因係因為佢煎得好香脆，咬落落去外皮係脆脆地，而入邊將魚粒都比得大方，大概每粒入面都有兩至三粒，不過今次嗌嘅雙拼入面感覺外皮煎得太耐，所以有啲太硬，如果可以改善返就更加好啦🫶🏻

聽聞開咗唔係太耐，有好多食評宣傳，所以今日就試吓佢真係好食定係宣傳! 先講章魚燒本質，質地嚟講佢算係出色，外脆內軟又會好容易散。每一粒裏面亦都有好大粒嘅章魚，係一個合格嘅章魚燒。但係我最想讚嘅係佢個明太子醬，唔吝嗇之餘明太子醬味道好食，真係將平平磨嘅章魚燒加咗好大嘅色彩。

又嚟葵涌廣場掃街啦❣️今次同自己講，一定要食之前冇食過嘅舖頭，行咗兩個圈，最後俾呢間章魚燒小店吸引咗😋地獄辣辣章魚燒 ⭐️⭐️⭐️⭐️⭐️見到佢寫地獄辣，我心諗，香港嘢可以有幾辣，一於挑戰下🤣 章魚燒上面勁多辣粉，配上秘製辣醬，再加埋大量柴魚，賣相好好勁吸引😍 熱辣辣擺入口，表面香脆，入面每一粒都有章魚好足料吖🐙 食第一粒嘅時候都覺得唔係好辣啫，點知食下食下啲辣味就湧出嚟，原來都真係幾辣喎，唔食得辣嘅千祈唔好挑戰🤣

葵廣呢邊有total三間嘅章魚小丸子比較出名，而我最鍾意呢間嘅章魚小丸子。第一次食係因為見樓上兩間章魚燒都大排長龍，趕時間又想過一過口癮，而呢間新開暫時都唔使排隊住，冇諗過一試就愛上😍🔖大阪風章魚燒拼芥末章魚燒（雙拼）原味嘅大阪風章魚燒，每粒章魚燒入面都放咗幾乎有兩三舊章魚肉，啖啖肉超滿足☺️今次嚟講柴魚比嘅份量偏少😅芥末味嘅章魚燒都超好食，芥末味配上熱辣辣嘅章魚，一啖一個，令個章魚味道再突出，超滿足。章魚燒真係食極都唔會厭，如果唔係為咗控制自己食量應該會嗌八粒🥹

今次同朋友去掃小食😋😋😋經過呢間章魚燒店決定買黎試下~我地叫咗個黑松露口味，啱啱整出嚟熱辣辣😍😍外皮燒得好香脆，咬落入面好鬆軟，而章魚好大粒好彈牙👍🏻👍🏻黑松露醬落得好足，唔錯！

係佢剛開業時我哋試過佢嘅火炙海膽章魚燒，真係好驚喜，因為果時堅有海膽味，而家好creamy，加埋火炙燒過果陣香味，令人好回味，所以都回去幫襯左5至6次。今日再去，佢哋人客愈來愈多，店員好有禮貌，佢話等7分鐘但足足等左20分鐘，但食物質素下降左好多，一望落去個外觀已經覺得同之前食嘅有分別，章魚燒外層冇咁脆，啲海膽醬已經唔同哂，得返沙律醬陣味，完全冇海膽味，仲要冇咩點燒過，一啲火炙味都冇，好失望，咁搞法以後幫襯返樓上好過

又來跟男友到葵涌廣場掃街當晚餐，很想吃章魚燒的我本來吃這邊最多人到訪的章魚燒店可惜賣光了也打烊咯，卻發現在另一樓層又有一家新營業的就來試火炙黃金海膽章魚燒 拼 火炙蒜香牛油粟米章魚燒 $46/8粒店家供應的款式選擇蠻多，只是我們一看到火炙系列就蠢蠢欲動想來吃，就特意選了火炙雙拼！由於到訪當日是去年平安夜的晚上，下單的朋友非常多，由於是下單即製的關係，當晚至少等待了差不多20分鐘才到手～ 先說賣相不錯，未入口就在散發著火燒過的香氣；章魚燒大大粒，入口綿密軟糯口感不錯，章魚粒蠻多也算彈牙，但吃得出來是冷藏貨雪味很重這點要扣分！黃金海膽的意思就是海膽醬，鹹鹹的蠻惹味，如果海膽味更濃郁就更好；至於另一款蒜香牛油粟米口味就明顯有失望到，牛油味不明顯，蒜香被沙律醬的味道覆蓋太貪心，而且跟章魚燒的連繫沒有太多感覺是各有各吃葵涌廣場一直不乏章魚燒店，而且還是人氣十足，要來這邊分一杯羹的確是是有挑戰的就只能以食物質素來取關了！聽說店家曾做出一天賣了400盒的章魚燒，也有不少評價說這店的很好吃，但更多的是章魚燒的質素參差沒傳聞中那麼好吃，至少我點的這份是吧！令人想再嘗試的意欲大大減低，要在這個修鍊場立足，

今日係年初五，葵廣三樓嗰間章魚燒未開，二樓嗰間排勁多人，咁啱見到一樓開咗依間新嘅就諗住試吓啦。等嘅時間唔算耐，都係5-10分鐘左右。店員態度都幾好嘅，叫號都唔該前唔該後。不過食物就真係中伏了本身想食三文魚他他但賣曬，就叫咗明太子。就咁睇啲章魚燒係偏細粒，但每粒入面都好大粒章魚，明太子味都無問題，最大問題係個皮，非常硬，係真係硬，唔係脆。應該係太燶了。第一次食章魚燒係只食曬啲章魚無食個皮，真係搞唔掂，無下次。

黎到好耐無去葵廣，逛左個圈見到呢間未試過的章魚燒，又見到都有幾個人等緊，於是博一博 試試它😂睇完張menu, 有好多款都想試睇緊menu時， 聽到收銀姐姐話要等 15-20mins ， 所以都係揀一款試試先📍海量明太子章魚燒熱辣辣到手的章魚燒， 食落皮有少少脆口， 咬開內餡軟軟的。估唔到每粒章魚燒都有2-3粒章魚🐙所以點解有人等囉， 總有原因的。 至於，好愛食明太子的我。呢個真係做到海量👍🏻所以越食會越濃味本人就覺得唔算太鹹 我鍾意呀🤤🤤

葵廣本身就有兩間好出名嘅章魚燒,見到有新開又好吸引咁就去試了😙當日係週末都吸住有人去買但質素真係一般般👀🔺三魚他他章魚燒(8粒) $49見到章魚竟然有三文魚當然要試下啦😆期望越大就失望越大了😟三文魚他他真的好少,完全唔夠8粒章魚燒存在感頗低🥲章魚燒要讚係章魚都好大粒,每一粒都有1-2粒章魚🐙但粉真的頗厚下,甚至有一粒係食到超重麵粉味,真的有點不行🫤🤤好味度 : 4/10🔙回頭率 : 3/10

推薦👍👍👍👍 👍極尚章魚燒🐙🌟意式風情黑松露章魚燒💰35/6粒行過見過好多人排隊，睇到都好吸引，店員服務好。極尚章魚燒好好多口味，餐牌好多都想試，有好多口味出面都無見過，好創新呢間章魚燒。但是個胃有限。我哋係黑松露愛好者，今次試左黑松露先，滿滿嘅黑松露撈埋沙律醬超香，章魚好大粒，彈牙。十分推薦呢間👍👍👍👍👍10分滿分價錢：8/10味道：9/10