榕基手撕雞專門店 (德民街)

营业中

休息中

係附近做嘢，同事介紹食呢間手撕雞睇餐牌好多選擇仲可以現場睇配料選擇叫咗撈麵 手撕雞加麻辣雞腳筋，送埋飲品 👍🏻👍🏻份量勁多，差唔多有2個撈麵咁多，手撕雞好嫩滑，雞腳筋口感脆脆有彈性

一如既往好食，啲雞既份量幾多，撈麵大約兩個麵餅，皮蛋係糖心，打電話叫定唔洗等咁耐，接電話姨姨都幾好禮貌。以下為充字數一如既往好食，啲雞既份量幾多，撈麵大約兩個麵餅，皮蛋係糖心，打電話叫定唔洗等咁耐，接電話姨姨都幾好禮貌。

今日叫咗個手撕雞全日套餐雞肉好滑好香今次揀咗原味係用麻油調味最出色一定係個尖椒皮蛋餸同飯嘅比例啱啱好$47同區嚟講都真係算抵平時食手撕雞通常要叫辣味先至可以冚到浸雪藏味但依間叫原味都已經好野味啖啖肉，唔會有雞骨屋企加餸之選！

好好味😋又入味，店內裝修擺盤都好值得留意，好乾淨企理，雖然位置上比較窄，但都算好有禮貌，主菜配菜都好好食🤤，值得推介，大埔美食之一，下次會再返嚟食！！！！！

夜晚8點半打電話去落單，鋪頭就打嚟話無飯，只得撈麵，咁就算啦，照去自取。去到就望緊店員係到整緊，一個撈麵仔，d手撕雞就係d餸頭餸尾，係到調緊味，咁我就叫左兩個餸，d餸就全部都係唔值錢嘅下欄野，姐係雲耳啊，薯仔絲啊，酸菜依d咁，到底要幾x街嘅人先諗得出咁做生意？去叫車仔麵都唔L係全部只得下欄野掛？本身幫襯過一兩次，都知間野係唔捨得俾野人地食，d餸迷你到呢(我都唔係第一個講咖喇)。咁都算，諗住夜晚晚廢事左揀右揀，但已經想像到盒野，幾條撈麵，少少手撕雞，少少下欄配菜，然後要俾50幾蚊食唔飽，諗諗下如果咁都照殺，自己咪好L 無腦😆然後望下咁啱對面係燒賣皇后，人地撈麵配隻滷水雞脾都係32，更加覺得制唔過，叫佢取消單退錢。

之前食過幾次，覺得手撕雞味道幾好，不過今次打開飯盒發現D雞份量好少，幾啖就食晒，仲要幾塊係雞皮，少得可憐🥺加上叫左腸粉，食完都唔飽，不過味道都正常，腸粉加麻醬都幾開胃，今次小菜叫左麻辣皮蛋，有d驚喜，皮蛋幾好食。

放工餓餓地，最好去屋企附近的外賣小店 - 榕基手撕雞專門店，又平又快趣。今次食雞絲原味配炒麵（唔辣的），配菜我選擇左辣的薯仔絲，薯仔絲份量唔算附加，不過辣度適中，套餐送紙包解茶幫你解辣

紅磡多小店大家都知，但出色的小店無幾多間，鐘意食手撕雞的朋友一定要試下呢間-榕基手撕雞！佢有原味，麻辣或wasabi味手撕雞，可配飯、撈麵或腸粉，再加一個配料，我最愛加皮蛋。因為皮蛋份量會較多。雞的份量如果男人食可能唔夠，但女仔食就剛剛好。價錢合理，最好係飲品有解茶或可樂選擇。

好耐之前睇過米紙介紹過佢哋係大埔間滷水店， 但我好少去大埔，好難先試到佢哋嘅滷味，見到紅磡附近先開咗一間同佢哋同名嘅手撕雞專門店， 咁唔試唔得啦~ 🐔手撕雞全日套餐(主菜+ 手撕雞+配菜一款+飲品) $57 其實佢本身原價淨係一款配菜嘅話係$45， 我個人比較貪心加多左兩款配菜， 最後我揀咗小辣手撕雞撈麵，配土豆絲，萵筍，青瓜。 其實一打開個盒嘅時候我係有啲驚喜， 因為佢份量好多， 但我想食撈麵嘅時候先發現原來佢係印尼撈麵😂😂😂 同埋印尼撈麵佔嘅比例都幾重。 講返啲配菜同埋手撕雞，手撕雞好滑， 小辣來講都幾唔辣🤣如果食得辣嘅人不妨叫辣啲！ 萵筍同埋土豆絲都好好食，只係份量比較少， 可能會為咗個萵筍回頭，不過應該唔會再嗌撈麵🤣🤣 

本人一向對麻醬敏感，食完身體會敏感去親買手撕雞腸粉套餐都同店員講走麻醬5次當中有3次都無走到俾我！呢一次買更重複咗兩次話一定要走麻醬點知返到屋企一打開，都係無走到，真係離晒大譜！！買嗰時店舖無咩人都可以錯！已經比過好多次機會，但真心真係無下次如果中肯啲講，佢嘅味道算可以但可惜份量真係太少啦，希望唔好咁孤寒如果每個配料比多幾舊，已經唔同講法啦不過真心建議店員認真多少少，聽聽客人有咩需求，否則真係會流失好多客人！

附近返工 啱開張就同同事一齊買左次外賣結果全部加錢雙拼嘅都少左樣送本身以為新開張忙中有錯都算點知兩個月後又買一次都係漏嘢 錢就照收仲要其實嗰時間舖無咩其他客 都唔係話忙希望可以改善下

雞夠滑，味道ok ，配菜都好食唔洗等，好快手，加左半份萵筍，半隻雞$92係好貴，$92行過啲食到成隻雞睇之前食評外賣都係紙盒，唔知點解依家轉左膠盒8點去到配菜得返好少，應該好好生意

50蚊三個素菜仲要少到嚇親周圍搵人報道排晒隊以為好好食50蚊三個素菜價錢看似可接受叫左木耳、青瓜仲有一個唔記得乜野少到每樣得三四舊我行多兩步過馬路同樣五十蚊打爆一個發泡膠盒食唔係特別好食錢去晒廣告到完全無下次，留返個鋪位比啲真係有心做飲食既人啦而家openrice係咪好難比劣評？又要二百字先可以出，又要警告你可能有法律責任店主有廉恥就搞搞啲份量，少到你去買一次就知五十蚊去返格離街買牛雜都無咁谷氣88

好地地食手撕雞，點解係配印尼撈麵？😑反到屋企打開一睇，好無奈！如果配其他中式嘅撈麵或拌麵感覺上會好啲。手撕雞同配菜都好食，但老闆選用印尼撈麵真係扣晒分。如果知道係即食麵，咁我寧願配反白飯。

門口細細，但見到好多人排隊買，又見到好多人等外賣….於是試試買咗半隻原味雞，再加海蜇，服務態度好好，等候時間唔算太耐，食物包裝簡潔👍🏼但整體味道較淡，沒有鷄味，但叫做啖啖肉，分量足夠二個人！可能選擇辣味會比較好。性價比一般！