榕江潮州酒家 (已結業)

一週內第三次去飲茶了，難免有點悶，不過見在coupon與壽包都份上，都OK：　鮮魷鼓椒炒河-等龍放學等得十分肚餓，一來就叫了炒河填肚，很開心效率很高，約五分鐘就有得食。魷魚一點不鮮，與鼓椒汁亦唔算夾，但因肚餓關係，也覺得幾滋味了。份量頗大，食到最後很飽。山竹牛肉-龍的favor，我唔食唔comment。蓮蓉壽包-差點忘了有這味，本是柯打了流沙奶黃包，幸而改得及。今次的壽包沒有綠葉裝飾，管他，最緊要味道好：蓮蓉餡十分幼滑，相信加入豬油炮製，味道又香又甜，我連吞兩個呢! 　果然是龍的地頭，他亮出$100現金劵後，此餐只收數元，我們笑說可以豪俾額外一成多貼士!

上次去榕江應該係食團年飯，幾好。今次老媽生日，再黎一次。首先，見待應人手不足，坐低都無擺低潮洲茶。算！叫野食。蠔烙係必然之選，味道保持水準，不過太多油。叫半隻雞，太廋，但碟底好多油。我個仔有感冒，食一舊已經有封喉嚨感覺。梅菜扣肉好惹味，油就應份，無野好講。滷水鵝肉要鬧，鵝少兼廋，豆腐多過鵝。最好係條蒸烏頭，算做OK! 仲有蠔仔粥，值得一試。又叫左壽包，唔記得落單，唔鬼要！埋單！又無潮洲茶，又要人食到成口油。盛惠$640，六個人。總體食物幾好，如果可以少油會好好多。待應同服務真係唔得，叫菜搵極都無人，扣分。

特登撘車黎食飯~要book位先...唔係就等好耐...前菜有酸菜~五個人有兩碟~~~最欣賞個拚盤...墨魚好林好滑..鵝片都好林好香~但最唔好既係我地全部人都唔鐘意紅腸~~柯仔煎都唔差...好大隻...又煎得金黃色好香~~紫薑雞係另一樣推薦既~~甜甜地,d肉好滑好入味~太極上素係最差..好淡...好似飲緊暖水咁...麻麻...臨走見到有d台有功\\\夫茶..唔知點解我地無...不過算啦...overall都幾好既~~~

最近食得太多越南呀,西餐,日本野,食番中餐,揀左潮州野.一行3人.星期一ge夜晚,果然好多空位.鐵板煎蠔烙$55味道不錯,蠔夠新鮮,夠多,乾淨,無沙,不過多油左d~份量好夠,然而,建議至少至少3人先好叫(最好4人or以上tim)欖菜肉鬆茄子$55又係份量夠多,不過未算好入味,所以平凡左dd,欖菜肉鬆如果用黎送粥應該會唔錯~野菌什菜煲$55野菌份量偏多,與什菜有點失衡,份量普通.清淡之選.鹵水三拚(鵝片,豆腐,墨魚片) $98中規中舉,正常水準,冇失望,冇驚喜,鵝片啖啖肉幾好味.3飯1粥.

食呢餐都係幾日前0既事, 12月7日啦.成班同事一齊去呢度飲茶, FAREWELL同事之餘亦請埋我同另一位同事當慶生D點心都OK 0既~~不過, 個壽包...唔知係咪因為係點心0既關係, 個包底有龜裂的情況...=.="食0左佢個清心丸綠豆爽, 煙煙"UN""UN"的清心CUBE, 甜度0岩0岩好, 個甜品幾好食~~不過...D甜品上得好慢.......埋單$888, 15個人~~大約$60一個人頭, 合理~

近期收到龍最有創意的小禮物，就是圖中的壽包。嚴格來說也不完是全是他的創意，其實是一份「借花敬佛」的心意而已，不過我這個壽包迷很受落!　喜歡壽包，其實是對蓮蓉包的一份移情。早期的壽包是豆沙餡的，到了近年才流行我喜愛的白蓮蓉餡；也是這時間開始。今次的壽包除了有紅紅的外表，還有綠葉，精緻度加了分；至於味道，平心而論就一般啦，熱熱的是好吃，但絕對沒有驚喜。不禁想起，東海那漏油的，叫人驚艷的壽包；還有潮館的出品也很不錯呢!　多謝你啦!

是晚有位uncle請食“心口餐”，就是那些餐廳酒樓的食材供應商每季要“回報“這些“老板"幫襯他們拿食物材料，而買起最少一圍菜的那頓飯！（明嗎？絮小妹解釋得差～）通常每位＄４５０﹣６００，今晚每位就要＄５００！當然就算硬好食，都不值這個價，所以故名思意“dum"心口的一餐。龍蝦片（熟,冷盤）：點wasabi吃的，幾鮮甜，買相好好。潮式鹵水冷盤：有紅腸，大腸，鵝﹠鴨片，豆乾。鹵水味道好濃，每樣都好入味。鵝﹠鴨片好新鮮，肉質好爽。個人最喜歡鹵豆乾。炸龍蝦球﹠炸芥蜆球：不太熱氣，幾好味。裡面幾juicy.潮式煲翅：翅算多，有金華火腿﹠黃油雞作湯底材料，幸好不太油膩。最欣賞它沒有廣東式的“獻底”！清蒸石班：不太特別，就像廣東菜一樣。但魚算新鮮，可是略過熟。霸皇雞：最差的一道菜。如可以選擇沒必要點。發菜海蔘扣鵝掌：好有水準，用料靚，味道調得好，獻汁不過“杰”。大大碟我們一檯掃清光！火腿扒津白：ok,一般說準啦。炒飯：好普通。都是指定動作啦。潮式甜醋炒麵：幾特別，一餅餅的炸麵，不會太油膩，脆脆的麵餅有少少甜味，幾好味！可以點醬油或砂糖吃。紅豆沙湯圓：好間單的中式糖水，但做得很不錯！！紅豆起沙之餘還有

跟兩老來這裡飲早茶,老媽子推介鴨下巴(家中平時都係做餸,竟然用來做點心)味道ok,不過唔夠熱及後老媽子發現鴨下巴係中點反而金錢肚賣大點,就話金錢肚唔抵食云云

同男友父母一齊午飯其實都係因為隔離樂富門無位,又唔想等所以就過左黎啦~第一次黎呢間食飯~一睇都知佢無樂富門咁大間~但係就同樣乾淨一開始就係個肥仔部長sevice我地~由開檯到落單到上菜到埋單~肥仔部長全程幽默~~先講碟小酸菜,又幾好味~一轉眼就俾我男友同佢爸爸食晒~我有幸食到少少~一個4人套餐~奉送湯~我地每款叫左兩碗個鴨湯落得胡椒太多~飲左兩口已經唔想飲之後黎左三個菜一個飯~覺得個福建炒飯好正~有機會大家可以一試~

上星期六有人請吃飯，事先叫酒樓準備鮑魚．餐前叫的魚蛋很鹹，其後的鮑魚亦頗鹹，又不夠淋，其他菜色一般，較出色的是一個肉骨．期間有人飲醉酒，服務都ｏｋ啦，不過不夠自動自覺．

今晚同一班朋友黎食晚飯﹐菜式太多不逐一列出了﹐但我可以講句﹐水準的確唔錯﹐價錢亦算好合理。如果預訂好8~10人以上菜式﹐可找陳主任代訂VIP房。服務都OK﹐不算十分殷勤有禮﹐但起碼無任何地方可以挑剔。有一樣不可不提的就是甜品“羔燒三寶”﹐真係正到暈~ 三寶係蕃薯﹑芋﹑銀杏(即白果)。我自己一向不甚喜歡食白果﹐但係榕江的羔燒銀杏真係令我食完一粒又一粒﹐清甜又有口感﹐喜歡潮式甜品的人不可不試﹗另一樣值得稱讚的就係大堂中另設一洗手盤﹐有鹼液有抹手紙﹐尚算企理乾淨﹐所以開飯前無需先拜訪洗手間﹐呢一個服務設施我覺得算係德政。

開放式打冷明檔潮州新型像！打冷食品味道正呀！凍蟹、龍蝦好大隻呀、新菜式金絲花枝丸勁脆、羔燒銀杏好香！