影片
港铁屯门站 C1 出口, 步行约5分钟
继续阅读
营业时间
星期一至日
11:00 - 22:00
以上资料只供参考，请与餐厅确认详情
其實榮少喇沙喺屯門開咗之後已經食過好幾次，不過一直因為個賣相太醜而無介紹🫢😂 但呢到嘅喇沙又真係幾出色，而且價錢合理，都幾值得推介！啲相醜少少都唔緊要啦🥹 榮少嘅喇沙湯唔會好稀，味道係椰香味偏重同埋偏濃味嘅，帶少少辣味同香料味，略為油咗少少，但係整體飲落係香濃嘅😛 可以揀配唔同粉麵同餸，我哋落咗單之後見左右兩台都叫咗燒雞，好似幾吸引，下次去要試下先得！！•🥢 軟滑龍脷魚喇沙 $60睇相嘅時候以為係煎魚柳，但上菜先知原來都係炸嘅🙈 龍脷魚係好滑嘅，不過個炸衣可以話係零分😵💫 炸衣表面好油，大部分仲好濕好腍🫠 好似無炸得透咁，但入面嘅魚柳係熱同埋熟嘅🫣 希望只係嗰日廚房失準啦😬麵底就揀咗油麵溝米粉，係無得輸嘅配搭，兩款都好吸湯👍🏼•🥢 豬軟骨喇沙 $50豬軟骨有3大嚿，超級腍，無輪係肉定軟骨都煮到腍晒，好易咬開，而且好入味！😍所以呢到嘅豬軟骨好似都幾出名~ 揀咗喇沙配瀨粉同米粉，不過瀨粉本身比較滑身，唔會掛湯，感覺配喇沙就有啲失色😥•🥢 二人小食拼盤 $32有蝦餅、蝦春卷同雞翼，不過3樣都係炸嘅，炸物有啲太油，蝦餅同蝦春卷都好食嘅，但就細件咗少少，雞翼入面有啲紅，唔知係未熟晒定急凍果陣啲血水😦
继续阅读
好少去屯門，搵吓附近有咩食，見到呢間喇沙店唔太貴就試吓～▪️珍寶喇沙 (豬軟骨、肥牛肉、魚蛋魚片、龍蝦丸、花枝丸) 🐷🐮🐟🦞🦑🍜珍寶材料好豐富，可以一次過試晒豬軟骨、肥牛肉同各種丸。另外仲有豆卜、芽菜，同埋半隻蛋。豬軟骨夠腍，肥牛肉好索湯，丸類就普通貨式。麵底揀咗米粉加瀨粉，呢度有得揀瀨粉，幾特別。湯底濃郁，唔辣，但似落咗芫荽粉，有芫荽味，唔係好啱我🫢▪️炸豬扒喇沙🐷🍜因為珍寶已經可以試到好多款材料，另一碗就叫咗炸豬扒。炸豬扒大大塊又厚身，食落唔韌▪️咖央油炸鬼油炸鬼好脆，又唔油，咖央都好香，配埋一齊食都幾夾榮少喇沙📍屯門屯隆街2號屯門時代廣場北翼地下44號舖
继续阅读
今日又喺屯門搵食，午餐一人前食乜好，同事介紹話 「榮少喇沙」好味道，喇沙湯底底夠正宗，去到同店員傾開，話老闆將湯底有所改良，迎合香港人嘅口味，蝦米來取代味道較濃的的蝦殼再加雙倍椰奶結合起來，令湯頭椰香突出，湯汁更滑溜，辣得舒服不嗆喉👍🏻👍🏻除咗喇沙湯底正之外，魚湯和特鮮芫荽魚湯都好出色，特色小食都好味道，尤其炸物，即叫即炸好香口，重非常抵食😋🍜▪️魚蛋魚片喇沙 （油麵溝米粉 ）$ 45湯底真係冇得輸，蝦和椰香味香濃，飲落順口，油面同米粉，我都鍾意食，所以揀咗兩溝，口感爽口又軟腍，魚蛋和魚片非常彈牙，仲有兩件吸汁嘅豆腐卜和半隻蛋，呢個價錢會唔會太抵食🍱▪️小食拼盤 （雞翼，蝦餅，春卷）$ 32樣樣小食都想食，就點個拼盤，全部即叫即炸，一點都唔油膩，非常香口，特別喜歡雞翼外脆肉嫩夠入味，另外春卷係原隻炸蝦網紙春卷，沾上甜辣醬好好味道🫛▪️鹽味四季豆 $ 20呢個估唔到係我必食推介，四季豆香口爽嫩，炸完之後一d油都冇，簡單加上鹽調味，已經好好食，越食越唔停口
继续阅读
#搞串個pantry除咗日本菜🇯🇵、泰國菜🇹🇭之外，相信好多香港人都會間唔中食吓星馬菜🇲🇾🇸🇬，有時都會幾掛住喇沙🍜、咖央多士🥪等等。今次就去咗一間喺#天水圍 、#屯門 都有分店嘅餐廳。今次就嗌咗一個🟤珍寶喇沙($68)、🟠豬軟骨喇沙($58)、🔴兩人份小食拼盤($32)。珍寶喇沙🌟🌟麵底揀咗油麵溝米粉，而珍寶嘅意思即係有好多餸🤩，包括有豬軟骨🐷、肥牛🐮、魚蛋魚片🐟、龍蝦丸、花枝丸、半隻蛋🥚。湯底方面，開頭嘅味道幾好，唔會太濃烈😋，不過湯底落咗芫荽粉，所以有芫荽味，而且唔知點解去到後期🧐，個湯越食越咸😖。餸方面普普通通，丸類都係普通料，豬軟骨就軟硬適中。豬軟骨喇沙🌟🌟麵底同樣揀咗油麵溝米粉，呢兩種粉麵溝埋一齊，食落嘅口感都幾特別🤤，而且特別掛湯。呢碗同樣湯底唔知點解會越食越咸🥴，後期完全唔能夠飲到湯。豬軟骨有四大嚿，軟骨位置非常腍💕，但係肉嘅位置就偏老。兩人份小食拼盤🌟🌟🌟拼盤入面有雞翼🍗、春卷、蝦餅🍤，各兩件，全部都炸到好脆🔥。春卷嘅米網外皮好脆口，而入面嘅蝦肉都彈牙，整體唔錯😛！
继续阅读
記錄低貧民社畜放lunch日常🥘豬軟骨喇沙/魚湯🍜 $55（油麵、米粉、兩溝）份量偏少～大食嘅人可能要叫加大喇～有三件豬軟骨🍖、三舊豆卜、半隻溏心蛋🥚湯底好足料好濃郁😋平民指數：🌟🌟好食指數：🌟🌟🌟———————————————————-榮少喇沙🥘分店地址：屯門屯隆街2號屯門時代廣場北翼地下44號舖紅磡馬頭圍道23-35H號隆基大樓地下29L號舖天水圍天靖街3號天盛商場天盛街市M415號舖營業時間：星期一至日11:00am-10pm#榮少喇沙 #喇沙 #新加坡美食 #馬來西亞美食 #香港美食 #美食 #上環 #hkig #hkfood #hkfoodie #hongkong #hkfoodblogger #hkfoodlover #勇記海南雞 #新加坡菜 #馬來西亞菜 #屯門美食 #天水圍美食
继续阅读