榮式燒雞扒 (已結業)

早排睇完阿蘇個節目, 加上睇埋open rice的食評, 但因為住得遠的原故, 所以今天先黎食榮記燒雞扖, 雞扖真係好好味, 豉油皇雞翼就一般啦! 可能期望大, 又或者因為平時食開我媽媽整的豉油皇雞翼同佢都差不多, 至於個飯就無阿蘇講到咁好食啦! 以這個地區覺得都係貴左少少.

人在灣仔上半天堂, 又可以在這區尋食。認識榮哥的人氣雞扒其實不是因為阿蘇, 而是家弟在灣仔工作, 常盛讚這裡的雞扒才知道的。地方不算難找, 特地挑兩點過後的時間走去, 以為會少些人, 點知仍是滿座到不行, (啲人唔駛返工嘅咩?), 只好買外賣回家吃。點知原來外賣的人也不少, 大家都在店外的街上等, 都幾阻街的。要了一個包含此店二大名物 - 榮式燒雞扒, 和香煎鱆魚藕餅飯的雞藕天成, 不連飲品 $33 。雞扒是即燒的所以都要等上好一會。拿到回家都已是接近半小時後的事了, 生怕盒內的煎炸物會淋掉, 即刻速戰速決。榮式燒雞扒果然不錯, 比較薄身但烤的香口入味, 雞皮仍脆也不算太肥, 雖說雞肉是普通不過的食物, 要做得好的還端靠一份心思。藕餅以豬肉為主, 混有爽口的蓮藕和鱆魚碎, 經過一番舟車勞頓當然是淋了一點的啦, 還好仍然惹味。估不到那少少伴飯的蔥油和菜甫, 加上特製豉油汁飯, 原來也很好吃。最衰啲菜甫太少而豉油太多, 有點太鹹。就是這一份對食物的誠意, 吸引了四方八面的食客, 抵佢稱霸。小店經營, 也不要太在意環境了, 我看見用完待洗的碗碟就咁放在門外, 有礙市容也。

難得我lee 個九龍人, 今日過開香港, 終於可以試吓勝香園(早餐)同膳食小廚(午餐) la, 我同老公都係叫" 雞藕天成 " $36 (凍飲5 駛+$), 雞扒薄身好夠味, 藕餅裡面有鱆魚ge, 又香又熱辣辣, 再+ 埋d 葱油,菜甫同配菜真係好好味, 餐飲凍奶茶少甜, 都ok~ 5 會冇茶味(因為有d 餐廳會溝水而5 溝茶) , 係香港區用$36 食到咁ge 水準, 我覺得都算超值 ! 我一定會再去, 下次帶埋細妹去試吓其他野! 值得一提係阿榮哥同阿叔阿姐, 個個都好nice, 見到d 客人起身走, 佢地都會講多謝!!

今日終於有機會試到呢間食店, 入到去快叫咗個雞扒并藕餅飯, 雖然佢話雞扒係佢既招牌但係我就覺得藕餅好味啲啦, 食落好有家庭feel加埋個豉油汁撈飯真係一流, 午餐加杯凍檸茶HK$36 蚊呢個價錢都可以接受啦, 起碼唔會呻苯個種囉, 下次會去試下佢既燒豬扒睇相個樣就好得啦唔知食落會唔會呢, 食完再為大家報導

人在灣仔金鐘中間，本想吃對面的車仔麵，但人好多好多，於是揀了這邊出名的雞扒。一個人，不點其他了，只要了一個簡單的榮式燒雞扒拼豬頸肉飯。知道是即叫即燒，要求的水準當然高一點，結果水準也沒令我失望。雞肉薄身，皮亦薄，脂肪不多，而且燒得入味，味道很對辦，相比之下我覺得豬頸肉失色得多，而且雞扒的份量不少，女仔吃的話要空肚吃才能清碟。埋單30多，有這樣的質量，相當不錯，但環境略嫌夠迫，而且要等位，扣了一點分數。

早已得知這裡的雞扒冠絕全港同類產品，到了六年後的今天才第一次到來品嚐，也有夠長時間了.....因為有備而來，所以也沒多想便點了想吃的食物，望著窗外的人龍，興幸自己單身過又幸運地直衝進來又有位置。<<冰幼茶>>只屬是解渴之用，味道方面只是一般而已，不算是甚麼特別出品。要了的一個小食<<滷水豆腐>>，這豆腐煮得入味之餘，有數塊的外層不知為解還是有一點點脆口﹖﹖真令人費解。不過味道方面也頗沉厚濃味，雖沒有一般滷水的甜，但也不致於是一面倒的咸。豆腐內部頗嫩滑，在一般水準之上呢。主角是<<豬頸肉耕榮式燒雞扒飯>>，即叫即燒的食物，惹味是當然的了。雞扒肉質嫩滑，雞皮燒至薄物少肥膏而脆口，多來幾件雞皮也絕對可以﹔雖說是雪藏貨但不失其原來雞味。豬頸肉亦因為雞扒的出色而變作"綠葉"了....簡單的雞扒經有心思的製作後成了"名物"，亦應驗了"只要專心做好一樣食物，客人就會自然o黎幫襯o架喇"這句說話。

之前已經一直想試，但由於放暑假的關係，冇咩經過灣仔番學～不過最近開學了，於是選擇頭一日去食---榮式雞扒～大約十二點鐘去到，店裡已經有不少人，我和女友二人叫了一個雞藕天成、咖哩薯仔汁和油菜～等咗一陣，大大碟的雞扒飯到了---一塊雞扒、兩舊蓮藕餅、葱油、菜甫和配菜～雞扒煎得香脆可口、嫩滑，有一陣陣黑椒味、醃得非常入味。而本身不喜歡吃蓮藕的我，也不得不屈服它的蓮藕餅，蓮藕與肉的比例剛好，一個字"得"呀～ 把葱油撈埋飯一起食，簡值正呀～ 還有它的咖哩汁也不錯，油菜十分油，這裡要扣少少分～差不多十二點半，人開始多了，真係排哂長龍。但D雞扒又真係好好味，等耐D都抵～雞扒"萬歲"一定會再番來....I will be back ----雞扒

見過蘇絲黃介紹....想試好耐了~~~前天終於的起心肝走去食....無辦法...佢營業時間太衰....只可星期六先有機會試~~去到門口已見到人山人海~好彩我本身都諗住外賣....見到堂食d客大部份都成碟食哂....好少有飯剩(好似真係幾好咁)雖然好多人但落單阿姐同收銀態度都幾好我試左個雞藕天成&幫bf買左個雞扒拼豬頸肉~~三樣野味道都唔錯....反而最普通係個雞扒...切得好薄&有黑椒味唔係太鐘意(都好味既)豬頸肉同藕餅都好好味....加埋佢d鼓油&蔥撈飯食真係一流(可能個日太肚餓)佢d鋪開得太"new lung"...如果唔係我一定係常客

終於不怕人潮, 走黎等食榮式老鋪. 平時早放都已經人山人海, 榮式雞扒, 係銅鑼灣食過一次, 知道有好野. Last week in PP3, 當然不想錯過啦.在門口, 阿姐忙得喘不過氣來, 買外賣, 等堂食, 阿姐大叫一陣. 之後狂出外賣......搞拈才接單.終於坐低, 上次想食個雞同鴨講, 今次中午黎, 終於可試試燒雞扒同煙鴨胸呢個Combo, 會係點.煙鴨胸, 燒雞扒加上佢既特製豉油. 沒有皮但燒得脆既表層, 榮式燒雞扒的特別之處. 煙鴨胸, 仍然帶有肉汁. 加上那個豉油汁同蔥油做配搭. 好食自然多人食, 多人食自然出名, 出名自然更多人食.榮哥依然落手落腳, 中午灣仔, 夜晚銅鑼灣

有事到灣仔，事前想，最近心情都在谷底，不如吃些好東西哄哄自己。選址好評如潮的膳食小廚，點一份下午茶榮式雞扒米($20)+熱水一杯(免費)。很快上桌，預先燒好??可能因浸在湯中，未如其他食友所說般香脆，不過小部份外皮亦保留脆口，梢軟的地方滑滑的都不錯。雞肉入味又軟滑!米原來是米線不是米粉，相當彈牙;湯底似是燒雞汁混水而成，味道ok，不過不失，沒有驚喜。有位比較瘦的叔叔十分親切友善，詳盡解釋往洗手間路線，為我奉上餐具(其實桌上有可以自己取)和紙巾，叫我多喝水。我用膳完畢起身結帳時，叔叔和我傾談一會;他請我明天再到膳食小廚吃飯，我說，我不在灣仔工作，(如果可以常常吃這雞扒就好了)後來得知我到灣仔的原因，叔叔還鼓勵我呢。雞扒4分，人情味滿分，有時顧客就是為這些人情味回頭呢。

今日第一次去膳食小廚,老公介紹話D雞扒好好味, 要我一定要試下, 去到門口已經見到好多人排隊, 不過都算輪得快, LUNCH HOUR等左3個字度就有位啦~!!入到去, 我叫左個藕餅雞扒飯試下~~!!上檯一睇~~哇!! 甘大塊雞扒, 有D驚食唔晒, 點知咬落, 原來件雞扒好薄, 所以D燒汁好入味, 雞扒表面少少燒焦, 好脆口, 好好味!!! 而個藕餅都唔差~!! 肉好林, 蓮藕脆~~!! 總之就好好味啦~~~!!! 成碗飯食到清光光啊!!! 哈哈~~!!!最衰我好少係果頭返工, 下次都唔知幾時先可以再食啦~!!

今日去電腦展去灣仔 所以順便過黎呢度試試第1次黎 離MTR都有7,8分鐘路程4點幾去 好彩唔係好多人叫左雞偶天成+凍奶茶($36)凍T先黎 幾好 都無咩要求之後主角黎到兩塊偶餅+1塊薄雞扒先食偶餅 幾正 偶餅主要用豬肉整既反而好少食到連偶粒再試試雞扒 比想像中薄但真係皮脆肉嫩好味! 再加埋D菜鋪 送飯一流但唯一可惜既係 D偶餅唔夠熱應該係炸起好耐 扣左少少分 都俾到笑面$36 埋單走人出發電腦展

燒雞扒和豬頸肉都好好味....!!因為lunch要揾食.... 所以跟同事黎呢間度食過好幾次....燒雞扒.....豬頸肉...雞亦......藕餅都試過...... 仲有呀...佢個飯配了配菜及豉汁.....都好好味........令到我地呢d.....平時少食飯的....都食埋成碗飯...........不過lunch好多人...所以要等位........!!

(補寫)之前睇過一粒鐘真人蘇介紹過呢日行開就入去試下印象中阿蘇係介紹佢個雞翼同佢個豉油一心就想試下當時並冇醒起佢最兇色既原來係佢個雞扒見到有個餐有雞翼又有雞扒覺得比較好低食就嗌左一黎試一試d豉油飯先係同1平時有少少5同...但係又5係真係好好好特別囉雞翼勝在夠熱不過好多毛!!!!!好憎食多毛雞翼!!!!!!之後再食個雞扒因為之前5記得係呢到出名所以冇expectt到真係咁好味!!!正!!!!個汁好香!!!皮有小小脆, d肉本身又滑!!!燒得岩岩好!!!差5多食哂果陣舊雞皮都仲係有少少脆架!!!會encore!!!

一心想去西營盤食印度咖喱, 點知隧巴未到金鐘已肚餓到頂唔順, 加上想試好耐的呢度就0係附近, 0拿0拿臨跳落車0黎試試. 叫了一客雞扒併藕餅飯, 加杯「正常」的熱奶茶 ($36).熱奶茶已代落糖, 無 special request 下係奶多過茶, 味道亦太甜, 下次都係少奶少甜好 d. 唔怪得落單阿叔一0黎就問我要唔要少甜少奶啦 @_@"雞扒併藕餅飯又名「雞藕天成」(另外仲見到 menu 上有「雞同鴨講」及「火併阿粟」-_-), 都幾爛 gag... 「榮式燒雞扒」有一塊, 雖然係雪雞扒, 但肉十分腍滑, 帶黑椒及燒烤味, 十分香口惹味, 一塊唔夠喉呢 藕餅有兩塊, 係切粒蓮藕及冬菇混入(肥)豬肉餅煎香 (?), 同神廚館的墨魚餅異曲同工. 咬落未至於鬆化, 但十分彈牙, 熱熱的又帶點肉汁, 好好食, 值得試試; d 飯份量剛好, 落了唔少蔥茸香了好多, 仲有椰菜及翠玉瓜, 味道唔錯, 唯一唔好就係太濕腍.環境少少地 mou, 鋪位好細所以好迫0下, 衛生則情況不錯; 招呼好好, 阿叔阿姐們好好禮貌好好人!$36 食一碟水準碟頭飯, 十分抵, 會再0黎的. 下次試試銅鑼灣