榮式燒雞扒

营业中

休息中

疫情去到第四波，2人限聚真係好難堂食！灣仔lunch time 諗食咩諗到頭都大，決定行遠D都去蘭杜街買榮式雞扒飯！好耐冇食有D掛住！打電話去落定單，去到唔駛等！yeah! 🍗🍚雞藕天成 $52 （一塊榮式雞扒＋2塊藕餅）🍗🍚雞扒滷豆腐飯 $52  （一塊榮式雞扒 ＋4件滷水豆腐）  識食梗係要食榮式雞扒！同以前一樣咁好味，雞肉嫩滑，薄薄一塊醬汁香濃帶有小小黑椒味。招牌菜的確好味！藕餅比記憶中唔同左小小，冇咁油豬肉鬆軟左！讚！滷水豆腐簡直驚喜！豆腐好味多汁仲有四件咁多！飯嘅份量都唔少，配埋香蔥同豉油撈飯一流！超飽超滿足！

(2020年9月17日 晚上7pm男士) 電話叫外賣時態度已經惡劣，趕住落單咁，去到拎外賣，仲叫出邊個客叫佢(唔好戇居居企係出邊，叫佢入黎)，我是常客，只是想榮式管理層知道。食物一時時，今日係比較差，可能比較忙，但堂食見唔到好多人，或者外賣多啦。

榮式雞扒我平時最愛是雞藕天成飯 $50，就是組合了兩樣最受歡迎的餸: 雞扒與蓮藕餅。午飯送飲品。.雞扒大塊香口，藕餅夠鬆化夠味，我至愛。🥳😊.除雞和藕餅外，他們也有很多選擇。..之前還有叻沙。叻沙餐還包美祿恐龍.另一個是最近的夏天之選，微辣涼拌稻庭烏冬 $38，還包一杯凍的青出於茅，即青瓜香茅梳打特飲。可另加餸，一餸加$16，兩餸加$25。.上次加了豬頸肉和藕餅，今次加了豬頸肉和鹽酥雞扒。.鹽酥雞扒好味😋且大塊。..夏天有杯青瓜香茅特飲零舍覺得清新解渴。

茶記整x扒x扒响我認識入面都係一個字炸，無其他，就算佢寫香煎我都認為為咗快一定係香炸😂😂不過呢間好似唔多似係香炸，似香焗或者係香煎，點都好個皮無濃同唔油，我諗佢應該係焗多d，因為快可以出到多啲，anyway塊雞扒真係好好味，又無骨，啖啖肉，仲有焦脆感，一個字絕，不過間嘢就真係好迫好迫囉，至於個烏冬都彈牙，不過佢就普通咗啲，拎啲胡麻醬黎撈，不過两樣嘢配埋又無違和感喎簡直絕配，雖然唔係身處五星級嘅餐廳，不過佢有五星級服務

第一次幫襯尼間餐廳，亦都係最後一次...外賣order 雞扒鰻魚飯， 點知一打開個袋就見到一隻新鮮曱甴係盒飯上面做運動....唔怪之得間餐廳咁出名啦，原來係出名新鮮用料.有圖有真相

今日同同事去榮式燒雞扒🐓食午餐，心多多嘅我每次嚟都係點雙併，今日係「雞扒拼豬頸肉🐷」，同事就叫咗個「雞扒」。我就算叫咗碟雙拼，依然心多多😆，想食埋個煎蓮藕餅，同事話可以一齊share，太好了。唔...成個份量好明顯細份喎，雞扒亦都細塊咗，以前大大塊，好有氣勢架😂！但雞扒依然醃得好入味，皮亦香脆，雞皮上的橫紋亦都係榮式雞扒嘅標誌。最鍾意嘅其實係佢果啲蔥油同埋榨菜粒，好惹味，送飯一流。點解今日個蓮藕餅咁硬嘅，有啲失望😞。

Visited this restaurant for lunch, ordered their chicken with scrambled egg rice, from the moment it arrived the grilled chicken looks amazing with the chargrilled stripes, and once you bite into it the chicken is not overly thick and is very tender, but the best part is the crispy skin you get only with freshly grilled chicken. The ginger, spring onion and pickled veg that comes with the rice complements the chicken and rice well. What I like best is that the dish overall is not overly oily or

很久沒有吃榮式雞扒了。來到這裏，怎能不吃雞扒？ 一般吃榮式雞扒便很想配，但偏偏今天不想配飯。便叫了榮式雞扒撈檬($48)。 沒想到撈檬也很和雞扒配合，很惹味店員會把甜酸汁一併附上。榮式雞扒有明顯的黑椒和蜜糖味，但另外他總是有種神秘的醬汁。總是其他店無法取代到。配料有︰蔥花，甘筍絲，椰菜，榨菜粒。甜酸汁總是替撈檬拿了不少分數。缺點是店內都是用外賣餐具，應該是不想洗多些用品。

叫左一個雞排滑蛋飯。滑蛋係滑既，無過火，食落幾好送飯。而塊雞排就好大塊下，細食啲應該會食唔曬，我建議女仔可以叫少飯。雞排有燒過既香味，啊係平時常見既雞排味。而且肉質好軟，唔柴唔乾唔硬，最值得一贊。地方細細，坐得迫啲，但中午黎食個飯，我覺得係唔錯既，而且價錢都可以接受。

榮式雞扒專門店的特色是獨創的榮式燒雞扒，以電爐燒烤，即叫即燒最多汁最脆口又熱辣辣的燒雞扒，是店內招牌菜，每日繁忙時間就會變為人龍店。🍽雞扒親子飯雞扒脆皮肉嫩，非一般薄身，咬落極具肉汁，食時不覺油膩，炒蛋很滑。🍽雞藕天成即榮式燒雞扒拼香藕餅飯雞扒以坑爐燒得好香口，以雞肉和蓮藕粒做成的肉餅，咬感鬆軟。🍽鴛鴦雞扒飯既有皮香肉嫩嘅招牌燒雞扒，又有香酥鬆脆的炸雞扒，一次過擁有兩款口感。每款飯都以葱油，再配上秘製的醬油，以榨菜粒做配菜，送飯極佳，午餐奉送熱飲一杯。

以前一年只係出香港區幾次，宜家竟然要喺港島區返工，大鄉里真心好唔習慣。喺人稱嘅金鐘，放飯係一個挑戰。今日有好心同事帶我行去灣仔威威食好西😝由金鐘經PP 左穿又插，不消一會就到達榮式燒雞扒，門口有不少打工仔等候中。等咗十分鐘就入去，同事推介『雞藕天成』即跟🖐1) 招牌坑紋燒雞扒：造型幾獨特，雞皮燒得有點焦脆，肉質幾滑，佐以薑蔥、雪菜，混埋白飯一口接一口，很快就清哂成碗🤣藕餅煎得香口，沒有過咸，廚師係有味覺嘅，可以一試👌2) 雞扒親子滑蛋飯：炒蛋係嫩滑嘅🐣薄薄嘅雞扒燒得外皮脆又香，黑椒味出色🤤老抽汁撈埋香蔥、咸酸菜真係好開胃，整個飯嘅份量對我嚟講啱啱夠飽，男士就未必了🤨

之前有同事介紹過呢間啲雞扒，所以我都買咗個飯盒試吓！賣相同塊雞扒嘅口感都唔差，但食落就開始覺得咸，而家啲油流哂落啲飯到，開頭食呢盒飯覺得幾好，但食到去最底嗰一厘米嘅飯，真係唔可以再食落去，根本就係油浸飯！之後我試吓將啲油倒岀嚟睇吓有幾誇張，結果未倒到盡已經有三分二湯匙！係三分二湯匙呀！我個人嚟講真係接受唔到，都好難再食第二次！P.S. 食完會好口乾，唔知係咪太咸! 其實本身佢塊雞扒都略咸，仲要加埋啲咸菜做拌菜，真係咸上加咸！

榮式燒雞扒起初由大西北憑著獨門的榮式燒雞扒開展到全香港也有分店外賣等了很久極之多人在門口等外賣因為所有雞扒都是即叫即燒，製作比較慢因店家堅持要提供最多汁最脆口又熱騰騰的榮式燒雞扒榮式雞扒飯 - $60有兩塊榮式獨有的坑紋雞扒雞扒去了筋及切成薄身，以電爐兩邊夾著燒烤，故十分脆口坑紋的作用可流走油份，使入口不油膩，令雞肉皮脆肉嫩秘製的榮式醬油，使雞扒帶點甜味白飯淋上豉油，再配有蔥油及榨菜粒，十分惹味也有些椰菜作配料，平衡飲食健康

呢間嘢唔系好顯眼，如果唔熟噶話，都幾難穩。而且店面比較細，位唔多，所以好多人都選擇打包翻去食。我就比較好彩，企住望左一陣，就有人埋單空左個位。點左茄子汁拼雞扒飯。茄子汁系單獨用細碗裝住噶，可以自己根據個人口味添加。滴茄子汁好濃，用來點雞排簡直一流。雞排外脆裡嫩，但系雞排有點細，飯都唔系裝得好多。但系總體來講真系唔錯，得閒再來試下其他飯。

以前榮式仲開咁多間分店既時候已經食開佢。昔日既榮式雞扒炒蛋飯去到其他分店食都有著同樣既味道。榮式燒雞扒既特式係雞扒大塊、鐵板同餣料。可能港島租金貴成本高，碟飯既飯量同蛋既份量少左dd。