影片
开饭介绍
由小巷里的摊位到今天热闹大街的店面，家传卤水汁及鸡翅尖乃镇店之宝。
继续阅读
营业时间
今日营业
11:30 - 20:45
星期一至日
11:30 - 20:45
以上资料只供参考，请与餐厅确认详情
相关文章
今日嚟又嚟到铜锣湾荣记车仔面，16:30到依然好多客，果然系荣记，我都系长期客户☺️，今日就叫咗个五𩠌面，牛肺 ：入味，唔会太腍，完全冇内脏嘅异味，牛筋：入味，软腍得嚟唔会冇咗咬口，只系头呢两道菜，已经好过好多牛杂粉面档，猪红：而家越来越少呢一种猪红，应该系新鲜猪红，够入味，腍滑爽口，真材实料，鱼肉春卷：有鱼香味，系儿时食过嘅味道，墨鱼头：新鲜，爽脆，好味，粗面：熟到刚刚好唔会腍，冇碱水味，汤低，超浓郁，卤水味够，汤头应该仲有其他嘢，总之好味，色香味俱全，果然系荣记，直得咁多人嚟食👍🏻仲有杯豆浆都好好饮☺️
继续阅读
搬左屋后多年冇嚟食，今日去开铜锣湾又去食啦！ 不过感觉不太好，店员全部都严重西面，连收钱阿婆都系。 其实咁好生意应该开心至系，真系唔明佢地经历过啲乜嘢，觉得自己好似佢地仇人一样🙂↕️， 虽不至于要你们吓吓笑面迎人，但求正正常常就够。除左态度，食物方面都好食嘅，但我个面有一大旧系实嘅， 需要改善一下啦。
继续阅读
随手揾到呢间 去到门口又有个ee话好食咁就决定食 一入去首先有个黑口黑面嘅迎接 跟住又要搭格 位置唔太舒服 厨房亦都不时传来闹交。食物方面 个汤系浓嘅 沙嗲味？ 但整体就一般 特别系个韮菜云吞 得两粒 又唔好食。我见好多大陆人嚟食 社交媒体网站就系推呢啲野？😅 $5x 三𩠌真系no thx
继续阅读
铜锣湾嘅生意好到爆灯！十一点半先开门，我哋十一点未到就去咗，已经有人排队喇。想食嘅朋友，记住要早啲嚟排队呀！我哋好彩，系第一批入去嘅，门一开，唔使一阵间，店入面就坐满晒人。呢度内用有最低消费，每人三十九蚊。餐单上，先拣自己心水嘅配料，再拣面嘅种类。我嗌咗个三拼，有墨鱼、牛筋同牛腩，搭配油面。牛筋同牛腩炆得软稔入味，一啖落去，正到痹；墨鱼嘅口感就爽脆弹牙，好有嚼头。份量都好足，汤底浓郁香滑，仲带有阵阵沙茶味，饮落去好过瘾。如果食得辣嘅朋友，一定要试下加店里嘅辣油，香到飞起，正到冇得弹👍我哋仲叫咗炸鱼皮，咬落去脆卜卜，好似食饼干咁。我建议大家可以将鱼皮蘸埋啲汤食，鱼皮吸满汤汁，入口鲜香，真系好好味😋睇返网上嘅评价，意见都几两极嘅，但我同朋友都觉得呢间店唔错。店员嘅服务态度都可以接受。
继续阅读
🍜 真系好耐冇食过，今次一试，味道依然令人回味无穷！😋我今次点咗鸡翼尖、猪红、猪皮同斋，四𩠌，每一样𩠌都好想食，好难拣，鸡翼尖必食，猪红同猪皮都系经典推介，真系令人食到停唔到口！🤤
继续阅读