影片
营业时间
今日营业
07:30 - 00:30
星期一至日
07:30 - 00:30
以上资料只供参考，请与餐厅确认详情
今天在銅鑼灣工作，順便在附近晚餐。在SOGO後街搵餐廳，看到這店門餐牌，價格合理，內堂地板乾淨，所以試下。在卡位就座後，做最重要的事：點菜。牛脆骨麵 牆壁上<每日限量供應>標題，所以想來一份。 牛脆骨，氣管也。真身好似孿孿扁意粉，還夾著半透明筋膜。軟骨不太硬容易咬，口感似竹筍，蓮藕，無需太多牙力就可享用。牛脆骨本無味，但伴著濃稠的醬汁，鹹度就是剛剛好。餘下的醬汁滲在湯裡，撈麵一流。牛魔王河粉 自己喜歡牛雜，又想要牛腩，所以點牛魔王。一碗有齊不同部位，可以解決選擇困難症。牛雜牛腩鋪得滿滿的，視覺上就覺得抵左。抵食過澳門官x街果d牛雜囉！ 最喜歡軟綿綿牛肺，金錢肚也喜歡。牛腸帶油香，牛腩就變得失色了。假如牛蒡都可以轉為牛肺就更好了!食牛雜牛腩，個人偏愛配河粉。河粉沒有鹼水味，不會影響味蕾對牛腩牛雜的感覺。而牛腩牛雜的油脂跟河粉也很和諧，一定伴著腩汁湯底及葱蒜一起享用!麻辣墨魚鬚 口痕痕，就想來一份。墨魚較粗身厚身，口感較明顯。香茅雞翼 三十蚊五隻，價格合理，所以來一份。雞翼即點即炸，熱辣辣。炸皮不厚，香茅味不太濃，肉質嫩滑，肉汁豐富。最後，來一杯凍檸茶，正呀！
继续阅读
上次崩沙腩賣晒，食唔到，今日再去終於吃到聞名已久的崩沙腩。」一試招牌🏅崩沙腩幼麵（$59），湯底濃郁，帶有微微藥材味，卻不過重，崩沙腩口感爽軟，脂香四溢，麵條煙韌彈牙，果然名不虛傳。🏅牛腩牛筋河粉（$52）同樣出色，牛筋炖得非常軟腍，無絲毫膠質黏口感，河粉滑溜但不易斷，吸滿湯底精華，每一口都係享受。🏅炸魚片頭（$30）外層金黃酥脆，內裏魚肉嫩滑，帶有淡淡魚香，絕不油膩，配埋辣醬更係一絕。🏅淨雲吞（$39）皮薄餡靚，蝦肉鮮甜彈牙，豬肉比例剛好，餡料飽滿。🏅腐乳通菜（+$12）爽脆，腐乳味濃郁但唔會過鹹。最後嘆杯🏅熱奶茶（$0），茶香濃厚，奶味滑順，想不到粉麵店也有有水準嘅港式奶茶。
继续阅读
和朋友到銅鑼灣SOGO Shopping，她帶我到附近的「九運來粉麵世界」午餐，店舖坐滿客人，就知道其道地的港式風味粉麵極受歡迎。於是我便點其招牌菜「皇牌牛四寶河」，集合了牛肚、牛筋、牛舌和牛腩，每一樣都燉得恰到好處，肉質鮮嫩，湯汁濃鬱，讓人回味無窮。小食點了「麻辣魷魚鬚」其獨特的辣味和魷魚的鮮嫩口感，為食客帶來刺激的味蕾體驗。還有「腐乳通菜」，簡單卻不失風味，腐乳的鹹香與通菜的清脆非常好吃。當然少不了點一杯港式飲品「凍檸檬利賓納」，清新酸甜，是餐後解膩的完美選擇。
继续阅读
已經有一段時間冇食牛腩但又掛住個味道。所以今次決定去銅鑼灣九運來粉麵世家試下。依度牛腩有好多選擇，睇menu仲有好多牛腩外其他食品選擇，今次order左煙肉餐肉炸雞脾飯配黑椒汁、招牌崩沙腩，飲品有凍檸檬可樂。煙肉餐肉炸雞脾飯嘅煙内及餐肉煎得甘香可口，金黃色邊好好味，炸雞脾就超大隻好多汁，炸得鬆脆可口，配埋黑椒汁食飯絕對惹味。崩沙腩就牛味濃而且外層有薄薄爽口薄膜，口感一流，最重要肥瘦均勻，配埋特製腩汁食絕對係招牌菜。仲有大大杯凍檸樂飲，為依餐劃上完美句號。
继续阅读
今日放工睇戲先臨急臨忙食個晚餐🌠隨便走咗入一間粉麵店🥹原來佢嘅牛腩同牛雜好出名🩷 一試之下果然幾有料到價錢又抵食值得一試🤪⭐️ 皇牌牛四寶河 🥩⭐️ 熱西洋菜蜜 🍯入面有牛腩牛舌牛肚同牛筋🥓又味豐富又濃郁特別啱曬牛魔王🐮 另外加了魚蛋雙拼🍥爽口又彈牙⭐️ 黃金片頭拼鮮蝦雲吞河 🐟片頭用料新鮮充滿魚鮮味好有驚喜🌊配上鮮蝦雲吞好飽滿🦐⭐️ 香茅雞翼 🍗⭐️ 酥炸雲吞 🫔兩款小食都金黃香脆💛食落口唔會太膩⭐️ 郊外油菜 🥬最後配返個菜心補充返平時少食嘅蔬菜岩岩好☘️
继续阅读