榮記茶餐室

营业中

休息中

天氣凍最岩食煲仔，煲仔飯係人都識食，煲仔麵以前無人知，依家無人唔知。沙爹、牛肉、公仔麵加埋一齊嘅效果令人讚嘆。沙爹味偏淡，有花生味， 不是死鹹或太濃味。 牛肉明顯是新鮮牛肉，所以比較淋身。公仔麵選用比較硬身，所以掛汁比較好，較有口感，亦同牛肉嘅淋身作一個對比。另一個餐我哋揀咗炒貴刁。炒貴刁都係偏淡，所以我覺得這間茶餐廳出品都是以偏淡為主，適合現今香港人嘅口味，但如果你鍾意濃味，可能會有點失望。

叫個羊腩煲，份量唔多，128感覺有少少貴，羊腩煲黎到D 肉凍嘅，骨頭多個肉，叫個煲仔飯，仲衰，等左成一個鐘都未有得食，終於有得食啦，激死，仲諗住等咁耐，好食都底返啦，點知味道都唔見得有幾好味，一句講晒，嘥氣。

今日嚟到慈雲山嘅榮記茶餐室☕️🍲未入去已經要係門口等一陣，因為都真係幾多人去食。大約等咗20分鐘，一入到去嘅感覺就係好香，好大陣煲仔飯嘅味🫕。聽講過呢間最出名嘅係沙嗲牛肉煲仔麵，佢有得揀三個餸，分別係牛肉🐮，豬扒🐷，雞扒🐔。咁我就叫咗其中牛肉同埋雞扒嘅。大約等咗10分鐘之後就有得食啦。首先係雞扒，要讚嘅係餐廳為左保持雞扒係脆口，所以唔會幫你將佢扔左入去個湯到👍🏻👍🏻。一食第一啖就覺得好正，係人生中食過最濃味嘅沙嗲麵，仲有好多花生碎，超級足料。🤤然後係牛肉，牛肉就會放埋入湯嘅，吸收哂碗湯嘅湯汁，變成一舊又滑又重味嘅滑牛，一定啱晒重口味嘅大家。食到最尾碗麵都唔會林晒亦都唔會唔夠熱，實在係十分推介。😌😌不過如果係怕膩嘅就建議大家可以搵朋友分享，因為一定會好重味。第日有機會試埋旺角新開嗰間先😎😎

✨真•沙嗲煲仔麵 💰68💫評分: 8.2/10📝任選一款：牛肉、豬扒、雞扒可配：出前一丁、米粉、粉絲揀咗最正路嘅沙嗲牛肉出前一丁，沙嗲牛肉公仔麵呢間係關注組超高人氣，所以山長水遠過嚟朝聖一下，店員知道我哋兩個人share都已經準備定碗仔，就算我哋淨係叫咗一碗麵同杯嘢飲share都唔會黑面🤣，好多片都有啲厚度嘅牛肉，加咗蔥花，同芽菜、豆卜都吸晒啲沙嗲配埋花生碎，湯底比我想像中無咁濃郁不過啲公仔麵都好掛汁，2個人Share好似唔係好夠喉，如果可以加麵底就正🤩榮記茶餐室 𝕎𝕚𝕟𝕘 𝕂𝕖𝕖 ℝ𝕖𝕤𝕥𝕒𝕦𝕣𝕒𝕟𝕥 📍九龍慈雲山毓華里12B1號地下🗺️黃大仙/鑽石山🚇轉巴士🚌/小巴🚐🥢營業時間：上午6:30至晚上9:30🥢星期日及公眾假期下午6:00休息❣️再訪？🅈🄴🅂 ✍🏻慈雲山地點真係有啲唔就腳所以都應該唔會成日都嚟，但呢兩樣嘢都好食😋#榮記茶餐室 #地道美食 #美食 #慈雲山美食 #香港美食 #followforfollow #foodieblog #instadaily #foodporn #hkfoodblog #discoverhk #tagsforlike #foodiehk #food

難得平日放假特別多野做，成日都話放假忙過返工，為左榮記既沙嗲牛肉煲仔麵專登過黎慈雲山，食到捧住個肚走呀沙嗲牛肉煲仔麵 ($68)用上新鮮牛肉製作，份量都幾多，肉味香濃且有嚼勁，要大讚佢地既沙嗲湯底，非常濃郁仲食得出粒粒花生碎既口感，麵底轉左做出前一丁，用上煲仔裝住既沙嗲牛肉麵能夠保持濃郁既沙嗲香氣又唔會好快凍哂，溫馨提示: 記得趁熱食呀，攤凍左公仔麵索哂啲湯就冇咁好食，咁邪惡既沙嗲牛肉麵都係食過就算，配埋杯冰凍既茶餐廳絲襪奶茶，茶底唔會好澀，奶味都好突出，高質

天氣稍涼，午餐時間突地岀發去慈雲山試一試沙嗲牛肉麵。好彩去到立即有位，等了一會熱辣辣的沙嗲牛肉麵就送到，到桌時還滾滾下，打了一下卡，等它冷靜一下先夠膽動手吃！點知一擺入口都係會辣親個口，還是太熱，不過都要襯熱食，因為一攤凍了湯底就會稍為凝固無咁好食，對我來講，我會覺得花生味偏重，會比較滯，不過整體我都喜歡食，會再食！

慈雲山平時真係冇咩事都唔會去，真係人生第一次去，就係特登為左這個大名鼎鼎嘅沙嗲牛肉煲仔麵😎😎成日都係social media見到有好多人推介，同埋聽到會有好多人排隊，但今日我係平日下晝約三點到就可以直入，不用排隊。餐廳風格係舊式茶餐廳，有卡位坐，感覺幾好😆😆️◽️ 沙嗲牛肉煲仔麵｜$68 ⭐⭐⭐⭐講真以砂煲上，令個沙嗲湯底都重沸騰緊，而且個麵索晒啲沙嗲汁，好掛身，視覺效果真係滿分😍😍沙嗲湯底偏重口味，雖然有淡淡的花生味，但整體偏咸🤦🏻‍♂️🤦🏻‍♂️牛肉好嫩滑，又重牛味，比沙嗲汁更出色🤩🤩份量係夠兩個人食，因為個麵索晒汁好咸，食一半就想停🙈🙈整體黎講佢好IG able，不過味道唔驚艷👀，試一次就好了，因為視覺會比味覺滿意😎😎◽️ 凍奶茶｜+$7正常茶餐廳水準😗😗📍榮記茶餐室慈雲山毓華里12號地下A-B舖

慈雲山對我來講係一個好偏僻嘅地方，真係冇咩事都唔會去。咁啱今日朋友邀請我特登去試吓你個沙嗲牛肉煲仔麵，本來都覺得冇乜特別，咪就係公仔麵擺落個去個砂煲到食囉。點知原來去到好多人，原來公仔麵都可以煮到咁好食！！1. 沙嗲牛肉煲仔麵講一講佢嘅湯底先，沙嗲嘅味道好重，有淡淡的花生味。裏面有豆卜，吸晒湯裏面嘅精華，每一啖咬落去都有濃濃嘅沙嗲味。上面放左一啲蔥花，令到成個沙嗲牛肉煲仔麵好有特色。真係唔怪得咁多人去排隊，特登嚟食呢個沙嗲牛肉煲仔麵。最重要嘅係佢淨只係$68咋，分量兩個人食都夠，其實好抵。2. 陳皮蜜餞金蠔冇諗過你食個煲仔麵都有得食陳皮蜜餞金蠔，覺得有少少九唔搭八。但其實原來好好食，甜甜地嘅金蠔上面有一層焦糖，加埋陳皮嘅香味，覺得好特別。$40就有三塊，覺得好唔錯，價錢又合理。鍾意食沙嗲嘅人記得一定要黎試吓。

沙嗲牛肉麵名不虛傳 真係超濃花生味，都幾潔身，個湯撈麵真係好味，牛肉又淋.仲有豆卜索哂d湯汁👍🏻👍🏻💰HKD$68西檸雞好大份，酸酸甜甜都幾正，餸飯一流

又有個好同事生日啦，於是帶佢去食番一餐好嘅，順便可以比大家聚舊下都好🤩於是就揀咗呢一間餐廳食飯，入到去之後呢度嘅佈置都好好，好舒服可以俾我哋傾吓計真係好正！個人認為乾炒牛河我很喜歡這個，輕咬就散開，吃起來有肉汁，咬下去好有滿足感，絕對推薦❤️

一直都是沙嗲牛肉面的爱好者，之前看到这家牛肉面的图，已经很吸引我了，感觉一看就是很美味，于是周六有空的时候打算来一试为快。不得不说，这个地方的位置不太好找，在慈云山，交通也不太方便，但是人真的是巨多。我们去到的时候已经排了一大截，大概号拿了131，但是才叫到109，外面好热，已经有点想放弃了。大概一个小时后，终于到我们了，天啊，这个位置小到，我朋友胖点坐好了几乎都出不去的节奏，太挤了。我们点了大家都推荐的沙嗲牛肉面，我要了多葱的，最搞笑的是，就这环境，每个人都在拍照自拍，拍来拍去的，那些服务的阿姨说习以为常，每天生意都那么好，个个人都在拍照。先回归正题说说这碗面吧，毕竟大家都去慕名而来，价格大概是68hkd，但是份量巨大，我一个人是吃不完了，女孩子估计两个人点一份都够了，味道倒是很棒，特别是那个沙嗲汤底，有点花生味。牛肉呢，一般般，面也是普通的面，就是汤底好吃，估计排队太久了，让我觉得也没有期待中的那么神。相比起长洲的通记，个人觉得通记更香一些，价格36hdk份量小点点更加适合女生的胃口，不过荣记得水准也是很高的，偏花生味重点，感觉放在煲仔里面品相更

老實講，今日本身唔係想食榮記😂係想食佢隔離條街嘅餐廳，但因為行到過去先發現冇位坐，所以決定試下榮記。雖然知道佢既沙嗲煲仔麵好出名，但之前都冇諗過要試，但反正上左慈雲山咁就食下😛男朋友叫左個鹹魚雞粒炒飯，其實唔錯，有鑊氣仲要一上枱聞到浸鹹魚香味👀隔咗陣我個沙嗲麵配豬扒都上左枱，食頭兩啖果陣，我覺得啲麵唔係好掛到汁，唔多夠味，但耐少少後，啲汁開始俾啲麵索晒，就開始覺得幾正🤤好夠味👍🏻 不過豬扒本身齋食都係冇乜味，一定要擺落個湯度浸下🙈整體佢講沙嗲湯底係好食，不過又唔係太驚艷👀

今朝一早就行完飛鵝山，落山地點係慈雲山，個陣已經差唔多兩點，一諗要食野就醒起e間超出名嘅茶餐廳，今日終於可以一試～真沙嗲煲仔麵 $68真不愧係沙嗲espresso，湯底超濃郁，本身佢個出前一丁係直接放落去就上枱，所以都要等一陣先淋，牛肉有好多，起碼過10塊，但係就唔算太好食，本身冇乜味🙊總結：坦白講定價$68係偏貴，你用一個似食日本拉麵嘅心態可能會好啲😂份量的確大大份，而佢個湯底都的確濃郁，撈麵一流，但我會期望佢個牛肉有返咁上下質素，對我來說試咗一次滿足好奇心就夠😂地址：慈雲山毓華里12號地下A-B舖評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️

今日去左榮記，出名煲仔飯，山長水遠征伐慈雲山😂原來真係好出名，因為未上到條樓梯已經見到門口多人到一個點🥲堅決不到黃河心不死，等左一個鐘終於有位🥶原來紅日同中午係無煲仔飯食🥲🥲埋位先知呢個惡耗⋯不過好彩有暖笠笠煲仔麵食—真·沙嗲牛肉煲仔麵上台一刻仲卟卟卟滾，好治癒🤪食第一啖知道果然係實力之作，怪不得咁多人朝聖⋯因為真係好·濃·郁！😲😲😲😲😲湯底完全不是水的質地，而係醬一樣濃稠的！麵雖然未全熟，但偏偏掛汁一流，淡淡沙爹汁同花生碎🥜，加上牛肉都是大片大片的，隊長B食左一半已經有感覺「飽左」好滿足嘅感覺❤️❤️好好味但真係要超餓去先得🙊🙊重要讚讚的還有店裡的姐姐，個個都超𝒏𝒊𝒄𝒆超好服務，親和力🈵🈵🈵🈵決定一定要再去！！！！！一定要再試埋個煲仔飯！一定要再來🥳🥳！---------------------------好味指數😋：9/10翻啅指數🙆🏻：8.5/10 人均消費💰：10-99服務態度👨🏼‍🍳：9/10 乾淨指數🌝：7/10

平時唔會專登入慈雲山，但呢幾日為左探一個好耐冇見嘅朋友所以專程入嚟，朋友就帶咗我嚟呢度食煲仔麵，孤陋寡聞嘅我淨係聽過煲仔飯，煲仔麵真係第一次聽第一次見更加係第一次食，榮記茶餐室到幾多人食，要排一排隊先可以入座沙嗲牛肉麵同煲仔飯都聽過，今次黎就食咗個沙嗲牛肉煲仔麵，沙嗲湯底都算幾濃郁，好多牛肉，麵底唔會煮得太淋，牛肉上面灑上蔥花都幾夾，最重要嘅係上菜熱辣辣，感覺好新鮮食物都算唔錯，不過坐得迫少少，但都可接受