榮豐生滾湯飯

营业中

休息中

我好少喺openrice寫食評，但呢間都真係數一數二差....叫咗個四餸麵，都成$65不過下午茶就八折，即$52，ok 料係幾多，但只係淥熟佢咁，成個麵係冇味嘅，好似食病人餐咁😂😂😂咁都算啦，諗住清清地一餐啦...點知! 食到中途飄來陣陣廁所味！！應該係隔離太近廁所.....其實不時有好多人出出入入，點知有埋味，我真係走都走唔切，仲要又係只收現金，食碗麵都要咁慘，抵你冇生意。下次請我都唔去食。🤮🤢

今次係第三次幫襯，前兩次都係食娃娃菜，所以冇發現有咁多蟲，今次諗住試下菜心苗，點知未食已發現有黑色物體喺湯面浮浮下，仲越撩越多，都唔知食唔食好😰最後都係夾起曬啲餸，唔要啲湯。食咁耐嘢第一次見到一碗嘢咁多蟲，究竟有冇洗過啲菜架，廚師唔會以為高温滾湯殺死曬啲蟲就冇事吖？成碗湯面都飄浮住啲蟲🫣🤮真心覺得佢啲嘢食都唔錯，幾清甜，但如有心做，就唔好因為少一個洗菜嘅步驟，越嚟越多負評，希望餐廳老細睇到可以改善下。

第一次幫襯呢間店但就絕對唔會有下一次！Lunch time第一次幫襯呢間舖頭，叫咗個三餸飯，其中一個菜係菜心。返到公司食完外賣之後先發現原個湯底都係浸滿菜蟲，真係好恐怖。個湯飯得過幾條菜都可以有咁多菜蟲浸滿成個湯底，可想而知有幾污糟，到底有冇洗過啲菜？真係好過份從來都唔會打食評，就算幾難食都唔會特登comment，但因為我係大肚婆食野要好小心，特登揀食湯飯想清淡d但估唔到會污糟到咁。因為d餸遮住左d湯搞到食完先睇到

見有自家製肉丸同魚肉丸就試一試不過魚肉丸入口有腥味，肉丸就似平時食既肉餅整左做丸，有期望落差娃娃菜湯好食好飲，因為都係食返原味，感覺健康啲，其他無咩特別，好普通既一餐

今日黎到觀塘試呢間名為榮豐生滾湯飯既湯飯，我覺得佢真係唔錯。佢嘅四餸湯飯係一定要試嘅，特別係豬潤、雞肉、自家製豬肉丸同娃娃菜。豬潤鮮嫩多汁，煮得岩岩好，唔會太老。雞肉多汁得黎都有味，而且夠大舊，唔會好似譚仔啲雞肉咁。自家製豬肉丸有口感，調味非常好，食得出入面撈左少量肥肉，食落有肉汁亦有少量油分，非常好。娃娃菜清脆又爽口，食得出十分新鮮。整體黎講，榮豐生滾湯飯係觀塘一間值得推介既湯飯店。想食得清淡絕對可以黎試下。

早兩個星期病左，想食d清淡d既野，感謝觀塘通同事搵到呢間好近做野地方既湯飯/米線小店🥹.✨四餸米線✨揀左豬潤、鯪魚球、白菜餃、勝瓜🌿一上枱，好！大！份！😳擔心會食唔晒？唔會，因為會好食到你食得晒😋☺️.✨鯪魚球好彈牙，真。手打先做到呢種效果，而且一d碎骨都無🐟豬潤好似隱約食到陣薑味🤔唔知係咪用薑汁醃過呢.✨白菜餃都似係人手包🥬🥟有成5粒，外皮唔算好薄，但粒粒都好多餡同實在🥰.✨另外仲食左同事叫既豬肉丸🐽好濃豬肉香味同好多肉汁！.✨雖然個樣平平無奇，甚至好頹，但每款食材都食得出小店既努力經營，唔怪得咁多人食同叫外賣啦❤️

近排有d熱氣，所以今餐食得清淡d🥲，後咗食生滾米線，叫咗3️⃣三餸 - 豬潤🐷、北菇雞🐔、 勝瓜🥒，配米線，見到佢新鮮即製，平日夜晚食唔算太多人，所以等咗一陣就上菜，豬潤都算新鮮，唔會淥過龍，但如果佢係厚切多少少就更加好🤪，北菇雞感覺有d似蒸飯果d北菇雞，雞件都大舊🤩，完全無骨，啖啖肉! 勝瓜-呢個菜ge份量都好多，啱曬平時少菜多肉ge打工仔! 而且湯底清甜🤤，飲曬都唔會口渴! 💦米線分開無湯上，但都唔會好乾痴埋一舊👍🏻如果減肥，可以走米線，因為食餸已經夠飽😂

本來是想去龍城，但友人說商場內也有不少美食，我們便找找看，一直行到尾轉角竟發現了一間生滾湯飯，很正宗很不錯的樣子。三餸可選烏冬或白飯，主菜兩款加一款蔬菜，選了鯪魚肉加豆腐還有絲瓜，滿滿的一碗餸，飯是另上的，枱面醬料不多，只有辣油及醬油，店員說可加醬油提昇味道，湯底十分清晰，一點味精也沒有，很健康，鯪魚肉有大約8粒，份量超足，十分彈牙，魚味濃郁，豆腐是布包豆腐，沾點醬油，豆香味更濃，絲瓜也是十分多呀，而且很新鮮。非常有驚喜，友人說豬肉丸一流，可惜我不吃豬😂😂下次要嘗嘗手工餃子👍🏻

今晚要返到觀塘OT，梗係要食返個有營養又健康嘅湯飯，先至有動力完成工作，我揀左彈牙鯪魚球，魚骨及鹹排骨調味，加埋蕃茄，湯底甜到爆，回味無窮，嗱嗱臨食完返去開工😄

朋友話我知响觀塘搵到一間食得有營又健康店舖就係响觀塘駿業街56號中海日昇中心地下L舖嘅🥬【榮豐生滾湯飯】🥬 我今晚放工就去食 dinner，入到去就招呼我坐底，重話我第一次來，🤩介绍我食＜ 手工餃子＞＜猪肉丸＞＜ 鯪魚球＞我今晚揀咗（四餸菜） 鯇魚腩白菜餃豆腐 菜心苗 白飯 $59蚊 白菜餃 餡料充足皮又煙韌 ，真係好好食呀鯇魚腩 🐟真係好新鮮 朋友果然冇介紹錯， 我一定會再嚟食， 又多菜又有魚食啱曬我 ，真係好新鮮呀，即叫即滾

🥬食得有營, 食得健康🥦朋友話我知， 觀塘駿業街（中海日升中心）開咗間叫做『榮豐生滾湯飯』，叫我一定要去試吓。今日放工去試咗食 Dinner，我大約 6點半去到已座滿人 。本應想叫（鯇魚腩＋魚骨)，點知話（魚骨）賣哂啦！咁我叫咗『2份鯇魚腩+芥菜』＋米線一大碗生滾鯇魚腩芥菜湯＋細碗米線真係好正，即叫即煮，新鮮滾熱辣。魚腩好新鮮，重要有好多菜，超滿足，好飽呀😍😍😍湯飯也是我家中最常的美食之一，又快又省時😋

我星期一至五放工，通常都會去『榮豐生滾』 食 Dinner。😁今日好忙 2 點先食 Lunch，咁就和同事去『榮豐生滾』試吓食下午茶🍜 。我叫咗🐷猪肉丸時菜烏冬 ，同事叫咗🥟韭菜餃時菜米線。🐷猪肉丸有 8 粒，猪肉丸係自家製，新鮮、彈牙、有肉汁 。🥟韭菜餃有 8 粒，韭菜餃都係自家製，每日人手包，新鮮、 餃子皮煙韌，好味。🥬時菜係菜心🍜一大碗，只糸$30蚊，真係平靚正😋😋😋😋😋😋😋😋😋😋😋😋😋猪肉丸時菜烏冬韭菜餃時菜米線

自從發現（榮豐生滾），基本上我每日放工都會去食晚餐。因為可以食到🥬好多菜＋🐟魚今晚本應想叫（🐟 鯇魚腩＋魚骨)，點知（魚骨）賣哂啦！😂我叫咗『🐟2份鯇魚腩+🥬芥菜』＋米線一大碗生滾鯇魚腩芥菜湯＋細碗米線🍜超滿足，好飽哦😋😋

在觀塘工作多年， 尋尋覓覓揾美食，畀我搵到一間做生滾湯飯嘅店舖，店舖2022.5月開張時叫（燦記），做了一個多月改名為🎉『榮豐』，💪🏻老闆親力親為，👍🏻由入貨去到烹調都係一手包辦🔪，食材新鮮🥬🍅🥦🥒🐟🐔🐷🐮🥟🍚。🥢店舖內的《🌶️ 辣椒油》《🏺 豉油》 都係老闆親手調配㗎，🤓我見好多客人都話🌶️🌶️辣椒油好好味😋， 重問有冇得賣添🌶️，🌶️只限店舖品嚐哦😂，我吾食辣所以未試過😉🥢食得健康🥬食得有營😋