榴槤屋甜品店 (已結業)

上次經過這兒見這羊肉飯好像很不錯, 心思思已想試, 早幾天再行經這, 那就買一個來頂心癮巴東羊肉飯($28) - 羊肉像腩位, 肥瘦肉相間, 邊位還帶薄膜, 肉質很嫩滑, 羶味不重應多數人都可接受. 初時聽巴東以為是辣主打, 但吃下卻另一回事. 羊肉汁下得不少, 用來送飯一流

繼續在港進行星洲美食之旅。趁又入將軍澳辦事, 有朋友介紹過這家榴槤屋的叻沙, 又來試下, 順便回味一下星洲風味。店在 food court內, 和旁邊其他幾家店都相當冷清, 這家相比來說也算多人光顧的了, 也有些放了學的學生來傾計做功課。老闆賣力地推介食品之際, 還要教阿仔做功課。店內還有星洲魚蛋河和撈麵等物, 但我今次專心一意, 只要了星加坡娘惹叻沙 + 西瓜蘆薈沙冰 ($28) 。但我對叻沙有點小失望了, 有魚片、豆卜、半隻烚蛋加少少青瓜絲, 樣子是不錯, 但最弊湯底偏淡, 不大夠辣, 而米粉也有點太軟趴趴的。還是我在星洲的土司工坊吃過的叻沙好吃得多了。西瓜蘆薈沙冰吃不到蘆薈, 可能跟西瓜混在一塊了, 很清涼的說。來得榴槤屋沒理由不吃點有榴槤的東西吧, 故再冒臭口之險吃了一個榴槤布丁($12), 其實冇咩榴槤味, 不過滑滑的 creamy 質感也頗討好。唔, 這店還是麻麻地, 不用特地來吃了。

見呢間既評語係呢個foodcourt來講係最好﹐所以就試一試。個老闆既服務幾好﹐好友禮貌。不段講佢地d野唔落味精同埋話佢地d羊係紐西蘭羊來既﹐唔會有 ‘so’味 - 所以本人最後叫左巴東羊肉飯﹐初初見到巴東兩個字以為會好辣﹐有d怕﹐但原來係一d都唔辣既。 味道唔係好差﹐但料就少左少少﹐得兩三舊肉﹐汁亦唔多。飯亦唔係好熱。餐附送飲品同凍糖水一碗。底唔底食就見人見智﹐因為質素唔係咁好。

日日放學同 同學去TKO中心既FOODCOURT食野 我經常都係去榴槤屋食 因為要飽肚 我食開 星州魚蛋河 同喇沙 2樣都幾ok 魚蛋河- 魚蛋 魚片好味 不過河粉就麻麻地 同埋d芽菜太多同唔新鮮 湯都幾ok 喇沙 - 湯底真係要讚一讚,湯底唔係太辣 ,好大既椰香味..個湯我可以比一百分呀!!!再加埋蝦等等 真係十分之好味..不過面太少 唔係咁夠食..不過 再加埋杯野飲真係好抵食 如果鍾意辣既話可以問佢拿辣椒油 加錢可換泡沫珍珠奶茶 楊枝甘露等等..價錢: 學生 $23 (須穿校服) 原價 $28

這裡的馬拉湯麵同叻沙都幾好食,而且都幾抵,一個麵(份量ok啦),一杯飲品(都幾大杯架)or罐裝飲品,仲有一碗糖水,有d就有杯"啫哩"都係$28,另外仲有咖哩飯餐,都係$28,都好好食架,而呢道d奶茶雖然茶味唔濃(可能呢d係新加坡式奶茶啩,因我去過新加坡d奶茶都係咁),但我就覺得好好飲!!不過呢道d海南雞飯就差d喇,其實雞同湯都幾好,不過d飯就硬d同唔係好夠味......而老闆就好主動介紹食品同幾好禮貌!!仲有呢道有好多唔同款的布甸;果凍同其他甜品,我就無試過,但我屋企人食過話ok,在這個商場無其他甜品店,呢道都可以係一個選擇!!總括除了海南雞飯d飯外,呢道都可以俾個笑佢嘅!!

3月17日下午去食了個椰香白汁雞扒意粉，$28 有杯凍蘋果/橙/西瓜蘆薈。可能真係無乜生意，有人行過時老闆都會極力推銷我嫌沒有想像中的濃椰味，但整體係無咩問題。會想再去試o下o的咖哩或喇沙

娘惹咖哩豬扒飯真係幾好!!d汁幾好味不過豬扒太少了!!!23蚊有野飲加一杯仔jelly都可以接受!服務態度真係好好既~

真係好難食!雞無味又肥又血!d飯又唔知想點!!!完全唔係海車雞飯!!!勁失望只係食d飯無食雞咁滯!!真係放唔入口囉d雞難食到!!!

魚片喇沙- 有兩塊魚片, 兩隻幾爽口既蝦, 同埋有我唔食既豆腐泡, 個湯底好重椰味, 另外仲落左D香草碎, 而粉就都幾滑秘制羊肉- 羊肉好酥, 不過就o岩我胃口, 羊肉炆得幾腍, 全腩位連膜, 中間有D肥膏加埋個汁好杰, 所以食完都幾漏腐皮卷- 有三塊, 腐皮內包有魚肉, 紫菜, 蟹柳, 麻麻地本來想比個"笑", 但朋友仔話唔好食, 咁就中和番比個"中立"啦

出左去CWB買野返到去都差唔多10點, 幾驚返到o黎無野食, 好彩上到去見仲未關門就立即買番個飯海南雞飯($35) - 翼位, 雞無味同唔算滑, 而附上既辣醬唔夠香, 要點另外既甜豉油先夠味個餐仲有例湯同飲品, 價錢唔貴, 但個雞整得真係唔係好得, 兼且同時間又買埋隔離既雞飯, 係有比較之下>_<" 無得避免

放假陪朋友仔入將軍澳整D野, 下午兩點幾都未食野, 見呢度都算企理同人唔多, 就係呢度買個下午茶餐老闆(我估)好熱情咁推介星洲魚蛋河($23), 無咩心水下就試下. 包心蟹粉丸同魚片各三粒/三片, 其中魚片都幾爽口. 湯有淡淡既魚味, 加左大量炸蒜片又幾香. 跟餐既蘋果蘆薈汁唔太甜, OK

一向對榴槤沒多大好感．．因為ｏｐｅｎｒｉｃｅ的關係得知樓下這間榴槤店大有來頭！今天溜了去試一試！感覺老闆人很好～＊推介了不少產品呢！最後我試了榴槤布甸（因為肚子不餓）真的很驚喜～！口感非常ｓｍｏｏｔｈ！而且榴槤味重而香！！加上價錢合理～下次一定要試其他產品！

ok, same like da person below i'm a Singaporean myself and after YEARS of trying to find some decent singaporean food i've ended up trying this store which to be honest is actually not that bad... unless you are singaporean or malay... the durian is not as fresh as i would like it to be but after all this hk we're talking about so i'll let it pass. the products here may seem very cool to some ppl but it is NOTHING as there are loads of durian specialising stores in singapore with much better qua

今天我和男友去將軍澳中心榴槤屋吃榴槤東西我想吃榴槤班戟,老闆話沒原來是換榴槤新產品,我feel榴槤東西少夠我算了擇榴槤多士$28/2件:見到多士太細,好像呃我~~記得廣告榴槤多士很大~~吃得榴槤多芋蓉多,很好味,我吃得不飽我想再吃,可惜我男友不讓我吃,因為榴槤東西價錢很貴榴槤飄香之前$18加$20很貴下次我會幫襯,我不是住將軍澳唉~~~

適逢中秋,致電此店訂了榴槤月餅,一來孝敬男友雙親,二來自己又可試新產品,月餅$128,一盒4個,月餅體積比一般冰皮稍大,餅皮用上斑蘭皮,口感卻不太討好,比較腍爛;餡料除榴槤外,亦加入蕃薯蓉,令味道沒那般甜膩,但同時掩蓋了榴槤的獨特濃香.以此店向來的出品來說,此乃敗筆之作!