榶意泰式粉麵

营业中

休息中

以前喺附近返工所以成日嚟，隔咗年幾兩年冇嚟過，返嚟再試，水準依然，第一次寫食評，照例牌嗌咗碗雜會金邊粉在家滷水鴨，包凍飲，成為$42。望落去成個碗面都係餸，好豐富，魚片和魚蛋質地都幾好，橙色嘅魚春卷和豆卜就冇乜特別，炸魚皮夠脆，豬紅都幾夠味，仲好彩有滷水鴨髀，不過金邊粉就硬咗啲，湯底都唔錯，有芽菜墊底，飲晒都唔會覺得好口渴，雖然味道唔係話好突出，不過咁嘅價錢，望落去又咁豐富，食落都覺得幾滿足，耐唔耐都可以返嚟再食返碗。

呢間泰式粉麵店已經開左好耐，我自己都食左六、七年👍🏻鋪頭開喺油塘中心，都唔算難搵，喺大本營近巴士站嗰邊嘅對面，過馬路之後再向前行，過埋嘉榮街就會見到嘉發商場架啦～鋪頭比較細，入面只有兩張檯，所以佢地通常會開檯喺走廊，而喺鋪頭斜對面亦都有位可以坐～嗰邊就舒服啲，呢邊就有風味啲～👆🏻基本嘅泰式粉麵、小食都有，譬如泰粉、豬頸肉、扎肉、生菜包、鳳爪等等👇🏻不過要留意！凍／熱奶茶都唔係泰式架😹只有凍啡、特飲係泰式～🐷豬頸肉泰粉👇🏻豬頸肉份量都幾多，唔會燒得太乾，幾香口而且都有啲肉汁～而金邊粉都幾有咬口，唔會冧pat pat～🍲雜燴泰粉👇🏻有魚蛋、魚片、魚皮、豬紅、蝦卷🥰五款餸～份量都唔少架(每樣三、四舊)😹同上面嗰碗豬頸肉泰係一樣價錢！33蚊！而且仲送飲品👍🏻所以有選擇困難症嘅可以揀呢款～蝦卷有機會可以試下，呢個唔多粉，幾足料👍🏻另外亦叫咗款小食(圖下右邊)👇🏻泰式鳳爪😋酸酸辣辣講真係幾開胃，而且又無骨😹唔會太un亦唔太辣～不過鳳爪份量比起出面啲餐廳就少啲，呢度比較多配料(番茄、蔥嗰啲)😹但街坊小店黎講，呢間係唔錯架～

習慣咗打算去邊區食！都會上OpenRice睇吓有咩好嘢推介！今次真係發現到間唔錯嘅小店話明係小店當然唔會响大型商場裡面因平時好少去油塘，都係跟OpenRice嘅Map去揾！其實位置都近大本營附近！但個商場真係唔好舊式

藍田有間喺街市打到出黎嘅泰粉，油塘都有間頗多人食嘅泰粉！榶意真係唔少野㗎，佢本來得一間舖位，做做下租埋對面一個吉舖淨比人坐，油塘中心個廣場多數係阿伯出沒捉下棋，但午餐時間就多左人來往，因為去食佢，仲要等下位咁。味道方面就正常啦，又唔覺好有泰國味，但又唔係唔好味，我就鍾意藍田果間多啲，有朋友就鍾意呢間多啲，真係睇口味，但呢間就平啲抵食啲囉，$32包一個餸！

本公子今次誠意推介，捐窿捐啦，精選店舖！🥰叫咗一個豬頸肉咸肉泰粉（即係金邊粉）！仲有一碟炸蝦餅！！！湯粉真係幾好食😋！個鹹肉放到入口都仲係脆既！豬頸肉唔會切得太厚身👍🏻湯粉亦都唔會冧到一堆野咁，相信呢個就係即叫即煮嘅好處！值得一提嘅係個鹹肉係佢哋自家製嘅！！！！！ （味道同個賣相有啲似燒肉）又脆又咸咸地咁既豬🤪🤪價錢亦都好抵☺️！！！份炸蝦餅啲炸粉一啲都唔厚！好難得！同時亦都幾爽口！ 仲要熱辣辣！結論：呢啲細鋪值得支持！！！

脆皮米線🍜豬雜河粉😍其實依間餐廳有少少神秘，係油塘中心地下，唔係朋友帶路都難搵既😂首先一比人感覺係好地道既，另外每張台都準備左好多Thai source即魚露、辣椒油等等！脆皮米線既脆皮其實即係燒肉，皮脆肉淋，而且米線份量都足夠！湯就加少少辣粉正d! 不過我都好鍾意本身個湯既，清清地少少胡椒味！再講一下豬雜河粉，有豬紅、豬扒、豬肉仔等，仲有炸魚皮架！個人鍾意米線多d，河粉吸水快就適合食得快既人喇😀😀😃

很多人說馬鞍山是一個美食沙漠, 其實油塘才算是呢! 除了去三家村食海鮮外, 基本上都是連鎖店, 又或是茶記, 選擇比馬鞍山更少. 不過沙漠中總有一點點綠洲, 例如是這家, 主打的是泰式粉面. 她的泰粉口感和外表也似金邊粉, 配料則像車仔麵般自由選擇, 雜錦有魚蛋 魚片, 豆腐和豬血, 而招牌鹹肉則是燒肉, 很有曼谷的街頭風味.

出發去行魔鬼山，於是專登去油塘食呢個泰粉，聽聞幾有泰式風味。地點都幾隱蔽，但都唔算難搵。原來都幾多人食，叫做等咗一張枱就有位，餐牌上的食物種類唔算多，因為佢淨係專注估做泰國船麵吖嘛。👉🏻 豬頸肉泰粉，豬頸肉都幾難唔好食👉🏻 香茅豬扒泰粉，其實即係炸豬扒，而且沒有香茅味👉🏻 湯底原來無乜特別, 可能要自己加好多調味先至有泰國風味

適逢星期日，商場到處都是人，反正大店一般不想吃，不妨到附近，或是更美好的邂逅。想食粉麵，假如此店關門，我就會去吃潮洲粉，還好店有營業。點了泰粉，雞肉要脾。首先說雞肉，以生熟度來說，是合格的，但肉質偏靱，我相信是浸煮溫度太高，將肉拉緊了所致，雞是冰鮮雞。泰粉，就是金邊粉，香港一般食到的是乾粉，其實就像河粉，但比較爽實，與河粉是不同的口感，粉是煮得尚可。湯底是胡椒味精豉油湯，比較口渴。附上的豬紅有味又爽口，本來想叫淨豬紅，看來貨不夠賣，所以不能單點。又點了小食蝦餅，是敗筆。首先是翻炸嘢，而且是切開才炸，所以可見到切口都凹進去了，乾是必然的。調味雞粉鹽糖，生粉下太多，沒有本身實彈口感。配醬是泰雞醬。整體而言，質素下降了。其實此店我已來過兩三遍，今天質素確有點失望，但回憶價錢，如此都不過八九十元，已算小見。

。油塘站一間泰式小店雖然環境好似大排檔咁 不過小店經營多年 係泰國人開味道都好地道，食完好似以為自己身處於泰國 而且價錢超值$30-$40一碗 我地仲試左豬紅，好好味吾係假豬紅黎既，另外佢既雞亦好出色 吾似平時街市買既雞咁淋佢啲肉好結實，話你知店鋪仲有得打去訂生雞服務😋👍🏻佢仲有個蝦餅都好正，今次無試到而滷水鴨都好出色 好入味，雜派既魚旦都好彈👍🏻。👩🏻‍🍳👨🏻‍🍳Chef推薦8/10🌟地址 榶意泰式粉麵 (油塘)油塘嘉榮街2-4號油塘中心嘉發廣場6-7號舖營業時間8:00am-9:00pm

朋友帶咗我哋嚟油塘呢間佢返工放飯成日嚟食嘅餐廳，話啲泰粉好好味，但因為我想食飯嘅關係，就叫咗海南雞飯同埋鴨肉飯喺呢度嘅飯幾特別 會配幾舊豬紅俾你豬紅好入味好好味👍🏻但啲肉就麻麻地雞肉冇去骨 食得冇咁爽 而且會痴牙我哋叫咗兩碟雞飯一碟係雞髀一碟係雞胸肉肉嘅份量唔多 而且唔夠味 但點左佢個醬就夠味好多 個醬味道甜甜地👍🏻鴨肉都係唔夠味 雖然係鴨脾 但唔肥 好細隻唔夠肉 我就覺得麻麻地了油飯唔係好濕潤個種 但有椰香 我幾中意凍咖啡同奶茶都過甜 但朋友就好中意飲我就覺得咖啡甜到咖啡味都冇埋😅可能真係泰式粉面比較出色 飯真心一般般

每次都油塘都一定要去食海南雞飯 雖然地方有點偏僻 亦不容易找 但是食物質素非常高 價錢與品質成正比 所以我們經常特意搭車去食這次我們叫了一個海南雞飯 和一個炸蝦餅 海南雞飯大概50幾蚊 炸蝦餅一共有三塊 炸得非常爽脆香口 配上泰式辣醬，實在忍唔住再叫多一份。海南雞飯分量十足，豬紅亦都好好食，配有特色嘅醬料，淨係醬都可以食晒成碗飯，成餐埋單每人都係70$，但係有一種去咗泰國食正宗海南雞飯嘅感覺，雖然店舖裝修普通，但係味道實在令人返尋味。

朋友帶了我來油塘的一間隱世小店。主打泰式粉麵和小食。一試原來真的有驚喜，比出面得獎的車仔麵好味好多，尤其是佢地特色的茄汁雜會粉，可選米粉，河粉，泰粉⋯ 茄汁酸酸辣辣的，十分開胃，配料也很多。

不得不説呢間真係好吃既 身為油塘友之推介！ ！首先 面底河粉泰粉都好吃加！ ！餸就吃豬扒 記得另上！ ！ ！但人太多就未必幫到你另上！ ！海南雞都好吃！ ！ ！但佢唔係去骨既！ ！但都超正 最特別係得海南雞先得豬紅送埋俾你吃而豬頸肉就唔推了！多人吃既話 蝦餠都唔錯加 46蚊有6舊！飲品就 星期一至星期五 1點至6點有野飲送記得飲 紫貝天葵！ ！超好飲仲要唔甜！所以超推！ ！總之底吃夾大件但係環境就差d既！做街坊生意！

話說到左下午茶時間，個人感覺好無力，好虛。 原來係肚餓作怪！ 但作為窮困的月光一族，每一個決定都要精打細算。 第一時間令我想起呢間泰粉店，因為它味道同份量都好足！座落於嘉發商場，鄰近油塘馬會呢間泰粉店係醫肚既不二之選。適逢佢做緊下午茶優，在18:00前光顧會贈送一杯飲品（特飲除外）。 我個人喜歡叫兩個餸，加個麵底（麵幾受歡迎）。 今次我叫左個雜會（有蝦卷、炸魚皮、豬紅，魚蛋、魚片），內容豐富。 另外再加個炸豬排（貪佢夠大份，同埋味道不錯）。另外，佢有提供辣粉、辣椒魚露、酸汁供人調味。 個人黎講，每次都會落晒三樣去調味（有少少不受控）。溫提：假日下午時間光顧，每每都無乜位。