樂天冰室 (香港紗廠工業大廈)

营业中

休息中

午餐繁忙時間，是但搵個就腳嘅地方食晏，就入左去午餐：西冷牛扒拼豬扒，黑椒汁 $ 60包湯包茶，抵食👍囉然兩塊扒都咁薄，不過煎得幾好，配薯菜就更加驚喜，居然比個原個焗薯你，雖非西餐咁正，係咁上下啦鰻魚炒飯 $ 65微甜，調味到位，炒飯粒粒分明，唔會爛飯咁淋，鰻魚量都多嘅揚州炒飯 $ 60份量大碟，配料落足，同酒樓有得fight

成日食飯時間就勁多人排隊，2人去坐4人卡位都要各坐一邊，空間感很迫，建議都係3-4人先好去呢間~$70焗芝士咖喱雞扒飯$70焗芝士咖喱牛脷飯熱飲加$3荔枝角來說茶記都叫貴價🧐咖喱係辣辣地重口味，多汁既，炒飯底，雞扒唔會話好鞋個隻，熱上，牛脷夠軟林，容易處理~我見都好多人食焗飯，而且比想飲中快上枱！下午茶有另外餐牌，都可以再試！

喺荔枝角咁耐，聽過唔少餐廳大名，但就真係未必食過晒，呢間樂天對正條大馬路，基本上大大個招牌連對面巴士站都望得清清楚楚，無論朝早定晏晝都一定有長長人龍排隊。之前一早就望過menu睇中XO醬豬頸肉炒河，但入到黎見到是日午餐有咕嚕肉、白汁魚柳焗飯之類，睇字就吸引，但望望周圍，個咕嚕肉啲汁螢光到嚇死人，同頹飯無分別，我就諗呢度逢係例餐嘅嘢應該都唔會有心機整，所以最後考慮咗十幾分鐘，都係叫返XO醬豬頸肉炒河😅好彩冇信錯自己直覺，雖然河粉係好油，咁正常度度乾炒牛肉都係油架啦，但啲豬頸肉真係入晒XO醬濃味，真真正正咸香惹味，不停咀爵都仲食到濃味，唔會話咬幾啖已經冇晒味食擦膠咁。不過，我相信呢度唔會大部分野都合格，真係要小心衡量、推敲同睇食評先唔會中伏（因為簡單如沙嗲豬頸肉麵常餐，啲所謂沙嗲已經少到喊，同其他茶記完全無得比，但又貴過人地，咁可能基於作為配菜嘅炒蛋係來自日本掛）

作為一個打工仔Lunch嘅時候爭分奪秒快上餐而又好食嘅餐廳真係唔多荔枝角嘅樂天冰室正好係我嘅不二之選餐牌上款式繁多每次諗食咩都好苦惱今次我就叫咁個精選午餐扒餐嚟講63蚊連湯同凍飲真係算抵何況質素都可接受食物嚟到仲熱嘅快靚正食到Lam Lam 脷

長沙灣搵食，朝頭早要飲杯嘢先至精神，所以就嚟呢度嘆個靚早餐，順便搵搵美味嘅奶茶。呢排發現好多新派嘅茶餐廳，呢一間價錢都相當便宜，不過佢就只收現金不收八達通，可能因為咁，所以價錢較便宜。點咗佢餐牌所講嘅沙嗲麵，但略嫌有些鹹，牛肉入味。反而欣賞奶茶，比較香滑。

最近幾乎每日早晚都食樂天😆佢嘅全日早餐非常有誠意，巨型魚柳，黑松露炒蛋係我嘅至愛😋加埋杯茶走🧋無敵大滿足，可以last 到下午5pm，適合工作Non stop嘅我，呢度最出名嘅星洲炒米，淡香咖哩味而不辣，好足料，一碗炒米出現十幾隻蝦仁，湯飯都好好味扒餐又好好味😋員工都好醒目 食物有質素有水準，推薦畀大家👍🏼😎

去到荔枝角嘆下午茶,見到呢間茶記都幾新淨,入去試吓,叫咗豬扒包拼蛋沙律,飲凍檸茶,豬扒包料唔少,豬扒唔乾身,加埋生菜,菠蘿配料,食落冇咁油膩,埋單$43都算可以接受啦!

無牛筋唔緊要, 咁都唔好比d 肥豬膏當牛筋呀! 貌似牛筋但一咬落去却是滿口肥豬膏.. 还好個咖哩汁幾好味..如果唔係我就係剩食白飯了.. 總括無下次. 唔知有無人有此經驗呢！

今次係第二次嚟食，上次食過覺得好味，但無點紅豆冰，之後見到隔離枱杯紅豆冰好吸引，所以再嚟食😄上次都係星期日，因為要去元朗要轉車，所以過嚟呢頭食晏，估唔到星期日嘅工商區，呢間餐廳中午都咁多人，12點40分嚟到已要等位，好彩餐廳夠大，等一陣就入得，雖然我哋得兩個人，都獲配卡位，坐得舒舒服服👍🏻⭕️ 紅豆冰一人一杯紅豆冰，大大杯，好滿足，奶夠多，紅豆夠稔，甜度同冰嘅份量都適中，咁大杯都飲清，好味😋⭕️ 公司三文治有用心整，方包烘到金黃色，午餐肉煎得夠香，生菜同蕃茄都新鮮夠爽，如果多啲牛油仲正，滿意收貨😊⭕️ 焗牛脷飯有4大塊牛脷，唔羶夠稔，飯底有炒唔濕，蕃茄汁甜酸剛好，好開胃。作為一間茶記，已經非常稱職，如果唔係點會星期日工商區都要排隊？附近其他茶餐廳都無滿座。走時見到其他人食嘅午餐，焗芝士西蘭花海蝦球飯，見到啲蝦都幾大隻，而咕嚕肉飯係一碟咕嚕肉+一碗白飯，碟咕嚕肉都幾多，抵食，下次再去試其他嘢食先，不過要再早少少去，否則就要排隊。

我自己本身食飽嘢，但個女突然間話肚餓要食沙嗲牛肉麵😝唔算太差嘅沙嗲牛肉麵，但係我鍾意佢嘅牛油多士多啲，因為我個女食完個面已經飽晒其他嘢我跟手尾😝好在煎蛋同多士都唔差本身飽嘅我都食得落😂😂

果日去荔枝角打算隨便食間茶餐廳，離遠就已經見到呢間樂天冰室，門口仲有好多睇落好好食嘅麵包，見入面都多人食就直接入咗去。———————————————🌟全日早餐 $54全日早餐本身包含炸魚柳、丹麥多士、香腸同黑松露蛋，以及一杯飲品。食物全部都啱啱整起，每樣都熱辣辣提升咗食個餐嘅吸引力。特別想讚嘅係佢嘅黑松露炒蛋，聞落非常香，食落好有黑松露味。其次佢嘅丹麥多士都非常出色手，加試已溶牛油，非常香脆。.🔶整體評價🔶其實呢個價錢已經算係唔錯，餐廳內部裝修亦都幾靚，位置亦有好多，如果茶記嚟講都算係幾唔錯嘅體驗！.🔸味道：5/10🔸環境：6/10🔸服務：7/10🔸打卡指數：3/10———————————————🍽️樂天冰室(荔枝角)📍荔枝角長沙灣道808號香港紗廠工業大廈1及2期地下C2B號舖———————————————

一入去餐牌都未睇，即刻問食乜嘢，我哋話睇吓先轉頭搵你落單，點知伙記就話「唔知自己食咩就走黎」其實我哋連餐牌都未睇，我哋又點會知有咩嘢食呢？這樣都算，飲品同食物上枱時，半隻手指浸喺湯度😤，我哋反映比佢哋聽，最離譜答返我哋「茶餐廳係咁，呢度唔係高級酒店」到第二日有另外一個同事去出邊買包，出面收銀同夾包嗰兩位姐姐串到核爆，其實依家$100都好普遍，買三個包都經已$30，找$70都要俾人話買包冇散子😮‍💨希望真正俾錢出嚟開依間舖嘅老闆睇到我哋嘅留言會反思，點解生意越嚟越差。最後大家入去之前「三思」，無謂又要俾錢又要受氣😤😤😤

今晚本想叫外賣，打電話過去是位女子接，因我既要用手機講電話，又要用電話看openrice餐牌，所以較慢。但這位女子已不斷叫：講喇!!! 跟著當我準備叫第二個餐時，佢已狂叫：唔好講住，然後連線也收了。大家都係搵食啫，無需要這種態度服務客人。大家如沒必要，不要貼錢買難受。

今時今日嘅服務態度咁樣係唔得㗎，無論樓面、出面賣包嘅姐姐，態度非常惡劣，從未試過有咁差嘅茶記。唔想做其實大家可以返屋企坐下，唔使出嚟俾面色人哋睇。我哋作為消費者，其實我哋仲有好多選擇㗎。本以為態度差，嘢食應該可以補救佢哋嘅不足，點知不外如是。價錢方面，收足中高檔路線價錢，食物可以涷上，最離譜係同佢地反映，佢哋好似全部人當睇你唔到，采你都傻。整體而言，味道1，價錢1，服務態度0 （真係1分都比唔落手）

早晨只想買個麵包食下，去到鋪頭外賣麵包位置，揀完之 順道叫埋杯奶茶，阿姐已經口黑面黑，只係問一聲奶茶入去等嘛？佢就話奶茶都要時間，我回應佢我只係想知呢度等定係響入面舖頭等啫！入到鋪面，入到見到有個阿姐都係問聲佢，佢唔睬我，跟住轉頭攞住個餐又叫我借借，然後就同我講包要時間（因為張單咁寫我反應佢以為我等包），我係要奶茶，佢就再答我包好就會畀你，講嘢已經一舊舊仲要服務太差，諗住一次服務差都算，再去再去都係差，真係頂你呢間舖頭唔順。😠正一垃圾般服務。