樂天冰室 (香港紗廠工業大廈)

营业中

休息中

荔枝角樂天餐廳，可算是我和太太的飯堂，尤其是最愛它的咖喱汁！今日又去咗食咖喱豬扒飯，豬扒份量非常多 ，椰汁咖喱非常香濃，但味道一點也不咸，每次來到必吃！另外，我哋仲叫咗一個lunch set~洋蔥豬扒飯配中湯，連兩杯飲品，都係$130，真係平靚正😋👍

鄰近地鐵站幾個冰室的而且確係一個方便嘅不錯的選擇午餐來講價錢唔算好貴，但一定唔係平試咗佢個冬陰功海南雞金邊粉湯底唔辣，味道可以，值得一讚係佢哋可能雞10分嫩整體嚟講係一個好有下次嘅的冰室

同事突然萬歲，於是便叫了樂天冰室嘅下午茶。優閒下午茶餐～～脆皮生炸雞脾配薯仔蛋沙律 $42雞脾大大隻，金黃香脆脆炸雞中翼配薯仔蛋沙律 $42雞翼同樣炸得香脆可口跟餐送咖啡或茶，凍飲加$3，特飲加$6，如果轉招牌紅豆冰都係加$3咋

未入去食就先喺門口受氣！有位扮ceo 嘅伙記，以為自己做堂堂大西餐廳，又高姿態又惡態度，真係不知所謂。咁離譜嘅態度已經唔係一次兩次，我已經忍咗多時先落 comment，大家小心！

今時今日，要數開到一街都是的非茶記冰室莫屬！每一間都標榜著沙牛丁麵、港式奶茶之類，其實都是萬變不離其中，大同小異的東西。要從當中找到一間真正好食又抵食的亦非易事一宗！搵食期間，更少不免有中伏的慘痛經歷，剛剛正好就中了一次⋯⋯聽同事說這裡的食物不錯，服務就不敢恭維，因此在一次眾人叫外賣的日子，小人特意搭單，順道叫了一客XO醬豬頸肉炒河。打開盒子，喜見勁大碟，第一印象是上佳的。豬頸肉啖啖肉理應好爽口，同時用XO醬炒應該是非常之惹味的！無奈的是現實中豬頸肉一片大一片小、一條長一條短，肉質過軟、好像下了很多鬆肉粉，卻竟然又帶點靭，用XO醬來炒的結論是極度的鹹！河粉算是有鑊氣，以豉油調味，但是超級無敵油到無朋友！可以用好滑來形容，但每食一口都好像食了幾口油一樣，真是油得好有誠意。不出所料，食完之後，整個盒底是泛著一層的油⋯⋯

之前有同事和朋友也推薦過這間冰室不錯這次叫了他們的外賣叫了個泰式無骨海南雞🫰雞很不錯很嫩 最愛無骨了🩷外賣也比想像中快 因為是星期日 下午時間我想大約等了25分鐘

我很遺憾地要說，我們在這家餐廳的體驗非常糟糕。首先，收銀員的態度非常惡劣，他們拒收了我們手中的5亳子硬幣(只有兩個，其他都是紙幣)，這使我們非常不滿。根據硬幣條例，商戶應該接受所有法定貨幣，而這家餐廳的做法已經違反了這一法律。當我們終於收到點的外賣柚子骨時，卻發現裡面只有麵粉皮，基本上沒有肉！這讓我們感到非常失望。作為一家餐廳，提供高質量的食品和良好的服務是至關重要的，但這家餐廳卻沒有做到。綜上所述，我們對這家餐廳的體驗非常失望。收銀員的態度讓我們感到非常不滿，而菜品的質量也完全不符合我們的期望。我們不會再來這家餐廳了，並建議其他消費者在去之前謹慎考慮。不會再去！

今早一行4人嚟食早餐，安排坐卡位，同行友人都曾經幫襯過，對呢間餐廳意見兩極化，一個話服務無咩問題唔太差，一個就曾經問收銀順便唱散紙而遭到不禮貌對待。但我聽到兩位意見之前，已經領教到樓面侍應嘅不禮貌對待😒話說我哋4個人坐卡位，而我郁咗個大背囊🎒所以問其中一個女侍應可唔可以比張凳我放背囊，我講咗兩次但呢個中年女侍應唔知係唔想理定抑或理解唔到，好唔耐煩咁叫咗另一個較年輕嘅女侍應「招呼」我。我再重複一次我嘅訴求，第二個女侍應又係串串共咁話走廊窄，加上有手推車出入，唔可以擺凳喺度放袋。佢咁講，我仲可以點吖？！🤷🏻‍♀️為咗比各位了解條走廊有幾咁窄，所以我影低咗。如圖所示，目測條走廊闊度連唧車、卡板都過到，但竟然擺張凳喺度會影響手推車出入，我真係長知識🤔茶記嚟講，呢間都係我食過樓面侍應態度最惡劣嘅一間，裝修幾好、食物幾好、價錢幾平都無用！呢個價錢同食物質素大把選擇！無謂食個茶餐都要貼錢買難受！

話說今日OT完,諗住食近近安樂茶飯,走入間餐廳內已經冇人理會過...😑見到餐廳晚飯時間,都係坐8成滿,分明仲有多卡位（4人坐）、大長枱剩.我去咗其中一個卡位坐,落完單幾分鐘後,突然有個束紅髮辮女人（員工）走過黎,嗌我坐番其他長枱位,話佢因為我放唔到（大）卡位俾人！🙄吓！我直出直入餐廳冇人理過,你依家話我阻住你！😡你餐廳大把一兩位都坐卡位la!你餐廳咁大話我阻你,唔係我落咗單我實走人！大家慎重考慮la,要講茶記係咁態度嘅,你可以繼續消費🤡但附近大把餐廳lo!

位置於荔枝角地鐵站B出口, 非常方便，每早經過都見到排滿滿人龍，等買新鮮出爐早餐包一出地鐵就見到餐廳 玻璃橱窗內，放滿出爐麵包，蛋撻，雞批上次堂食試過早餐，有湯粉，炒蛋，多士餐包，＄38 份量質素都滿意今次再來試試下午茶，點了一個熱狗皇茶餐，麵包同醬汁質素都幾好，下次可以試其他餐廳只收現金

行到好攰決定要食啲肉補充下體力 又想食港式嘢因為時間關係已經無咩餐廳開咁岩就見到呢間有鐵板好吸引咁就入左去食 以呢個價錢又包西湯餐包黎講 食落都算吾錯 肉質吾算太腍 配菜都幾豐富

呢間樂天態度極其惡劣，如果想比錢受氣食飯，大家可以去試下！明明裡面大把台都唔入客，都要客人係出面排曬長龍。樓面啲人一個態度差過一個，我有入客問題想問，點知黎個男人唔係想解決問題，而係撩交打，甘樣既待人態度去做生意執得啦，之前去幫襯覺得入客快食物唔差，點知宜家做做越差，我帶住小朋友去，比果個男人都嚇到呆左係度，真唔知貴公司係咪搵啲打手返黎趕客囖，定係貴公司就係認同呢啲手法去招呼客人？只係想問清楚，點知就比貴公司員工兇返轉頭，永久black list

本來話去勿當奴，但老友比較敏感，所以吾肯去，最後去左樂天。3點左右去到，一入門口，真系覺得大，就系咁多，其他服務覺得比較差。- 無人得閒理你，大部分座位都有客人或者未執，- 到執檯果個啊叔埋來就大聲話叫你起身比佢執完先。- 之後其他人執檯或者送餐上檯都好似拆樓咁。- 好似大部分餐廳，現在侍應都戴口罩，但哩間一系就戴系下巴，一個啊姐就要拉低口罩大聲同隔兩排的同事講野。食物方面-乾炒牛河（$47）2分 睇相見到幾大幾多塊牛肉，吾使我形容，河粉都算炒得有鑊氣，味道都正常。- 乾炒豬扒公仔麵（$47）3分 豬扒數量算幾多，公仔麵都幾彈口，系鹹左小小。

果日叫左紅咖喱海蝦球焗飯，首先係用咗炒飯底，呢點唔錯😛😛咖喱汁偏辣同咸，略嫌太重口味，即使我本身都係重口味人士。而蝦球口感彈牙，但味道只有咸味，比醬汁更咸。呢一點需要改善，而配料有茄子，有油炸過，配搭有啲奇怪不過可以接受。

中午時分好多人排隊 但因為餐廳都好大地方好多座位 唔使等好耐就有位, 裝修都不錯！精選午餐 A積臣忌廉湯每日嘅是日餐湯佢都有一個好搞鬼嘅名今次是日餐湯係 積臣忌廉湯入面有火腿絲 洋蔥絲 味道濃厚 不錯紐西蘭肉眼扒金銀蒜燒汁配意粉金銀蒜燒汁夠多 幾香有蒜味肉眼扒 唔太韌 分量適中意粉 不過不失凍檸茶 叫了少冰少甜 , 但都係太甜總結- 可能因為人流多所以好似上戰場一樣！上餐速度快！- 不收八達通,只收現金！- 店員很健談, 係返工午市飯堂之一