樂天冰室 (幸運工業大廈)

营业中

休息中

食過幾次樂天冰室，覺得真係唔錯。 今次就試下全日早餐$43， 芝士咖哩焗雞皇飯$55， 凍奶茶$3。 🔵全日早餐有黑松露蘑菇炒蛋拼法蘭克福腸、 香煎煙肉＆蒜蓉多士， 黑松露蘑菇炒蛋有濃厚的黑松露香， 炒蛋香滑， 法蘭克福腸脆皮好味， 煎得好香的煙肉， 入口即化的油脂， 蒜蓉多士厚切有口感， 再嘆番杯茶走， 簡直是完美的一餐。 🔵芝士咖哩焗雞皇飯也不錯， 香濃的芝士令到整個飯非常好味， 再配上濃郁的咖哩香， 份量亦很多。 凍奶茶味道反而一般， 濃一點會比較好。自從樂天冰室在觀塘開了之後， 也是我經常會來的飯堂啊！😉

早上過觀塘工作，試間新茶記室內多卡位，座位闊落，茶記黎講都算座得舒適要左個C餐$32奶茶夠熱及有茶味，算是我杯茶啦炒蛋夠滑又有蛋味雪菜米，米粉幼細，但雪菜偏辣及味道太淡整體而言還算可以的

今天走過觀塘鴻圖道， 見到有間新開的餐廳叫樂天冰室， 當然要入去試下新野啦！ 餐廳環境很闊落， 我們坐卡位也很舒適。先試試這裏的常餐C $47（牛腩牛尾湯螺絲粉 & 配火腿嫩滑炒蛋、牛油多士，凍奶茶跟餐$3 ），再點一個廈門炒米$50， 熱阿華田跟餐$3牛腩牛尾湯螺絲粉～ 足料呀！ 有牛腩、蕃茄＆薯仔， 如果牛尾湯可以再濃郁些就更加好。火腿嫩滑炒蛋、牛油多士～ 炒蛋真係超級嫩滑， 牛油溶入多士裏， 好好味㗎！廈門炒米～ 炒得很乾身， 有火腿絲、叉燒、 韭菜、蔥＆蝦仁，最重要還有五柳菜，米粉甜酸軟滑，正！熱阿華田～ 好耐冇飲阿華田， 平時好多茶餐廳做的阿華田都比較淡味， 這裏做得很好， 非常香濃！凍奶茶～ 奶茶有水準， 茶香奶滑。觀塘鴻圖道又多一間有質素的冰室， 在觀塘上班的人真是很幸福啊！

地方整洁，員工制服醒目 ! 食物質素不俗，服务態度正面。唯開業只有一个月，耐力待考验。特别推介其西式煮意： 欖油蒜香珍寶帶子意粉，帶子用料上乘，意粉食落彈，颇有正宗意大利 餐廳feel，值得推薦。

連咀尖到爆嘅腦細都邊食邊讚！經過呢頭唔多起眼的新冰室，但晚餐小炒樣樣有，試過晚餐好食過龍城後，試下個下午茶！估唔到連普通47蚊的下午茶都咁用心咁有水準，選用日本蛋食荷包蛋放心外，連個包都好吃牛油質數好，個面係牛尾湯有料有肉有水準，食唔到咩味精，連湯佢都飲埋少有！我就叫左份吉烈魚柳配蛋沙律叫杯招牌紅豆冰襯下！魚柳炸得好透無雪味，千島醬好夠多，連生菜都脆口的，而且包都選得靚好軟孰！沙律唔係一般茶記的舊式罐頭野，真心混過蛋醬沙律，冰火配埋個包清清個口真係無晒罪惡感！杯紅豆冰同奶茶都好有心機，茶香味滑！以後呢到早午晚餐都可以做食堂唔使周圍揾食了

最近在附近見到呢間新開的茶餐廳，想試吓新口味，於是入去試吓。入到去地方都幾闊落，睇餐牌選擇都幾多，有全日早餐，又有小菜(觀塘工業區附近夜晚的茶餐廳都無小菜食，通常都係常餐同埋炒粉麵飯)，所以今次就點咗兩個小菜，分別係蜜椒薯仔牛柳粒同茄子魚塊煲試吓。先講個牛柳粒先，啲薯仔表面有層蜜糖，脆得嚟又甜甜哋，幾好食。而啲牛柳粒都唔韌，個表面都有煎香到，食落去幾惹味。呢味小菜唔多地方有，食落口感唔錯。至於個茄子魚塊煲，味道就同大部份餐廳一樣(呢個菜無咩特別，同埋都幾難煮得難食)，不過都有幾多魚，有成差唔多7-8嚿(通常一般都係得5、6嚿)。整體嚟講呢間茶記都唔錯，同埋睇餐牌見到全日早餐有熱香餅，下次再嚟試過。

因為工作關係經常會來臨觀塘 , 迫挾的街道充斥著營營役役的一眾打工仔自然經常四處覓食造就了興盛的觀塘工業區一帶各類餐室應運而生此樂天冰室建於一工廈地下 , 開了大約不足一個月 , 上手也是經營餐廳的平價飯堂餐廳全新開張環境自然不會太差 , 明亮光猛又乾淨 , 惟冷氣開得太勁餐牌選擇眾多 , 晚市小炒小菜價錢亦比一般大排檔便宜 , 但不知小菜份量及味道如何 , 下次有機會可一試今次叫的是海皇福建炒飯$60 + 熱朱古力 $3份量充足 , 一般女士一定夠飽蟹柳,冬菇,蝦,鮮魷,肉碎 等材料亦足 , 茨汁打得不錯 , 飯有炒底, 不似一般求其的飯堂以白飯蒙混過關新鮮炒起 , 鑊氣十足 , 總質素有80/100分朱古力好濃 , 亦不似其他不用心餐廳溝過多的水慳皮因這一帶港式茶記林立 , 要佔一蓆實屬難事 , 希望可保持水準