樂天小廚

营业中

休息中

酸辣肉碎味道太鹹𥚃面啲酸菜可能太大塊入口完全唔舒服 塊豬扒太硬同太乾 完全係冇誠意 飯餐嘅選擇𥚃面 雞扒算係最正常 但係都唔夠味 最嚴重嘅係杯凍檸茶 冇檸檬味 個茶底又難飲真係只此一次

其實最吸引只係得奶油豬，其他野食都唔係好食，好多餐廳既野食都好食過佢，佢d面既湯底淡而無味，好似清水甘，除非叫酸菜什醬至叫有d味，但好似好孤寒甘，只係俾少少醬，個面有2樣餸揀，但原來揀豬扒又要加錢。。。其他餐廳叫豬扒麵個豬扒都唔使另外加錢啦。。叫餐有個餐包，d牛油只有一點，唔係少少甘解，係真係一點！ 粒鼻屎仲大粒過d牛油。。個餐都唔平。。大概$40！杯凍檸茶只係俾幾粒冰，原來加冰都要加$2 。。置樂附近好多小店起碼有良心，甘既價錢都會俾反正常份量朋友叫沙爹牛肉包，叫切一半，個老闆都唔肯切，就甘俾個餐刀叫我朋友自己切，講真切一刀有幾難。。。加上個老闆服務態度非常惡劣。。食過幾次之後都唔會再去食一個字 ： 劣！

屯門早餐精選,必食嘅梗係樂天小厨的奶油豬包，個包睇落去冇咩特別，但囉上手熱辣辣,香頻頻嘅奶油味,咬落去入口鬆化香脆，啲奶油到從嗰包到流哂出嚟包到流出來之後可以試下集醬公仔麵，湯底味道好特別,唔似喺一般嘅快餐店嘅湯底,而且雜醬肉喺秘製的好開胃👍👍之後可以試埋佢地個香茅豬扒,大大件好抵食,豬扒好淋同好入味再配買杯檸蜜就超正啦~雖然地方比較淺窄,但老闆娘好好人，而且價錢好優惠,大件夾抵食一定食得飽!

今日中午收工，吾知食咩好，醒起上次朋友話依開樂天小廚嘅豬仔包好出名，咁就過尼試下啦平時經過都見到吾少街坊坐係店面出面，有傾有笑，一睇就知食開嘅熟客仔，店面吾起眼，有特別靚嘅門面，但圍住咁多人，就一定有佢吸引之處啦今日叫左個常餐，普普通通，腸仔煎蛋，配五香肉丁米粉味道都冇咩特別，都係普通茶餐嘅味道啦～但我想試佢個豬仔包，所以加左3蚊，將餐包轉左迷你奶油豬咬落真係好脆，而且有陣好香嘅面包味，好香口，入面啲甜奶加牛油份量岩岩好，吾太油又吾會過甜，我食到有陣檸檬味，好特別，吾知係我錯覺定真係特色尼，下次你地去試下係咪同我一樣坐出面你預有人食煙，但入面嘅位有限呀，依度扣少少分，我好討厭煙味，吸住二手煙食野，好辛苦但服務係好親切嘅

喺呢頭唔係咁多野啱我食，附近有餃子、日本野我都會幫襯嘅，否則一係就行番去華都，一係就再行遠啲去屯市。是日喺度食早餐，唔係住附近，但經常過黎，都見呢間餐廳好多人，我諗一部分原因係佢地有室外，週末特別多人帶埋狗狗一齊。終於週六諗唔到食乜又要喺附近等人之際入去一試，嗯…真係非常一般。點左兩個常餐，沙嗲牛、肉丁腸仔，兩碗都加左4蚊轉一丁，有時好唔明白點解餐廳可以將一丁煮到咁嘅質素，你都咪話公仔麵容易煮。明顯就唔係獨立開水煮，煮乜麵都係用番同一個湯底果種…幾乎冇乜點喺茶記食到好食嘅一丁。如果對麵冇要求嘅人都唔會專登加錢轉啦，加左錢希望食到一般大眾屋企都煮到嘅水準都咁難。麵質過硬，最主要係湯唔夠熱。肉丁非常硬身，似擺放太耐，辣汁都冇，加上本來個湯就淡茂茂，出盡力都食唔落。正常黎計，應該係負評…不過人地態度幾好，只係我地就冇下次了。

其實一直都覺得樂天的食物質素一般般，唯獨喜歡這裡的奶油豬仔包！奶油豬仔包外層帶點香脆，配上牛油及煉奶，yummy!炭燒豬頸肉肉燥飯勝在汁多，有肉碎和冬菇，但味道就只屬一般，豬頸肉比較乾。朱古力奶一上枱睇到顏色就知伏，飲奶水咁，好淡！最後阿仔話寧願飲奶茶⋯成杯朱古力奶都無掂過

住喺屯門置樂嘅居民一定有聽過樂天小廚，事關如果想快快地吃餐飯，樓下眾多餐廳中，樂天小廚都係其中一個選擇對自己嚟講，更加懶嘅就係連街都唔想落，所以打個電話落去叫佢送上嚟就最好當日叫咗個常餐，合共34蚊，連埋嘢飲 (茶走)——牛油飽轉咗迷你奶油豬，加2蚊，最like佢好多煉奶，個奶油豬都算脆——個麵揀咗沙嗲牛肉公仔麵同埋腸仔奄列，味道不過不失，正常…其實佢有好多選多餸同埋麵款揀，豬扒、五香肉丁等等雖然食嘅嘢都好正常，一般茶餐廳都有，不過最欣賞佢哋好快手就送到上嚟，雖然可能我住嘅地方近佢哋，不過如果肚餓佢唔想郁，佢的確係一個唔錯選擇，我就係欣賞佢地行動迅速!