樂天皇朝 (將軍澳中心)

营业中

休息中

晚上在將軍澳中心的#樂天皇朝開餐，地點方便的就在地鐵站上面。招牌李白醉雞（雞髀），酒味香濃，入口感覺凉爽，雞皮爽口而脾位肉鮮嫩，前菜之選。上海生煎包，皮薄軟鬆，煎得焦底酥脆，咬落肉味鮮有芝麻香味，唔錯。無錫鮮肉鍋貼🥟，鍋貼皮香脆煙韌, 肉質鮮甜美味可口。紅油鮮蝦鮮肉抄手，皮薄鮮蝦爽彈，紅油帶點辣都幾惹味。酸辣湯拉麵🍜，酸辣湯調味剛好，酸辣均勻，麵質爽彈又大碗。#樂天皇朝 #八色小籠包#酸辣湯 #拉麵 #上海菜

喺將軍澳想食小籠包，都唔係有好多選擇，今日就揀咗黎呢間。周末午市時段，唔算太多人，可能因為咁，環境都比較靜，可以慢慢嘆茶、好好傾計。小籠包都算係皮薄餡靚，一籠可以揀6隻或10隻，配埋醋同埋薑絲，襯熱食都真係幾好味生煎包個包質做得幾好，即叫即煎所以食落熱騰騰，個底香脆，如果入面多d湯就更加好喇！蘿蔔絲酥餅正常水準，唔會太油膩，入面個蘿蔔都幾多汁，夠味，如果再大隻少少就更好喇！賽螃蟹黎既時候係有一隻生蛋喺中間，比食客自己撈入個餸入面，呢種傳統食法終於回歸啦！以往好多餐廳可能因為covid或衛生問題唔提供生蛋，好影響呢個餸，而家咁樣就真係可以原汁原味咁食啦！上海炒飯正常發揮，碟飯個色雖然比較深色，但味道唔會太咸，做番上海茶有濃醬既特色炒油麥菜味道ok，不過明明落單時揀咗少油，但食落卻覺得幾油，呢個就有少少失望。整體黎講，呢餐飯既食物大致唔錯，下次會再去試其他菜式。

餐牌主打經典上海菜，招牌菜係8色小籠包，一次食到8種不同口味，亦有特色熱菜、粉麵及甜品，選擇豐富最值得讚係店員好有禮貌，服務方面好加分🎈招牌原味小籠包小籠包外皮薄身柔軟，內裡湯汁飽滿，清甜得嚟唔油膩，加配薑絲同香醋，味道更有層次🎈芝麻醬油麥菜平時較少食到嘅冷盤，以青瓜卷住油麥菜，口感爽脆，清新解膩，好適合配濃味食物🎈李白醉雞濃郁花雕酒香，雞肉柔軟入味，雞皮爽滑，食到啖啖肉嘅感覺🎈桃膠紅棗桂圓湯有桃膠、紅棗、桂圓、雪耳、杞子，十分足料甜度啱啱好，而且有凍食或熱食選擇，作為飯後甜品最好不過

想食上海小籠包點少得。樂天皇朝💫..天氣凍冰冰又想食熱辣辣既野，lunch 想食得簡單一點，就諗起呢間上海小籠包，質素一向都很穩定～傳統小籠包、蟹粉菜式、上海點心、小炒、湯麵都一應俱全。座位舒適、服務有禮，所以間唔中我都會去食個飯，都係唔錯既選擇。🔸招牌原味小籠包 $78 一籠有6粒 皮薄多汁滿有鮮甜味道，招牌之選。🔸蟹粉餡兒餅 $68 包住豬肉 & 蟹粉餡料，香口略嫌少許油 一客3pcs🔸紅油抄手 $68大大6粒滿有肉餡，加靈魂既辣油夠惹味。🔸蝦仁酸辣湯拉麵 $78酸辣湯頭冬天飲夠暖身，麵條吸盡湯汁好索味。..×××××ש將軍澳唐德街9號將軍澳中心G樓G31號舖

話說約咗舊同事食飯，天氣咁凍，想食熱辣辣嘅小籠包，就即刻諗起呢間餐廳🫢餐廳座位寬敞，適合同朋友食住好嘢傾吓計。<白灼秋葵>驚喜位係，醬汁係蒸魚豉油🫶🏻<京醬肉絲>我至愛嘅主菜之一，熱辣辣嘅薄餅，夾住惹味嘅肉絲，食完一塊又一塊。<招牌原味小籠包>必點item，小籠包個皮夠薄，咬落爆汁，又唔會太油。<酒釀芋圓>淡淡嘅酒香，芋圓煙煙韌韌，特別中意綠茶味。<擂沙湯圓>呢款甜品係兒時回憶，入面充滿香濃芝麻餡，配黃豆粉，甜品控表示滿意。

原味小籠包 很多汁水 皮薄肉多 清甜的味道醉雞 剛好給了雞腿的部位 花雕酒味香也不會太濃烈酸辣湯拉麵 有點過於太辣 酸的味道剛剛好 就略嫌太辣不適合小孩子香煎鍋貼 皮有點厚 底煎得很硬身 有汁水 味道可以撈拌海三鮮就陳醋的味道其他都是白灼的味道服務很好 好久沒在香港遇到服務滿分的餐廳會自動加茶加水 有禮貌性价比：星期一至五 晚餐主餐牌有7折

一諗起小籠包，我就會諗起樂天皇朝，平時多數食晚市，今次係第一次食午市。午市套餐，感覺都幾抵食。餐廳有好多卡座，非常舒適。蝦仁酸辣湯拉麵，份量超級多，酸辣湯濃郁惹味，有超多配料，木耳，肉絲，筍，豆腐等，口感豐富。拉麵香滑，掛汁，超好味！三鮮鮮肉水餃估唔到連水餃都唔錯，肉汁鮮甜，肉味濃郁。菠蘿咕嚕肉炸得酥脆，醬汁調味剛剛好，酸甜味道很平衡，配菜的燈籠椒炒得爽脆，唔會過腍。招牌原味小籠包呢個一定係樂天王朝的必點菜式。小籠包皮薄餡多，多汁，非常Juicy。一口一件超級滿足。花蔬蒸餃裏面超多蔬菜，帶有清甜味，調味足夠，不用點醬油/醋已經好好食！除咗食物質素好，呢度店員的服務態度都好專業，他們會幫忙斟茶，亦都好有禮貌。整體感覺非常好！

✨ 出街食中菜，基本上都會揀食上海菜，因為自己真係唔識整！今次去咗將軍澳嘅樂天皇朝，鋪位闊落，店員會細心熱茶，坐得幾舒服！😌 推薦 👑💛招牌原味小籠包，咬落爆哂汁💧包皮薄身，夠水準，必點菜式 🥢上海炒飯，上海醬香味好緊要，唔可以太咸，飯粒要夠鑊氣，仲要不能太乾太濕，先會好食！ 瑤柱芙蓉賽螃蟹，炒得滑身香甜🥡但要加多啲醋先突出到鮮味 🥬韭菜椰菜鮮肉水餃，水餃size偏細，餡料都好足，水餃皮都算薄！

想食小籠包就即刻諗起「樂天皇朝」佢嘅小籠包真係好好味🤤而且有好多種口味選擇一座低就即叫佢😁✨招牌原味小籠包 $78/6 粒或者 $118 就有10粒人少少就叫六粒😁我一個人都獨佔4粒😆湯汁好清甜呀〰️內餡嘅豬肉好鮮味一啖一粒，好滿足😌✨紅燒扣肉豬骨湯拉麵 $92佢哋嘅招牌豬骨湯用慢火燉咗十二個鐘，有豐富嘅蛋白質同骨膠原，紅燒扣肉入口即化，口感肥而不腻✨蒜蓉炒菠菜 $78菠菜新鮮食落清爽而且唔會澀口，讚✨手打青檸香水檸檬茶 $32連手打檸檬茶都有呀！新嘢〰️清涼解渴好清新

將軍澳的樂天皇朝用餐，同朋友都好鍾意呢個地點，因為好近屋企。位於商場嘅最尾位置，感覺到安靜同舒服，當天我點了招牌嘅八色小籠包、仲有必點酸辣湯拉麵、前菜叫咗份秋葵和凍豆腐，每一道菜都展現了餐廳的用心與特色。首先，八色小籠包的色彩繽紛，給人一種視覺上的驚喜。每一口都能品嚐到不同的餡料，肉汁鮮美而不油膩，顏色豐富，絕對係吃出藝術享受。接下來的酸辣湯拉麵，湯底濃郁，酸辣的味道恰到好處，讓人瞬間提神。拉麵的口感彈牙，與湯底相得益彰，讓人一口接一口，停不下來。無論是搭配的蔬菜還是肉類，都增添了層次感，令人滿意。秋葵的清新口感為整餐帶來了一絲輕盈，煮得剛剛好，保留了原有的脆嫩。而凍豆腐則是一道特別的選擇，冷冷的口感與醬汁的搭配，讓人意外地覺得清爽。

樂天皇朝將軍澳唐德街9號將軍澳中心G樓G31號舖味道評分:☄️(必食之選)>☀️>🌤>⛅️>💨☀️特色皇朝小籠包 （八色） $148 8粒顏色非常吸睛，八色小籠包分別代表8款口味：招牌原味、蒜香、川味、芝士、糟溜絲瓜、鵝肝、蟹粉、黑松露~餐廳會派發一張紙仔介紹食的先後次序，由淡味至濃味~ 每一粒都爆汁！食落每一粒都有佢淡淡的風味，但主要都以小籠包本身個味道為主，所以食落唔會好怪🙋🏻‍♀️☀️蟹粉餡兒餅 $68 3件類似生煎包的外皮有一定的厚度，包住蟹粉& juicy的豬肉好食🤤不過有少少油~☀️蘿蔔絲酥餅 $52 3件酥餅外皮包住一條一條的蘿蔔絲，軟淋淋鹹甜鹹甜的，我每次去飲茶都一定要叫，算係我心入面數一數二的點心！☀️(温)豆漿 $23比較甜✅茶位$12/位✅星期一至五6pm後有7折

高質嘅上海菜提起上海菜，呢間係我必然之選，環境闊落又舒適，食物種類夠多，當然要必試佢地招牌小籠包。🥟原味小籠包黎到樂天皇朝當然要試下佢嘅小籠包，一籠有六隻，外皮薄透，裡面充滿了鮮美的肉汁，咬落去的瞬間，湯汁係口中爆發，埋配醋和姜絲，更能提升風味。🐔雲吞雞 半隻份量都好多，雲吞皮薄餡多，裡面包住鮮嫩的肉餡，湯底清淡但就好入味。雞肉煮得剛剛好，鮮嫩多汁，就咁撕開就食得。🥞香煎豆沙窩餅 外皮金黃酥脆，裡面包住香甜的豆沙餡，口感滑順又不膩。呢道甜品非常適合作為餐後小吃，好心滿意足！

💭每次黎樂天皇朝都會叫小籠包食，每次都只係叫原味，第一次叫八款唔同口味😆🔸特色皇朝小籠包 $148呢間餐廳必點佢地生招牌，有原味、糟溜絲瓜、蟹粉、黑松露、芝士、鵝肝、蒜香同川味。餐廳仲會比張紙仔提示，可以跟住個順序去食，由淡味到濃味，每隻味道都有特色，一食就食得出個隻味道😆小籠包一咬開都係滿滿嘅肉汁，個人最鐘意係黑松露同蟹粉😈🔸蘿蔔絲酥餅 $52新鮮熱辣辣，外皮酥香，外脆內軟，蘿蔔好清甜🔸紅油鮮蝦豬肉抄手拌麵 $78拌麵嘅口感彈牙，紅油同香醋嘅香味令人越食越開胃，鮮蝦豬肉抄手足料又好味🔸香煎豆沙窩餅 $62薄薄嘅餅皮，裏面係又香又甜嘅豆沙餡，口感幼滑👍🏻

約左朋友係將軍澳中心食晚餐，見到呢間光線充足座位仲好闊落，吸引到我🪿上海風味醬鴨 $78鴨肉瀝乾後再滷製，所以感覺鴨肉唔多，但就好滋味，每件都係精華嚟🫓 蟹粉餡兒餅（3件）$68表皮脆香，餡肉多汁🥘紅油鮮蝦豬肉抄手 $88將重慶酸辣放到紅油抄手，增加左酸辣味更吸引🤩蝦肉新鮮彈牙，啖啖肉🍲肉絲年糕豬骨湯 $88豬骨湯内有白菜同冬菇等配料，湯又夠清甜，年糕煙煙韌韌，唔會有油膩感🥜小食 $15花生粟子，較軟身入味🍵茶介 $12/人餐廳既茶一直用蠟燭保溫，格調高雅。價錢合理，不錯

難得放假有me time，輕輕鬆鬆睇場戲， 然後到鍾意的餐廳， 好好品嘗美食。 將軍澳這家樂天皇朝， 輕奢風格顏色柔和， 而且有很多梳化卡坐。特色皇朝小籠包(蟹粉🦀 鵝肝 黑松露 芝士🧀 川味🌶 原味 蒜香🧄 糟溜絲瓜)每次來樂天皇朝，都和朋友分享8色小籠包， 今日可以一次過食曬咁多口味 ，獨享感覺真係超級爽。 七彩小籠包非常吸引， 新鮮手工即製，熱呼呼的外皮十分煙韌， 內餡是香濃湯汁，充滿肉味。當中最鍾意嘅是黑松露小籠包，同埋蟹粉小籠包， 味道非常突出。李白醉雞 (雞髀)這裏的涼菜都很出色， 除咗海蜇之外，李白醉雞都非常推薦，酒香濃淡適中， 微微嘅鹹香味道， 清爽又開胃。 識食當然要選雞髀， 肉質嫩滑啖啖肉， 雞皮也爽口。蘿蔔絲酥餅現在都不是太多地方有得吃這個， 炸到金黃香鬆的外層， 鬆化之餘又不會油膩。 餡料是鮮甜多汁的蘿蔔絲， 要趁熱食 就係最好味。最後當然是甜品時間， 宮廷驢打滾 和 滋補 薑茶湯圓之間， 要作出選擇實在不容易。 最後選擇是薑茶湯圓， 薑茶味道濃濃的， 湯圓糯滋滋的很美味， 黑芝麻餡料非常香滑。