樂林小鍋米線 (已結業)

如果月頭就開始慳錢，月尾係咪就唔會過得咁拮据？回頭率：🌕🌕🌕🌕🌑環境：🌕🌕🌑🌑🌑服務：🌕🌕🌕🌑🌑份量：🌕🌕🌕🌗🌑味道：🌕🌕🌕🌗🌑價錢：HKD38/Pal【Summary】環境雖差，勝在真係好平，性價比好高，米線味道唔錯，酸菜好味。——————————————————————<小鍋米線小小辣(菜肉水餃、生菜)> HKD26+6×2＝38😋咳嗽未好唔敢要太辣，小小辣可以過下癮。酸度都幾夠，酸菜甜甜地好好味。米線滑得來彈牙，芽菜又多，仲送半隻滷蛋。生菜新鮮，份量亦多。水餃兩隻，味道好普通，冇深刻印象。💁🏻‍♀️環境真係頗差，坐得好逼，而且鋪頭瀰漫酸味，其實有啲難以接受 💁🏻‍♀️但係實在太平，食落味道又幾好，回頭率會俾到4分💁🏻‍♀️除左小鍋湯底，仲有濃番茄湯底，米線可以轉薯粉💁🏻‍♀️每日都有特定午餐款式，會有飯的選擇

喺附近返工，之前兩星期起碼黎一次。點知兩個月前去，等野食等左成20-30分鐘！超混亂！完全唔夠人手，唔係唔體諒，而係當打工仔午飯時間短，啲職員又不停隊啲唔係我叫嘅米線比我時，真係難免反白眼。過左兩個月，諗住比次機會佢！應該搞掂人手問題啦掛？今次12點40分到，超快地12點45-12點50分到左！！！以為可以洗底，點知，個呀婆竟然1點05分催我地走！真誇張！食個米線限時15分鐘？隔離旺記都唔會啦！！！！我當然無理繼續食，而我朋友食野比較快，已經食完但未飲完野。5分鐘之後，個呀婆又催！今次仲鬧我掛住傾計食得慢，唔知以為讀緊小學比老師話。而重點係我當時只係食左20分鐘！以下呢張相就係我食左20分鐘嘅米線！講返食物，其實係差左勁多！我六七年前食(唔知係咪同一老闆？但名一定一樣)，嗰時覺得好味好多！而家我一定要走肉碎，如果唔係成碗米線係超油！叫左豬軟骨，呢個幾好味夠淋，牛筋同黑木耳就正常。可惜服務咁差又比人管食野傾計，一定唔會再幫襯！何必貼錢買難受？我會推薦附近嘅一線牽！

做野食到9點幾都未食野, 公司附近d野都關得7788咁岩見到唎到未關, 我又鐘意食米線, 就入左去食入到去9點幾, 得返1個客人就黎食完1個人食,揀左個睇到電視既位坐冇咁悶係枱到拎左點餐紙圈低想食咩先, 記得要底面2張疊住圈揀左豬大腸,海帶同埋豬潤, 米線小辣因為得返我一個客, 所以食物等左唔夠5分鐘就整好,送到上枱面肉碎放唒係面, 可以一次過食唒, 唔會沉唒落底搵極都搵唔到不過湯底太太太多油豬潤好滑, 不過咬開係粉紅色海底好爽口, 唔錯豬大腸好掂豬大腸好味, 亦都幾瘦下唔會好多肥糕係入面

一排冇食到樂林又會好掛住佢個味道。佢啲豬頸肉真係超好食，份量有多，價錢又唔貴，所以每次都會食。佢啲餸其實都有幾多款，就算你叫得多款都唔會話其他嗰啲餸會少好多，所以都幾抵食。叫四款餸仲有凍飲送添！

樂林米線真係好正，d料又多。今次食咗撈米線加豬頸肉，雞扒同埋蝦捲。佢附送炸醬同埋半隻鹵蛋。三個餸以上送熱飲，四個餸以上送凍飲。真係超抵！三個數都係30-40蚊 (視乎你要咩餸)，招牌果d就會相對貴d。

茄湯是唧蕃茄醬，差。五好米缐底改為生菜底也是有蕃茄醬，見到已經五開胃。魚腐系酸的，好似變壞左敢。好差。丸類糸佳寶既質素。極差。環境污糟。熱檸茶沒有茶味。沙糖樽好污糟，簡直五想落糖，食完感覺五良好。下次絕對不會去

濱海街有好多嘢食，有韓式，越式，日式，茶餐廳都有。樂林開咗好耐，今日男同事話食平啲，帶我地去食平靚正😂佢又小鍋(有分由清湯到大辣5個辣度)，蕃茄湯。揀三個餸送熱飲，四個餸送熱或凍飲。你諗得出嘅餸佢都有，菜類、肉類、丸、餃子、菇等等。我叫左4餸，生菜，墨魚丸，金菇同豬頸肉，小鍋小辣。我覺得個辣度適中，但偏酸。配菜多，有碎肉、芽菜、蔥etc。豬頸肉有啲乾...一咬，啲肉就散開一條條XD 埋單＄50，價錢唔算好平，但好飽😆

今日放工要黎個quick dinner又唔想食太飽就揀左附近既米線舖啦佢主要分酸辣湯既米線 撈米線 同埋番茄湯米線另外都仲有唔少既飯類選擇我平時食米線都好鍾意食酸辣米線今日唔想食咁辣就叫左少少辣佢叫三個餸會送熱飲 四個餸就送凍飲咁我一於就叫四個餸啦叫左響鈴 冬菇 滑牛 雞翼響鈴有兩條佢係上檯先放喺面所以唔洗怕浸淋左上左檯之後我先浸幾下湯食 仲係脆既呢度有兩款牛肉 滑牛同埋肥牛我怕d肥牛太肥所以叫左滑牛d牛肉夠淋 唔會有根而且真係好滑好好事冬菇有四大粒佢唔會比酸辣湯底d味蓋過左一樣食到好鮮甜雞翼都煮到好淋入面d肉好嫩呢度既辣度唔會好辣我叫少少辣其實唔太食得出d辣味但個湯底係好惹味唔會過酸或著過鹹我覺得各樣既調味係剛剛好我另外一個Friend叫左香茅豬扒加$7就有塊咁大既豬扒真係好抵而且佢話肉質幾好我覺得呢間性價比唔錯價錢唔貴但比某d連鎖店好食配料選擇多而且分料好足唯一不足既係佢鋪頭keep住有d蚊喺度飛店主都話好無奈 每個禮拜做好清潔滅蟲都話冇乜改善

起初叫了碗小鍋米線，叫了三樣餸只嚟啱金菇，叫店員更換之後想單點杯熱檸檬可樂餐牌寫明冷熱同價，店員要收熱檸檬可樂加薑的價（$18）我們指出餐牌寫檸檬可樂$17，冷熱同價起初店員有落單$17其後過來告訴我們可樂買晒但之後我們見到隔離枱有可樂再與店員理論他說：我是老板，我話無就無，餐牌是時價，我話幾錢就幾錢。唔做熱檸檬可樂其實可以直接同個客講又或餐牌唔好寫有檸檬可樂又或餐牌唔好寫冷熱同價唔駛講大話的。這樣做生意太唔老實。

係鰂魚涌搵好食既米線，除左樂林都冇邊幾間，今次叫左魚皮餃，豬紅，腐竹試下，我就比較鍾意食中辣，湯底濃郁，下次可以試下大辣，晏晝43蚊連熱飲係鰂魚涌黎講算係唔錯既選擇

樂林既米線真係好抵食，大大碗又足料，所以我時不時放lunch都會過黎食。佢同其他食米線既地方一樣都會有得揀唔同辣度同酸度，仲有撈米可以揀。但今次我就揀左清湯小窩米線。餸方面就揀鮮冬菇，腐竹同滑牛，揀夠3個餸會送熱飲。每樣餸都好多，每碗仲有大量芽菜，仲有半隻魯蛋，都好好食，食哂成碗男仔都夠飽！

每次食晏時間，呢間餐廳門外通常都大排長龍,為既就係一碗小鍋米線，今次叫左碗中辣既小鍋米線試下，辣味十足，但下次可以再試辣d，d餸都入味，唯服務一般，下次會試下外賣拎走

见到d人系度话难食，我真心替米线店心up，如果你系中意吃辣的话，我觉得你应该会中意那间店，如果你唔中意吃辣的话，其实你去那间店吃野，真系自己都吃到唔开心咯。我那时候系夜晚去吃的，ok 少人，一堆人吃完还可以系度吹水，睇电视，超正，有个靓姨超好人，我话小小辣唔好落甘辣，结果真系小小小辣，岩晒我这种贪辣又唔吃得辣的人，汤底超级浓郁，米线好淋，比云南过桥米线更加好，叫了4送可以送冻饮，女仔都吃唔晒，男仔就好满足啦，d送随意配搭，6元有两只鸡翼啦！！！6元两只！！港岛地边度稳6元两只鸡中翼？！个粉加汤底先25左右，吃4送先49 。中意吃米粉的人，中意吃辣的人，真系觉得超级唔错，如果你觉得茶餐厅d嘢好吃的话，你来哩度就可能唔岩你咯，不过香港好少人中意吃辣的，我就另外一d，吃辣吃得超级爽，而且又大份，超正！！

難得嚟到quarry bay, 所以就再嚟食下曾經嘅飯堂😋😋叫左帽子撈米線，配菜揀左菜肉餃子同海帶( $37,included hot lemon tea). 一直都覺得佢帽子撈好正，但今次食好失望，佢太過甜，一d都唔辣，仲要得甜味，d肉又肥，菜肉餃好霉😭😭海帶正常份量小左d.成碗野奇怪到食左2啖就放棄左嚕🤦🏻‍♀️🤦🏻‍♀️朋友叫左個煎雞扒飯，雞扒好dry😥😥隻蛋反而幾好食，撈飯還可以😉😌

今晚食下米線。有推介就要試下，重要你係鐵板回鍋肉（sorry 鐵板冇哂，碟上），紅油抄手，油菜。加個米線。紅油抄手少了蒜甜味，多了酸辣味。如果愛麻辣同酸菜味，就會鍾意囉云吞未見出色。米線選擇了，蘿蔔，豬軟骨加雞翼。個湯肥膩左d，可能係個豬軟骨問題啩😐，揾唔到基本酸菜，只有少少芽菜。難怪譚仔咁多人幫襯啦。回鍋肉有點失望。勁川椒辣味，肉片似炸煙肉，整碟九成白椰菜，蔥都冇條。油菜收貨。環境，好似入左厨房咁，滿滿油煙味。真係一入去：唔食羊肉都一身騷。冷氣超差勁。呢處絕唔係我杯茶。相信我要失憶了至會再幫襯。