樂林小鍋米線 (已結業)

夜媽媽喺港島區搵野食，咁啱見到呢間米線舖，見佢冇乜人就入去試下啦。佢同好多米線舖一樣，有張紙畀你自己圈想食啲乜嘢。.🍜四餸酸辣小鍋米線.以份量嚟講碗米線都幾大碗， 佢啲餸嘅份量都好多，一啲都唔孤寒。米線食落去嘅口感係好軟熟，有少少彈牙嘅感覺。呢度個豬大腸都煮得好冧，唔會好似有啲舖頭煮到成舊香口膠咁咬極都唔爛。 不過個酸菜對我嚟講就酸過頭，而且佢酸菜嘅份量都幾多，我諗佢會比較適合一啲好鍾意食酸嘢嘅人。.初初以為冇乜人黎食，點知食下食下成間舖就坐滿人， 所以真係睇你好唔好彩啦。

常常聽朋友說好吃機緣巧合到店裡吃過一次覺得味道真的很一般但還是很不明白朋友為什麼說好吃剛好現在疫情底下用UbxxExx訂餐訂了這間的小鍋米線還有皮蛋餐到的時候包裝就已經令人有點無言醬汁都已從盒裡濺了很多出來但沒想到一打開盒皮蛋沒有留言 還吃了幾塊發現有隻「小強」一直都在....顯然不是後期跑進去而是佈滿汁醬懷疑都已經是一齊煮過想起自己剛吃那幾口也很想吐....小鍋米線沒有蟲在裡面但單憑這隻東西也能幻想到這家店衛生的程度馬上聯繫店家社交平台但沒有人回應....

最近咁既情況😷只可以買外賣番屋企食聽講樂林係鰂魚涌最好食既酸辣米線今次終於有機會試啦😎小鍋米線($26)🍜我叫左三個餸-樂林豬軟骨($11)🐷三大舊😆👍🏻好厚肉食落啖啖肉 好滿足☺️都算幾入味不過就唔係話特別嫩滑-豬大腸($6)🐽好肥 感覺完全無清過啲肥膏而且超淋 唔洗咬都已經散哂口感有啲核突😰唔講真係唔知食緊豬腸-春卷($6)🥟不過不失 無咩特別同外面街買到既差唔多Total $50 (外賣+$1)佢地叫三餸送熱飲☕️ 四餸送凍飲🍹我幾欣賞佢地既湯底夠酸🤗 啱哂我口味我叫左少辣🌶 個人就覺得唔太夠辣😝可能因為外賣既關係啦賣相唔係咁靚🤭米線太淋 夾既時候好易斷🥵不過整體份量都幾大哩個價錢都夠哂實惠👍🏻食食下仲有意外驚喜添原來入面附送左半隻蛋🍳😎😎仲有超多肉碎添😝因為個湯底我覺得都值得食既不過揀餸就要小心啲啦😂😂

今日同同事去樂林食晏，食到一肚火！！！同同事一路傾計一路等，中途隔離枱有位男客人話碗米線有條頭髮🤨見佢夾左出黎就算！等左差唔多25分鐘，大部份客人已經食完走，我哋就向樓面反應，樓面就入廚房催，並同我哋講句吾好意思，因為人手吾夠。其後發現有幾個比我哋遲入座最少15分鐘嘅客人都已經食緊嘢😑再等多5分鐘，見到樓面又將食物送到比我哋遲入座嘅客人枱面，我哋就忍吾住再出聲催促，旁邊亦有幾枱客人都反應等左好耐，食物都未到😪過左一陣，同事碗米線終於送上枱，同事原本落左魚片頭，但碗入面係魚蛋，舉手想向樓面A反應，樓面A以為我哋催單，話已經整緊就行開左，之後向樓面B反應，樓面B向廚房查詢後回覆我哋，廚房話冇魚片頭，同事問點解冇魚片頭吾講，擅自換左魚蛋，樓面B話吾知，樓面A插嘴話冇晒魚片頭，魚蛋你ok嗎？同事話吾ok，佢哋先問想轉乜餸😓過多一陣，我嗰碗米線都送上枱，一睇發現漏左腐皮，我都驚可能擺左喺最底先見吾到，所以我都成碗摷下，但都吾見有腐皮，所以向樓面A反應，我亦同時再摷俾佢睇係冇嘅，佢話好似見到喺米線底下，講完就行左去廚房🙄我哋再摷多次，真係確認漏左腐皮就舉手，樓面A就拎左碟腐皮俾我。之後都有其他食客

落雨想食米線，但外賣平台最近好似少了供應。唯有到公司附近既樂林試下。第一次來，冇乜經驗，外賣冇外賣紙，櫃檯冇人。有個阿姊煮嘢，有個阿姊包裝外賣。我地係門口企左好耐，冇人招呼，走上前講野，冇反應。唔知係聽唔到嘢定係唔識講野，總之就係眼睛都無望你一下個D。我同事仲問係咪我地穿越左，周圍既人見唔到我地？？？本身都有其他人想外賣，見到咁嘅情況走左。阿姊終於行出來收銀處，我地快步上前，阿姊都係冇望過我地，但好彩肯講下嘢，但你問佢既嘢佢就好似聽唔到唔答。雖然我而家仲等緊外賣，但無論味道如何，應該都唔會再幫襯了。

在鰂魚涌的橫巷裡，有一間專食小鍋米線的店鋪。雖然他出名的是小鍋米線，但我卻選擇了肉燥豬頸肉飯。肉操豬頸肉飯中的肉操稍乾，豬頸肉的肉汁咬口也一般，不屬於一般大眾口味的模樣，配合起來就覺得與其他比較起來有點遜色。

呢間米線我喺鰂魚涌之前未有譚仔嘅時候已經成日幫襯 佢D小鍋米線好好味 好適合夜晚屋企冇飯食嘅時候自己一個去食🙊🙊😂佢仲係一間有良心既小黃店 有推出學生優惠 亦都有開門比啲街坊避一避😭·小鍋米線 $26 (+$3轉薯粉)佢個小鍋米線入邊都幾多料 有肉碎啊 酸菜嗰啲 都幾好食 唔錯🤤🤤係有陣時如果你嗌啲餸係比較油嘅話 個湯底食到最後就會有啲油 不過因為佢嗰調味幾好 所以都係好食嘅😎我自己就覺得佢個豬軟骨 真係炆得好lum 佢個牛筋都好味架 雞翼就一般啦🤔·

每次午飯時候經過樂林米線，都見到大排長龍，終於有日放工去食晚飯。店舖係良心鋪頭，門面貼住學生有減價，叫三餸有免費熱飲，四餸免費凍飲。今次叫了三餸小辣米線 : 樂林豬軟骨、金菇和魚蛋。我覺得豬軟骨最有特色，鬆軟無豬🐷臭味，係有番茄醬 ? 金菇當然正常，但魚蛋就唔彈牙，細粒唔夠有咬口。但因為豬軟骨關係，搞到碗米線唔夠辣。如果你問我推薦與否，我會話你當良心車仔麵式米線就好，如果你追求麻辣酸辣，咁我諗樂林就不太適合你。

咁岩來北角做野 聽frd講過li間米線店都ok 就來試下 點知中伏⋯食得唔太滿意既一餐要左小鍋米線 湯底默認酸辣湯 見佢招牌都係li款 要左小辣試下 配料就揀左 響鈴、海帶、春卷 、樂林豬軟骨碗米線送到來賣相都ok 諗住都係正常野啦咁春卷易淋 就用春卷浸下湯 來試左湯底先 不得了 點解小鍋米線既酸辣湯式既酸 係茄汁既酸味 勁怪 唔用春卷浸 就咁攪勻d 就咁試一啖湯 都係li隻怪異既酸辣湯 仲要有d甜味（茄汁既甜味）🌚 如果係出面d茄牛通個隻湯底加辣 都正常d啊 而加li隻茄汁味既酸辣小鍋米線真係好不倫不類 唔知想點🙄 講返其他配料 響鈴 海帶絲 春卷 正常野 樂林豬軟骨幾香南乳味 唔錯 可encore 但說好的鹵蛋無俾到我 炸蒜亦唔覺有加叫4個配料就送凍飲 埋單$55都可接受但真心係個湯底出事 可能叫撈米線會好d 湯米線如果可以揀清湯加麻辣 都可考慮再試一次btw 間店既抽氣系統好有問題 勁焗 開埋風扇都唔掂 因為間店既空氣根本唔流通 食個米線 一粒鐘都無 成身油煙味咁走 好難想像繁忙時間去食會點 環境真係差左d

鰂魚涌區附近沒有太多好食的米線選擇，在兩間譚仔雲南米線開店之前，就只有這間位於鰂魚涌區的樂林小窩米線，今天就來試一試。今次就叫了帽子撈米線，配以配料蘿蔔、豬頸肉和春卷，一共$46。帽子米線是以炸醬、滷蛋、芝麻等配料撈米線而成，炸醬少少甜，份量多，但略嫌不夠辣，適合不吃辣人士。春卷炸得啱啱好，皮肉不會分離，拍得住另一間以春卷聞名的米線店❗️豬頸肉10分厚肉，配以撈汁10分出色，值得一試！至於蘿蔔有大大嚿，好厚肉，好食❗️整體而言，價錢相宜又好味，經過附近值得嚟食❗️

《米線黃店》咁難得搵到間黃店食米線既當然要去試下（懲罰）啦，餐廳其實係茶記，但齋睇店鋪名仲以為係只係得米線🍜。—————————————————————#小鍋米線$26 配餸另加$6有炸醬，食落酸酸地，好似食緊肉醬意粉啲醬。自製魚腐$8有兩大舊，食落似魚腐加咗少少鯪魚肉，口感比較粉。想要麻辣湯底就要另外加$2，但中辣都無想像中咁辣，麻既感覺唔太出。米線份量好足，對米線無太大要求既人絕對會食得飽飽。👍飲品方面加凍飲$6（大概係），不過個杯係膠杯，外形有啲奇怪，不過味道就正正常常。

在昨日午膳時，到該店叫外賣，一個職員在櫃檯時，聽見我和同事叫外賣時，就話做不了，叫別的同事幫我們，等了4 個字，才有人幫，還說沒有熱飲送，我說為什麼。她說叫我看通告， 通告上自取沒有寫在邊上，在我的位置上看被冷氣榭住，看不了。落單時，我是第三個卻說我是最後，我同事和我等了半小時才有外賣。前後共用了一小時，食物卻唔錯了，唔辣變辣。服務態度超差，食物普通。

我喜歡辣，但它們米缐的大辣，是會辣到個胃燒，食到人好想嘔。我試過要中辣，但又唔夠酸唔夠辣加了$3要麻辣又唔夠麻。我要自己加醋加花椒油佢嘅豬潤煮得好味但湯底，真的爭啲，唔夠香，酸菜又唔夠酸，煮得太久，酸辣又唔酸唔辣咁

買外賣，叫到d咁嘅野（幾條黑色毛髮）... 🧐🧐🧐打去問，佢叫我影低比佢睇，比左whatsapp no. 我，跟住一路唔覆我.......我等等下唔對路，打多次比佢，佢話餐廳用左新鮮豬肉，所以肉碎會有豬毛.米線肉碎有豬毛！我真係笑左出來！😂😂😂咁長條毛係你d 肉碎，我真係唔知講咩好. 問你點處理，你話下次來比翻我，一係就翻落來換. （落好大雨，又真係唔太近）諗住叫佢同c fu 反應下就算la, 點知就比人罵我唔知想點... 態度咁好，我唔幫你寫一百几十字點得呀！！

今次午市黎到鰂魚涌食野，想食下辣辣米線。呢間米線午市極多人排隊，睇落最少要等半個鐘先入到座，所以唔建議多人黎食。環境方面，舖頭門市老舊，畢竟呢邊周圍既樓都舊舊地，算係咁。外面望落，一款高手在民間既feel入到去，啲座位好逼，但無法，香港地少人多。到食物方面，佢4餸米線送凍飲，食辣野梗係叫杯凍奶茶解下辣，叫左個小辣麻辣（麻辣加$2），點知黎到完全唔辣，我諗得譚仔十小辣，但食落都唔錯，碗麵好多配料，酸菜，芽菜，肉碎另外，佢仲有好幾款碟頭飯擇，但睇落無乜料子，建議大家黎都係食返米線