樂燒遙

营业中

休息中

第一次去餐廳飲酒！佢話一定要叫野食？ 我問餐廳職員，佢話唔比淨飲喎！跟住再問佢，邊到寫明？佢話無喎？但一定要叫野食咁囉？奉勸大家，如果淨飲，一定要睇清楚，唔好黎呢間鋪頭。

.性價比指數: 🌕🌕🌕🌗🌑好味指數:🌕🌕🌕🌕🌑服務指數: 🌕🌕🌕🌗🌑環境指數：🌕🌕🌕🌗🌑.平日係尖東成日都會經過呢間餐廳，好多人會坐係戶外飲啤酒同睇波，但總係以為係飲啤酒同食串燒既地方，一定都冇入過去試。但當日皆因太肚餓唔知食乜好，就求其入左去試試，點知估佢唔到啲刺身幾好食。-.Dinner✦生蠔拼盤8隻 $348✦特級刺身拼盤 $488✦雜錦串燒拼盤 $198✦Pure Blonde (買一送一)*2 $136✦火灸牛肉刺身 $138✦加州卷 $62Total: $1507 (included 10%service charge).-✧ 生蠔拼盤8隻法國生蠔，開得唔係太靚剷爛左少少邊，但出奇地新鮮、大隻，而且海水味亦都保留到❖評份：🌕🌕🌕🌕🌗..✧ 特級刺身拼盤 有三文魚、帶子、海膽、吞拿魚、牡丹蝦等等，全部都幾新鮮。❖評份：🌕🌕🌕🌕🌗..✧ 雜錦串燒拼盤日式串燒既感覺，可以，唯獨串牛略韌❖評份：🌕🌕🌕🌗🌑..✧ Pure Blonde見佢買一送一，叫兩枝即有四枝，就試下。由於佢係少糖版本既蘋果酒，店員仲幫我地倒入杯加冰咁飲，真係好鬼淡、好古怪。真係要瘦就唔好飲酒，飲酒唔好計佢肥。❖

28/4/2019 星期日，太陽伯伯開工，大家可以去街街，諗起尖東有戶外食肆，一於去行下。今日想食日式料理，喜歡呢間有戶外，又乾淨，聽下播放的歌曲，食有心烹調的食物。汁煮鮑魚仔，凍食，好彈牙。我哋仲自創用燒蠔拼盤嘅黑松露忌廉汁撈鰻魚飯食（因為忌廉汁好好味，唔想嘥）!邪惡的雞皮串燒，點忍得口唔食呀！一直都鍾意食串燒白鱔，所以必食！款款都好味道，都要讚自己揀得好，值得推介。

餐廳內外就相當有氣氛！最愛有outside bar枱的餐廳，因為坐係外面啤啤佢，摸下酒杯底，望下月亮，真係特別有feel～點了人氣之選 ――雞泡魚乾，跟啤酒簡直是絕配！其他還有牛油果軟殼蟹卷，天婦羅等都沒有令我失望！

香港地已經愈來愈少露天酒吧 尖東南洋中心有三間各有不同特色 西餐 泰式 日式 最近比較常去都是這間 外牆招牌和餐牌好像都轉了 設計比之前時尚新潮飲品價錢相宜🍻生啤$70-80 Happy hours時段 3pm-9pm 買一送一 食物 有壽司刺身 🍣 每日海鮮 🍢燒物類 試過軟殻蟹卷 無論賣相 味道 性價比高 燒物款式多選擇 鹽燒鯖魚 脆卜卜 無腥味 送酒必叫 或叫 串燒拼盤：牛舌、安格斯牛、雞翼、日式青椒、帶子 適合唔想諗既人 還有燒雞泡魚乾 都是本人近期必點的這裡確是一個把酒談天都好地方 值得推介👍🏻

之前食過幾次都覺得ok, 但近排佢好似轉左lunch餐牌，價錢貴左少少。我同朋友今次都係叫左豚肉生薑燒定食，其實佢味道唔錯既，賣相都好靚，只係我覺得無薑味，相反洋蔥太多。同埋麵豉湯唔夠熱，我地都無飲到🙈

尖沙咀東算係一個happy hour 勝地，本來今日同朋友諗住搵個地方飲杯野。點知見到餐牌有sashimi platter , 馬上叫咗個最貴嘅試吓。$500樓下來講屬於一個好好質素，又新鮮又多款！

今時今日，在香港還有一間室外環境，居然在尖東噴水池廣場中間，除左有 steak 及泰國菜，還有一個酒吧餐廳，仲有steak 同日本料理菜，原來他們每星期都有幾天飛機貨，刺生十分新鮮，蠔新鮮，種類多，一定有驚喜，酒吧老闆平易近人，介紹當日最新鮮可口食物，若當日飛機貨不滿意，老闆會自己 cut 單，不會令客人不滿意，但價錢比一般中高上餐廳平，都有呢D服務，真係好日本精神。

依間餐廳午餐時段有十幾款lunch set, 除咗有一般嘅定食，仲有魚生飯/刺身等，都算多選擇。👍🏻溫泉蛋雜菇牛肉飯有沙律、麵豉湯、主食、飲品，份量非常足夠。整體味道係okay既，好味過某連鎖牛肉飯專門店。可惜嘅係，食物真係唔夠熱，溫泉蛋仲要凍凍地，所以我最後有一半既白飯都冇食到。🙈建議要保持食物嘅溫度，特別係冬天時！其實都黎食過幾次，但每次食完嘅感覺都係一般，價錢大約$80-$100，午餐唔使加一。

昨晚約了阿姨到尖東晚餐，之前一直經過都好想入去試下，阿姨又鍾意飲啤酒，所以帶她來，估唔到有驚喜，以為飲品已經好驚喜，點知食物重驚喜話晒是酒吧，酒當然是一般酒吧價錢，見到一杯的價錢不平， 索性叫枝Tower(2L)，見到咁大枝真係幾驚喜跟住叫了幾碟燒物，因為張枱太細，食物一次過來得太快，跟本食唔切，之後就決定續樣續樣叫，講返食物，我地首先叫了燒菠蘿，鹽燒秋葵，日本枝豆，燒粟米，燒日本蕃薯仔及明太子雞翼，來得快，食得急，不過味道唔錯燒菠蘿好甜好香，個樣都幾靚最驚喜是鹽燒秋葵，在秋葵上竟然有木魚碎，我地坐入面有風扇吹的位置，有侍應拿秋葵來的時候，風扇一吹，木魚碎散落我們身上小朋友可能會覺得好開心，好似仙女散花咁唔知以為是特別效果，好彩都重有部份還在碟上，味道不錯，估不到有這個配搭(可能我少食)枝豆都是一般整法，沒有特別，特別在夠大碟燒粟米好香好甜，重有濃郁的牛油味，一個字，還有明太子雞翼，一碟2隻，2隻都好飽滿明太子餡不算太鹹，咬落juice，不錯之後坐下hea下再叫，叫了燒生蠔拼盤，味道不錯，不過生蠔不算太新鮮，即刻扣了分，再叫了一碟牛油果軟殼蟹卷，這個更驚喜，只是$79，都有唔少件，但件

差到爆，呃錢一happy hour 去飲野，見到有買一送一，點知到第二杯的時候又收多我一杯錢，要嘈先減返比我，刺身唔新鮮，呢到露天又焗又熱，完全有上當感覺，問左佢地拎杯水，點知飲落去就係水喉水，真係下次請我都唔再去..............................

呢間餐廳可以話我地公司既飯堂，每個星期都有同事去幫襯。連我一星期出去食得一、兩次都encore左五、六次😆(入職未夠半年)。每次出去lunch諗唔到食咩❔，都會黎呢間度，貪呢度唔洗點等位，坐得舒服，食物水平又不差。今次叫左個類似吉野家既牛肉飯🐮午餐。個牛肉飯真係有幾多牛肉🐄，又多洋蔥🌰，仲有隻溫泉蛋，整體味道中上，會再encore👍。麵豉湯我果碗冇餸(隔離同事話佢果碗有豆腐昆布)，熱辣辣，味道還可以。沙律同🐙正常。

今晚約了好友來尖東飲野，今次唔去海皮，來到噴水池旁那露天茶座區，見這家露天既竹藤椅好像幾好坐，就這家啦，睇佢Menu原來佢地日間就是日本菜，我估小食應該唔錯吧.... Dry Martini同Boddingtons白桃梳打，沖得唔夠甜，不過我飲得出是用台灣料做的，點解我會知?! 因那種味道就是我地常常在Comebuy貢茶是一毛一樣的! 燒魷魚乾，再配上那Wasabi日本豉油，切到粗身一條條，咁上檯法又真係幾o岩用黎飲酒吹水小食，OK好味!! 炸薯條好夠熱力，粗切我最Like，鹽也落得好到位 飲野黎講不過不失，要試真章就要等日間再來吧!!

今日天氣咁凍 諗住可以食反熱辣辣既甜牛肉鍋...點知今次真係有啲失望呀...一行3人去反尖東哩間露天酒吧食個lunch~ 哩度有outside 有inside, 天氣太凍我地揀左坐入面~每一個定食都會白飯 麵豉湯 前菜 沙津...牛肉鍋定食入面有什菜 粉絲 蛋～之前食過哩個牛肉鍋覺得好正 ～ 所以返兜～水準完全唔同左...唔知點解相差好遠好遠~淡而無味 冇左之前好正既甜湯...好似清湯咁...然後我就問老闆 點解會唔同左...佢話： 係呀整淡左..之後好hea咁比返碗汁我撈落去... 照燒雞扒定食味道唔錯, 佢既燒汁濃~ 撈飯正呀!但雞扒有小小燶...汁唔夠..下次我會問佢拎多d 海鮮炒烏冬定食既味道麻麻, 佢既黑椒味太勁, 有小小確喉,炒既油比較多, 成個碟都好多好多油!哩個就食左小小冇食喇!之前食過真係好好味~希望可以快D有返水準啦!

不知道多少人跟筆者一樣，曾幾何時經常經過這裡但總是對這一間餐廳感覺平平，以後已吃過好幾次，它給筆者的感覺就是每次來主題都不一樣，不久之前它又改主題到日式的餐廳。改為日本餐廳，令它的人流大增，午餐提供各款午市定食，選舉十分多而且很大路，價錢又不怎樣昂貴，吸引了很多像筆者這樣的打工作來到這裹用膳。第一次來當然首選了蔥吞拿魚蓉飯，這個吞拿魚飯可以說不過不失，表面還有海膽兩片作配菜，海膽不算太鮮，但令筆者感到有趣是本身海膽竟然帶線條，可惜海膽不夠鮮沒有入口即溶的感覺。至於吞拿魚蓉有一點平淡吃不到魚鮮味，而且還帶有根，味道可以接受但不算突出，令筆者最不滿意是在於他們用來盛載飯的碟太失色，吃到尾根本很難吃得乾淨。最近酷愛鰻魚的筆者第二次當然要來吃鰻魚飯，鰻魚也是跟白飯分開上，這兒也不算寒暄有兩塊鰻魚，鰻魚汁算是恰到好處，筆者最怕吃到的是過多和過甜的鰻魚汁，吃過日本的鰻魚也知道其實他們不會用太多鰻魚而且很多時候都會帶骨上，可惜上一次去京都沒吃到廣川鰻魚飯。說回正題鰻魚也肉質很厚吃起來啖啖肉頗美味，屬吃得過的級別。除了以上兩款外筆者也愛較為港式的牛肉飯，牛肉飯還會有半熟溏心蛋送上，這個令筆者喜出望外，