樂群茶餐廳 (已結業)

20/6(二)一連4日都要係附近上堂,上堂之前黎左食早餐見不斷有新鮮面包出爐,本來想叫面包,但1個又唔夠食,2個又太多,所以最後簡左食餐火腿通粉,牛油多士,煎雙蛋同凍奶茶都係一般茶餐廳quality~無特別我諗下次都係叫面包+熱奶茶會穩陣dlunch個陣黎左買拿破倫,only$3,好抵食,件拿破倫都算鬆化,但就散左d,中間夾住d合桃粹同忌廉,如果忌廉份量多番小小就好啦~不過只係$3唔可以要求太高~如果想食高quality既拿破倫請移步去天后既Mimosa~

未試過在這兒吃飯，看見食評很好，專登搭車來開餐，星期日未到中午，店內已很多人，看看麵飽很吸引，要了一個花生紅豆飽，凍鴛鴦，一個快餐：白汁海鮮龍脷柳飯，凍檸茶。麵飽：很好味，又大個，甜度適中。白汁海鮮龍脷柳飯：雖然所謂的海鮮只有魷魚及龍脷柳，但都幾好味。服務：以這個格局，服務算不錯。埋單$45.5，又平又抵食，有下次。

有食友問我係米唔食麵包的，其實麵包由細食到大，好食的，我一樣會照食照讚的。星期日在維園踢了場「賀歲波」，雖然戰情劇烈，但最後和和果果，皆大歡喜。踢完波好肚餓，要吃點什麼補充體力，記得都好耐沒有幫襯這裡，就撇下去飲酒的波友，來了這裡。星期日都幾多人，老闆娘坐鎮在收銀處，幾位上了年紀的伙記及廚房，加上不少在吞雲吐霧的食客，好一個港式茶餐廳的格局。明明在出面見到菠蘿包，想叫但伙記卻說沒有供應，就叫了個豬扒包茶餐，加杯茶走。先來茶走，夠茶味又幾夠滑，不錯；豬扒包是港式整法，用的是長型的芝麻熱狗包，烘熱了，微脆，對辦。裡面除了炸豬扒外，亦有生菜絲、蕃茄，加入千島醬汁，味道真不錯。加上肚餓，是吃的幾滋味，這個港式豬扒包，掂！埋單18蚊，抵食，順腳經過要一試。

星期日早上未夠七點,本想在麥記買早餐,不過連麥記都未開門,附近得這間茶餐廳,在沒有選擇下就衝了入內買外賣.食物味道可以.不過,煮野食的速度幾慢,不像其它茶餐廳快手快腳,只叫了三個外賣餐,都等了二十分鐘有多.

記得一年前食過佢地的紅豆包之後好失望，因為ｄ紅豆又實又冇紅豆粒又太甜，好難食。但今年我再俾多次機會佢，今次唔係叫紅豆包，而係要左紅豆燒餅($3.8)。白色的外層包住紅豆蓉，仲有白芝麻在外面，今次的紅豆好食好多，有紅豆粒之餘，仲同個皮好夾，唔通佢地的紅豆蓉改良左？吞拿魚餅($4.5)都好好味，但用油浸的吞拿魚，所以較油，但配合個外皮都好好味，仲有黑芝麻係外面。

好日都唔去北角，聖誕日專程去食，點知是日休息，真激氣。除夕去食05年最後一個lunch。原本想去食菠蘿包，但見D菠蘿包唔係新鮮，所以決定放棄，費時side quota。最後叫o左一碟西炒飯及一客茄牛治同老公兩人份，仲有唔少得奶茶啦!我估D白麵包係自家制的，質地、密度好鬆，但不是鬆軟那種。而西炒飯好大碟，味道雖然唔錯，但炒得較濕，飯唔夠爽口。奶茶就無得好講，真係唔錯，茶味同奶味份量配合得剛好。除了奶茶之外，其餘都不外如事，下次唔駛專程由老遠走o黎食。

星期四試左個豬柳包做早餐，個包好鬆軟，有D芝麻係面，裡面夾住生菜、沙律醬、豬柳。豬柳的味道同麥當當的一樣，以呢種包配埋生菜同埋沙律醬，估唔到出奇地夾，好味！

我同女友一向喜歡食雞, 荷葉飯亦是自己的心頭好, 但住了炮台山咁耐, 竟然唔知附近樂群有蒸雞荷葉飯食…為左要試試佢, 辛苦女友陪我去佢已經有n 年無去過的茶餐廳晚飯^__^”.我地先點了要等約三十分鐘的蒸雞荷葉飯($35), 跟住睇左一陣都唔知叫咩好, 因餐牌上大部分都係炒野, 女友怕肥膩, 無咩合心上, 最後決定叫寒低女友喜歡飲的咸菜豬肚湯飯($28).個湯飯普普通通, 咸菜都幾爽同多,豬肚亦處理得唔錯, 算乾凈, 以呢個價錢算ok ga la.到主角出場, 雞的份量都幾多, 味就一般, 炒飯低, 不太有荷葉飯香, 都幾肥膩, 女友話麻麻地, 我則覺得ok.另外女友叫左柸用類似可可豆沖的凍朱古力, 唔記得左個名叫什麼荷蘭XX($15), 個味比一般朱古力濃, 唔錯喎.女友臨走買了兩包曲奇(@$12), 佢話幾好食喎.樂群的食物質素不過不失, 份量大, 伙計都幾nice, 但太多人食煙……畢竟是茶餐廳, 無得要求太多喔.

住係北角，見ｄ人讚，點都要試下！佢個荷葉飯(有３款揀，我要左雞肉果個),真係好好味，份量又夠,唯一唔好係底果ｄ雞肉唔係好熟！可能我吹左佢好多次(等左２０幾分鐘),下次唔會再吹佢，我諗會仲正！熱奶茶必叫啦(凍奶茶佢地麻麻，唔知點解！)，不過如果唔想飲熱野可以叫凍檸茶都ｏｋ！臨走就更係要買幾包曲奇啦(以前試過)！

今朝諗住食佢個大大的芝士條，點知賣哂喎，咁佢話不如煙肉芝士呀！見個樣差唔多仲大條d呀！雖然都驚食唔哂，但都要左！返到公司食時發現除左比芝士條多左煙肉外，仲多左洋蔥同埋甘荀絲。但係比起芝士條油好多，係勁多油呀，佢已經加左沙律醬但由於煙肉同埋洋蔥好似炒過，所以攪到成個包油上加油，食完之後成口油，仲超飽呀！到lunch都未識肚餓呀！唔知係咪加左洋蔥的關係，有d酸味，下次都係食返芝士條或者燕麥包好過啦！

牛腩又香又"林"，一入口真係有溶既感覺，無論色香味都係一絕。至於"抵食"，佢既份量真係多得驚人，我一家3口都係緊緊食得晒！而奶茶又香又濃，果然係真正的絲襪奶茶。（順便一提，"環境"需然吾係什麼靚裝修，但可一路飲咖啡，又可一路享用門外三四十種麵包蛋榚，廿零蚊就享受有如自助餐的飽餐，咁既環境，己買少見少了）我一家享受完晚膳後，在門口買了個椰達和拿破倫，椰達的椰絲好有椰香又鬆軟，個皮好脆。拿破倫係市面少見出色，我一定要去多幾次，發挖更多美食麵包蛋榚同大家分享。

這裡的芝士條真的比其他麵包店的大及鬆軟，做法及質地與其他的麵包店不同，麵粉甜味較重及軟。其他的麵包店的芝士條，會似芝麻包的質感，較脆及硬些。雖然芝士不多，但混合沙律醬及其軟熟的麵質，真的不錯呢！由於size 頗大的關係，使我肚子於整個早上都很充實。但真的不建議吃它的紅豆包，又甜又難吃。紅豆好黑，都唔見紅豆粒，紅豆蓉又“傑”。紅豆過甜並蓋過紅豆味，都不知自己是否正在吃紅豆。都係東海堂的紅豆包的紅豆蓉正。

今晚7點半先有時間break,出去抖抖氣順便同男友食晚飯.之前買過佢d麵包就覺得一般;今晚我地叫左蝦乾雞絲瑤柱荷葉飯(連凍奶茶$37),牛腩炒烏冬(連例湯$30).待應預先講明荷葉飯要等20-25分鐘,所以先黎既系例湯,章魚煲節瓜,十分夠火侯,亦吾似有落味精,正!凍奶茶則一般!有點澀口.牛腩炒烏冬---相當大碟,牛腩牛筋亦十分多,而且十分入味!烏冬炒得算乾身.等左20分鐘左右荷葉飯終於上臺,size亦大得驚人,而且足料,蝦乾相當大隻,雞絲其實系雞條!飯粒夠煙韌有荷葉香.但底果d雞絲未熟,侍應立即講晒吾好意思!但佢個飯再上臺我地已飽到食吾落;唯有打包!埋單$67,非常抵食!但座上客得2-3成,系咪北角人鍾意系屋企煮飯食多呢?

佢地既豬扒包好好味,同出面既吾多同,個麵包比較軟熟, 而入面的是酸瓜,番茄,青瓜同千島醬,幾特別!!

星期一晚OT完唔知食乜好, 本來想check check之前有人推介的北角一檔食星洲米的,但唔到,不過見呢個評語唔錯,就試下啦!成九點四先去到,冇乜人,叫左鮮魷肉餅荷葉飯加熱奶茶.店員講明要等,原來真係要等成廿幾分鐘,佢見我悶,仲比份報紙我睇添!個飯好大,幾好食,係炒飯底,肉餅有d蒜響面好香,不過份量極大加太油,女仔可以兩個share,我係極肚餓的情況下都差d食唔哂...奶茶ok,不過覺得比較淡,味道覺得同灣仔駱克道街市英記差唔多.埋單35蚊幾平,下次要試下d曲奇.