樂群茶餐廳 (已結業)

星期一朝早急急的下起雨來不想走遠便入來樂群食早餐一直覺得樂群的奶茶算是屬一屬二茶味跟奶味平衡的恰到好處濃郁又不搶味是日早餐叫了沙爹牛肉麵跟腸仔麵轉了出前一丁牛肉塊數不少, 味道亦不錯也沒有梳打後不自然的口感埋完單後見到擺在門口的麵包又忍不住帶了個菠蘿包走早餐....就這樣一路飽到下午五點半

我真係好享受個到D 咖哩，特別係D牛腩，真係好好味，熱愛咖哩牛腩的人一定要一試再試，個種有少少甜，又有咖哩的感覺，用來送飯真係一流，D牛腩仲好林，如果你係一個食牛根的人，一定要食下，因為D牛根煮到好膠。一流。

D曲奇真係唔錯, 好脆, 我下次去都一定要買多2包, 最值得一試的都係佢地個d熱奶茶, 好香, 我呀媽同我講原來佢地個d奶茶已經出名了好多年了, 各位愛好奶茶人仕一定要去一試.

今晚放工後由灣仔行過黎買麵包,買左曲奇$12包,十分一般既曲奇,不夠鬆脆;十字包$3,口感始終爭d,但挺多提子及橙皮粒.拿破崙$3,一般貨色,完全食吾出d酥皮有幾好食味,酥皮過硬且冇牛油香!

去閩江春前路經此店,買左個大曲奇$3,吾掂! 勁淋!我諗我以後吾會再買大曲奇食,十間有九間都系難食既!

荷葉飯is really good.Milk tea is a bit bitter. I think 翠華or 金華are much better.Will go again.

飽類，撻類同奶茶都好，只係上次一去食得太多飽，變到無晒感覺，拿破崙，十字餅都唔錯，好鬆化，試得過。

D人成日話呢間D奶茶正係幾ok o既我每次都多奶小甜架..正..早餐買奶茶$10有$2.6的包包送但我每次都要$2.2的燕麥包因為佢唔似其他包店的麥包咁焦又無其包包咁多油比較健康返公司用微波爐加熱來食又軟熟又正不妨一試不過佢地d態度就麻麻問佢有咩包佢話'你話要咩我o羅俾你'都幾串架佢o既奶茶比起附近的貴左近都係6蚊一杯好飲但貴唔係問題但望佢改善一下態度會比較好o羅......

我都覺得呢度d野係吾錯，除例排的奶茶外，佢d下午茶餐都好好食。我每次必叫的係吉列豬扒沙律，呢度既吉列豬扒真係吾錯，又大，又算幾厚，d味仲好正。(吾似大家樂果d得個乾字~)仲有，佢個沙律真係幾用心做，落左紅蘿蔔，所以一d都吾酸，甜得黎又吾"漏"。一個茶餐只係18蚊，真係幾抵~如果一個餐吾夠喉的話，可以散叫多個豬扒包，個包係甜包，裡面仲有片酸瓜，雖然同葡式果d吾同，不過各有千秋啦~

今天終於有空到樂群試荷葉飯。伙記問要例湯還是餐茶,當然要了馳名奶茶,順手和金華的拼一拼。奶茶據說是Lipton 黃Label加福將牌茶葉兩溝,是否另有配方則是未知之數。奶應該是black&white蒸餾奶。奶茶滑,奶味濃,和茶合拍得宜,不會奶還奶,茶還茶,是上品。比起金華,個人較喜歡這杯。荷葉飯過了廿多分鐘才上桌,因為是即叫即蒸。伙記已預警告,打死無怨。蒸籠不小,是叉燒包籠的大小(可能更大)。魷魚肉餅用料十足。同是魷魚肉餅,叫快餐時魷魚粒蒸飯就少得多了。未吃已荷香撲鼻,入口當然沒有失望。這個價錢,這個份量,這個質素,沒甚麼可挑剔的。吃了一半,胞弟來電,叫我幫他買外賣。我索性打包了那半個荷葉飯回去,自己要了個菠蘿油行街。菠蘿包比不上金華,不是樂群差(其實還算不錯的),是金華完全超班吧了。

上回提要:我:「啊，我忘了買十字包! 」我媽:「十字包是全世界最難吃的包。」我:「…」話說，我媽說了此一番驚天動地的「真相」後，未吃過十字包的我決定要找出十字包究竟是何方妖物，何以令家母聞之色變。為免以偏蓋全，所以我會以兩間作十字包較好的茶餐廳作標準，順手比較比較，他們分別是樂群和金華。樂群就在樓下，第一回就以他作開始!話說我某旁晚回家，心血來潮，去樂群問有沒有十字包，就這樣正式開始了十字大戰(?)。此店十字包很扁，像…像…像合桃穌!這十字合桃酥不似傳說中金華的「外硬內軟」，而是外外內內都像鬆餅，不知是不是冷了的關係。但橙皮及提子乾出奇的多，令人意外。我一邊消滅這怪物一邊撤回大本營，在營門前把這傢伙完全化掉。以下是我回到營地後的對話我：「媽我吃了十字包…」我媽：「好吃嗎?」(冷笑)我：「…還可以吧…」(汗)究竟下半回何時開始?要看時地人了…我開始明白我媽的評語何解…

今日帶住大小行李歸家去，個肚有小小餓，決定去整件拿破倫同十字飽醫肚。搬來炮台山後都未有時間幫襯過，照地址搵，一搵就見。看看主要目標拿破倫，三角形，好鬼死Q(見來見去都是長方，三角真係未見過，細路仔真係見識少)。在褲袋找了三個大餅，一手交錢一手交貨，急速撤退~說回拿破倫，確比大路貨高一班，鬆化而不太散，合桃量足(可惜我不大喜好此品)，以拿破倫來說忌廉也算多(我個人倒希望可以更多，我愛小忌廉~)，可以彈的是中間的咖啡味略嫌不足。分量也勉強算可以，我過馬路，上山，回到家門口，剛好吃完。回到家我突然大叫：「冇買十字飽!」老媽子即說：「十字飽是麵包中最難吃的一種。」我：「...」下次一邊喝奶茶一邊吃「最難吃的麵包」。

經常幫襯這店的曲奇餅, 因為幾香牛油味, 又鬆化, 曲奇餅上用上真的朱古力, 價錢平(下午3:00後$12一包); 呢度的紙包蛋糕同卷蛋都好鬆軟, 而拿破侖略嫌甜左少少, 奶茶又滑, 所以都好多人幫襯

我今日去個朋友公司後，去左上址食左個荷葉飯嘩！真係吾得掂呀又多又好味，我講真如果真係有興趣不妨一試仲有就係一定要叫杯凍奶茶真係回味無窮但只可惜貴左少少要成40幾蚊

呢個comment係幫我媽咪寫o既.呢排我媽咪addicted to樂群o既菠蘿包,隔日就去買,食完又狂讚!