樂翠園海鮮菜館

营业中

休息中

一家6人慶祝生日去左樂翠園本身叫左6個餸，6個飯，4杯野飲香煎墨魚餅生炒骨小炒王黃金海中蝦胡椒豬肚蜆湯手撕雞落單既時候一路點，個姐姐就會自己幫你決定份量。例如「黃金海中蝦呀嗎，一斤」「豬肚湯呀嗎，大」「手撕雞，一隻啦」🤔🤔上菜快慢就正常啦⋯係唯獨是墨魚餅差不多食哂都未上，懷疑留左單唔吹由只可⋯黎到既時候，完全冇味問老闆，老闆話係咁架⋯咁淡係怕會鹹，唔夠味就點會汁啦🤔本身諗住由佢⋯但講講下原來碟餸成百蚊，9塊食左一半都冇，又啃唔落，真係好似差左d喎🙈再問多次老闆，有冇其他調味料比我加上去，點知老闆就話⋯幫我地取消🙏🏻到埋單⋯大排檔feel落既單係唔會睇得明，所以冇check單成為$1200，比完錢就走⋯走多步諗🤔五個餸點解會咁貴，就返轉頭問下點知餐牌上只有寫手撕雞半隻同一隻價錢，但豬肚湯個大既係冇係餐牌上，而個蝦係時價$352🥶生抄骨收多左$10，飲品$20/杯，飯$14/個本身晚飯$200/位，都覺得冇咩野，但如果係咁樣幫我地揸主意要個份量⋯又好似唔係好岩囉🤷🏻‍♀️

今次又要分享我既麻甩佬大排檔口袋名單🫢食物地道又好有獲氣，有啲菜式出面都好少見，來到一定要叫！♡ 3D芥蘭每次都到都一定會叫，芥蘭炸到脆卜卜，食法就好似生菜包咁，肉碎炒得好惹味👍🏼♡ 美極鴨舌鍾意食鴨舌嘅你一定要試，配埋啤酒一流，同朋友吹下水，可以食到好耐。♡ 爽脆魚皮新鮮魚皮買少見少，舊舊都爽脆彈牙又新鮮，辣辣地真係食唔停口。哩啲咁有特色既菜色真係唔係到到都見到有，環境地方唔係好乾淨，附近都有人會食煙，但食物真係有獲氣又好味。仲有兩道菜都好推薦：砵酒大焰焗蠔、奇味烤豬手。

住係觀塘 間中都會去食下今次第一次叫豬手 我個人覺得一般但我屋企人就話燒得幾香 好夠味得我覺得最好食都係手撕雞依間嘅手撕雞係特別滑同有味好似好大碟 其實d骨係底下墊住好香嘅沙薑同麻油味次次都會叫 其他小菜都好有穫氣 唔錯嘅大牌檔

海鮮價、貴我預咗、但啲海鮮先唔新鮮我就接受唔到、叫咗個豉椒炒蟶子有韌又有沙、好似食麵筋咁、另外一個辣酒煮花螺又係咁、一D香辣味都冇、淡茂茂、連炒碟薑汁芥蘭都又老又苦、個廚師冇誠意。一般唔係太難食、我都費事嘥時間寫食評。呢間樂趣完我會記住😓

觀塘宜安街食肆臨立，各適其適。這家飯店有兩個舖位，內部裝修簡陋，圓枱圓櫈，枱面是白色膠枱布，牆上有電視機。午市套餐有幾十款，大部份的價格是50元，小部份是53元。套餐是包括主菜、例湯、白飯和冷熱飲品。例湯一大碗，內有一件南瓜，湯內有一些南瓜絲，湯味少咸少甜。蕃茄班腩一碟，以一人餐來說，主菜份量頗多，蕃茄新鮮，班腩外層炸粉較厚，內層魚肉嫩，主菜味道正常。凍檸檬茶，有四片檸檬，茶味一般。總結：午市套餐多選擇，份量頗多。

今日遲咗食lunch，大約兩點先嚟到觀塘呢頭搵嘢食，印象中呢條街好多中菜館，就黎睇下邊間比較吸引～經過呢間門口見到有個牌寫住今日客飯有我喜歡既咕嚕斑腩($47)，仲要係即叫即整，秒速就入左去😅入到起成間餐廳得返兩檯已經食完既客人傾緊計，所以我呢個即叫即整客飯都係幾分鐘就有～賣相唔差，但塊炸皮好硬，似係翻炸過幾次🤦斑腩魚肉唔多，真係食到好似上面呢個樣既得兩舊仔其他好多都好似上圖咁，無肉，得返偏硬同偏油既炸皮🤦個汁酸甜味適中但偏稠，一般般菠蘿幾甜青椒爽脆 (個人嚟講唔鍾意因為味道太生，但好多餐廳都係咁😅)總括嚟講味道非常一般，性價比同環境都好一般，應該無下次🙈

觀塘樂翠園鐘意食小炒一定去過，響正街市對面。款式多，每次黎都左唸右唸，今晚揀左黃金海中蝦、焦糖雞翼、椒鹽九肚魚、美極鴨舌、鹹魚煎肉餅、小炒王等撚手小菜！送下啤酒啱曬叫半打啤酒吹水吹吾停嘅朋友😊😋 勝在唔會趕客！不過大排檔feel，地方吾企理，啱我呢啲麻甩婆去食😂Yummy Chinese side dishes .fry pork chop with spice saltsshrimpchickenwings觀塘美食小炒王

朋友話帶我哋去食大排檔，好夠鑊氣，所以就跟左佢去啦！鋪頭唔算大，但以大排檔黎講，店內環境光線充足，冷氣夠，唔迫不過大排檔當然就係嘈啦！預左架啦，但食食下有人食煙，就唔係好接受到嘅，不過都叫左餸，咪食埋落去囉。胡麻醬牛肉粒都幾好味，特別係d醬，所以叫左白飯。牛肉都唔多筋。不過就係貴，朋友叫餸我無睇價錢，而家寫openrice先發覺原來$128咁就真係唔值椒鹽九肚魚，炒得香，炸粉少炒蜆，ok啦黃金炸蝦呢個都唔值得叫，因為蛋黃味唔夠，$352黎講，係貴嘅。去深水埗嘅“愛文生”食都唔駛呢個價，仲好味d添汽水係樽裝的4人食，平均食二百幾，但又食二手煙，食物ok，但性價比不足

成班同事放工最想就係去食下野飲下啤酒，呢一間就我同事介紹去食，如果係星期六日食之前記得要卜位！超級多人😅-叫咗個蒜蓉開邊蝦粉絲，本身我哋唔諗住叫哈嘅因為我哋唔想滅🤣不過姐姐就話揀開邊蝦就唔使搣！啲蝦都唔算好大隻不過都幾好食-粉絲蒜蓉蒸帶子，好乾淨不過我覺得有少少鞋我食嗰隻😋味道都OK嘅-小炒王，其實甚少食大排檔嘅我呢未食過小炒王不過真係好好食有好多蝦乾同埋韭菜非常之入味😋仲有好多唔同款式既野食😄老闆娘秋香姐超級好請我哋飲多兩支啤酒😘好nice

🔸辣酒煮花螺 $192 大大粒花螺😍爽口彈牙，味道超好，好正😋🔸四川麻辣雞煲 $158呢個雞煲有驚喜🥰雞肉好嫩滑，外面仲有少少焦香，雞煲係少汁偏乾身嘅，雞肉又麻又辣，好正😋份量都好多😜🔸避風塘牛柏葉 ❌呢個十級中伏😂😂落單個時以為係類似避風塘炒蟹咁😛上菜嚇咗一跳😅有酸菜，真係好難食🙃💫呢間大排檔都算好乾淨，食物味道幾好，除咗中伏野😂都有好多選擇👍🏻都幾多人幫襯😝下次再試下其他野食先🤩會encore 嗎：會😝

三五知己飲啤酒，食大排檔風味，無非都係想一嘗炒氣既味道，加上而家大排檔買少見少，難得九龍東有間，即刻吹雞嚟食環境：不過不失，勝在冷氣夠，乾淨企理，上菜速度都好快食物：上菜熱辣辣，食得出好香嘅鑊氣味，配埋支啤酒，三五知己吹吓水，人生一大樂事啊，我最欣賞佢兩個菜，豉椒炒聖子同3D炒芥蘭，聖子食落新鮮，爽口，豉椒味唔會太搶左個聖子嘅鮮味，加上熱辣辣上枱，掂。3D炒芥蘭，我欣賞佢有創意，連埋少少肉碎食，有啲似泰式生菜包，幾惹味總結：大排檔風味，熱辣辣上菜，享受鑊氣帶來既衝擊，嘆埋杯冰凍啤酒，講嘢仲可以大大聲唔使顧儀態，非常爽皮，麻甩佬聚會必到

一行6人 本身諗住食川菜 冇位 🤷🏻‍♀️唯有轉場咁就揀左呢間一入去 坐低一分鐘都冇 個阿姐就走過來係咁sale 係咁叫我哋嗌時價海鮮 蟹啊 扇貝 聖子嗰啲我地知道呢D所謂嘅時價 好伏所以海鮮只叫左蒜蓉粉絲開邊蝦、辣酒煮螺豬手、四川麻辣雞煲及其餘叫左4個小菜 豬手值得一讚既 👍🏻小菜都正正常常 冇咩驚喜可言但個雞煲好唔掂 d雞肉唔知去哂邊🤔雞皮勁厚最後個雞煲近乎冇人食過😖埋單睇返張單果兩碟海鮮個價錢真係好過份 😡開邊蝦$398 果20粒左右既花螺都話要$265以後都唔幫襯

自來鷹鯧魚加工，終於可以一嘗朋友介紹的煎封鷹鯧。火候控制得啱啱好，煎完出來唔會有太油膩嘅口感。表面亦相當香脆，就算食到尾段時間，魚油也唔會走晒出來而淋晒。真係相值得讚賞。之後再點比較有特色的菜式冰鎮南非鮑魚應該是醬煮之後雪凍。煮得相當入味，雖然是已經是凍食，但都食得出醬汁的香味。也善用南非鮑魚本身厚身，使口感豐富味道特出。奇味烤豬手外面相當香脆，也是由落枱到尾段也保持住香脆，亦唔會出油。味覺也保持之前水平，唔會過咸。3D芥蘭同之前比較已經開始失色，因為菜沒刨皮，食到有渣。豬肉擺左5分鐘後已經不停出油，調味也處理不妥善。 由最期待，變為最失望的菜式。整體來說，食物質數豐富。可惜是待客方面，可以值得改善。期待下次同朋友聚會時的場合選擇。

太太的兄長從美國回來啊! 接著，就是一連串的『洗塵』活動。本來，我們準備了不少放題店，潮食店帶我的 brother-in-law 去一吃一餐。然而，他說，回來香港，就要食返香港既地道野，於是，我們就把飲食的目標改為大排檔、海鮮菜館、打冷等等。這一天，帶內兄到觀塘辦完要事，我、外父同太太的兄長 (內兄) 三人，就決志要找特色的香港菜，結果，我們行到宜安街，在這兒的確有不少香港式的海鮮小少館啊，看當日人氣，我們選擇了這貼滿明星照片的《樂翠園海鮮菜館》。一行三個男，吃香口又可飽肚更可佐酒的食品是最好不過。而其中一個香口食品是粟米班塊。加了粟米汁在面仍能保持十分香脆的班塊，是這一道小菜吸引的原由。百花炸大腸，是一個既香口又鮮味十足的港式美食。大腸十分之脆，蝦肉十分之香，香上加香的味道，再配上一個甜酸汁，帶出的，是大腸的羶香同蝦肉鮮味的混合味道，吃一口，再喝一口啤酒，絕對是爽。久在美國的內兄，說美國很難找到瀨尿蝦。所以，他一坐低就立即幫大街點上一人一隻份量的椒鹽瀨尿蝦。很重椒，也很重鹽，大家用剪刀把瀨尿蝦殼剪開來食，那份鮮香味同椒鹽產生了一個很特別的 catalyst，令入口的瀨尿蝦肉，變得更可

已經大約係一個月前黎食，門口好多車，咁岩有一個位比我泊度hehe 喂，Beyond my expectation, 好好食呀！超值！剩係唔洗你去買，煮已經值回票價，啲海鮮又新鮮又好肉😍😍😍 飽魚好大隻，好入味，仲要係冰鎮飽魚，soooo good! 蝦似係大頭蝦，好入味差啲比我一個人隊曬元貝煮得岩岩好，無過火，3D芥蘭有啲酒但好出2特別，啲芥蘭係凍食同爽架！ 最後有我最喜愛的懶尿蝦，啖啖肉，仲要有膏，一定會再番去。