樂翠園海鮮菜館

营业中

休息中

去觀塘晚飯，多在工廈或商場，這次選了近牛頭角地鐵站的宜安街朋友說想吃些小炒類啊～～～這條街都有不少食店，隨意的選了這家！三大一小的點了4道菜包括秘制手撕雞(半隻)﹑豉椒蟶子王﹑魚香茄子煲及西蘭花鮮魷！秘制手撕雞(半隻)，冷盤上桌夠開胃！手撕雞啖啖肉，皮爽脆，肉夠嫩滑，略帶雞味沙薑味香而不鹹，再灑上芝麻，更添香氣～～果然是招牌菜！！豉椒蟶子王，蟶子大大隻，肉質爽口彈牙夠鑊氣，不會炒得過熟～豉椒醬汁的調味恰好，夠惹味！！西蘭花鮮魷 ($98)，質素都算不錯！鮮魷的份量足夠，質感爽口～～西蘭花亦爽脆嫩綠～～魚香茄子煲，熱騰騰的上桌，鹹香味十足，配飯一流肉末的份量大大粒又不少！茄子吸滿醬汁，夠軟稔～整道菜好惹味！每道菜的味道都不錯，但價錢算是略貴呢！

今晚又到觀塘海鮮餐館食晚飯，四人同行，今晚點左個海蝦刺身，9兩海蝦11隻，$25一兩，蝦頭仲可以用黎以椒鹽或美極嘅煮法黎烹調，但今晚我就選擇左用黎做蝦頭鍋打邊爐，味道一流。正！😋另外點左份海鮮拼盤$448（包清湯湯底），大慨有魚、花螺、草蝦、帶子、蜆、魷魚配搭頸脊牛肉，新鮮雞隻，田雞及時蔬等。我地有朋友唔食田雞，問可唔可以轉鵝腸或牛肉，太子爺話海鮮拼盤嘅餸可以任意轉，即刻轉哂牛肉比我地，極之好。😊d海鮮係非常新鮮，因為我地見到d蝦係仲郁架！！！真係超級新鮮～😋仲要係老闆娘親自精心挑選。加上豬骨湯$128，全部都用豬筒骨，豐富嘅骨髓，細膩爽滑，仲可以免費加豬筒骨。喜愛豬筒骨嘅朋友，可以一試呢個豬骨湯底。另外，我地再點個炸魚皮，脆卜卜，真係好食至極😚真係誠意推介呢間海鮮餐館😋😋😋

夜晚10點到，比左間房，現場地方頗大，舒適度還算可以。單點象拔蚌刺身，重慶烤魚，炸辣子雞，象拔蚌爽囗新鮮，烤魚香口入味，雞件辣味適中，分量多非常抵食。呢間海鮮菜館CP值高，我會推介朋友黎食

今日朋友介紹去呢一間食小炒大排檔。第一次去食都覺得唔錯，份量都算大碟。叫左個辣酒花螺，D花螺好新鮮。但個味道就淡少少，呢一樣就比較失色，整體上都唔錯。香辣粉絲夠香口又夠辣，粉絲煙煙韌韌，加上洋蔥，蘿蔔，唐芹。味道一流最最最特別係蒙古骨，世估唔到會係豬肉。仲可以用手拎住食，師傅又細心包鍚紙，唔怕要洗手，麻煩。叫左幾個小炒又有海鮮，除返開每人都係百幾蚊落樓，真係唔錯。有機會再過來食其他特色野，期待下一次再來。

见同老朋友無黎呢度好耐，2個人就去樂翠园其實都叫熟客，所以先特登去食但真係水準還是可以，入去坐底就叫椒鹽蝦，桶蠔和小炒王，先講味道椒鹽蝦好似炸完咁好干好硬，👋桶蠔味道好得，👌最欣賞係小炒王真心好食👍加6支青島🎉🎉食左2個中左右之後埋單，心算600樓下點知張單721？2個人食3個送+6支啤酒之後看餐牌小炒王88桶蠔138啤酒當佢30一支，6支咪180721-138-88-180=碟蝦咪成315😱一個例牌椒鹽蝦要31540一两半斤計還是31.5一两10两我呢個熟客都估5到咁拿貴食海鮮真係要問清楚下次不敢再黎做水🐠一試無防，再試投降😓

因為係觀塘做野又吾想諗食咩所以不如近近地去呢間啦呢間其實都知吾緊要啦幾個月一餐去到一坐低就叫左碟焦糖雞翼係幾好食不過食一兩隻就好夠另外叫左椒鹽鮮魷啫啫通菜手撕雞味道ok不過價錢真係比其他排檔貴2成連埋兩枝啤酒每人都要百中落樓

事原有朋友介紹呢間餐廳，咁我地就book 左夜晚枱8點食，黎到等左幾分鐘佢執枱就有位，我地一行6人但都比左張大枱我地，亦冇搵人搭枱，地方夠晒闊落。我地6個男仔都好食得，所以一共叫左8個餸，6碟肉，2碟菜, 個個都勁飽。呢間啲野食份量適中，價錢都合理，但食物質素亦好一般，啲野食唔夠香口，冇乜鑊氣，價錢都算合理。印象最深刻有兩味餸，一味係「火焰砵酒焗桶蠔」，好有gimmick, 桶蠔都幾大隻，味道亦都唔錯。另一道比較推薦嘅係呢碟「胡麻醬牛柳粒」，牛肉唔韌，啲醬同啲牛肉都幾夾，味道唔錯，但唔夠香口。之後呢幾碟就比較普通，冇咩特別,唔一一介紹啦。

老老實實，呢間野味道係唔錯嘅，但係成日都想推d時價野，好彩我都有打開冷，知道規矩，所以都對佢d時價野有提防🙈落單嘅時候，佢見你揸唔定主意，就會同你講叫碟白勺鮮魷、蒸元貝，呢d menu上面冇嘅野，記得要問價錢丫！白勺鮮魷 ($298) 時價係新鮮嘅，係爽滑嘅，不過值唔值就見人見至......胡麻醬牛柳粒 ($118)牛柳粒都幾juicy，加上胡麻醬同七味粉，成碟餸好fusion，雖然胡麻醬熱左，令成個感覺怪怪的，不過胡麻醬同牛肉點都係friend到嘅！奇味烤豬手 ($158)皮脆肉嫩，份量都算多，加埋d汁，好食！值得叫！樂翠園小炒皇 ($98)我最鍾意嘅菜式！韭菜爽口，加埋蝦乾同炸脆左嘅魚仔，口感好豐富，韭菜亦都吸收左蝦乾嘅咸香，惹味！椒鹽鮮魷($98)鮮魷炸得啱啱好，令外皮脆，但裡面嘅肉質仲保持嫩口，炸漿黏得幾好，薄薄一層，令成個口感脆得黎又啖啖肉

以前響觀塘返工食過幾次晚餐，記憶入面好味兼抵食，今日帶同事黎食lunch, 味道竟然變得完全不一樣先送上例湯，第1盅唔係好熱，後尾叫左姐姐仔幫我地換過 ，先至有熱湯飲，跟住嗌左椒鹽鮮魷，蒜茸炒豆苗，三色蒸水蛋，京都豬排同埋沙嗲金菇肥牛煲....豆苗有渣，三色蒸水蛋硬堀堀，椒鹽鮮魷好咸😭😭明明諗住帶同事仔去食好西，點知食完個個擰哂頭😖😖係咪因為lunch時間，著重做客飯套餐，忽略左小菜嘅質素，所以水準下降呢？希望下次再黎嘅時候會有所改善啦..

今天和同事來到樂翠園吃午飯，這是一家比較平民化的中式小菜餐廳。每一天午飯時候通常也是滿座的，所以我們也要早一點來拿座。每人點了一種小菜，午餐套餐價格相宜，包小菜加白飯飲料，只需要$43蚊！還聽同事說，這裡晚市的海鮮挺不錯，推薦炸蠔餅！

平時係呢度打開邊爐，今次人少少就唔打邊爐，食小菜啦！有一個小菜必黑，就係椒鹽鴨甜，咪睇佢銀碼大，收你$108，佢好大碟，而且條條都好肥美，如多肉，條條都好入味，送啤酒係超級一流，無敵！另外點左清炒西蘭花，豉椒炒蜆。菜就無乜特別，味道較淡，不過叫得清炒，就係想清啲，因為其實菜味道都濃。豉椒炒蜆唔夠熱，味道正常。叫左一條荀殻魚，佢炸得唔油，好滑，零個鯹味，好食。叫左瀨尿蝦，好正，好鑊氣如夠味，雖然蝦無咩膏，但肉少少爽少少嫩，食落係新鮮！焦糖雞翼，我無係其他地方食過呢款雞翼，超級超級好食，面果層焦糖’un un’地，如有味，雞肉好嫩，呢的特別嘅地方係就算呢碟菜凍左，你都依然會覺得好好食，面層焦糖同熱辣辣時唔同口感囉，但依然好味

今日一大清早約咗人觀塘打波，之後就順便去咗附近嘅樂翠園海鮮菜館食午餐，不用等位，今日叫咗粟米班塊外脆內軟👍、菜甫肉崧炒蛋比較油、菜心炒牛肉味道唔錯，不過全部大件夾抵食，不用加一，三人每位43元，抵食。

 一個月前朋友介紹此店，覺得菜式很有小館港式滋味，於是今晚攜太太到此一試。此店耍家海鮮，但我們沒有炒蝦拆蟹，叫了三個小菜，計有沙薑雞煲，腐乳炒通菜和薑䓤魚腩煲。雖叫了兩個煲，但此店神速地五分鐘已備上兩道菜，反而通菜十分鐘後才備上。小館煮法一向味道夠濃，他們都充分做到，雞煲的雞肉太多斬件，而且非常多油，要將煲傾斜隔油來吃。魚腩煲份量很多，魚肉肉質嫩滑，油都頗多。總括來說，間中來一吃很爽，時常來的話，日日運動都滿身是油。

Everybody knows this restaurant if you are working in kwun tong. Dinner on wednesday that you can enjoy the wonderful atmosphere as people all there talks about horse racing. My friends and I order two main dishes - fried beef with roasted potato and seafood pot. I love first one the most , the beef is soft testure, juicy with strong pepper smell. What a happy gathering!

豐富又好食既一餐今晚約左朋友gathering, 因為大家都係九龍區返工，又想食小菜，就決定食呢一間。嚟到一坐低，職員就主動同我地介紹有咩好食。我地返左成日工，鬼咁肚餓，就叫左胡麻醬牛柳粒、鹽焗蝦、椒鹽鮮魷、蒜蓉粉絲扇貝、指天椒盞鬼通菜 同 沙薑雞煲胡麻醬牛柳粒冇得輸兩樣都好夾，牛柳唔韌，胡麻醬都唔會太過漏，必食鹽焗蝦啖啖肉，好入味椒鹽鮮魷外脆內軟，送酒一流扇貝分量好多，滿足我地既食量今餐食得好飽，又滿足