影片
港铁柴湾站 A 出口, 步行约8分钟
继续阅读
电话号码
25567981
营业时间
今日营业
08:00 - 16:30
星期一至六
08:00 - 16:30
星期日
全日休息
以上资料只供参考，请与餐厅确认详情
😍一間隱世茶餐廳💕屋苑經營好食！每日款式多選擇👍🏻推薦炸脾🍗外脆入面充滿肉汁茄汁唔酸，味道適中😋白汁有磨菇配搭🍄蔥油唔會太咸，又有香蔥味蒜蓉汁有粒粒蒜蓉，唔會淨你得個汁全部都有驚喜😍😍😍飲品方面，一間茶餐廳有冇水準可以睇茶底茶底剛剛好💯唔苦👍🏻👍🏻價錢亦親民，性格比高，屋苑內有咁高水準嘅茶餐廳真係少之有少👍🏻如果做埋下午茶時段就更加好💯期待會有豬扒包，西多士之類嘅下午茶選擇😝
继续阅读
先講壞處，這家茶餐廳水準咁高，竟只係開8AM-3PM，休星期日，但都可以理解，因位置關係，多數都係屋苑或附近工作熟客如我，唔係路過望下上去，都唔知呢間嘢存在。老闆都係簡約經營，唔會預備好多選擇比你，佢set 餐邏輯都係牛，豬，雞，每日再搭腸，餐，蛋，一款特別汁（卡邦尼/拿破崙）貴$2， 其餘普通汁就係黑椒或蒜蓉，有飯或意粉揀。你點轉都得，加錢而已（特別汁）。兩個例牌餐係蔥油及咖喱，咖喱係馬來亞式，即唔會好杰及好香，老闆keep 住一大煲就可以賣好多日，每日加啲牛腩落去就得，慳唔少工夫，同埋咖喱都可以配搭以上扒類，又係照計加錢就得，當然蔥油或咖喱最啱送飯。最後佢地叫小菜餐，期期唔同，有肉餅，話梅豬手，梅菜扣肉，薯仔雞等，都係送飯啱啲，我個人少食飯，都食過一兩次，都幾好嘅。另外早餐都係扒或餐腸腿蛋配搭，或三文治，麥片，我唔介意貴，都係食牛扒蛋出前一丁（$42＋ $5）, 因為食嘢嘅quota 更貴，佢個奶茶真係好得，不能不試，可惜多飲無益，我都係只能間中飲下。飲食業難請人，8AM 至 3PM 就可能會請到區內很多家庭主婦，如果唔駛頂貴租，反而唔做夜巿仲易做，你睇到座位，計下只係早餐＋午巿，都計到老闆真係出到份糧，唔會搵大錢，但咁正正就可以專心攪好啲食物質素，如果去開東區醫院附近朋友，食早餐或晏晝又冇乜選擇，呢間真係好過你在醫院入面食大家樂好多。
继续阅读
今日試叫左碟蟲草蒸雞飯，非常之好味道首先碟蒸雞食落好滑，又易入口，唔會好韌，同埋味道方面都唔錯，好好食！所以真係色香味俱全而成個飯既份量都好足夠，而餸都好足料，所以真係食到好飽肚除左蒸雞之外，佢地既扒類既飯都好大碟又好好食！下次一定會再黎幫襯除左野食方面，環境地方非常之乾淨，所以真係食得好舒服之如又可以享受到好味道既食物就算唔去開柴灣都會特登搭車去食個中午飯因為真係好好食，價錢方面又合理！！值得推薦
继续阅读
今次是第二次光顧這餐館，而太太就第一次，去屋苑探朋友時順便再幫襯，位置有點吊腳。這間樂翠茶餐廳店舖於今年裝修後再重開，店面比之前較大及較光亮，環境及餐具等乾淨整潔。以住宅區民居屋苑的茶餐廳來說，服務算可以。兩次分別也試過他們的所謂招牌菜，味道確有驚喜，尤其是瑞士雞翼，好過不少有檔次的餐館！而煎豬扒和炸雞髀也幾好，看得出不是求其煎炸，有做前期功夫。店面能隱約看到廚房運作，感覺較安心！收費合理，性價比強，整體平均分頗高。不過店主說暫時只收現金，如果有其他付款方式及外賣送貨就更好！
继续阅读