樂華大排檔

营业中

休息中

Lunch外賣咗欖角蒜香骨，生炒排骨，西檸雞；全部都係香口嘢，當中欖角蒜香骨最為出色。蒜香骨賣相平平（所以影相都只係啡啡黑黑咁）但係一入口香脆不油膩，連帶欖角亦非常香口，送飯一流，會忍不住一舊接一舊咁食。另外兩款餸亦屬水準之作，西檸雞既炸雞件，就算唔加西檸汁就咁食已經酥軟香滑，外面既炸皮厚薄適中，唔會乾柴柴。生炒骨就傳統大排檔味道。

好耐都無入到去牛頭角了，今日見完客就喺附近搵好嘢食，打開地圖發現附近有冬菇亭，望咗好幾間餐廳就揀咗呢間樂華，望落都好是正餐廳環境好似平時茶餐廳咁，但外觀都成個冬菇咁，入面都好乾淨，揀咗一輪就叫咗個乾炒豬扒意粉，一上檯就聞到好香，意粉上豉油好均勻，意思都爽口彈牙唔好煮到腍哂，而豬扒切好細細，半煎炸到香口惹味，入面仲有洋蔥芽菜香蔥，呢啲配菜先最正，另外佢杯凍檸檬茶都好正，茶底夠清香又夠茶味，一啲苦澀味都無

星期日一起身已經係12點幾1點😂 想食早餐但係又過晒鐘🥲 友人帶咗我過嚟呢度食早餐 因為呢度嘅早餐去到下晝五點都有得食 真係夠晒有彈性啊✌🏻沙嗲牛肉公仔麵呢度嘅沙嗲牛肉非常出色 沙嗲花生味濃郁 牛肉片肉質軟腍🐮 底下嘅公仔麵唔會煮得過腍 仲幾有咬口 呢一份早餐仲可以揀兩樣配料🍳 我就揀咗餐肉同埋太陽蛋 仲加咗一蚊要多士烘底🍞五香肉丁公仔麵友人就揀咗五香肉丁 五香肉丁份量雖然唔係好多 但係個味道都幾有驚喜😗 因為食五香肉丁就係鍾意佢有少少辛辣嘅感覺 呢一個五香肉丁就完全做到我嘅要求啦🐷 呢度嘅上湯都味道唔錯 配料方面呢份就嗌咗煙肉🥓 太陽蛋 牛油麵包 牛油麵包幾軟熟 呢度嘅牛油份量充足🧈飲品凍檸茶 夏日炎炎梗係想飲返杯凍檸茶透心涼一下 呢度嘅糖分唔係太多 篤埋檸檬就啱啱好🍋 熱奶茶 去茶餐廳最鍾意就係佢杯熱奶茶 呢度嘅茶底香濃 配搭埋淡奶就一流啦☕️呢個港式早餐真係夠晒正宗 好耐都冇食過咁地道嘅早餐啦🥰 食完仲去咗附近嘅打卡熱點 樂華南邨停車場 打卡添啊

冇睇清楚時間，未到下午茶時間走入去，但點咗個下午茶餐，姐姐話差少少時間冇所謂，就照寫。其實耐唔耐行完山落嚟食一次，啲姐姐次次態度都好好，環境又衛生乾淨，冇立黐黐，採光好，冷氣適中，啲人唔嘈，坐得舒服，整體感覺良好，大概老闆為員工營造咗個自在嘅工作環境。不免令人要為佢寫一下食評支持下。個魚香茄子炆米入味又夠熱，奶茶有茶味又夠滑、少冰都調得啱啱好，係飲得過。冬菇亭大牌檔嘅質素、價錢同人情味都保留到，可以一試。

舊式屋邨入面嘅冬菇亭餐廳買少見少🍄，今日咁啱喺樂華邨返工，見到呢度仲有幾個冬菇亭餐廳營業緊，就決定喺度食午餐啦！🍗台式三杯雞套餐套餐包左一杯熱飲同埋例湯🍲$48來講非常抵食！預咗唔會係正宗嘅台式三杯雞，呢度嘅做法比較似係豉汁咕嚕肉，值得稱讚嘅係雞肉嘅外皮炸得好脆，亦都好入味。整體而言有啲似韓式醬油炸雞🤣🤣如果唔係非常肚餓嘅話最好叫少飯，份量真係太多啦🫠🫠 港式奶茶嘅味道都幾香濃，但湯就很一般啦。

老公話想去感受下大排擋氣氛，所以帶我地去樂華村入面嘅小亭大排擋食好嘢~玩左成日就先嚟叫飲品先~點菜完之後，店員姨姨就為我地三口子送上例湯，是免費嘅...哈哈~先嚟椒鹽鮮魷，佢炸得好好食，炸漿唔會好厚身，仲脆卜卜，而且炸完啲魷魚唔會皮肉分離，加上魷魚又夠新鮮，唔會好韌~咕嚕肉同樣都好有獲氣，個皮炸得香脆肉質又腍，甜酸味濃郁，唔會有啲酸性搶口感覺，所以好惹味~但個海鮮什菜煲就差少少，上枱時感覺唔太熱，個味道唔太出~整體上係唔錯嘅，兩款小炒都好夠鑊氣，所以下次嚟我地都係集中食炒類...哈哈哈！

9點左右入座，叔叔好熱情咁叫我哋坐低掃「安心出行」同幫我哋掃針卡我哋3個人，叫咗兩個小菜套餐同一個餸嚟食姐姐好快趣，就攞咗兩大碗湯過嚟，應該係青紅蘿蔔豬骨湯入面真係有幾嚿細豬骨在內，真材實料，飲落清清哋，唔似有落味精到送飯必備嘅小炒王，腰果炒香咗脆香好食，魷魚彈牙，韮菜同紅椒都好味然後有呢道西芹腰果炒雞丁，肉粒大細適中，咬落唔韌，好味生菜扒鮑片，鮑汁好開胃，成味餸又清新又可以食到鮑片嘅咬口兩個餐，有兩碗白飯，係裝到滿 🍚咁嘅樣，三人食都足夠姐姐見我哋鍾意飲湯，仲走過嚟問，要唔要多碗。😗好味又抵食嘅大排檔，坐得舒服，充滿人情味，會多啲嚟食😃

因為近期大熱的打卡位，今日第一次來樂華邨，順道吃午餐。坐低見到餐牌，樣樣都想食，選擇困難症。姨姨態度親切，介紹我吃雞翼酸辣米線，佢話唔係好辣，我問佢可唔可以另上，佢話炸雞翼是另上，不用擔心。本來坐圓枱，但覺得冷氣有點凍，她見卡位客人走了，主動邀請我掉位。炸雞翼很脆很香口好吃，有點似兒時街邊擋的味道。她問我滿意食物嗎？我連忙點頭。今時今日好少用餐廳會關心我們是否喜歡他們的食物。她還告訴我，原本他們是大排檔，下次記得來吃點心早餐，可惜我們不是住附近呢！